ᓭᐣᐟ ᒫᐟᔪ 10

1ᐃᐢᐱ ᒫᑲ ᑳ ᓇᑐᒪᐟ ᒥᑖᑕᐦᐟ ᓂᓱᓵᑊ ᐅ ᑭᐢᑭᓄᐦᐊᒪᐋᐧᑲᓇ, ᑭ ᒥᔦᐤ ᑭᑕ ᑲᐢᑭᐦᐁᐃᐧᑐᑕᐊᐧᔨᐟ ᒪᒋ ᐊᐦᒑᐦᑲᐧ, ᑭᑕ ᐊᐧᔭᐃᐧᐁᐧᐱᓈᔨᐟ, ᒥᓇ ᑭᑕ ᐃᔨᓂᑲᐦᐋᔨᐟ ᓇᓇᑐᕽ ᐃᓯ ᐋᑯᓯᐃᐧᐣ ᒥᓇ ᓇᓇᑐᕽ ᑲᐦᑭᔭᐤ ᐃᑕᐢᐱᓀᐃᐧᓇ ᑳ ᐊᔮᔨᐟ.

2ᐁᐊᐧᑳᐧᓂ ᒫᑲ ᐅᐦᐃ ᐅᐟ ᐃᓯᔨᐦᑳᓱᐃᐧᓂᐋᐧᐊᐧ ᐊᓂᑭ ᒥᑖᑕᐦᐟ ᓂᓱᓵᑊ ᐃᓯᑎᓴᐋᐧᑲᓇᐠ; ᓂᐢᑕᒼ, ᓴᐃᒪᐣ, ᐱᑕᕒ ᑳ ᐃᓯᔨᐦᑳᓱᐟ, ᒥᓇ ᐅᒋᐋᐧᒪ ᐊᐣᑕᕒᐅ; ᒥᓇ ᒉᒥᐢ ᐅᑯᓯᓴ ᓭᐱᑎ, ᒥᓇ ᐅᒋᐋᐧᒪ ᒐᐣ; 3ᐱᓬᐃᑊ, ᒥᓇ ᐸᕒᑕᓬᐊᒼᔪ; ᑕᒪᐢ, ᒥᓇ ᒪᐟᔪ ᑳ ᐸᑊᓬᐃᑲᓂᐃᐧᐟ; ᒉᒥᐢ ᐅᑯᓯᓴ ᐊᓬᐱᐊᐢ, ᒥᓇ, ᑕᑎᐊᐢ; 4ᓴᐃᒪᐣ ᑳ ᑫᓇᓇᐃᑎᐃᐧᐟ, ᒥᓇ ᒍᑕᐢ ᐃᐢᑲᕒᐃᔭᐟ, ᐊᓇ ᑳ ᑭ ᒥᓯᐊᐟ.

5ᐅᐦᐃ ᒥᑖᑕᐦᐟ ᓂᓱᓵᑊ ᒋᓴᐢ ᑭ ᓯᐯᐧᑎᓴᐁᐧᐤ, ᒥᓇ ᐁ ᑲᑫᐢᑭᒫᐟ, ᐅᒥᓯ ᐁ ᐃᑖᐟ, ᐁᑳᐃᐧᔭ ᐃᑐᐦᑌᐠ ᐊᓂᑌ ᐅ ᒣᐢᑲᓈᐋᐧᕽ ᒉᐣᑕᐃᓬᐊᐠ, ᒥᓇ ᐅᐟ ᐅᑌᓇᐃᐧᐃᐧᓂᐋᐧᕽ ᓴᒪᕒᐃᑕᓇᐠ ᐁᑳᐃᐧᔭ ᐱᐦᑐᑫᐠ; 6ᒫᑲ ᔮᔭᐤ ᓇᑎᑯᐠ ᑳ ᐊᐧᓂᐦᐅᒋᐠ ᒫᔭᑎᐦᑲᐧᐠ, ᐊᓂᑌ ᐃᐢᕒᐁᐃᓬ ᐅ ᐊᐧᐢᑲᐦᐃᑲᓂᕽ. 7ᒣᑳᐧᐨ ᒫᑲ ᐁ ᐊᑎ ᐊᔨᑐᑌᔦᐠ, ᑲᑫᐢᑭᒥᐁᐧᐠ, ᐁ ᐃᑌᐧᔦᐠ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᑭᓯᐊᐧᐠ ᐃᐦᑕᑲᐧᐣ. 8ᐃᔨᓂᑲᐃᑯᐠ ᐃᔮᑯᓯᒋᐠ, ᐯᑭᐃᑯᐠ ᐊᓂᑭ ᑳ ᒪᒑᐢᐱᓀᒋᐠ, ᐊᐧᓂᐢᑳᓂᑯᐠ ᑳ ᓂᐱᒋᐠ, ᐊᐧᔭᐃᐧᐁᐧᐱᓂᑯᐠ ᒪᒋ ᐊᐦᒑᐦᑲᐧᐠ; ᑭ ᑭ ᒧᐦᒋ ᐅᑎᓀᓈᐋᐧᐤ, ᒧᐦᒋ ᒣᑭᐠ. 9ᐁᑳᐃᐧᔭ ᐊᓯᐊᐧᔨᕽ ᐅᓴᐃᐧᓱᓂᔭᐤ, ᐊᐦᐳ ᐋᐧᐱᐢᑭ ᓱᓂᔮᐤ, ᓇᒪᐃᐧᔭ ᒥᓇ ᐅᓴᐊᐧᐱᐢᐠ ᑭ ᓲᓂᔮᐃᐧᐊᓯᐊᐧᒋᑲᓂᐋᐧᕽ. 10#1 ᑲᕒᐃᐣᑎᔭᓇ 9:14; 1 ᑎᒪᑏ 5:18ᓇᒪᐃᐧᔭ ᒥᓇ ᓂᒫᐃᐧᓂᐊᐧᐟ ᐁ ᐊᑎ ᐱᒧᐦᑌᔦᐠ, ᐊᐦᐳ ᓇᒪᐃᐧᔭ ᓂᓱ ᒥᐢᑯᑕᑲᐃᔭ, ᓇᒪᐃᐧᔭ ᒪᐢᑭᓯᓇ, ᐊᐦᐳ ᓇᒪᐃᐧᔭ ᓴᐢᑲᐅᓇ; ᒋᑫᒫ ᐅᑕᑐᐢᑫᐃᐧᔨᓂᐤ ᑌᐱ ᐃᐢᐱᑌᔨᑖᑯᓯᐢᑕᒼ ᐅ ᒥᒋᐃᐧᐣ. 11ᐱᑯ ᒫᑲ ᑖᓂᒪ ᐅᑌᓇᐤ, ᐊᐦᐳ ᑭᐢᑕᐱᐃᐧᐣ ᑫ ᐱᐦᑐᑫᐁᐧᑫᐧ, ᓇᑕᐃᐧ ᑭᐢᑫᔨᑕᒧᐠ ᐊᐁᐧᓇ ᐁᑯᑕ ᐁ ᐊᔮᐟ ᑎᔦᐱ ᐃᐢᐱᑌᔨᑖᑯᓯᐟ; ᐁᑯᑕ ᒫᑲ ᐊᔭᐠ ᐱᔨᐢ ᑭᑕ ᓯᐯᐧᑌᔦᐠ. 12ᐃᐢᐱ ᒫᑲ ᐱᔨᑐᑫᔦᑯ ᐋᐧᐢᑲᐃᑲᓂᕽ, ᐊᑕᒥᐢᑲᒧᐠ ᐃᓴ. 13ᑭᐢᐱᐣ ᒫᑲ ᐋᐧᐢᑳᐦᐃᑲᐣ ᑌᐱ ᐃᐢᐱᑌᔨᑖᑲᐧᕽ, ᑭᔮᒼ ᑭ ᒥᔭᐧᑭᒋᑫᐃᐧᓂᐋᐧᐤ ᑭᑕ ᐱᐦᑐᑫᒪᑲᐣ, ᒫᑲ ᑭᐢᐱᐣ ᐁᑳ ᑌᐱ ᐃᐢᐱᑌᔨᑕᑲᐧᕽ, ᑭᔮᒼ ᑭ ᒥᔭᐧᑭᒋᑫᐃᐧᓂᐋᐧᐤ ᑭ ᑲ ᑭᐁᐧᑐᑖᑯᓈᐋᐧᐤ. 14#ᐃᓯᐦᒋᑫᐃᐧᓂᐋᐧᐊᐧ 13:51ᐊᐃᐧᔭᐠ ᒫᑲ ᐁᑳ ᑫ ᐅᑎᓂᑯᔦᐠ ᒥᓇ ᐁᑳ ᑫ ᓇᑐᑕᕽ ᑭᐟ ᐃᑌᐧᐃᐧᓂᐋᐧᐊᐧ, ᐃᐢᐱ ᐁᑯᑕ ᐋᐧᐢᑲᐃᑲᐣ ᐅᐦᒋ ᓯᐯᐧᑌᔦᑯ, ᐊᐦᐳ ᐅᑌᓇᐤ, ᑭᓯᑎᐊᐧᕽ ᐅᐦᒋ ᐸᐃᐧᐸᔨᑖᐠ ᒪᒋᑲᐧᓈᓴ. 15#ᒫᐟᔪ 11:24; ᒉᓂᓯᐢ 19:24-28#ᓬᐅᐠ 10:4-12ᑖᐯᐧ ᑭᐟ ᐃᑎᓈᐋᐧᐤ, ᓇᐊᐧᐨ ᑭᑕ ᐃᑌᔨᑖᑲᐧᐣ ᓴᑕᒼ ᐊᐢᑭ ᒥᓇ ᑯᒪᕒᐊ ᐃᐢᐱ ᐅᔭᓱᐁᐧᐃᐧᑭᓯᑳᑭ, ᐃᐢᐱᐨ ᐊᓂᒪ ᐅᑌᓇᐤ.

16 # ᓬᐅᐠ 10:3 ᒋᐢᐟ, ᑭ ᓯᐯᐧᑎᓴᐅᑎᓈᐋᐧᐤ ᑖᐱᐢᑯᐨ ᒫᔭᑎᐦᑲᐧᐠ ᐊᓂᑕ ᒣᑳᐧᐨ ᒪᐃᑲᓂᐢᑳᕽ: ᐁᐊᐧᑯ ᒫᑲ ᐅᐦᒋ ᐃᔨᓂᓯᐠ ᑖᐱᐢᑯᐨ ᑭᓀᐱᑲᐧᐠ, ᒥᓇ ᔪᐢᑲᑎᓯᐠ ᑖᐱᐢᑯᐨ ᐅᒥᒥᐊᐧᐠ. 17#ᒫᕒᐠ 13:9-11; ᓬᐅᐠ 12:11,12; 21:12-15ᒫᑲ ᐊᐢᐁᐧᔨᒥᑯᐠ ᐊᔨᓯᔨᓂᐊᐧᐠ: ᒋᑫᒫ ᑭ ᑲ ᐃᑐᑕᐃᑯᐋᐧᐊᐧᐠ ᐅᔭᓱᐁᐧᐃᐧᓂᕽ, ᒥᓇ ᑭ ᑲ ᐸᐸᓴᐢᑌᐅᑯᐋᐧᐊᐧᐠ ᐅᐟ ᐊᔭᒥᐦᐁᐃᐧᑲᒥᑯᐋᐧᕽ; 18ᐁᑯᓯ ᒥᓇ ᑭ ᑲ ᐃᑐᑕᐃᑲᐃᐧᓈᐋᐧᐤ ᑭᑕ ᐅᑎᐢᑲᐃᐧᐢᑲᐋᐧᔦᑯᐠ ᐅᔭᓱᐁᐧᐃᐧᑭᒫᐊᐧᐠ ᒥᓇ ᑭᐦᒋ ᐅᑭᒫᐊᐧᐠ ᓂᔭ ᐅᐦᒋ, ᐁᑯᑕ ᑭᑕ ᐅᐦᒋ ᐊᒋᒧᐢᑕᐋᐧᔦᑯᐠ ᒥᓇ ᒉᐣᑕᐃᓬᐊᐠ. 19ᒫᑲ ᐃᐢᐱ ᐁᐧᑎᓂᑯᔦᑲᐧᐃᐧ, ᐁᑳᐃᐧᔭ ᒪᒥᑐᓀᔨᑕᒧᐠ ᑖᓂᓯ ᐊᐦᐳ ᑫᑲᐧᐩ ᑫ ᐃᑌᐧᔦᐠ; ᒋᑫᒫ ᑭ ᑲ ᒥᔨᑲᐃᐧᓈᐋᐧᐤ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᑫᑲᐧᐩ ᑫ ᐃᑌᐧᔦᐠ. 20ᒋᑫᒫ ᓇᒪᐃᐧᔭ ᑭᔭᐋᐧᐤ ᑎᐱᔭᐤ ᑳ ᐱᑭᐢᑫᐧᔦᐠ ᒫᑲ ᐅᐟ ᐊᐦᒑᐦᑲᐧ ᑯᑕᐃᐧᐋᐧᐤ ᐁᐊᐧᑯ ᐊᓇ ᑳ ᐱᑭᐢᑫᐧᐢᑖᒫᑯᔦᐠ. 21#ᒫᕒᐠ 13:12; ᓬᐅᐠ 21:16ᐅᒋᐋᐧᒥᒫᐤ ᑭᑕ ᐃᓯ ᐸᑭᑎᓀᐤ ᐅᒋᐋᐧᒪ ᓂᐳᐃᐧᓂᕽ, ᒥᓇ ᐅᑖᐃᐧᒫᐤ ᐅᐟ ᐊᐋᐧᓯᒥᓴ: ᒥᓇ ᐊᓂᑭ ᐊᐋᐧᓯᓴᐠ ᑭᑕ ᐸᓯᑯᐢᑕᐁᐧᐊᐧᐠ ᐅ ᓂᑭᐃᑯᐋᐧᐊᐧ, ᒥᓇ ᑭᑕ ᐃᑕᓱᐋᐧᑖᒋᐠ ᑭᑕ ᓂᐸᐃᒥᐦᐟ. 22#ᒫᐟᔪ 24:9; ᒫᕒᐠ 13:13; ᓬᐅᐠ 21:17; ᒫᐟᔪ 24:13; ᒫᕒᐠ 13:13ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑲ ᐸᑳᐧᑎᑯᐋᐧᐊᐧᐠ ᓂᐟ ᐃᔨᑳᓱᐃᐧᐣ ᐅᐦᒋ; ᒫᑲ ᐊᓇ ᑳ ᒥᓴᑳᒣ ᐊᔮᑳᐧᒥᓯᐟ ᑭᑕ ᐱᒫᒋᐦᐋᐤ. 23ᒫᑲ ᐃᐢᐱ ᑫᑲᐧᑕᑭᐃᑯᔦᑲᐧᐃᐧ ᐅᑕ ᐅᒪ ᐅᑌᓇᐤ, ᑯᑕᑭᕽ ᐃᑕᒧᐠ; ᒋᑫᒫ ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᑭ ᑲ ᑌᐱ ᐊᔭᑭᓀᐢᑫᓈᐋᐧᐤ ᐅᐟ ᐅᑌᓇᐃᐧᐃᐧᓇ ᐃᐢᕒᐁᐃᓬ, ᐃᔨᑯᕽ ᑫ ᐯ ᑕᑯᓯᕽ ᐃᔨᓂᐃᐧᑯᓯᓵᐣ.

24 # ᓬᐅᐠ 6:40; ᒑᐣ 13:16; 15:20 ᑭᐢᑭᓄᐦᐊᒪᐋᐧᑲᐣ ᓇᒪᐃᐧᔭ ᐊᐊᐧᓯᒣ ᐃᐢᐱᑌᔨᑖᑯᓯᐤ ᐃᐢᐱᐨ ᐅᑭᐢᑭᓄᐦᐊᒫᑫᒪ, ᒥᓇ ᓇᒪᐃᐧᔭ ᐊᑐᐢᑫᔮᑲᐣ ᐃᐢᐱᐨ ᐅᐟ ᐅᑭᒫᒪ. 25#ᒫᐟᔪ 9:34; 12:24; ᒫᕒᐠ 3:22; ᓬᐅᐠ 11:15ᐁᑯᔨᑯᕽ ᐃᓯ ᐃᐧᔭ ᑭᐢᑭᓄᐦᐊᒪᐋᐧᑲᐣ ᑭᑕ ᐃᓯ ᐊᔮᐟ ᑖᐱᐢᑯᐨ ᐅᑭᐢᑭᓄᐦᐊᒫᑫᒪ, ᒥᓇ ᐊᑐᐢᑫᔮᑲᐣ ᑖᐱᐢᑯᐨ ᐅᐟ ᐅᑭᒫᒪ. ᑭᐢᐱᐣ ᑳ ᐃᓯᔨᐦᑳᑖᐋᐧᑫᐧ ᑳ ᐅᑭᒫᑲᑕᒥᔨᐟ ᐋᐧᐢᑳᐃᑲᐣ ᐱᐁᓬᓯᐸᑊ, ᐊᐧᐃᐧᐢ ᐊᐊᐧᓯᒣ ᑭᑕ ᐃᓯᔨᐦᑳᑌᐊᐧᐠ ᑳ ᐃᐦᑕᓯᔨᐟ ᐃᐧᑭᔨᕽ? 26#ᒫᕒᐠ 4:22; ᓬᐅᐠ 8:17ᐁᐊᐧᑯ ᒫᑲ ᐅᐦᒋ ᐁᑳᐃᐧᔭ ᑯᐢᑎᑯᐠ: ᒋᑫᒫ ᓇᒪᐃᐧᔭ ᑫᑲᐧᐩ ᐊᑲᐧᓇᐦᐃᑳᑌᐤ, ᐁᑳ ᑫ ᓄᑯᐦᑖᕽ; ᒥᓇ ᓇᒪ ᑫᑲᐧᐩ ᑳᒋᑲᑌᐤ, ᐁᑳ ᑫ ᑭᐢᑫᔨᑖᑲᐧᕽ. 27ᑫᑲᐧᐩ ᑳ ᐃᐧᐦᑕᒫᑕᑯᐠ ᐊᐧᓂᑎᐱᐢᑳᕽ, ᐁᐊᐧᑯ ᐃᐧᑕᒧᐠ ᐊᐧᓭᔭᕽ; ᒥᓇ ᑳ ᐯᐦᑕᒣᐠ ᑭᑕᐊᐧᑳᐋᐧᕽ, ᐁᐊᐧᑯ ᑌᐹᐧᑕᒧᐠ ᑕᑯᒋ ᐋᐧᐢᑳᐦᐃᑲᓂᕽ. 28ᐁᑳᐃᐧᔭ ᒫᑲ ᑯᐢᑎᑯᐠ ᐊᓂᑭ ᑳ ᓂᐸᑖᒋᐠ ᒥᔭᐃᐧᔨᐤ, ᒫᑲ ᐁᑳ ᑳ ᑲᐢᑭᑖᒋᐠ ᑭᑕ ᓂᐸᐦᐋᒋᐠ ᐊᐦᒑᐦᑲᐧ; ᒫᑲ ᔭᔭᐤ ᐊᔨᐊᐧᐠ ᑯᐢᑎᕽ ᐊᓇ ᑳ ᑲᐢᑭᑕᐟ ᑭᑕ ᓂᓯᐊᐧᓈᒋᐦᐋᐟ ᐊᐦᒑᐦᑲᐧ ᒥᓇ ᒥᔭᐤ ᑳᑭᑫ ᐃᐢᑯᑌᕽ. 29ᓇᒪ ᒋ ᓂᓱ ᐱᔦᓯᓴᐠ ᐯᔭᐠ ᐅᓵᐋᐧᐱᐢᑯᐢ ᐃᑕᑭᒫᐊᐧᐠ? ᓇᒪᐋᐧᐨ ᒫᑲ ᐯᔭᐠ ᐁᐅᑯᓂᐠ ᑭᑕ ᐸᐦᑭᓯᐣ ᐊᐢᑭᕽ ᑭᐢᐱᐣ ᐁᑳ ᑯᑕᐃᐧᐋᐧᐤ ᐃᑌᔨᑕᑭ. 30ᒥᓇ ᐊᓂᐦᐃ ᑫᐢᑕᑳᐋᐧᐊᐧ ᑭᐢᑎᑳᐧᓂᐋᐧᕽ ᑲᐦᑭᔭᐤ ᑌᐸᑭᒋᑳᑌᐊᐧ. 31ᐁᐊᐧᑯ ᒫᑲ ᐅᐦᒋ ᐁᑳᐃᐧᔭ ᐊᐢᑖᓯᐠ, ᐊᐊᐧᓯᒣ ᑭᔭᐋᐧᐤ ᑭᐟ ᐃᑌᔨᑖᑯᓯᓈᐋᐧᐤ ᐃᐢᐱᐨ ᒥᐦᒉᐟ ᐱᔦᓯᓴᐠ. 32ᐁᑯᓯ ᒫᑲ ᑭᐢᐱᐣ ᐊᐃᐧᔭᐠ ᑫ ᐊᐧᐃᐧᔨᐟ ᐅᐟ ᐋᐢᑕᒥᐃᐧᓂᔨᕽ ᐊᔨᓯᔨᓂᐊᐧ, ᐁᐊᐧᑯ ᐃᓴ ᓂᐢᑕ ᑫ ᐊᐧᐃᐧᔭᐠ ᐅᐟ ᐋᐢᑕᒥᐃᐧᓂᕽ ᓄᐦᑕᐃᐧ ᑭᐦᒋᑭᓯᑯᕽ ᑳ ᐊᔮᐟ. 33#2 ᑎᒪᑏ 2:12ᒫᑲ ᑭᐢᐱᐣ ᐊᐃᐧᔭᐠ ᑫ ᐋᓀᐧᑕᐃᐧᑫᐧ ᐅᐟ ᐋᐢᑕᒥᐃᐧᓂᔨᕽ ᐊᔨᓯᔨᓂᐊᐧ, ᐁᐊᐧᑯ ᐃᓴ ᓂᐢᑕ ᑫ ᐊᓀᐧᑕᐊᐧᐠ ᐅᐟ ᐋᐢᑕᒥᐃᐧᓂᕽ ᓄᑖᐃᐧ ᑭᐦᒋᑭᓯᑯᕽ ᑳ ᐊᔮᐟ.

34ᐁᑳᐃᐧᔭ ᐃᑌᔨᑕᒧᐠ ᐁ ᑭ ᐯ ᐃᑐᐦᑌᔮᐣ ᑭᑕ ᐯ ᐃᓯᑎᓴᐊᒫᐣ ᐃᐧᑕᐢᑭᐃᐧᐣ ᐅᑕ ᐊᐢᑭᕽ; ᓇᒪᐃᐧᔭ ᓂ ᐯ ᐃᑐᐦᑖᐣ ᑭᑕ ᐃᓯᑎᓴᐊᒫᐣ ᐃᐧᑕᐢᑭᐃᐧᐣ, ᒫᑲ ᐃᓴᐁᐧᐢᐠ. 35#ᒪᐃᑲ 7:6ᒋᑫᒫ ᓂ ᐯ ᐃᑐᐦᑖᐣ ᑭᑕ ᐃᓯ ᐊᔭᐠ ᐊᔨᓯᔨᓂᐤ ᑭᑕ ᐋᓀᐧᑕᐋᐧᐟ ᐅᑖᐃᐧᔭ, ᒥᓇ ᐅᑖᓂᓯᒪᐤ ᐅᑳᐃᐧᔭ, ᒥᓇ ᐅᐢᑎᒥᒪᐤ ᐅᓯᑯᓴ. 36ᐊᓇ ᒫᑲ ᐊᔨᓯᔨᓂᐤ ᐅ ᓄᑎᓈᑲᓇ ᑭᑕ ᐊᔮᔨᐊᐧ ᐊᓂᑕ ᑎᐱᔭᐁᐧ ᐃᐧᑭᕽ. 37ᐊᓇ ᐃᐧᔭ ᓯᔮᑭᐋᐟ ᐅᑖᐃᐧᔭ, ᐊᐦᐳ ᐅᑳᐃᐧᔭ, ᐊᐊᐧᓯᒣ ᐃᐢᐱᐨ ᓂᔭ ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ; ᒥᓇ ᐊᓇ ᓯᔮᑭᐋᐟ ᐅᑯᓯᓴ ᒥᓇ ᐅᑖᓂᓴ ᐊᐊᐧᓯᒣ ᐃᐢᐱᐨ ᓂᔭ, ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ. 38#ᒫᐟᔪ 16:24; ᒫᕒᐠ 8:34; ᓬᐅᐠ 9:23ᐊᓇ ᒫᑲ ᐁᑳ ᑳ ᐅᑎᓇᕽ ᐅᐟ ᐋᓯᑌᔮᑎᑯᒼ, ᐁᑯᓯ ᒫᑲ ᑳ ᐱᒥᑎᓴᐅᐟ, ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ. 39#ᒫᐟᔪ 16:25; ᒫᕒᐠ 8:35; ᓬᐅᐠ 9:24; 17:33; ᒑᐣ 12:25ᐊᓇ ᑳ ᒥᐢᑲᕽ ᐅ ᐱᒫᑎᓯᐃᐧᐣ ᑭᑕ ᐊᐧᓂᑖᐤ, ᐊᓇ ᒫᑲ ᑳ ᐊᐧᓂᑖᐟ ᐅ ᐱᒫᑎᓯᐃᐧᐣ ᓂᔭ ᐅᐦᒋ, ᑭᑕ ᒥᐢᑲᒼ.

40 # ᓬᐅᐠ 10:16; ᒑᐣ 13:20; ᒫᕒᐠ 9:37; ᓬᐅᐠ 9:48 ᐊᓇ ᑳ ᐅᑎᓂᑯᔦᐠ ᓂᔭ ᐃᓴ ᓂᐟ ᐅᑎᓂᐠ; ᐊᓇ ᒫᑲ ᑳ ᐅᑎᓂᐟ, ᐅᑎᓀᐤ ᑳ ᐯ ᐃᓯᑎᓴᐦᐅᔨᐟ. 41ᐊᓇ ᑳ ᐅᑎᓈᐟ ᐅᑭᐢᑭᐁᐧᐦᐃᑫᐊᐧ ᐅᐟ ᐃᓯᔨᐦᑳᓱᐃᐧᓂᔨᕽ ᐅᑭᐢᑭᐁᐧᐦᐃᑫᐊᐧ, ᑭᑕ ᐅᑎᓇᒼ ᐅᑭᐢᑭᐁᐧᐦᐃᑫᐊᐧ ᐅ ᑎᐸᐊᒪᑯᐃᐧᓂᔨᐤ; ᐊᓇ ᒫᑲ ᑳ ᐅᑎᓈᐟ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ ᐅᐟ ᐃᓯᔨᐦᑳᓱᐃᐧᓂᔨᕽ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ, ᑭᑕ ᐅᑎᓇᒼ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ ᐅ ᑎᐸᐦᐊᒫᑯᐃᐧᓂᔨᐤ. 42ᐊᐃᐧᔭᐠ ᒫᑲ ᑫ ᒥᔮᑫᐧ ᑭᑕ ᒥᓂᑫᐧᔨᐟ ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᒥᓂᑳᐧᑲᓂᓯᕽ ᐊᑕ ᐱᑯ ᑕᑭᐱᔨᐤ, ᐅᐟ ᐃᓯᔨᐦᑳᓱᐃᐧᓂᕽ ᑭᐢᑭᓄᐦᐊᒪᐋᐧᑲᐣ, ᑖᐯᐧ ᑭᐟ ᐃᑎᓈᐋᐧᐤ, ᓇᒪ ᓈᓂᑕᐤ ᑭᑕ ᐃᓯ ᐊᐧᓂᑕᐤ ᐅ ᑎᐸᐦᐊᒫᑯᐃᐧᐣ.

Iliyochaguliwa sasa

ᓭᐣᐟ ᒫᐟᔪ 10: KKMs

Kuonyesha

Shirikisha

Nakili