ᓭᐣᐟ ᒫᐟᔪ 11

1ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᒋᓴᐢ ᑳ ᐳᓂ ᑲᑫᐢᑭᒫᐟ ᒥᑖᑕᐦᐟ ᓂᓱᓵᑊ ᑳ ᐃᐦᑕᓯᔨᐟ ᐅ ᑭᐢᑭᓄᐦᐊᒪᐋᐧᑲᓇ, ᑭ ᓯᐯᐧᑌᐤ, ᐁ ᑭ ᑭᐢᑭᓄᐦᐊᒫᑫᐟ ᒥᓇ ᐁ ᑭ ᑲᑫᐢᑭᒥᐁᐧᐟ ᐅᐟ ᐅᑌᓇᐃᐧᐃᐧᓂᔨᕽ.

2ᐃᐢᐱ ᒫᑲ ᒐᐣ ᑳ ᐯᑕᕽ ᐊᓂᑕ ᑭᐸᐦᐅᑐᐃᐧᑲᒥᑯᕽ ᐅᐟ ᐊᑐᐢᑫᐃᐧᓂᔨᐊᐧ ᙭, ᑭ ᐃᓯᑎᓴᐁᐧᐤ ᓂᓱ ᐅ ᑭᐢᑭᓄᐦᐊᒪᐋᐧᑲᓇ. 3ᐅᒥᓯ ᒫᑲ ᐁ ᐃᑕᐟ ᑭᔭ ᒋ ᑳ ᐃᐧ ᐯ ᑕᑯᓯᕽ, ᐊᐦᐳ ᒋ ᑯᑕᐠ ᑫᔮᐱᐨ ᓂ ᑲ ᐊᓴᐋᐧᐸᒪᓈᐣ? 4ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓂᔮᐠ, ᓇᑕᐃᐧ ᐊᐧᐸᑎᔨᕽ ᒐᐣ ᐊᓂᐦᐃ ᑳ ᐯᐦᑕᒣᐠ ᒥᓇ ᑳ ᐋᐧᐸᐦᑕᒣᐠ: 5#ᐊᐩᓵᔭ 35:5,6; ᐊᐩᓵᔭ 61:1ᐁᑳ ᑳ ᐋᐧᐱᒋᐠ ᐅᑎᓇᒪᐧᐠ ᐅ ᐊᐧᐱᐃᐧᓂᐋᐧᐤ, ᒥᓇ ᑳ ᒪᐢᑭᑳᑌᒋᐠ ᐱᒧᐦᑌᐊᐧᐠ, ᒥᓇ ᐊᓂᑭ ᑳ ᒪᒑᐢᐱᓀᒋᐠ ᐯᑭᐊᐊᐧᐠ, ᒥᓇ ᐁᑳ ᑳ ᐯᐦᑕᐦᑭᐠ ᓇᓇᐃᑕᒪᐧᐠ, ᒥᓇ ᑳ ᓂᐱᒋᐠ ᐊᐧᓂᐢᑳᓇᐊᐧᐠ, ᒥᓇ ᑳ ᑭᑎᒪᑭᓯᒋᐠ ᑲᑫᐢᑭᒪᐊᐧᐠ ᒥᐋᐧᒋᒧᐃᐧᐣ. 6ᓴᐁᐧᔨᑖᑯᓯᐤ ᐃᓴ ᐊᓇ ᐁᑳ ᑫ ᓇᔦᐦᑖᐁᐧᔨᒥᑫᐧ.

7ᐁᑯᓯ ᒫᑲ ᐁ ᐊᑎ ᓯᐯᐧᑌᒋᐠ, ᒋᓴᐢ ᐅᒥᓯ ᐃᑌᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐁ ᑭ ᐅᐦᒋ ᐊᔨᑕᐟ ᒑᓇ, ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᐱᑲᐧᑕᐢᑲᒥᑲᕽ ᑭᑕ ᐋᐧᐸᐦᑕᒣᐠ? ᐊᓂᐢᑲᐊᐧᐢᐠ ᒋ ᐁ ᓇᓇᒥᐁᐧᐸᐢᑕᕽ? 8ᒫᑲ ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᑭᑕ ᐋᐧᐸᐦᑕᒣᐠ? ᐊᔨᓯᔨᓂᐤ ᒋ ᑳ ᐅᐢᑯᑕᑲᐟ ᐁ ᔪᐢᑲᔨᐠ ᒥᐢᑯᑕᑲᐩ? ᒋᐢᐟ, ᐊᓂᑭ ᑳ ᐃᐧᔭᑕᑭᐠ ᐁ ᔪᐢᑲᔨᑭ ᐊᔭᐊᐧᐠ ᑭᐦᒋ ᐅᑭᒫᐊᐧ ᐃᐧᑭᔨᕽ. 9ᒫᑲ ᑫᑲᐧᐩ ᑳ ᐅᐦᒋ ᐊᐧᔭᐃᐧᔦᐠ ᑭᑕ ᐋᐧᐸᐦᑕᒣᐠ? ᐅᑭᐢᑭᐁᐧᐦᐃᑫᐤ ᒋ? ᐁᐦᐁ, ᑭᐟ ᐃᑎᓈᐋᐧᐤ, ᐊᐊᐧᓯᒣ ᐃᐢᐱᐨ ᐅᑭᐢᑭᐁᐧᐦᐃᑫᐤ. 10#ᒫᓬᐊᑲᐩ 3:1ᒋᑫᒫ ᐁᐊᐧᑯ ᐊᐊᐧ, ᐅᒥᓯ ᑳ ᐃᑕᓯᓇᐃᑲᓱᐟ,

ᒋᐢᐟ, ᑭ ᓂᑲᓂᑎᓴᐊᒪᑎᐣ ᓂ ᒥᓯᔭᐁᐧᒼ ᑫ ᓂᑲᓂᐊᐧᐁᐧᓯᑕᒪᐢᐠ ᑭ ᒣᐢᑲᓇᐤ.

11ᑖᐯᐧ ᑭᐟ ᐃᑎᓈᐋᐧᐤ, ᑕᐦᑐ ᐊᐃᐧᔭᐠ ᐃᐢᑫᐧᐊᐧ ᑳ ᑭ ᓂᐦᑖᐃᐧᑭᐦᐃᑯᐟ ᓇᒪᐃᐧᑳᐨ ᒉᐢᑲᐧ ᑭ ᐯ ᐅᐦᒋ ᓄᑯᓯᐤ ᐊᐊᐧᓯᒣ ᑭᑕ ᑭᒐᔨᐃᐧᐟ ᐃᐢᐱᐨ ᒐᐣ ᐸᑊᑎᐢᐟ; ᒫᑲ ᐁᔨᐁᐧᕽ, ᐊᓇ ᑳ ᐊᐱᐢᑌᔨᑖᑯᓯᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ ᐊᐊᐧᓯᒣ ᑭᒐᔨᐃᐧᐤ ᐃᐢᐱᐨ ᐃᐧᔭ. 12#ᓬᐅᐠ 16:16ᐊᐢᐱᐣ ᒫᑲ ᑳ ᐯ ᐅᐦᒋ ᐅ ᑭᓯᑲᒥᐟ ᒐᐣ ᐸᑊᑎᐢᐟ ᐱᔨᐢ ᐊᓄᐦᐨ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᑲᑫᐧ ᒪᐢᑲᑐᓇᓂᐊᐧᐣ, ᐊᓂᑭ ᒫᑲ ᑳ ᐋᔨᐋᐧᑫᔨᒧᒋᐠ ᒪᐢᑲᑌᐧᐊᐧᐠ 13ᒋᑫᒫ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧᐠ ᒥᓇ ᐅᔭᓱᐁᐧᐃᐧᐣ ᑭ ᑭᐢᑭᐁᐧᐦᐃᑫᐊᐧᐠ ᐱᔨᐢ ᐁ ᑕᑯᓯᕽ ᒐᐣ. 14#ᒫᓬᐊᑲᐩ 4:5; ᒫᐟᔪ 17:10-13; ᒫᕒᐠ 9:11-13ᑭᐢᐱᐣ ᒫᑲ ᐃᐧ ᐅᑎᓇᒣᑯ, ᐁᐊᐧᑯ ᐊᐊᐧ ᐃᓬᐊᔭᐢ, ᑳ ᐃᐧ ᐯ ᑕᑯᓯᑭᐸᐣ. 15ᐊᓇ ᐁᐧᑕᐊᐧᑳᐟ ᑭᑕ ᐯᐦᑕᕽ, ᑭᔮᒼ ᑭᑕ ᐯᑕᒼ.

16ᒫᑲ ᑖᓂᓯ ᑫ ᐃᓯ ᑭᐢᑭᓇᐊᐧᑌᔨᑕᑯᐊᑭᐠ ᐅᑯ ᑳ ᐊᓂᐢᑫ ᐱᒫᑎᓯᒋᐠ? ᑖᐱᐢᑯᐨ ᐃᓴ ᐊᐊᐧᓯᓴᐠ ᐁ ᐊᐱᒋᐠ ᐊᑕᑐᐃᐧᑲᒥᑯᕽ, ᐁᑯᓯ ᐁ ᓇᑐᒪᒋᐠ ᐅ ᐃᐧᒉᐊᐧᑲᓂᐊᐧᐊᐧ, 17ᐅᒥᓯ ᒫᑲ ᐁ ᐃᑌᐧᒋᐠ, ᑭ ᑭ ᑭᑐᒋᑫᐢᑕᒪᑎᓇᐣ, ᐁᑯᓯ ᒫᑲ ᓇᒪᐃᐧᔭ ᑭ ᑭ ᓂᒥᐦᐃᑐᓈᐋᐧᐤ; ᒥᓇ ᓂ ᑭ ᒧᐢᑫᐧᔨᑌᓈᐣ, ᒫᑲ ᓇᒪᐃᐧᔭ ᑭ ᑭ ᒫᑐᓈᐋᐧᐤ. 18ᒋᑫᒫ ᒐᐣ ᓇᒪᐃᐧᔭ ᑭ ᐯ ᐃᑐᐦᑌᐤ ᑭᑕ ᒥᒋᓱᐟ ᒥᓇ ᑭᑕ ᒥᓂᑫᐧᐟ, ᐁᑯᓯ ᒫᑲ ᐃᑌᐧᐊᐧᐠ, ᐊᔭᐁᐧᐤ ᒪᒋ ᐊᐦᒐᐦᑲᐧ. 19ᐃᔨᓂᐃᐧᑯᓯᓵᐣ ᐯ ᐃᑐᐦᑌᐤ ᐁ ᒥᒋᓱᐟ ᒥᓇ ᐁ ᒥᓂᑫᐧᐟ, ᐅᒥᓯ ᒫᑲ ᐃᑌᐧᐊᐧᐠ, ᐊᐧᐸᒥᕽ ᐊᔨᓯᔨᓂᐤ ᐁ ᑲᓴᑫᐟ, ᒥᓇ ᐃᐧᔨᑭᐯᐟ, ᐅᑐᑌᒥᐊᐧᐊᐧ ᐸᑊᓬᐃᑲᓇ ᒥᓇ ᐅᒪᒐᑎᓴ. ᒫᑲ ᐃᔨᓂᓯᐃᐧᐣ ᑲᐧᔭᐢᐠ ᐃᑖᒋᒥᐠ ᐅᐟ ᐊᐊᐧᓯᒥᓴ.

20ᐁᑯᓯ ᒫᑲ ᑭ ᓯᐯᐧ ᓄᒋᒣᐤ ᐊᓂᐦᐃ ᐅᑌᓇᐊᐧ ᐃᑕ ᐅᓴᒼ ᒪᐊᐧᐨ ᐅ ᑭᐦᒋ ᐊᑐᐢᑫᐃᐧᓇ ᐁ ᑭ ᑐᒋᑳᑌᔨᑭ, ᒋᑫᒫ ᓇᒪᐃᐧᔭ ᑭ ᒥᒋᔭᐁᐧᔦᔨᑕᒧᒪᑲᓇᐧ: 21#ᐊᐩᓵᔭ 23:1-18; ᐃᓯᑭᐁᓬ 26:1—28:26; ᒍᐃᓬ 3:4-8; ᐁᒫᐢ 1:9,10; ᓭᑲᕒᐋᔭ 9:2-4ᑭ ᑲᑲᐧᑕᑭᓯᐣ ᑭᔭ, ᑯᕒᐁᓯᐣ! ᑭ ᑲᑲᐧᑕᑭᓯᐣ ᑭᔭ, ᐯᐟᓭᑕ! ᒋᑫᒫ ᑭᐢᐱᐣ ᑭᐦᒋ ᐊᑐᐢᑫᐃᐧᓇ ᐊᓂᐦᐃ ᑭᔭᐋᐧᐤ ᑳ ᑭ ᑐᑕᒪᑲᐃᐧᔦᐠ, ᑭ ᑐᒋᑲᑌᐊᐧᑯᐸᓀ ᑕᐃᕒᐃᕽ ᒥᓇ ᓴᐃᑕᓂᕽ, ᓵᓴᐩ ᑲᔮᐢ ᐅ ᑲ ᑭ ᑫᐧᐢᑲᑎᓯᑕᐋᐧᐤ ᑲᐢᑭᑌᐁᐧᑭᓄᕽ ᒥᓇ ᐱᑯᑌᕽ. 22ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᔭᑫᔨᑕᑲᐧᐣ ᑕᐃᕒ ᒥᓇ ᓴᐃᑕᐣ ᐃᐢᐱ ᐅᔭᓱᐁᐧᐃᐧ ᑭᓯᑳᑭ, ᐃᐢᐱᐨ ᑭᔭᐋᐧᐤ. 23#ᐊᐩᓵᔭ 14:13-15; ᒉᓂᓯᐢ 19:24-28ᑭᔭ ᒥᓇ, ᑫᐸᕒᓀᐊᒼ, ᑭᐦᒋ ᑭᓯᑯᕽ ᑳ ᑭ ᐃᓯ ᐅᐱᓂᑲᐃᐧᔭᐣ? ᑭ ᑲ ᐃᓯ ᓂᒋ ᐁᐧᐱᓂᑲᐃᐧᐣ ᐦᐁᑎᓯᕽ: ᒋᑫᒫ ᑭᐢᐱᐣ ᑭᐦᒋ ᐊᑐᐢᑫᐃᐧᓇ ᐊᓂᐦᐃ ᑭᔭ ᑳ ᑭ ᑐᑕᒪᑲᐃᐧᔭᐣ ᑭ ᑐᒋᑲᑌᐊᐧᑯᐸᓀ ᐊᓂᑕ ᓴᑕᒥᕽ, ᑫᔮᐱᐨ ᑭᑕ ᑭ ᐃᑕᑲᐧᓄᐸᐣ ᐱᔨᐢ ᐊᓄᐦᐨ ᑳ ᑭᓯᑳᐠ. 24#ᒫᐟᔪ 10:15; ᓬᐅᐠ 10:12ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐊᐧᓯᒣ ᑭᑕ ᔮᑫᔨᑕᑲᐧᐣ ᐊᓂᑕ ᓴᑕᒼ ᐊᐢᑭᕽ ᐃᐢᐱ ᐅᔭᓱᐁᐧᐃᐧ ᑭᓯᑳᑭ, ᐃᐢᐱᐨ ᑭᔭ.

25ᐁᑯᐢᐱ ᒋᓴᐢ ᑭ ᓇᐢᑫᐧᐊᐧᓯᒧ, ᐅᒥᓯ ᐁ ᑭ ᐃᑌᐧᐟ, ᑭ ᓇᓈᐢᑯᒥᑎᐣ, ᐅ ᐁᐧᔪᑕᐃᐧᒥᑲᐃᐧᔭᐣ, ᑳ ᑎᐯᔨᐦᒋᑫᔭᐣ ᑭᐦᒋ ᑭᓯᑯᕽ ᒥᓇ ᐊᐢᑭᕽ, ᒋᑫᒫ ᑭ ᑭ ᑲᑕᒪᐊᐧᐊᐧᐠ ᐅᐦᐃ ᐊᓂᑭ ᑳ ᐃᔨᓂᓯᒋᐠ, ᒥᓇ ᑳ ᐅᓂᓯᑐᑕᒧᐃᐧᓂᒋᐠ, ᒫᑲ ᐅᐢᑲᐊᐧᓯᓴᐠ ᑭ ᑭ ᐋᐧᐸᐦᑕᐊᐊᐧᐠ. 26ᑭᔮᒼ ᐁᑯᓯ ᑭᑕ ᐃᐦᑭᐣ, ᓄᐦᑕ; ᒋᑫᒫ ᐁᑯᓯ ᐃᓯ ᒥᔪ ᓇᑲᐧᐣ ᐁ ᐃᓯ ᑭᑖᐸᑕᒪᐣ. 27#ᒑᐣ 3:35; ᒑᐣ 1:18; 10:15ᑲᐦᑭᔭᐤ ᑫᑲᐧᐩ ᓂ ᒥᔨᐠ ᓄᑖᐃᐧ; ᒥᓇ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᒣᐤ ᐁᐧᑯᓯᓯᕽ, ᐃᐧᔭ ᐱᑯ ᐁᐧᔪᑖᐃᐧᕽ; ᒥᓇ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᐢᑫᔨᒣᐤ ᐁᐧᔪᑖᐃᐧᕽ, ᐱᑯ ᐁᐧᑯᓯᓯᕽ, ᒥᓇ ᑕᐦᑐ ᐱᑯ ᐊᐃᐧᔭ ᑫ ᐋᐧᐸᐦᑕᐊᐟ ᐁᐧᑯᓯᓯᕽ.

28ᐯᒋ ᓈᓯᐠ ᓂᔭ ᑲᐦᑭᔭᐤ ᑭᔭᐋᐧᐤ ᑳ ᐊᑐᐢᑫᔦᐠ, ᒥᓇ ᒥᐢᑕᐦᐃ ᑳ ᓇᔭᑕᒣᐠ, ᐁᑯᓯ ᑭ ᑲ ᒥᔨᑎᓈᐋᐧᐤ ᐊᔦᐧᐱᐃᐧᐣ. 29#ᒉᕒᐃᒫᔭ 6:16ᐅᑎᓇᒪᓱᐠ ᓂ ᑕᐱᐢᑲᑲᐣ, ᒥᓇ ᑭᐢᑭᓇᐋᐧᐸᒥᐠ; ᒋᑫᒫ ᓂ ᔪᐢᑲᑎᓯᐣ ᒥᓇ ᓂ ᑕᐸᑌᔨᒧᐣ ᓂᑌᐃᕽ; ᐁᑯᓯ ᒫᑲ ᑭ ᑲ ᒥᐢᑫᓈᐋᐧᐤ ᐊᔦᐧᐱᐃᐧᐣ ᑭᐟ ᐊᐦᒐᐦᑯᐊᐧᕽ. 30ᒋᑫᒫ ᓂ ᑕᐱᐢᑲᑲᐣ ᓇᐊᐢᑳᑫᒪᑲᐣ, ᒥᓇ ᓂ ᓇᔭᒋᑲᐣ ᔭᑲᓯᐣ.

Iliyochaguliwa sasa

ᓭᐣᐟ ᒫᐟᔪ 11: KKMs

Kuonyesha

Shirikisha

Nakili