Chapa ya Youversion
Ikoni ya Utafutaji

ᒎᓇ 3

3
1ᐅᐟ ᐃᑌᐧᐃᐧᐣ ᒫᑲ ᑳ ᑎᐯᔨᐦᒋᑫᐟ ᑭ ᐅᑎᐦᑎᐠ ᒎᓇ ᐁᑲᐧ ᑭᐦᑖᐧᒼ, ᐁ ᐃᑌᐧᐟ, 2ᐸᓯᑯ, ᐃᑐᐦᑌ ᓂᓀᐯᐃᕽ, ᐊᓂᒪ ᑭᐦᒋᐅᑌᓇᐤ, ᐁᑯᓯ ᑲᑫᐢᑭᒥᐠ ᑐᐃᐧ ᑲᑫᐢᑭᒥᐁᐧᐃᐧᐣ ᑫ ᐃᐧᐦᑕᒫᑖᐣ. 3ᐁᑯᓯ ᒎᓇ ᑭ ᐸᓯᑯ, ᒥᓇ ᑭ ᐃᑐᐦᑌᐤ ᓂᓀᐯᐃᕽ, ᑳ ᑭ ᐃᑎᑯᐟ ᑳ ᑎᐯᔨᐦᒋᑫᔨᐟ, ᓂᓀᐯ ᒫᑲ ᒥᐢᑕᐦᐃ ᑭ ᒥᓵᐤ ᐅᑌᓇᐤ, ᓂᐢᑐᑭᓯᑳᐤ ᐱᒧᐦᑌᐅᐃᐧᐣ. 4#ᒫᐟᔪ 12:41; ᓬᐅᐠ 11:32ᒎᓇ ᒫᑲ ᑭ ᐊᑎ ᐱᐦᑐᑫᐤ ᐅᑌᓇᐤ ᐁᐢᑯ ᐯᔭᑯ ᑭᓯᑫᐧᔮᔨᐠ, ᐁᑯᓯ ᑭ ᑌᐯᐧᐤ, ᒥᓇ ᑭ ᐃᑌᐧᐤ, ᑫᔮᐱᐨ ᓀᒥᑕᓇᐤ ᑭᓯᑳᐊᐧ, ᐁᑲᐧ ᓂᓀᐯ ᑭᑕ ᓂᓯᐊᐧᓈᑕᐣ.
5ᓂᓀᐯ ᐊᔨᓯᔨᓂᐊᐧᐠ ᒫᑲ ᑭ ᑖᐯᐧᑕᐁᐧᐊᐧᐠ ᑭᓭᒪᓂᑐᐊᐧ; ᐁᑯᓯ ᑭ ᑌᐹᐧᑕᒪᐧᐠ ᐃᔨᐊᐧᓂᓯᐃᓱᐃᐧᐣ, ᒥᓇ ᑭ ᐳᓯᐢᑲᒪᐧᐠ ᐊᓯᓯᐁᐧᑭᐣ, ᐊᓇ ᒫᐊᐧᐨ ᑳ ᑭᐢᑌᔨᑖᑯᓯᐟ ᐅᐦᒋ ᐱᔨᐢ ᒫᐊᐧᐨ ᑳ ᐊᐱᐢᑌᔨᑖᑯᓯᐟ ᐁᑯᑕ ᑳ ᐊᔮᒋᐠ. 6ᐊᓂᒪ ᐋᒋᒧᐃᐧᐣ ᒫᑲ ᑭ ᐅᑎᐦᑎᐠ ᓂᓀᐯ ᑭᐦᒋ ᐅᑭᒫᐤ, ᐁᑯᓯ ᑭ ᐸᓯᑯ ᐅ ᑭᐦᒋᐊᐱᐃᐧᓂᕽ ᐅᐦᒋ, ᒥᓇ ᑭ ᑫᑕᓵᑫᐤ, ᒥᓇ ᑭ ᐊᑲᐧᓂᐤ ᐊᓯᓯᐁᐧᑭᐣ, ᒥᓇ ᑭ ᐊᐱᐤ ᐱᐦᑯᑌᕽ. 7ᑭ ᑌᐸᐧᑕᒼ ᒫᑲ ᒥᓇ ᑭ ᑭᐢᑫᔨᑕᒧᐃᐁᐧᐤ ᒥᓯᐁᐧ ᓂᓀᐯᐃᕽ ᐁ ᐃᑕᓱᐁᐧᒋᐠ ᑭᐦᒋ ᐅᑭᒫᐤ ᒥᓇ ᐅᑭᒫᒪ, ᐁ ᐃᑌᐧᒋᐠ, ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐊᐦᐳ ᐱᓯᐢᑭᐤ, ᒧᐢᑐᐢ ᐊᐦᐳ ᒫᔭᑎᕽ, ᓈᐣᑕᐤ ᑫᑲᐧᐩ ᑭᑕ ᑯᒋᐢᑕᒪᐧᐠ; ᑭᔮᒼ ᐁᑳᐃᐧᔭ ᑭᑕ ᒥᒋᓱᐊᐧᐠ ᐊᐦᐳ ᑭᑕ ᒥᓂᐦᑫᐧᐊᐧᐠ ᓂᐱ; 8ᒫᑲ ᑭᔮᒼ ᑭᑕ ᐊᑲᐧᓂᐊᐧᐠ ᐊᓯᓯᐁᐧᑭᐣ, ᐊᔨᓯᔨᓂᐤ ᒥᓇ ᐱᓯᐢᑭᐤ, ᒥᓇ ᑭᔮᒼ ᓱᐦᑭ ᑭᑕ ᒪᐃᐧᒧᐢᑕᐁᐧᐊᐧᐠ ᑭᓭᒪᓂᑐᐊᐧ; ᐁᐦᐁ, ᑭᔮᒼ ᑲᐦᑭᔭᐤ ᐊᐃᐧᔭᐠ ᑭᑕ ᐳᓂᐦᑖᐤ ᐅ ᒪᒋᐃᑎᐃᐧᐣ, ᒥᓇ ᐊᓂᒪ ᑳ ᐃᓯ ᐁᑳ ᒪᓈᑎᓯᒋᐠ. 9ᐊᐁᐧᓇ ᑫᐢᑫᔨᑕᕽ ᑭᐢᐱᐣ ᐁᑳ ᑭᓭᒪᓂᑐ ᑫ ᑫᐧᐢᑭᑫᐧ ᒥᓇ ᑫ ᒥᐦᑖᑕᒧᑫᐧ, ᒥᓇ ᑫ ᐳᓂᑖᑫᐧ ᑳ ᐋᐦᑲᐧᓂᔨᐠ ᐅ ᑭᓯᐋᐧᓯᐃᐧᐣ, ᐁᑳ ᑭᑕ ᓂᓯᐊᐧᓈᑎᓯᔭᕽ?
10ᑭᓭᒪᓂᑐ ᒫᑲ ᑭ ᐋᐧᐸᐦᑕᒣᐧᐤ ᐅᐟ ᐃᓯᐦᒋᑫᐃᐧᓂᔨᐊᐧ, ᐁ ᐳᓂᑖᔨᐟ ᐅ ᒪᒋᐃᑎᐃᐧᓂᔨᐤ; ᐁᑯᓯ ᑭᓭᒪᓂᑐ ᑭ ᒥᐦᑖᑕᒼ ᐊᓂᒪ ᒫᔨᑫᑲᐧᐩ, ᑳ ᑭ ᐃᑌᐧᐟ ᑭᑕ ᐃᑐᑕᐋᐧᐟ; ᐁᑯᓯ ᓇᒪᐃᐧᔭ ᑭ ᐃᑐᑕᒼ.

Iliyochaguliwa sasa

ᒎᓇ 3: KKMs

Kuonyesha

Shirikisha

Nakili

None

Je, ungependa vivutio vyako vihifadhiwe kwenye vifaa vyako vyote? Jisajili au ingia