ᓭᐣᐟ ᒫᐟᔪ 16
16
1 #
ᒫᐟᔪ 12:38; ᓬᐅᐠ 11:16 ᐃᐧᔭᐋᐧᐤ ᒫᑲ ᒥᓇ ᐸᕒᐊᓯᔭᐠ ᐁ ᐯ ᐃᐧᒉᐋᐧᒋᐠ ᐊᓂᐦᐃ ᓴᐟᔪᓯᔭ, ᑭ ᐯ ᐃᑐᐦᑌᐊᐧᐠ, ᒥᓇ ᐁ ᐯ ᑲᑫᐧᒋᐊᒋᐠ, ᐁ ᐸᑯᓭᔨᒫᒋᐠ ᑭᑕ ᐋᐧᐸᐦᑕᐦᐃᑯᒋᐠ ᑭᐢᑭᓇᐊᐧᒋᒋᑲᐣ ᑭᐦᒋ ᑭᓯᑯᕽ ᐅᐦᒋ. 2ᑭ ᓇᐢᑫᐧᐊᐧᓯᒣᐤ ᒫᑲ ᐅᒥᓯ ᐁ ᑭ ᐃᑖᐟ, ᐃᐢᐱ ᐁᐧᑖᑯᓯᑭ, ᑭᔭᐋᐧᐤ ᑭᐟ ᐃᑖᐧᓈᐋᐧᐤ, ᑭᑕ ᒥᔪ ᑭᓯᑳᐤ; ᒋᑫᒫ ᒥᑲᐧᐊᐧᐢᑲᐧᐣ. 3ᑭᔦᑭᓭᐸᔭᑭ ᒫᑲ ᐃᐧᔭ, ᑭᑕ ᒪᒋ ᑭᓯᑳᐤ ᐊᓄᐦᐨ ᑫ ᑭᓯᑳᐠ; ᒋᑫᒫ ᑭᓯᐠ ᒥᑲᐧᐤ, ᒥᓇ ᐊᐧᐢᑯᐊᐧᐣ. ᑭ ᑭᐢᑫᔨᑌᓈᐋᐧᐤ ᐁᐢᐱᑎᑫᐧᒪᑲᕽ ᑭᓯᐠ; ᓇᒪᐃᐧᔭ ᒫᑲ ᑭ ᑭᐢᑫᔨᑌᓈᐋᐧᐤ ᐊᓂᐦᐃ ᑭᐢᑭᓇᐊᐧᒋᒋᑲᓇ ᒣᑳᐧᐨ ᑳ ᐱᒥ ᐊᔮᑭ. 4#ᒫᐟᔪ 12:39; ᓬᐅᐠ 11:29ᐅᒪᒐᑎᓯᐃᐧ ᒥᓇ ᐱᓯᑲᐧᑎᓯᐃᐧ ᐊᔨᓯᔨᓂᐊᐧᐠ ᑳ ᓇᓇᑐᓇᑭᐠ ᑭᐢᑭᓇᐊᐧᒋᒋᑲᐣ; ᓇᒪᐃᐧᔭ ᒫᑲ ᑭᐢᑭᓇᐊᐧᒋᒋᑲᐣ ᑭᑕ ᐸᑭᑎᓇᒪᐊᐧᐊᐧᐠ, ᐱᑯ ᐊᓂᒪ ᐅ ᑭᐢᑭᓇᐊᐧᒋᒋᑲᐣ ᐅᑭᐢᑭᐁᐧᐦᐃᑫᐤ ᒎᓇ. ᐁᑯᓯ ᒫᑲ ᑭ ᓇᑲᑌᐤ, ᐁ ᐊᑎ ᓯᐯᐧᐦᑌᐟ.
5ᐃᐢᐱ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᑳ ᐯ ᑕᑯᓯᓂᔨᐟ ᑫᐧᐢᑭᑌ ᐃᑌᑫᑲᒼ, ᑭ ᐊᐧᓂᑭᐢᑭᓯᐊᐧᐠ ᑭᑕ ᑕᑯᓇᒋᐠ ᐸᑫᐧᓯᑲᓇ. 6#ᓬᐅᐠ 12:1ᐁᑯᐢᐱ ᒫᑲ ᒋᓴᐢ ᐅᒥᓯ ᑭ ᐃᑌᐤ, ᐊᔭᑲᐧᒥᓯᐠ ᒥᓇ ᑲᑯᐢᐸᓀᔨᑕᒧᐠ ᐊᓂᒪ ᐅᐟ ᐅᐦᐱᐦᒋᒋᑲᓂᐋᐧᐤ ᐊᓂᑭ ᐸᕒᐊᓯᔭᐠ ᒥᓇ ᐊᓂᑭ ᓴᐟᔪᓯᔭᐠ. 7ᐁᑯᓯ ᒫᑲ ᑭ ᑲᑫᐧᒋᑐᐊᐧᐠ, ᐅᒥᓯ ᐁ ᐃᑌᐧᒋᐠ, ᒋᑫᒫ ᐁᑳ ᐁ ᑭ ᐅᐦᒋ ᑕᐦᑯᓈᔭᕽ ᐸᑫᐧᓯᑲᐣ. 8ᐃᐢᐱ ᒋᓴᐢ ᑫᐢᑫᔨᑕᕽ, ᐅᒥᓯ ᑭ ᐃᑌᐤ, ᐅ ᑭᔭᐋᐧᐤ ᑳ ᐊᐱᓵᓯᐠ ᑭ ᑖᐯᐧᑕᒧᐃᐧᓂᐋᐧᐤ, ᑖᓀᑭ ᑳ ᑲᑫᐧᒋᑐᔦᐠ, ᒋᑫᒫ ᐁᑳ ᐁ ᐅᐦᒋ ᐯ ᑕᑯᓈᔦᐠ ᐸᑫᐧᓯᑲᐣ? 9#ᒫᐟᔪ 14:17-21ᓇᒣᐢᑲᐧ ᒋ ᑫᔮᐱᐨ ᑭ ᓂᓯᑐᐦᑌᓈᐋᐧᐤ, ᐊᐦᐳ ᓇᒪ ᒋ ᑫᔮᐱᐨ ᑭ ᑲᓄᑭᐢᑭᓯᓈᐋᐧᐤ ᐊᓂᑭ ᓂᔮᓇᐣ ᐸᑫᐧᓯᑲᓇᐠ ᐁᑯᓯ ᓂᔭᓇᓇᐧᐤ ᑭᐦᒋ ᒥᑖᑐᒥᑕᓇᐤ ᑳ ᐃᐦᑕᓯᒋᐠ, ᑕᓂ ᑕᐦᑐ ᒫᑲ ᐃᐧᑯᐱᐊᐧᑕ ᐁ ᓵᑲᐢᑭᓀᑭ ᑳ ᐅᑎᓇᒣᐠ? 10#ᒫᐟᔪ 15:34-38ᐊᐦᐳ ᒥᓇ ᐊᓂᑭ ᑌᐸᑯᑊ ᐸᑫᐧᓯᑲᓇᐠ ᐁ ᑭ ᒪᑎᓇᒪᒋᐠ ᐊᓂᑭ ᓀᐋᐧᐤ ᑭᐦᒋ ᒥᑖᑐᒥᑕᓇᐤ ᑳ ᐃᐦᑕᓯᒋᐠ, ᑕᓂ ᑕᐦᑐ ᒫᑲ ᐃᐧᑯᐱᐊᐧᑕ ᐁ ᓴᑲᐢᑭᓀᑭ ᑳ ᐅᑎᓇᒣᐠ? 11ᑖᓀᑭ ᐁᑳ ᑳ ᓂᓯᑐᐦᑕᒣᐠ, ᐁ ᐊᔭᒥᐃᑕᑯᐠ ᐁᑳ ᐸᑫᐧᓯᑲᐣ ᐁ ᐋᔨᒧᒪᐠ, ᒫᑲ ᐊᓂᒪ ᑭᑕ ᑲᑯᐢᐸᓀᔨᑕᒣᐠ ᐅᐱᐦᒋᒋᑲᓂᐋᐧᐤ ᐸᕒᐊᓯᔭᐠ ᒥᓇ ᓴᐟᔪᓯᔭᐠ? 12ᐁᑲᐧ ᒫᑲ ᑭ ᓂᓯᑐᐦᑕᐁᐧᐊᐧᐠ ᑖᓂᓯ ᐁ ᐃᓯ ᐃᐧᐦᑕᒪᑯᒋᐠ ᐁᑳ ᑭᑕ ᑲᑯᐢᐸᓀᔨᑕᐦᑭᐠ ᐊᓂᒪ ᐸᑫᐧᓯᑲᓂ ᐅᐦᐱᐦᒋᒋᑲᐣ, ᒫᑲ ᐊᓂᒪ ᐅ ᑭᐢᑭᓄᐦᐊᒫᑫᐃᐧᓂᐋᐧᐤ ᐸᕒᐊᓯᔭᐠ ᒥᓇ ᓴᐟᔪᓯᔭᐠ.
13ᐃᐢᐱ ᒫᑲ ᒋᓴᐢ ᑳ ᑕᑯᓯᕽ ᐊᓂᑌ ᓯᓭᕒᐃᐊ ᐱᓬᐃᐸᐩ, ᑭ ᑲᑫᐧᒋᒣᐤ ᐅ ᑭᐢᑭᓄᐦᐊᒪᐋᐧᑲᓇ, ᐅᒥᓯ ᐁ ᐃᑖᐟ, ᐊᐁᐧᓇ ᐊᔨᓯᔨᓂᐊᐧᐠ ᐁ ᐃᑌᐧᒋᐠ ᓂᔭ ᐃᔨᓂᐃᐧᑯᓯᓵᐣ ᐁ ᐋᐃᐧᔮᐣ? 14#ᒫᐟᔪ 14:1,2; ᒫᕒᐠ 6:14,15; ᓬᐅᐠ 9:7,8ᐅᒥᓯ ᒫᑲ ᑭ ᐃᑌᐧᐊᐧᐠ, ᐋᑎᐦᐟ ᒐᐣ ᐸᑊᑎᐢᐟ ᐃᑌᐧᐊᐧᐠ: ᐋᑎᐦᐟ, ᐃᓬᐊᔭᐢ; ᑯᑕᑲᐠ ᒫᑲ, ᒉᕒᐃᒪᔭᐢ, ᐊᐦᐳ ᓂᑯᑖᐧ ᐯᔭᐠ ᐅᑭᐢᑭᐁᐧᐦᐃᑫᐊᐧᐠ. 15ᐅᒥᓯ ᒫᑲ ᐃᑌᐤ, ᑖᓂᓯ ᒫᑲ ᑭᔭᐋᐧᐤ ᐁᑌᐧᔦᐠ ᐁ ᐋᐃᐧᔭᐣ? 16#ᒑᐣ 6:68,69ᓴᐃᒪᐣ ᐱᑕᕒ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑭᔭ ᐅᒪ ᙭ ᐅᑯᓯᓴ ᑳ ᐱᒫᑎᓯᐟ ᑭᓭᒪᓂᑐ. 17ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑭ ᓴᐁᐧᔨᑖᑯᓯᐣ ᐃᓴ ᑭᔭ, ᓴᐃᒪᐣ ᐸᕒᒍᓇ; ᒋᑫᒫ ᐃᐧᔭᐢ ᒥᓇ ᒥᐦᑯ ᓇᒪᐃᐧᔭ ᑭ ᑭ ᑭᐢᑫᔨᑕᒧᐃᑯᐣ, ᒫᑲ ᐱᑯ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔮᐟ. 18ᒥᓇ ᒫᑲ ᐅᒥᓯ ᑭᐟ ᐃᑎᐣ, ᑭᔭ ᐱᑕᕒ; ᐅᑕ ᒫᑲ ᐊᐊᐧ ᑭᐢᑖᐱᐢᑯᕽ ᓂ ᑲ ᐸᓯᑯᓀᐣ ᓂᐟ ᐃᓯᑕᐧᐃᐧᐣ; ᐊᓂᐦᐃ ᒫᑲ ᐦᐁᑎᐢ ᐃᐢᑲᐧᑌᒪ ᓇᒪᐃᐧᔭ ᑭᑕ ᓵᑯᑖᐧᒪᑲᓇᐧ. 19#ᒫᐟᔪ 18:18; ᒑᐣ 20:23ᐁᑯᓯ ᑭ ᑲ ᒥᔨᑎᐣ ᐊᐱᑕᑲᐃᑲᓇ ᐊᓂᑕ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ; ᐱᑯ ᒫᑲ ᑫᑲᐧᐩ ᑫ ᑕᑯᐱᑕᒪᐣ ᐅᑕ ᐊᐢᑭᕽ, ᑭᑕ ᑕᑯᐱᒋᑲᑌᐤ ᑭᐦᒋ ᑭᓯᑯᕽ; ᒥᓇ ᑫᑲᐧᐩ ᑫ ᐋᐸᐦᐊᒪᐣ ᐅᑕ ᐊᐢᑭᕽ, ᑭᑕ ᐋᐸᐃᑲᑌᐤ ᑭᐦᒋ ᑭᓯᑯᕽ. 20ᐁᑯᓯ ᒫᑲ ᑭ ᐊᔭᑳᐧᒥᒣᐤ ᐅ ᑭᐢᑭᓄᐦᐊᒪᐋᐧᑲᓇ, ᐁᑳ ᐊᐃᐧᔭ ᑭᑕ ᐃᐧᐦᑕᒪᐋᐧᔨᐟ ᐃᐧᔭ ᐁ ᐋᐃᐧᐟ ᒋᓴᐢ ᐊᓇ ᙭.
21ᐁᑯᐢᐱ ᒫᑲ ᐅᐦᒋ ᒋᓴᐢ ᑭ ᓯᐯᐧ ᐋᐧᐸᐦᑕᐁᐤ ᐅ ᑭᐢᑭᓄᐦᐊᒪᐋᐧᑲᓇ, ᑖᓂᓯ ᑭᑕ ᐃᓯ ᐃᑐᐦᑌᐟ ᒉᕒᐅᓴᓬᐊᒥᕽ, ᒥᓇ ᒥᓯᐁᐧ ᑭᑕ ᐃᓯ ᑲᑲᐧᑕᑭᐦᐃᑯᐟ ᑳ ᓂᑳᓀᔨᑖᑯᓯᔨᐟ ᒥᓇ ᐊᔭᒥᐦᐁᐃᐧᔨᓂᐊᐧ, ᒥᓇ ᒪᓯᓇᐦᐃᑫᐃᐧᔨᓂᐊᐧ, ᒥᓇ ᑭᑕ ᓂᐸᐃᑯᐟ, ᒥᓇ ᒫᑲ ᑭᑕ ᐊᐧᓂᐢᑳᓂᐟ ᑭ ᓂᐢᑐ ᑭᓯᑳᑭ. 22ᐁᑯᓯ ᒫᑲ ᐱᑕᕒ ᑭ ᐅᑎᓀᐤ, ᐁ ᐃᐧ ᑭᑕᐦᐊᒪᐋᐧᐟ, ᐅᒥᓯ ᐁ ᐃᑌᐧᐟ, ᐅᒪ ᐊᐧᔭᐤ ᑭᑕ ᐃᐧ ᐃᐦᑕᑲᐧᐣ, ᑌᐯᔨᐦᒋᑫᔭᐣ; ᓇᒪᐃᐧᔭ ᐁᑯᓯ ᑭ ᑲ ᐃᑎᐣ. 23ᒫᑲ ᑭ ᑫᐧᐢᑭᑲᐸᐃᐧᐤ, ᐅᒥᓯ ᐁ ᑭ ᐃᑖᐟ ᐱᑕᕒᐊ, ᐅᑕᑫᐢᑲᐃᐧᐣ ᑭᔭ ᓭᑕᐣ; ᑭ ᓇᔦᑕᐃᐧᐢᑲᐃᐧᐣ; ᒋᑫᒫ ᓇᒪᐃᐧᔭ ᑭ ᑭ ᐱᓯᐢᑫᔨᑌᐣ ᐊᓂᐦᐃ ᑭᓭᒪᓂᑐ ᑳ ᐅᐟ ᐊᔮᓂᐟ, ᒫᑲ ᐱᑯ ᐊᓂᐦᐃ ᐊᔨᓯᔨᓂᐊᐧᐠ ᑳ ᐅᐟ ᐊᔮᓂᒋᐠ.
24 #
ᒫᐟᔪ 10:38; ᓬᐅᐠ 14:27 ᐁᑯᓯ ᒋᓴᐢ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᐧ ᐱᒥᑎᓴᐅᑫᐧ, ᑭᔮᒼ ᑭᑕ ᐊᓀᐧᑖᓱ, ᒥᓇ ᑭᑕ ᐅᑎᓇᒼ ᐅ ᐱᒥᑕᐢᑲᐧᐃᐦᑲᐣ, ᐁᑯᓯ ᒫᑲ ᓂ ᑲ ᐱᒥᑎᓴᐦᐅᐠ. 25#ᒫᐟᔪ 10:39; ᓬᐅᐠ 17:33; ᒑᐣ 12:25ᒋᑫᒫ ᑭᐢᐱᐣ ᐊᐃᐧᔭᐠ ᐊᐧ ᐱᒪᒋᑕᑫᐧ ᐅ ᐱᒫᑎᓯᐃᐧᐣ ᑭᑕ ᐊᐧᓂᑕᐤ; ᐊᐃᐧᔭᐠ ᒫᑲ ᑫ ᐊᐧᓂᑕᑫᐧ ᐅ ᐱᒫᑎᓯᐃᐧᐣ ᓂᔭ ᐅᐦᒋ ᑭᑕ ᒥᐢᑲᒼ. 26ᒋᑫᒫ ᑖᓂᓯ ᐊᔨᓯᔨᓂᐤ ᑫ ᐃᑕᐸᒋᐦᐃᑯᐟ, ᑭᐢᐱᐣ ᑲᐢᑭᑕᐟ ᒥᓯᐁᐧ ᐊᐢᑭ, ᐁᑯᓯ ᐊᐧᓂᐊᒋ ᐅᐟ ᐊᐦᒑᐦᑲᐧ? ᐊᐦᐳ ᑫᑲᐧᐩ ᑫ ᒥᐢᑯᑐᓂᑲᑫᐟ ᐊᔨᓯᔨᓂᐤ ᐅᐟ ᐊᐦᒑᐦᑲᐧ ᐅᐦᒋ? 27#ᒫᐟᔪ 25:31; ᓂᑲᒧᓇ 62:12; ᕒᐅᒪᓇ 2:6ᒋᑫᒫ ᐃᔨᓂᐃᐧᑯᓯᓵᐣ ᑭᑕ ᐯ ᑕᑯᓯᐣ ᐅ ᒪᒪᐦᑖᑯᓯᐃᐧᓂᔨᕽ ᐅᑖᐃᐧᔭ, ᐁ ᐯ ᐃᐧᒉᐊᐧᐟ ᐅᑭᓯᑯᒪ; ᐁᑯᓯ ᒫᑲ ᑭᑕ ᑎᐸᐊᒪᐁᐧᐤ ᑲᐦᑭᔭᐤ ᐊᔨᓯᔨᓂᐊᐧ ᒣᐧᐦᒋ ᑳ ᑭ ᐃᓯ ᐊᔨᑕᑐᐢᑫᔨᐟ. 28ᑖᐯᐧ ᑭᐟ ᐃᑎᓈᐋᐧᐤ, ᐋᑎᐦᐟ ᐅᑕ ᓂᐸᐃᐧᐊᐧᐠ, ᐊᓂᑭ ᐁᑳ ᑫ ᑯᒋᐢᑕᐦᑭᐠ ᓂᐳᐃᐧᐣ, ᐁᔨᑯᕽ ᑭᑕ ᐋᐧᐸᒫᒋᐠ ᐃᔨᓂᐃᐧᑯᓯᓵᓇ ᐁ ᐯ ᐃᑐᐦᑌᔨᐟ ᐅᐟ ᐅᑌᓇᐃᐧᐃᐧᓂᔨᕽ.
Iliyochaguliwa sasa
ᓭᐣᐟ ᒫᐟᔪ 16: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
