ᒎᓇ 4
4
1ᒫᑲ ᐃᐧᔭ ᒎᓇ ᒥᐢᑕᐦᐃ ᓇᒪᐃᐧᔭ ᑭ ᓇᐁᔨᑕᒼ ᒥᓇ ᑭ ᑭᓯᐋᐧᓯᐤ. 2#ᐁᐠᓴᑕᐢ 34:6ᑭ ᐊᔭᒥᐦᐁᐢᑕᐁᐧᐤ ᒫᑲ ᑳ ᑎᐯᔨᐦᒋᑫᔨᐟ ᒥᓇ ᑭ ᐃᑌᐤ, ᑭ ᑳᑭᓯᒧᑐᑖᑎᐣ ᑳ ᑎᐯᔨᐦᒋᑫᔭᐣ, ᓇᒪ ᒋ ᐁᐊᐧᑯᒪ ᑳ ᑭ ᐃᑌᐧᔮᐣ ᑫᔮᐱᐨ ᓂᐟ ᐊᐢᑭᕽ ᐁ ᐊᔮᔮᐣ? ᐁᐊᐧᑯ ᐅᐦᒋ ᑖᕒᓯᓯᕽ ᑳ ᑭ ᐃᑖᒧᔮᐣ; ᒋᑫᒫ ᐁ ᑭ ᑭᐢᑫᔨᒥᑖᐣ ᐁ ᓴᐁᐧᔨᐦᒋᑫᔭᐣ ᑭᓭᒪᓂᑐ, ᒥᓇ ᐁ ᑭᑎᒫᑫᔨᐦᒋᑫᔭᐣ ᐁᑳ ᐁ ᐅᑕᑲᒥᔭᐁᐧᓯᔭᐣ, ᒥᓇ ᐁ ᐁᐧᔪᒋ ᑭᓭᐋᐧᑎᓯᔭᐣ ᒥᓇ ᐁ ᒥᐦᑖᑕᒪᐣ ᒫᔨᑫᑲᐧᐩ. 3#1 ᑭᐦᒋ ᐅᑭᒫᐊᐧᐠ 19:4ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᔭᐣ, ᐅᑎᓇ, ᑭ ᐸᑯᓭᔨᒥᑎᐣ ᓂ ᐱᒫᑎᓯᐃᐧᐣ; ᒋᑫᒫ ᓇᐊᐧᐨ ᒥᔮᐧᓯᐣ ᑭᑕ ᓂᐱᔮᐣ ᐃᔨᑯᕽ ᑭᑕ ᐱᒫᑎᓯᔮᐣ.
4ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᑭ ᒥᔪᑐᑌᐣ ᒋ ᑳ ᑭᓯᐋᐧᓯᔭᐣ? 5ᐁᑲᐧ ᒎᓇ ᑭ ᐊᐧᔭᐃᐧᐤ ᐅᑌᓈᕽ ᐅᐦᒋ, ᒥᓇ ᑭ ᐊᐱᐤ ᐋᐧᐸᓄᑖᕽ ᐃᑌᐦᑫ ᐅᑌᓈᕽ, ᐁᑯᑕ ᒫᑲ ᑭ ᒫᓄᑳᓱ, ᒥᓇ ᑭ ᐊᐱᐤ ᐁ ᐋᑲᐋᐧᐢᑌᓯᒧᐟ, ᐱᔨᐢ ᑭᑕ ᐋᐧᐸᐦᑕᕽ ᐊᓂᒪ ᐅᑌᓇᐤ ᑫ ᐊᔨᐢᐸᔨᔨᐠ.
6ᐁᑯᓯ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᐊᐧᐁᐧᔨᑖᐤ ᓭᑫᐧᐸᑭᐤ, ᒥᓇ ᑭ ᐃᑐᑕᒼ ᑭᑕ ᐊᑲᐧᓂᐢᑳᑯᔨᐟ ᒎᓇᐊᐧ, ᑭᑕ ᐋᑲᐋᐧᐢᑌᐢᑳᑯᐟ ᐅᐢᑎᑳᐧᓂᕽ, ᑭᑕ ᓯᑌᐧᔨᒧᐋᐟ ᐅᒪ ᐁ ᓇᔦᑖᐁᐧᔨᑕᒥᔨᐟ. ᐁᑯᓯ ᒫᑲ ᒎᓇ ᒥᐢᑕᐦᐃ ᑭ ᐊᑕᒥᐃᐠ ᐊᓂᒪ ᓭᑫᐧᐸᑭᐤ. 7ᒫᑲ ᑭᓭᒪᓂᑐ ᑭ ᐊᐧᐁᐧᔨᐁᐤ ᒪᓂᒍᓴ ᐃᐧᔮᐸᓂᔨᐠ ᐁ ᑫᑭᓭᐹᔮᐠ, ᑭ ᓂᓯᐊᐧᓈᒋᐦᑖᐊᐧᐠ ᒫᑲ ᐊᓂᒪ ᓭᑫᐧᐸᑭᐤ ᐁᑯᓯ ᑭ ᓂᐳᒪᑲᐣ. 8ᑭ ᐊᔨᐢᐸᔨᐤ ᒫᑲ ᐃᐢᐱ ᐁ ᓵᑯᑌᐟ ᐱᓯᒼ, ᑭᓭᒪᓂᑐ ᑭ ᐊᐧᐁᐧᔨᑖᐤ ᐁ ᑭᓴᑖᒧᔪᐁᐧᐠ ᐋᐧᐸᓄᑖᕽ ᐅᐦᒋ; ᐁᑯᓯ ᐅᐢᑎᑳᐧᓂᕽ ᒎᓇ ᑭ ᐸᑲᒫᓯᑫᔨᐊᐧ ᐱᓯᒪᐧ, ᑭ ᓀᓱᐃᐧᐸᔨᐤ ᒫᑲ, ᐁᑯᓯ ᑭ ᓇᑐᑌᐢᑕᒫᓱ ᑭᔮᒼ ᑭᑕ ᓂᐱᐟ, ᒥᓇ ᑭ ᐃᑌᐧᐤ, ᓇᐊᐧᐨ ᒥᔮᐧᓯᐣ ᑭᑕ ᓂᐱᔮᐣ ᐃᔨᑯᕽ ᑭᑕ ᐱᒫᑎᓯᔮᐣ.
9ᑭᓭᒪᓂᑐ ᒫᑲ ᑭ ᐃᑌᐤ ᒎᓇᐊᐧ, ᑭ ᒥᔪᑐᑌᐣ ᒋ ᑳ ᑭᓯᐋᐧᓯᔭᐣ ᐊᓂᒪ ᓭᑫᐧᐸᑭᐤ ᐅᐦᒋ? ᐁᑯᓯ ᑭ ᐃᑎᐠ, ᓂ ᒥᔪᑐᑌᐣ ᑭᑕ ᑭᓯᐋᐧᓯᔮᐣ ᐊᐦᐳ ᓂᐳᐃᐧᓂᕽ ᐃᓯ. 10ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᑭ ᑭ ᑭᑎᒫᑭᓀᐣ ᐊᓂᒪ ᓭᑫᐧᐸᑭᐤ, ᐁᑳ ᑳ ᑭ ᐊᑐᐢᑳᑕᒪᐣ, ᒥᓇ ᐁᑳ ᑳ ᑭ ᓂᐦᑖᐃᐧᑭᑖᔭᐣ; ᐯᔭᐠ ᑎᐱᐢᑳᐤ ᑳ ᑭ ᐅᐦᐱᑭᕽ, ᒥᓇ ᐯᔭᐠ ᑎᐱᐢᑳᐤ ᑳ ᑭ ᓂᓯᐊᐧᓈᑕᕽ; 11ᓇᒪ ᒋ ᒫᑲ ᐃᑕᐢᑌᐤ ᑭᑕ ᑭᑎᒫᑭᓇᒫᐣ ᓂᓀᐯ, ᐊᓂᒪ ᑭᐦᒋᐅᑌᓇᐤ; ᐃᑕ ᐁ ᐊᔮᒋᐠ ᐊᐊᐧᓯᒣ ᒥᑖᑕᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑕᐦᑐ ᑭᐦᒋ ᒥᑖᑕᐦᑐᒥᑕᓇᐤ ᐊᔨᓯᔨᓂᐊᐧᐠ ᐁᑳ ᐁ ᓂᓯᑕᐃᐧᓇᑭᐠ ᑖᓈᓂᒪ ᐅ ᑭᐦᒋᓂᐢᑭᐋᐧᐤ ᐊᐦᐳ ᐅ ᓇᒪᐦᑎᓂᐋᐧᐤ; ᐁᑯᓯ ᒥᓇ ᒥᐦᒉᐟ ᒧᐢᑐᓴᐧᐠ?
Iliyochaguliwa sasa
ᒎᓇ 4: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.