ᓭᐣᐟ ᒫᐟᔪ 15

1ᐁᑯᓯ ᒫᑲ ᒪᓯᓇᐦᐃᑫᐃᐧᔨᓂᐊᐧᐠ ᒥᓇ ᐸᕒᐊᓯᔭᐠ ᒉᕒᐅᓴᓬᐊᒥᕽ ᑳ ᐊᔮᒋᐠ ᑭ ᐯ ᓈᑌᐊᐧᐠ ᒋᓴᓴ, ᐅᒥᓯ ᐁ ᐃᑌᐧᒋᐠ. 2ᑖᓀᑭ ᑭ ᑭᐢᑭᓄᐦᐊᒪᐋᐧᑲᓇᐠ ᑳ ᐊᐧᓂᒥᑎᒣᒋᐠ ᐅᐟ ᐃᑕᓱᐁᐧᐃᐧᓂᔨᐊᐧ ᑳ ᓂᑳᓀᔨᑖᑯᓯᔨᐟ? ᒋᑫᒫ ᓇᒪᐃᐧᔭ ᑲᓯᒋᒉᐊᐧᐠ ᐃᐢᐱ ᒥᔪᐋᐧᑖᐧᐃᐧ ᐸᑫᐧᓯᑲᓇ. 3ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᓀᑭ ᒫᑲ ᑭᐢᑕᐋᐧᐤ ᑳ ᐊᐧᓂᒥᑎᒣᔦᐠ ᐅ ᑲᑫᐢᑭᒥᐁᐧᐃᐧᓇ ᑭᓭᒪᓂᑐ ᑭᐟ ᐃᑕᓱᐁᐧᐃᐧᓂᐋᐧᐤ ᐅᐦᒋ? 4#ᐁᐠᓴᑕᐢ 20:12; ᑎᔪᑕᕒᐊᓇᒥ 5:16; ᐁᐠᓴᑕᐢ 21:17; ᓬᐃᐱᑎᑲᐢ 20:9ᒋᑫᒫ ᑭᓭᒪᓂᑐ ᑭ ᐃᑕᓱᐁᐧᐤ, ᐅᒥᓯ ᐁ ᐃᑌᐧᐟ ᑭᐢᑌᔨᒼ ᑯᑕᐃᐧ, ᒥᓇ ᑭᑲᐃᐧ, ᐊᓇ ᒫᑲ ᑫ ᒪᒋ ᐃᑕᑫᐧ ᐅᑖᐃᐧᔭ ᒥᓇ ᐅᑳᐃᐧᔭ, ᑭᔮᒼ ᑭᑕ ᓂᐱᐤ ᑳ ᐃᑕᐢᑌᔨᐠ ᑭᑕ ᐃᓯ ᓂᐱᐟ. 5ᒫᑲ ᑭᔭᐋᐧᐤ ᑭᐟ ᐃᑖᐧᓈᐋᐧᐤ, ᑭᐢᐱᐣ ᐊᐃᐧᔭᐠ ᐅᒥᓯ ᑫ ᐃᑕᑫᐧ ᐅᑖᐃᐧᔭ ᒥᓇ ᐅᑳᐃᐧᔭ, ᐊᓂᒪ, ᑭᑕ ᑭ ᐃᓯ ᑭᐢᑕᐸᒋᐃᑲᐃᐧᔭᐣ ᓂᔭ ᐅᐦᒋ ᑭᓭᒪᓂᑐᐤ ᓴᓴᐩ ᒥᔮᐤ; 6ᒥᓇ ᐁᑳ ᑭᐢᑌᔨᒫᒋ ᐅᑖᐃᐧᔭ ᐊᐦᐳ ᐅᑳᐃᐧᔭ, ᑭᑕ ᐊᐸᐋᐧᐤ. ᐁᑯᓯ ᐅᒪ ᑳ ᐃᓯᑖᔦᐠ ᐅᐟ ᐃᑕᓱᐁᐧᐃᐧᐣ ᑭᓭᒪᓂᑐ ᐁᑳ ᑭᑕ ᓂᓯᑕᐊᐧᑳᑌᔨᑕᑲᐧᓂᔨᐠ ᑭᐟ ᐃᑕᓱᐁᐧᐃᐧᓂᐋᐧᐤ ᐅᐦᒋ. 7ᑭᔭᐋᐧᐤ ᐅᑕᔭᒥᐁᑲᓱᐢᑲᐠ! ᑖᐯᐧ ᑲᐧᔭᐢᐠ ᑭ ᑭ ᐃᓯ ᐊᒋᒥᑯᐋᐧᐤ ᐊᐩᓵᔭ, ᐅᒥᓯ ᐁ ᐃᑌᐧᐟ.

8 # ᐊᐩᓵᔭ 29:13 ᐅᑯ ᐊᔨᓯᔨᓂᐊᐧ ᐅᑐᓂᐊᐧᕽ ᓄᐦᒋ ᐯ ᓇᑎᑲᐧᐠ, ᒥᓇ ᐅᐟ ᐊᔭᒥᐃᐧᓂᐊᐧᕽ ᓂ ᑭᐢᑌᔨᒥᑲᐧᐠ; ᒫᑲ ᐃᐧᔭ ᐅ ᑌᐦᐃᐋᐧᐊᐧ ᓂ ᔭᐊᐧᐸᒥᑯᐊᐧᐣ.

9ᒫᑲ ᐱᑲᐧᓂᑕ ᓂᐟ ᐊᔭᒥᐦᐁᐢᑕᑲᐧᐠ, ᑲᑫᐢᑭᒥᐁᐧᐃᐧᓇ ᐊᔨᓯᔨᓂᐃᐧ ᑲᑫᐢᑭᒥᐁᐧᐃᐧᐣ ᐁ ᐃᓯ ᑭᐢᑭᓄᐦᐊᒫᑫᒋᐠ.

10ᐁᑯᓯ ᒫᑲ ᑭ ᓇᑐᒣᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐅᒥᓯ ᒫᑲ ᐁ ᑭ ᐃᑖᐟ, ᓇᑐᐦᑕᒧᐠ, ᒥᓇ ᓂᓯᑐᐦᑕᒧᐠ; 11ᓇᒪᐃᐧᔭ ᐊᓂᒪ ᑳ ᐱᐦᑐᑫᐸᔨᐠ ᒥᑐᓂᕽ ᓂᓯᐊᐧᓈᒋᐃᐠ ᐊᔨᓯᔨᓂᐤ; ᒫᑲ ᐊᓂᒪ ᑳ ᐯ ᐅᐦᒋ ᐊᐧᔭᐃᐧᒪᑲᕽ ᒥᑐᓂᕽ, ᐁᐊᐧᑯ ᐅᒪ ᑳ ᓂᓯᐊᐧᓈᒋᐦᐃᑯᐟ ᐊᔨᓯᔨᓂᐤ. 12ᐁᑯᓯ ᒫᑲ ᑭ ᐯ ᐃᑐᐦᑌᔨᐊᐧ ᐅ ᑭᐢᑭᓄᐦᐊᒪᐋᐧᑲᓇ, ᐅᒥᓯ ᒫᑲ ᐁ ᐃᑎᑯᐟ, ᓇᒪ ᒋ ᑭ ᑭᐢᑫᔨᑌᐣ ᐁ ᑭ ᓇᔦᑕᐁᐧᔨᑕᐦᑭᐠ ᐸᕒᐊᓯᔭᐠ, ᐃᐢᐱ ᐁ ᑭ ᐯᐦᑕᐦᑭᐠ ᐅᒪ ᐃᑌᐧᐃᐧᐣ? 13ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑌᐧᐟ, ᑳ ᑕᐦᑎᕽ ᑭᐢᑎᑲᒋᑲᐣ ᐊᓂᒪ ᐁᑳ ᑳ ᑭ ᐅᐦᒋ ᑭᐢᑎᑲᑕᕽ ᓄᑖᐃᐧ ᑳ ᐊᔭᐟ ᑭᐦᒋ ᑭᓯᑯᕽ, ᑭᑕ ᒪᓂᐱᒋᑳᑌᔨᐤ. 14#ᓬᐅᐠ 6:39ᐁᑳ ᑐᑖᑯᐠ; ᐃᐧᔭᐋᐧᐤ ᐁᑳ ᐁ ᐋᐧᐱᒋᐠ ᑭᐢᑭᓄᑕᐁᐊᐧᐠ ᐊᓂᐦᐃ ᐁᑳ ᑳ ᐋᐧᐱᔨᐟ. ᑭᐢᐱᐣ ᒫᑲ ᐁᑳ ᑳ ᐋᐧᐱᐟ ᑭᐢᑭᐧᓄᑕᐋᒋ ᐊᓂᐦᐃ ᐁᑳ ᑳ ᐋᐧᐱᔨᐟ, ᑖᐱᐢᑯᐨ ᑭᑕ ᐸᐦᑭᓯᓇᐧᐠ ᐋᐧᑎᑳᓂᕽ. 15ᐁᑯᓯ ᒫᑲ ᐱᑕᕒ ᑭ ᓇᐢᑫᐧᐊᐧᓯᒣᐤ, ᐅᒥᓯ ᒫᑲ ᐁ ᐃᑖᐟ, ᐃᐧᐦᑕᒪᐃᐧᓈᐣ ᐅᒪ ᐊᐢᐸᐋᑫᒧᐃᐧᐣ. 16ᐁᑯᓯ ᒫᑲ ᒋᓴᐢ ᐅᒥᓯ ᑭ ᐃᑌᐤ, ᑭᔭᐋᐧᐤ ᒋ ᒥᓇ ᑫᔮᐱᐨ ᓇᒣᐢᑲᐧ ᑭ ᓂᓯᑐᐦᑌᓈᐋᐧᐤ? 17ᓇᒣᐢᑲᐧ ᒋ ᑭ ᓂᓯᑐᐦᑌᓈᐋᐧᐤ, ᐊᓂᒪ ᑫᑲᐧᐩ ᐁ ᐱᐦᑐᑫᒪᑲᕽ ᒥᑐᓂᕽ ᐁ ᐃᐢᐸᔨᐠ ᒪᑖᕽ, ᐁᑯᓯ ᐁ ᐊᑎ ᐊᐧᔭᐃᐧᔭᐸᐁᐧᐠ? 18#ᒫᐟᔪ 12:34ᒫᑲ ᐃᐧᔭ ᐊᓂᐦᐃ ᒥᑐᓂᕽ ᑳ ᐅᐦᒋ ᐊᐧᔭᐃᐧᐸᔨᑭ ᒥᑌᐃᕽ ᐅᐦᒋᐸᔨᐊᐧ; ᐁᑯᓯ ᒫᑲ ᓂᓯᐊᐧᓈᒋᐃᐠ ᐊᔨᓯᔨᓂᐤ. 19ᒋᑫᒫ ᒥᑌᐃᕽ ᐅᐦᒋᐸᔨᐊᐧ ᒪᒋ ᒪᒥᑐᓀᔨᒋᑲᓇ, ᓂᐸᑕᑫᐃᐧᓇ, ᐱᓯᑲᐧᑎᓯᐃᐧᓇ, ᒪᒧᐃᐧᐦᐃᑐᐃᐧᓇ, ᑭᒧᑎᐢᑭᐃᐧᓇ, ᑭᔭᐢᑭᐢᑭᐃᐧᐣ, ᐸᐢᑕᒧᐃᐧᓇ: 20ᐁᐅᑯᓂ ᐅᐦᐃ ᑳ ᓂᓯᐊᐧᓈᒋᐦᐃᑯᐟ ᐊᔨᓯᔨᓂᐤ; ᒫᑲ ᐃᐧᔭ ᑭᑕ ᒥᒋᓱᕽ ᐁᑳ ᐁ ᐅᐦᒋ ᑲᓯᒋᐦᒉᕽ ᓇᒪᐃᐧᔭ ᓂᓯᐊᐧᓈᒋᐃᐠ ᐊᔨᓯᔨᓂᐤ.

21ᐁᑯᐢᐱ ᒫᑲ ᒋᓴᐢ ᑭ ᓯᐯᐧᑌᐤ, ᐁ ᑭ ᐃᑐᐦᑌᐟ ᒫᑲ ᐊᓂᑌ ᑕᐃᕒ ᒥᓇ ᓴᐃᑕᐣ. 22ᒋᐢᐟ ᒫᑲ, ᑫᓇᐣ ᐃᐢᑫᐧᐤ ᑭ ᐯ ᐅᐦᒋ ᐊᐧᔭᐃᐧᐤ ᐁᐊᐧᑯ ᐊᐢᑭᐠ, ᐁᑯᓯ ᐁ ᑭ ᑌᐸᐧᑎᑯᐟ, ᐅᒥᓯ ᐁ ᐃᑌᐧᔨᐟ, ᑭᑎᒫᑭᓇᐃᐧᐣ, ᐅ ᑌᐯᔨᐦᒋᑫᔭᐣ, ᑭᔭ ᐅᑯᓯᓴ ᑌᐱᐟ; ᓂ ᑕᓂᐢ ᓈᐢᐱᐨ ᐊᐧᐃᐧᓴᑭᐢᑲᐠ ᒪᒋ ᐊᐦᒑᐦᑲᐧ. 23ᒫᑲ ᓇᒪᐊᐧᐨ ᐯᔭᑯᑐᐣ ᑭ ᓇᐢᑫᐧᐊᐧᓯᒣᐤ. ᐁᑯᓯ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᑭ ᐯ ᐃᑐᐦᑌᔨᐊᐧ ᐁ ᐯ ᐸᑯᓭᔨᒥᑯᐟ, ᐁ ᐃᑌᐧᔨᐟ, ᓯᐯᐧᑎᓴᐤ; ᒋᑫᒫ ᑭ ᓄᓴᐃᐧ ᑌᐸᐧᑎᑯᓇᐤ. 24ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑌᐧᐟ, ᓇᒪᐃᐧᔭ ᓂ ᐯ ᐃᓯᑎᓴᐦᐅᑲᐃᐧᐣ ᐱᑯ ᑭᑕ ᓈᑕᑭᐠ ᐊᓂᑭ ᑳ ᐊᐧᓂᐦᐅᒋᐠ ᒫᔭᑎᐦᑲᐧᐠ ᐅ ᐊᐧᐢᑲᐦᐃᑲᓂᕽ ᐃᐢᕒᐁᐃᓬ. 25ᐁᑯᓯ ᒫᑲ ᑭ ᐯ ᐃᑐᐦᑌᐤ ᐁ ᑭ ᐯ ᐅᒋᐦᒋᐦᑲᐧᓇᐱᐢᑕᐋᐧᐟ, ᐅᒥᓯ ᐁ ᐃᑌᐧᐟ, ᑌᐯᔨᐦᒋᑫᔭᐣ, ᓂᓱᑲᒪᐃᐧᐣ! 26ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᒥᐋᐧᓯᐣ ᑭᑕ ᒪᐢᑲᒥᐦᒋᐠ ᐊᐊᐧᓯᓴᐠ ᐅ ᐸᑫᐧᓯᑲᓂᒥᐊᐧᐊᐧ, ᐁᑯᓯ ᒫᑲ ᑭᑕ ᐁᐧᐱᓇᒫᒋᐠ ᐊᑎᒪᐧᐠ. 27ᐅᒥᓯ ᒫᑲ ᑭ ᐃᑌᐧᐤ, ᑖᐯᐧ, ᑌᐯᔨᐦᒋᑫᔭᐣ: ᒫᑲ ᐁᔨᐁᐧᕽ ᐊᑎᒪᐧᐠ ᒥᒋᐊᐧᐠ ᐱᐊᐧᒋᑲᓇ ᐅᐟ ᐅᑭᒪᒥᐊᐧᐊᐧ ᐅ ᒥᒋᓱᐃᐧᓇᑎᑯᔨᕽ ᑳ ᐅᐦᒋ ᐸᑭᑎᓂᔨᑭ. 28ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐅ ᐃᐢᑫᐧᐤ, ᑭᐦᒐᔨᐊᐧᐣ ᑭ ᑖᐯᐧᑕᒧᐃᐧᐣ; ᑭ ᑐᑕᒪᑲᐃᐧᐣ ᑳ ᐃᓯ ᓇᑕᐁᐧᔨᑕᒪᐣ. ᐅᑖᓂᓴ ᒫᑲ ᑭ ᐃᔨᓂᑲᐃᒪᐊᐧ ᐁᐊᐧᑯ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ.

29ᒋᓴᐢ ᒫᑲ ᐁᑯᑕ ᑭ ᐅᐦᒋ ᓯᐯᐧᑌᐤ, ᐁ ᑭ ᐯ ᑕᑯᓯᕽ ᒫᑲ ᐊᓂᑕ ᒋᑭ ᑲᓬᐊᓬᐃ ᓵᑲᐦᐃᑲᓂᕽ; ᐁ ᑭ ᐊᒪᒋᐁᐧᐟ ᒫᑲ ᐊᐧᒋᔨᐤ, ᐁᑯᑕ ᐁ ᑭ ᓇᐦᐊᐱᐟ. 30ᑭᐦᒋ ᒥᐦᒉᐟ ᒫᑲ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ, ᐁ ᐯ ᐃᐧᒉᐋᐧᒋᐠ ᐊᓂᐦᐃ ᑳ ᒫᐢᑭᑲᑌᔨᐟ, ᒥᓇ ᐁᑳ ᑳ ᐋᐧᐱᔨᐟ, ᒥᓇ ᐁᑳ ᑳ ᓂᐦᑖᐁᐧᔨᐟ, ᒥᓇ ᑳ ᑭᐢᑭᑲᑌᔨᐟ, ᒥᓇ ᒥᐦᒉᐟ ᑯᑕᑲ, ᐁ ᑭ ᐸᑭᑎᓈᒋᐠ ᒫᑲ ᒋᓴᓴ ᐅ ᓯᑎᔨᕽ; ᐁᑯᓯ ᒫᑲ ᑭ ᐃᔨᓂᑲᐦᐁᐤ: 31ᐁᑯᓯ ᒫᑲ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭ ᒫᒪᐢᑳᑕᒪᐧᐠ, ᐃᐢᐱ ᐃᐧᔭᐸᒫᒋᐠ ᐊᓂᐦᐃ ᐁᑳ ᑳ ᓂᑕᐁᐧᔨᐟ ᐁ ᐊᔭᒥᔨᐟ, ᒥᓇ ᑳ ᑭᐢᑭᑲᑌᔨᐟ ᐁ ᑭ ᐃᔨᓂᑲᐃᒥᐟ, ᒥᓇ ᐅ ᒪᐢᑭᑲᑕ ᐁ ᐱᒧᐦᑌᔨᐟ, ᒥᓇ ᐁᑳ ᑳ ᑭ ᐋᐧᐱᔨᐟ ᐁ ᐊᐧᐱᔨᐟ; ᐁᑯᓯ ᒫᑲ ᑭ ᒪᒥᒋᒣᐊᐧᐠ ᐅ ᑭᓭᒪᓂᑐᒪ ᐃᐢᕒᐁᐃᓬ.

32ᒋᓴᐢ ᒫᑲ ᑭ ᓇᑐᒣᐤ ᐅ ᑭᐢᑭᓄᐦᐊᒪᐋᐧᑲᓇ, ᐅᒥᓯ ᒫᑲ ᐁ ᑭ ᐃᑖᐟ, ᓂ ᑭᑎᒫᑭᓇᐋᐧᐊᐧᐠ ᐃᓴ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ, ᒋᑫᒫ ᐊᓄᐦᐨ ᐁᐅᑯᒪ ᓂᐢᑐ ᑭᓯᑳᐊᐧ ᐁ ᐃᐧᒉᐃᐧᒋᐠ, ᐁᑳ ᒫᑲ ᑫᑲᐧᐩ ᐁ ᐊᔮᒋᐠ ᑭᑕ ᒥᒋᒋᐠ; ᓇᒪᐃᐧᔭ ᒫᑲ ᓂ ᑲ ᓯᐯᐧᑎᓴᐋᐧᐊᐧᐠ ᐁᑳ ᐁ ᒥᒋᓱᒋᐠ, ᒪᐢᑰᐨ ᐃᐧᔭ ᑭᑕ ᓄᐦᑌᓯᓇᐧᐠ ᒣᐢᑲᓈᕽ. 33ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᐅᒥᓯ ᐃᑎᐠ, ᑕᓂᑌ ᒥᐢᑕᐦᐃ ᑫ ᑭ ᐅᐦᒋ ᐊᔭᐊᐧᕽ ᐸᑫᐧᓯᑲᐣ ᐅᑕ ᐱᑲᐧᑕᐢᑲᒥᑲᕽ, ᑭᑕ ᐅᐦᒋ ᑭᐢᐳᐃᒋᐠ ᐅᑯ ᑳ ᐃᓯ ᒥᐦᒉᑎᒋᐠ? 34ᒋᓴᐢ ᒫᑲ ᐅᒥᓯ ᐃᑌᐤ, ᑖᓂᑕᐦᑐ ᐸᑫᐧᓯᑲᓇᐠ ᐁᔮᐋᐧᔦᑯᐠ? ᐅᒥᓯ ᒫᑲ ᑭ ᐃᑌᐊᐧᐠ, ᑌᐸᑯᑊ, ᒥᓇ ᒐᑲᐋᐧᓯᐢ ᑭᓄᓭᓯᓴᐠ. 35ᐁᑯᓯ ᒫᑲ ᑭ ᐃᐧᐦᑕᒪᐁᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭᑕ ᓇᐦᐊᐱᔨᐟ ᒧᐢᑕᐢᑲᒥᐠ. 36ᐁᑯᓯ ᒫᑲ ᑭ ᐅᑎᓀᐤ ᑌᐸᑯᑊ ᐸᑫᐧᓯᑲᓇ ᒥᓇ ᑭᓄᓭᐊᐧ ᐁ ᑭ ᓇᓇᐢᑯᒧᐟ ᒫᑲ, ᒥᓇ ᐁ ᑭ ᐸᑫᐧᓈᐟ, ᐁ ᑭ ᒥᔮᐟ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᒥᓇ ᑭᐢᑭᓄᐦᐊᒪᐋᐧᑲᓇᐠ ᐊᓂᐦᐃ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 37ᐁᑯᓯ ᒫᑲ ᑲᐦᑭᔭᐤ ᑭ ᒥᒋᓱᐊᐧᐠ, ᒥᓇ ᑭ ᑭᐢᐳᐊᐧᐠ; ᐁᑯᓯ ᒫᑲ ᑭ ᒧᓴᑭᓇᒪᐧᐠ ᐊᓂᐦᐃ ᐃᐢᑲᐧᒋᑲᓇ ᑳ ᐃᐢᑯᐸᔨᔨᑭ ᑌᐸᑯᑊ ᐃᐧᑯᐱᐊᐧᑕ ᐁ ᓴᑲᐢᑭᓀᑭ. 38ᐊᓂᑭ ᒫᑲ ᑳ ᑭ ᒥᒋᓱᒋᐠ ᓀᐋᐧᐤ ᑭᐦᒋ ᒥᑖᑐᒥᑕᓇᐤ ᑭ ᐃᑕᓯᐊᐧᐠ, ᓈᐯᐊᐧᐠ, ᐊᓯᒋ ᐃᐢᑫᐧᐊᐧᐠ ᒥᓇ ᐊᐊᐧᓯᓴᐠ. 39ᐁᑯᓯ ᒫᑲ ᑭ ᓯᐯᐧᑎᓴᐁᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁ ᑭ ᐳᓯᐟ ᒫᑲ, ᐁ ᑭ ᐯ ᑕᑯᓯᕽ ᐊᓂᑌ ᒫᑲᑕᐣ ᐊᐢᑭᕽ.

Iliyochaguliwa sasa

ᓭᐣᐟ ᒫᐟᔪ 15: KKMs

Kuonyesha

Shirikisha

Nakili