ᐦᐋᓯᔭ 14
14
1ᑭᔭ ᐃᐢᕒᐁᐃᓬ ᑭᐁᐧᑐᑕᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒋᑫᒫ ᑭ ᑭ ᐸᐦᑭᓯᓂᐣ ᑭ ᒪᒋᐃᑎᐃᐧᐣ ᐅᐦᒋ. 2ᐊᑎ ᑕᐦᑯᓇᒧᐠ ᐃᑌᐧᐃᐧᓇ, ᒥᓇ ᑭᐁᐧᑐᑖᕽ ᑳ ᑎᐯᔨᐦᒋᑫᐟ; ᐅᒥᓯ ᑭ ᑲ ᐃᑖᐋᐧᐤ, ᐃᑲᑌᓇ ᑲᐦᑭᔭᐤ ᒪᒋᐃᑎᐃᐧᐣ, ᐁᑯᓯ ᐅᑎᓇ ᐊᓂᒪ ᑳ ᒥᔮᐧᓯᐠ; ᐁᑯᓯ ᒫᑲ ᑭ ᑲ ᒥᔨᑎᓈᐣ ᐁ ᐃᓯ ᓇᓈᐢᑯᒧᒪᑲᐦᑭ ᓇᑐᓂᓈᓇ. 3ᓇᒪᐃᐧᔭ ᐋᓴᕒ ᓂ ᑲ ᑭ ᐱᒫᒋᐦᐃᑯᓈᐣ; ᓇᒪᐃᐧᔭ ᒥᐢᑕᑎᒪᐧᐠ ᓂ ᑲ ᐱᒥ ᑌᐦᑕᐱᓈᐣ; ᓇᒪᐃᐧᑳᐨ ᒥᓇ ᓂ ᑲ ᐃᑌᓈᐣ ᑎᐱᔭᐤ ᓂᐟ ᐊᑐᐢᑫᐃᐧᓂᓈᓇ, ᑭᔭᐋᐧᐤ ᓂ ᒪᓂᑐᒥᓈᓇᐠ; ᒋᑫᒫ ᐅᑭᐋᐧᑎᓯᐤ ᒥᐢᑲᒼ ᑭᔭ ᐁ ᑭᑎᒫᑭᓇᐊᐧᐟ.
4ᓂ ᑲ ᒥᓈᐧᒋᑖᐋᐧᐣ ᐅᐟ ᐊᓭᐸᔨᐃᐧᓂᐋᐧᐤ, ᓭᐦᑫ ᓂ ᑲ ᓵᑭᐦᐋᐊᐧᐠ; ᒋᑫᒫ ᓂ ᑭᓯᐋᐧᓯᐃᐧᐣ ᐃᑲᑌᓇᒪᐋᐧᐤ. 5ᑖᐱᐢᑯᐨ ᑳ ᓂᐱᐊᐧᐢᑳᐠ ᓂ ᑲ ᐃᓯ ᒥᔪᐢᑲᐋᐧᐤ ᐃᐢᕒᐁᐃᓬ; ᑭᑕ ᓭᐦᑫᐧᐸᑭᐤ ᑖᐱᐢᑯᐨ ᐋᐧᐱᑯᓂ, ᒥᓇ ᑭᑕ ᓭᑫᐧᒉᐱᑭᐃᐧᐤ ᑖᐱᐢᑯᐨ ᓬᐁᐱᓇᐣ. 6ᑭᑕ ᐊᑎ ᓭᑫᐧᑎᑲᐧᓇᑭᓯᐤ, ᒥᓇ ᑭᑕ ᑲᑕᐊᐧᓯᓯᐤ ᑖᐱᐢᑯᐨ ᐱᒥᐋᐧᑎᐠ, ᒥᓇ ᑭᑕ ᐃᐢᐸᑯᓯᐤ ᑖᐱᐢᑯᐨ ᓬᐁᐱᓇᐣ. 7ᐊᓂᐦᐃ ᑳ ᐊᔮᔨᐟ ᓯᐹ ᐅᐟ ᐋᑲᐋᐧᐢᑌᐢᑳᑫᐃᐧᓂᕽ ᑭᑕ ᐯ ᑭᐁᐧᐊᐧᐠ; ᑭᑕ ᒥᓈᐧᑎᓯᐊᐧᐠ ᑖᐱᐢᑯᐨ ᐸᐦᑫᐧᓯᑲᓂᑳᐣ, ᒥᓇ ᑭᑕ ᐋᐧᐱᑯᓂᐊᐧᐠ ᑖᐱᐢᑯᐨ ᓱᒥᓈᑎᐠ; ᑖᐱᐢᑯᐨ ᓬᐁᐱᓇᐣ ᓱᒥᓈᐳ ᑭᑕ ᐃᓯ ᐃᐧᐦᑭᒫᑯᓯᐊᐧᐠ. 8ᐃᐸᕒᐁᐃᒼ ᑭᑕ ᐃᑌᐧᐤ, ᑫᑲᐧᐩ ᐊᐊᐧᓯᒣ ᑫ ᑐᑕᐊᐧᑭᐠ ᒪᓂᑐᑳᓇᐠ? ᓂ ᑭ ᓇᐢᑫᐧᐊᐧᓯᒫᐤ ᒥᓇ ᓂ ᑭ ᓈᑲᑌᔨᒫᐤ; ᑖᐱᐢᑯᐨ ᐁ ᐊᐢᑳᑎᑯᐃᐧᐟ ᐅᐢᑳᑎᐠ ᓂᐟ ᐃᓯ ᐊᔮᐣ; ᓂᔭ ᐅᐦᒋ ᑳ ᒥᓂᓯᐃᐧᔭᐣ.
9ᐊᐁᐧᓇ ᑳ ᐃᔨᓂᓯᐟ, ᐁᑯᓯ ᑭᑕ ᓂᓯᑐᐦᑕᒼ ᐅᐦᐃ? ᐁ ᐊᔮᑳᐧᒥᓯᐟ, ᐁᑯᓯ ᑭᑕ ᑭᐢᑫᔨᑕᒼ? ᒋᑫᒫ ᐅᐟ ᐃᑖᐧᐃᐧᓇ ᑳ ᑎᐯᔨᐦᒋᑫᐟ ᑲᐧᔭᐢᑲᐧᓂᔨᐊᐧ, ᐁᑯᓯ ᐊᓇ ᑲᐧᔭᐢᐠ ᑳ ᐃᑖᑎᓯᐟ ᑭᑕ ᒥᑎᒣᐤ; ᒫᑲ ᐅᐊᐧᓂᑐᑕᒧᐊᐧᐠ ᑭᑕ ᐸᐦᑭᓯᓇᐧᐠ ᐁᑯᑕ.
Iliyochaguliwa sasa
ᐦᐋᓯᔭ 14: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.