ᐦᐋᓯᔭ 13
13
1ᐃᐢᐱ ᐃᐸᕒᐁᐃᒼ ᑳ ᐱᑭᐢᑫᐧᐟ ᐁ ᓇᓇᒥᐸᔨᐠ ᑭ ᑭᐢᑌᔨᑖᑯᐃᓱ ᐃᐢᕒᐁᐃᓬᐃᕽ; ᒫᑲ ᐃᐢᐱ ᑳ ᐊᐧᓂᑐᑕᕽ ᐯᐊᓬ ᐅᐦᒋ ᑭ ᓂᐱᐤ. 2ᐁᑲᐧ ᒫᑲ ᐊᐊᐧᓯᒣ ᒥᓇ ᐊᐊᐧᓯᒣ ᐊᑎ ᒪᒋᑐᑕᒪᐧᐠ, ᒥᓇ ᑎᐦᑭᓯᑲᓂ ᓇᐢᐱᓯᒋᑲᓇ ᑭ ᐅᓯᐦᐁᐊᐧᐠ ᐅ ᐋᐧᐱᐢᑭᓱᓂᔮᒥᐋᐧᐊᐧ ᐅᐦᒋ, ᒪᓂᑐᑳᓇ ᐅᑎ ᐃᐧᔭᐋᐧᐤ ᐁ ᐃᓯ ᓂᓯᑐᐦᑕᑭᐠ, ᑲᐦᑭᔭᐤ ᐅᐟ ᐊᑐᐢᑫᐃᐧᓂᐋᐧᐤ ᑳ ᓂᐦᑕᐃᐧᓯᒋᑫᒋᐠ; ᐅᒥᓯ ᐃᑌᐊᐧᐠ, ᑭᔮᒼ ᐊᔨᓯᔨᓂᐊᐧᐠ ᑳ ᐸᑭᑎᓈᓱᒋᐠ ᑭᑕ ᐅᒉᒣᐊᐧᐠ ᒧᐢᑐᓱᓯᓴ. 3ᐁᐊᐧᑯ ᐅᐦᒋ ᑭᑕ ᐃᓯ ᐊᔮᐊᐧᐠ ᑖᐱᐢᑯᐨ ᐊᐧᐢᑯ ᐁ ᑫᑭᓭᐹᔮᐠ, ᒥᓇ ᑖᐱᐢᑯᐨ ᐁ ᓂᐱᐊᐧᐢᑳᐠ ᐃᐧᐸᐨ ᑳ ᓯᐯᐧᐸᔨᐠ, ᑖᐱᐢᑯᐨ ᐸᐋᐧᐢᒋᒋᑲᐣ ᑳ ᓯᐯᐧᔮᐢᑕᕽ ᐁ ᐱᓯᒍᓯᐊᐧᕽ ᐸᐊᐧᐃᑫᐃᐧ ᐊᓈᐢᑳᓂᕽ ᐅᐦᒋ, ᒥᓇ ᑖᐱᐢᑯᐨ ᑲᐢᑳᐸᑌᐤ ᑯᑕᐋᐧᓈᐱᐢᑯᕽ ᐅᐦᒋ.
4ᐁᔨᐁᐧᕽ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᒋᑊᐟ ᐊᐢᑭᕽ ᐅᐦᒋ; ᐁᑯᓯ ᓇᒪᐃᐧᔭ ᑭ ᑲ ᑭᐢᑫᔨᒫᐤ ᒪᓂᑐ ᓂᔭ ᐱᑯ, ᐁᑯᓯ ᓂᔭ ᐱᐢᑭᐦᐨ ᓇᒪᐃᐧᔭ ᐃᐦᑖᐤ ᐅᐱᒫᒋᐦᐃᐁᐧᐤ.
5 #
ᑎᔪᑕᕒᐊᓇᒥ 8:11-17
ᑭ ᑭ ᑭᐢᑫᔨᒥᑎᐣ ᐱᑲᐧᑕᐢᑭᕽ, ᐊᓂᒪ ᑭᐦᒋᐸᐢᑌᐃᐧ ᐊᐢᑭ. 6ᐁ ᐃᓯ ᐊᔮᔨᐠ ᐃᑕ ᑳ ᐃᐦᑕᓯᒥᒋᓱᒋᐠ, ᐁᑯᓯ ᑭ ᐃᓯ ᑭᐢᐳᐊᐧᐠ; ᑭ ᑭᐢᐳᐊᐧᐠ ᐁᑯᓯ ᐅᑌᐦᐃᐋᐧᐤ ᑭ ᐊᑎ ᑭᐢᑌᔨᒧᒪᑲᓂᔨᐤ; ᐁᐊᐧᑯ ᐅᐦᒋ ᓂ ᑭ ᐊᐧᓂᑭᐢᑭᓯᑐᑖᑲᐧᐠ. 7ᐁᑯᓯ ᒫᑲ ᑖᐱᐢᑯᐨ ᒥᐢᑕᐦᑫᓯᐤ ᓂᐟ ᐃᑕᐱᐢᑕᐋᐧᐊᐧᐠ; ᑖᐱᐢᑯᐨ ᒥᓯᐱᓯᐤ ᓂ ᑲ ᐃᓯ ᐊᓱᐋᐧᐊᐧᐠ ᒣᐢᑲᓈᕽ; 8ᓂ ᑲ ᐃᓯ ᓇᑭᐢᑲᐋᐧᐊᐧᐠ ᑖᐱᐢᑯᐨ ᒪᐢᑲᐧ ᑳ ᑭ ᒪᐢᑲᒥᐦᐟ ᐅ ᒪᐢᑯᓯᓯᒪ, ᒥᓇ ᓂ ᑲ ᔮᔨᑭᐱᑕᒫᐧᐣ ᑳ ᐊᐧᐢᑭᑕᒧᔨᐠ ᐅᑌᐦᐃᐋᐧᕽ; ᐁᑯᑕ ᒫᑲ ᓂ ᑲ ᑭᑕᒫᐧᐊᐧᐠ ᑖᐱᐢᑯᐨ ᒥᐢᑕᐦᑫᓯᐤ; ᐱᑲᐧᒋ ᐱᓯᐢᑭᐊᐧ ᑭᑕ ᐱᑯᐱᑎᑲᐧᐠ.
9ᐁᐊᐧᑯ ᑳ ᓂᓯᐊᐧᓈᒋᐦᐃᑯᔭᐣ, ᑭᔭ ᐃᐢᕒᐁᐃᓬ, ᐁ ᓇᔦᑖᐁᐧᔨᒥᔭᐣ, ᐁ ᓇᔦᑖᐁᐧᔨᑕᒪᐣ ᑭ ᓂᓱᑲᒫᑯᐃᐧᐣ. 10#1 ᓵᒼᔪᐃᓬ 8:5,6ᑖᓂᐋᐧ ᐁᑲᐧ ᑭ ᑭᐦᒋ ᐅᑭᒫᒼ, ᑭᑕ ᑭ ᐱᒫᒋᐦᐃᐢᐠ ᒥᓯᐁᐧ ᑭᐟ ᐅᑌᓈᕽ? ᒥᓇ ᑯᔭᓱᐁᐧᐃᐧᔨᓂᒪᐠ, ᐊᓂᑭ ᑳ ᑭ ᐅᐦᒋ ᐃᑌᐧᔭᐣ, ᒥᔨᐣ ᑭᐦᒋ ᐅᑭᒫᐤ ᒥᓇ ᑫ ᐅᑭᒫᑲᑕᑭᐠ? 11#1 ᓵᒼᔪᐃᓬ 10:17-24; 1 ᓵᒼᔪᐃᓬ 15:26ᑭ ᑭ ᒥᔨᑎᐣ ᑭᐦᒋ ᐅᑭᒫᐤ ᓂ ᑭᓯᐋᐧᓯᐃᐧᓂᕽ, ᐁᑯᓯ ᒥᓇ ᓂ ᑭ ᐅᑎᓈᐤ ᓂ ᑭᓯᐊᐧᓯᐃᐧᓂᕽ. 12ᐅ ᒪᒋᐃᑎᐃᐧᐣ ᐃᐸᕒᐁᐃᒼ ᑕᐦᑯᐱᑌᔨᐤ; ᐅ ᒪᒋᑐᑕᒧᐃᐧᐣ ᓇᐦᐊᐢᑖᐋᐧᐣ. 13ᐅ ᐃᐧᓴᑫᔨᑕᒧᐃᐧᓂᔨᐊᐧ ᐃᐢᑫᐧᐊᐧ ᐁ ᐃᐧ ᐋᐧᐸᒫᐊᐧᓱᔨᐟ ᑭᑕ ᐅᑎᐦᑎᐠ; ᐃᐧᔭ ᐁᐊᐧᑯ ᐁᑳ ᐁ ᐃᔨᓂᓯᐟ ᐅᑯᓯᓯᒫᐤ; ᒋᑫᒫ ᐅᑎᐦᒋᐸᔨᔨᐤ ᐁᑳ ᑭᑕ ᐅᐦᑕᓯᐊᔮᐟ ᐃᑕ ᑳ ᓄᑯᓯᒋᐠ ᐊᐋᐧᓯᓴᐠ. 14#1 ᑲᕒᐃᐣᑎᔭᓇ 15:55ᓂ ᑭ ᐃᐧᑲᐧᒋᐋᐊᐧᐠ ᐅ ᒪᐢᑲᐃᐧᓯᐃᐧᓂᕽ ᔨᑲᐧᐦᐊᐢᑳᐣ ᐅᐦᒋ; ᓂ ᑲ ᐸᐢᐱᐦᐋᐊᐧᐠ ᓂᐳᐃᐧᓂᕽ ᐅᐦᒋ; ᐦᐋᐤ ᓂᐳᐃᐧᐣ, ᑖᓂᐁᐧᐦᐃ ᑭ ᑯᑕᑭᐦᐃᐁᐧᐃᐧᓇ? ᐦᐋᐤ ᔨᑲᐧᐦᐊᐢᑳᐣ, ᑖᓂᐁᐧ ᑭ ᓂᓯᐊᐧᓈᒋᐦᐃᐁᐧᐃᐧᐣ? ᑫᐧᐢᑫᔨᑕᒧᐃᐧᐣ ᓇᒪᐃᐧᔭ ᓂ ᑲ ᐋᐧᐸᐦᑌᐣ.
15ᐋᑕ ᒥᓂᓯᐃᐧᒋ ᒣᑳᐧᐨ ᐅᒋᐋᐧᒪ, ᐋᐧᐸᓄᑖᕽ ᑭᑕ ᐅᐦᒋᔪᐁᐧᐸᔨᐤ, ᐅ ᐸᑭᑕᑖᒧᐃᐧᐣ ᑳ ᑎᐯᔨᐦᒋᑫᐟ ᐱᑲᐧᑕᐢᑭᕽ ᐁ ᐯ ᐅᐦᒋᐸᔨᐠ, ᐁᑯᓯ ᐅ ᒧᑭᒋᐊᐧᓂᐯ ᑭᑕ ᐹᐦᑳᐧᔨᐤ, ᒥᓇ ᑳ ᐅᐦᒋᒋᐊᐧᓂᔨᐠ ᐅ ᓂᐱᒼ ᑭᑕ ᐹᐢᑌᔨᐤ; ᑭᑕ ᒪᓂᐊᐧᑖᑐᑕᒼ ᑳ ᒫᐊᐧᒋᓱᓂᔮᐋᐧᑐᑕᒥᕽ ᑲᐦᑭᔭᐤ ᐁ ᒥᔦᐧᔨᑖᑲᐧᐦᑭ ᐊᓯᐊᐧᒋᑲᓇ. 16ᓴᒣᕒᐃᔭ ᑭᑕ ᓇᔭᑕᒼ ᐅ ᒪᒋᐃᑎᐃᐧᐣ; ᒋᑫᒫ ᑭ ᒫᔦᔨᒣᐤ ᐅ ᑭᓭᒪᓂᑐᒪ; ᑭᑕ ᑲᐃᐧᐁᐧᐸᐅᑲᐧᐠ ᐃᓴᐁᐧᐢᐠ; ᐅᐢᑲᐋᐧᓯᓯᒥᐋᐧᐊᐧ ᑭᑕ ᓯᑯᐸᑲᒥᐁᐧᐱᓂᒫᐊᐧ, ᒥᓇ ᑭᑕ ᑖᑐᓵᐋᐧᑎᒫᐊᐧ ᐅᐟ ᐃᐢᑫᐧᒥᐋᐧᐊᐧ ᑳ ᑭᑯᓭᔨᐟ.
Iliyochaguliwa sasa
ᐦᐋᓯᔭ 13: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.