ᐃᓯᑭᐁᓬ 32
32
1ᑭ ᐊᔨᐢᐸᔨᐤ ᒫᑲ ᒥᑖᑕᐦᐟ ᓂᓱᓵᑊ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᓂᓱᓵᑊ ᐱᓯᒼ, ᐁ ᒫᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐅᑎᓇ ᒥᐦᑖᑌᐧᐃᐧᐣ ᐯᕒᐅ ᐃᒋᑊᐟ ᑭᐦᒋ ᐅᑭᒫᐤ ᐅᐦᒋ, ᒥᓇ ᑭ ᑲ ᐃᑖᐤ, ᐅᐢᑭ ᒥᐢᑕᐦᑫᓯᐤ ᓇᓈᑐᑯᐢᑳᓀᓯᓈᕽ ᑭ ᑭ ᐃᑕᑭᒥᑲᐃᐧᐣ; ᒫᑲ ᑭᐟ ᐃᓯ ᐊᔮᐣ ᑖᐱᐢᑯ ᑕᕒᐋᑲᐣ ᑭᐦᒋᑲᒥᕽ; ᒥᓇ ᑭ ᑭ ᒧᐢᑭᐣ ᑭ ᓯᐱᒥᕽ, ᒥᓇ ᐁ ᑭ ᒥᑯᐢᑳᑖᑲᒥᐢᑲᒪᐣ ᓂᐱᔭ ᑭᓯᑕ ᐅᐦᒋ, ᐁᑯᓯ ᐁ ᑭ ᐱᑳᑲᒥᑖᐊᐧᐟ ᐅ ᓯᐱᒥᐋᐧᐊᐧ.
3ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭ ᑲ ᓯᐦᑲᐯᓇᒫᑎᐣ ᓂᐟ ᐊᔭᐱ ᐊᓯᒋ ᐁ ᐃᐧᒉᑐᒋᐠ ᒥᐦᒉᐟ ᓇᓈᑐᕽ ᐊᔨᓯᔨᓂᐊᐧᐠ; ᑭ ᑳ ᐯᓯᑲᐧᐠ ᒫᑲ ᓂᐟ ᐊᔭᐱᕽ. 4ᑭ ᑲ ᓇᑲᑎᑎᐣ ᒫᑲ ᒧᒋᕽ, ᐱᑲᐧᒑᔨᕽ ᑭ ᑲ ᐃᓯᐁᐧᐱᓂᑎᐣ, ᐁᑯᓯ ᓂ ᑲ ᐃᑐᑕᐋᐧᐊᐧᐠ ᑲᐦᑭᔭᐤ ᑳ ᐸᐹᒥᔮᒋᐠ ᓇᔦᐊᐧᒋᑭᓯᑯᕽ ᑭᑕ ᑌᐧᐦᐅᑐᑖᐢᑭᐠ, ᒥᓇ ᓂ ᑲ ᑭᐢᐳᐋᐊᐧᐠ ᐱᓯᐢᑭᐊᐧᐠ ᒥᓯᐁᐧᐢᑲᒥᐠ ᑭᔭ ᐅᐦᒋ. 5ᓂ ᑲ ᐱᒥᑎᑖᐣ ᒫᑲ ᑭ ᐃᐧᔮᐢ ᑕᐦᑯᐨ ᐊᐧᒋᕽ, ᒥᓇ ᓂ ᑲ ᒧᐢᑭᓇᑖᐣ ᐋᐧᔭᑎᓈᐊᐧ ᑭ ᑭᓄᓯᐃᐧᐣ ᐅᐦᒋ. 6ᓂ ᑲ ᓵᓯᑲᐅᐹᑌᐣ ᒥᓇ ᑭ ᒥᐦᑯ ᐅᐦᒋ ᐅᒪ ᐊᐢᑭ ᐃᑕ ᑳ ᐸᐹᒫᑕᑳᔭᐣ, ᐱᔨᐢ ᐊᐧᒋᕽ; ᐁᑯᓯ ᓯᐱᓯᓴ ᑭᑕ ᒧᐢᑭᓀᐊᐧ ᑭᔭ ᐅᐦᒋ. 7#ᐊᐩᓵᔭ 13:10; ᒫᐟᔪ 24:29; ᒫᕒᐠ 13:24,25; ᓬᐅᐠ 21:25; ᑭᐢᑫᔨᐦᑖᑯᐦᑫᐃᐧᐣ 6:12,13; 8:12ᐃᐢᐱ ᒫᑲ ᐋᐢᑕᐁᐧᐅᑖᓂ, ᓂ ᑲ ᐊᑲᐧᓇᐁᐣ ᑭᓯᐠ, ᒥᓇ ᐊᒐᐦᑯᓴᐠ ᐁᑯᑕ ᓂ ᑲ ᐊᐧᓂᑎᐱᐢᑭᐋᐊᐧᐠ; ᐊᐧᐢᑯ ᐅᐦᒋ ᓂ ᑲ ᐊᑲᐧᓇᐋᐧᐤ ᐱᓯᒼ, ᒥᓇ ᑎᐱᐢᑳᐃᐧᐱᓯᒼ ᓇᒪᐃᐧᔭ ᑭᑕ ᐋᐧᓭᔮᓯᑫᐤ. 8ᑲᐦᑭᔭᐤ ᑳ ᑭᐦᑳᔮᓯᑫᒋᐠ ᑭᓯᑯᕽ ᓂ ᑲ ᐊᐧᓂᑎᐱᐢᑭᐋᐊᐧᐠ, ᒥᓇ ᐊᐧᓂᑎᐱᐢᑳᐤ ᓂ ᑲ ᐊᐢᑖᐣ ᑭᐟ ᐊᐢᑭᕽ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
9ᓂ ᑲ ᑯᐢᑯᑌᐦᐁᐋᐊᐧᐠ ᒥᓇ ᒥᐦᒉᐟ ᐊᔨᓯᔨᓂᐊᐧᐠ, ᐃᐢᐱ ᑭ ᓂᓯᐊᐧᓈᑎᓯᐃᐧᐣ ᐃᐢᐸᔨᑖᔮᓂ ᓇᓈᑐᑯᐢᑳᓀᓯᓈᕽ, ᐁᑯᑕ ᐊᐢᑭᕽ ᐁᑳ ᑳ ᑭ ᑭᐢᑫᔨᑕᒪᐣ. 10ᐁᐦᐁ, ᒥᐦᒉᐟ ᐊᔨᓯᔨᓂᐊᐧᐠ ᓂ ᑲ ᒫᒪᐢᑲᑌᔨᑕᒥᐋᐊᐧᐠ ᑭᔭ ᐅᐦᒋ, ᐁᑯᓯ ᐅ ᑭᐦᒋ ᐅᑭᒫᒥᐋᐧᐊᐧ ᓈᐢᐱᐨ ᑭ ᑲ ᓭᑭᓯᐢᑕᒫᑯᔨᐊᐧ, ᐃᐢᐱ ᓂ ᓯᒫᑲᓂᑯᒫᐣ ᐋᐧᓵᐱᐢᑭᐸᔨᑐᐊᐧᑳᐧᐃᐧ; ᑕᐦᑭ ᒫᑲ ᑭᑕ ᓇᓇᒥᐸᔨᐊᐧᐠ, ᑳ ᐃᑕᓯᐟ ᐊᔨᓯᔨᓂᐤ ᐃᐧᔭ ᐅ ᐱᒫᑎᓯᐃᐧᐣ ᐅᐦᒋ, ᐊᓂᒪ ᐁ ᑭᓯᑳᐠ ᑫ ᐸᐦᑭᓯᓂᔭᐣ.
11ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐅ ᓯᒫᑲᓂᑯᒫᐣ ᐹᐱᓬᐊᐣ ᑭᐦᒋ ᐅᑭᒫᐤ ᑭ ᑲ ᐅᑎᐦᑎᑯᐣ. 12ᐅ ᓯᒫᑲᓂᑯᒫᓂᐋᐧᐊᐧ ᑳ ᓱᑳᔭᐃᐧᓯᒋᐠ ᓂ ᑲ ᐅᐦᒋ ᑲᐃᐧᐁᐧᐸᐋᐧᐊᐧᐠ ᑳ ᐅᓵᒣᔭᑎᒋᐠ ᑭᐟ ᐊᔨᓯᔨᓂᒪᐠ; ᑳ ᑯᐢᑖᑌᔨᑖᑯᓯᒋᐠ ᓇᓈᑐᑯᐢᑳᐣ ᐅᐦᒋ ᑲᐦᑭᔭᐤ ᐁᐊᐧᑯᓂᐠ; ᑭᑕ ᓂᓯᐊᐧᓈᒋᐦᑖᐊᐧᐠ ᒫᑲ ᐅ ᑭᐢᑌᔨᒧᐃᐧᓂᔨᐤ ᐃᒋᑊᐟ, ᒥᓇ ᑲᐦᑭᔭᐤ ᑳ ᐅᓵᒣᔭᑎᒋᐠ ᐁᑯᑕ ᑭᑕ ᓂᓯᐊᐧᓈᑎᓯᐊᐧᐠ. 13ᓂ ᑲ ᓂᓯᐊᐧᓈᒋᐦᐋᐊᐧᐠ ᒥᓇ ᑲᐦᑭᔭᐤ ᐱᓯᐢᑭᐊᐧᐠ ᑭᐦᒋ ᓂᐱᐢᑳᕽ ᐅᐦᒋ; ᓇᒪᐃᐧᔭ ᒫᑲ ᐊᔨᓯᔨᓂᐃᐧ ᒥᓯᑕ ᒥᓇ ᑭᑕ ᒥᑯᐢᑳᑎᐢᑳᑲᐧᐠ, ᒥᓇ ᓇᒪᐃᐧᔭ ᐅᐢᑲᓯᔨᐊᐧ ᐱᓯᐢᑭᐊᐧ ᑭᑕ ᒥᑯᐢᑳᑎᐢᑳᑲᐧᐠ. 14ᐁᑲᐧ ᓂ ᑲ ᐋᐧᓭᑲᒥᑖᐋᐧᐣ ᐅ ᓂᐱᒥᐋᐧᐊᐧ, ᒥᓇ ᐅ ᓯᐱᒥᐋᐧᐊᐧ ᑖᐱᐢᑯᐨ ᐱᒥ ᑭᑕ ᐃᓯ ᐱᒥᒋᐊᐧᓂᔨᐊᐧ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 15ᐃᐢᐱ ᐱᑲᐧᑕᐢᑲᒥᑭᑖᔮᓂ ᐃᒋᑊᐟ ᐊᐢᑭ, ᐊᐢᑭ ᐁ ᑭᐧᑕᒫᒪᑲᕽ ᐊᓂᒪ ᑳ ᑭ ᒧᐢᑭᓀᐠ, ᐃᐢᐱ ᐅᑖᒪᐊᐧᑳᐧᐃᐧ ᑲᐦᑭᔭᐤ ᐊᓂᑭ ᐁᑯᑕ ᑳ ᐊᔮᒋᐠ, ᐁᑲᐧ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ. 16ᐁᐊᐧᑯᒪ ᒥᐦᑖᑌᐧᐃᐧᐣ ᑫ ᐋᐸᒋᐦᑖᒋᐠ ᐁ ᒥᐦᑖᑌᐧᐃᐧᑕᑭᐠ; ᐅᑖᓂᓯᒫᐊᐧᐠ ᓇᓈᑐᑯᐢᑳᓀᓯᓈᕽ ᑫ ᒥᐦᑖᑌᐧᐃᐧᑕᒧᐃᑯᒋᐠ; ᐃᒋᑊᐟ ᐅᐦᒋ ᒥᓇ ᑲᐦᑭᔭᐤ ᑳ ᐅᓵᒣᔭᑎᐟ, ᑭᑕ ᐋᐸᒋᐦᑖᐊᐧᐠ ᐁ ᒥᐦᑖᑌᐧᐃᐧᑕᑭᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
17ᑭ ᐊᔨᐢᐸᔨᐤ ᒫᑲ ᒥᑖᑕᐦᐟ ᓂᓱᓵᑊ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᓂᔮᓇᓄᓵᑊ ᐁ ᐃᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 18ᐃᔨᓂᐃᐧᑯᓯᓵᐣ, ᒪᐃᐧᑳᓯᐠ ᑳ ᐅᓵᒣᔭᑎᒋᐠ ᐊᔨᓯᔨᓂᐊᐧᐠ ᐃᒋᑊᑎᕽ, ᒥᓇ ᑲᐧᔭᓯᑌᐁᐧᐱᓂᐠ, ᐃᐧᔭ ᐅᑎ ᒥᓇ ᐅᑖᓂᓯᐋᐧᐊᐧ ᑳ ᐋᑐᑖᑯᓯᒋᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ. ᒫᐊᐧᐨ ᐊᑖᒫᔨᕽ ᐊᐢᑭᕽ, ᐊᓯᒋ ᐊᓂᑭ ᐋᐧᑎᑳᓂᕽ ᑳ ᐃᑐᐦᑌᒋᐠ. 19ᐊᐁᐧᓇ ᑳ ᐊᔨᐋᐧᑭᐢᑲᐊᐧᐟ ᑲᑕᐊᐧᓯᓯᐃᐧᓂᕽ? ᑲᐧᔭᓯᑌ, ᒥᓇ ᐃᐧᒋᓯᓄᒥᐠ ᐁᑳ ᑳ ᓴᕒᑲᒼᓴᐃᓯᐃᐧᒋᐠ. 20ᑭᑕ ᐸᐦᑭᓯᓇᐧᐠ ᒣᑳᐧᐨ ᐊᓂᐦᐃ ᑳ ᓂᐸᐦᐃᑯᔨᐟ ᓯᒫᑲᓂᑯᒫᐣ; ᐸᑭᑎᓈᐤ ᓯᒫᑲᓂᑯᒫᓂᕽ; ᓯᐯᐧᑕᐃᕽ ᒥᓇ ᑲᐦᑭᔭᐤ ᑳ ᐅᓵᒣᔭᑎᐟ. 21ᐅᒪᐢᑲᐃᐧᓯᐊᐧ ᐊᓂᑭ ᑳ ᓱᑳᔭᐃᐧᓯᒋᐠ ᐅᐦᒋ ᑭᑕ ᑭᑐᑎᐠ ᒣᑳᐧ ᒋᐸᔭᐢᑭᕽ ᐅᐦᒋ ᐊᓯᒋ ᐊᓂᐦᐃ ᑳ ᐃᐧᒋᐦᐃᑯᐟ; ᑲᐧᔭᓯᑌᐸᔨᐊᐧᐠ, ᑭᔮᒥᓯᓇᐧᐠ, ᐁᑳ ᐅᑎ ᑳ ᓴᕒᑲᒼᓴᐃᓯᐃᐧᒋᐠ, ᐁ ᓂᐸᐦᐃᑯᒋᐠ ᓯᒫᑲᓂᑯᒫᐣ.
22ᐋᓴᕒ ᐁᑯᑕ ᐊᔮᐤ ᐊᓯᒋ ᑲᐦᑭᔭᐤ ᑳ ᐅ ᐃᐧᒉᐋᐧᑲᓂᐟ; ᐅ ᔨᑲᐧᐦᐊᐢᑳᓇ ᐋᐧᐢᑳᐢᑳᐠ ᑲᐦᑭᔭᐤ ᐁ ᓂᐸᐃᐦᒋᐠ, ᐁ ᑲᐊᐧᐅᑯᒋᐠ ᓯᒫᑲᓂᑯᒫᐣ; 23ᐅ ᔨᑲᐧᐦᐊᐢᑳᓂᐋᐧᐊᐧ ᑳ ᐊᔭᐢᑌᔨᑭ ᐁ ᑳᑭᓯᐱᐊᔮᐠ ᐋᐧᑎᑳᐣ, ᒥᓇ ᐅ ᐃᐧᒉᐋᐧᑲᓇ ᐋᐧᐢᑳ ᐅ ᔨᑲᐧᐦᐊᐢᑳᐣ; ᑲᐦᑭᔭᐤ ᐁ ᓂᐸᐃᐦᒋᐠ ᓯᒫᑲᓂᑯᒫᐣ ᐁ ᑲᐊᐧᐅᑯᒋᐠ, ᑳ ᑭ ᓭᑭᐃᐁᐧᐠ ᐅᐟ ᐊᐢᑭᐋᐧᕽ ᑳ ᐱᒫᑎᓯᒋᐠ.
24ᐁᑯᑕ ᐊᔮᐤ ᐃᓬᐋᒼ ᒥᓇ ᑲᐦᑭᔭᐤ ᑳ ᐅᓵᒣᔭᑎᐟ ᐋᐧᐢᑳ ᐅ ᔨᑲᐧᐦᐊᐢᑳᓂᕽ; ᑲᐦᑭᔭᐤ ᐁ ᓂᐸᐃᐦᒋᐠ, ᓯᒫᑲᓂᑯᒫᐣ ᐁ ᑲᐊᐧᐅᑯᒋᐠ, ᑳ ᑭ ᐃᑐᐦᑌᒋᐠ ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐊᑖᒫᔨᕽ ᐊᐢᑭᕽ, ᑳ ᑭ ᓭᑭᐃᑯᒋᐠ ᐅᐱᒫᑎᓯᐊᐧ ᐅᐟ ᐊᐢᑭᔨᕽ, ᒥᓇ ᑳ ᑭ ᐱᒥᐃᐧᑖᒋᐠ ᐅ ᓇᓀᐯᐃᐧᓯᐃᐧᓂᐋᐧᐤ ᐊᓯᒋ ᐊᓂᑭ ᑳ ᐃᑐᐦᑌᒋᐠ ᐋᐧᑎᑳᓂᕽ. 25ᑭ ᐅᔭᐢᑕᒪᐁᐧᐊᐧᐠ ᓂᐯᐃᐧᐣ ᒣᑳᐧᐨ ᐃᑕ ᑳ ᐊᔮᔨᐟ ᑳ ᓂᐸᐃᒥᐦᐟ ᐊᓯᒋ ᑲᐦᑭᔭᐤ ᑳ ᐅᓵᒣᔭᑎᔨᐟ ᐅᐟ ᐃᔨᓂᒪ; ᐅ ᔨᑲᐧᐦᐊᐢᑳᓇ ᐋᐧᐢᑳᐢᑳᐠ; ᑲᐦᑭᔭᐤ ᐁᑳ ᐁ ᓴᕒᑲᒼᓴᐃᓯᐃᐧᒋᐠ, ᐁ ᑭ ᓂᐸᐦᐃᑯᒋᐠ ᓯᒫᑲᓂᑯᒫᐣ; ᒋᑫᒫ ᑭ ᓭᑭᐃᑲᐧᐠ ᐅᑕᐢᑭᔨᕽ ᑳ ᐱᒫᑎᓯᔨᐟ, ᒥᓇ ᑭ ᓇᔭᑕᒪᐧᐠ ᐅ ᓇᓀᐯᐃᐧᓯᐃᐧᓂᐋᐧᐤ ᐊᓯᒋ ᐊᓂᑭ ᑳ ᐃᑐᐦᑌᒋᐠ ᐋᐧᑎᑳᓂᕽ; ᐸᑭᑎᓈᐤ ᒣᑳᐨ ᐊᓂᐦᐃ ᑳ ᓂᐸᐃᒥᐦᐟ.
26ᐁᑯᑕ ᐊᔮᐤ ᒥᓭᐠ, ᑐᐹᓬ, ᒥᓇ ᑲᐦᑭᔭᐤ ᑳ ᐅᓵᒣᔭᑎᐟ; ᐅ ᔨᑲᐧᐦᐊᐢᑳᓇ ᐋᐧᐢᑳᐢᑳᐠ; ᑲᐦᑭᔭᐤ ᐁᑳ ᐁ ᓴᕒᑲᒼᓴᐃᓯᐃᐧᒋᐠ, ᓯᒫᑲᓂᑯᒫᐣ ᐁ ᓂᐸᐦᐃᑯᒋᐠ; ᒋᑫᒫ ᑭ ᓭᑭᐃᐁᐧᐊᐧᐠ ᐅᐟ ᐊᐢᑭᔨᕽ ᑳ ᐱᒫᑎᓯᔨᐟ. 27ᓇᒪᐃᐧᔭ ᒫᑲ ᑭᑕ ᐃᐧᒋᓯᓄᒣᐊᐧᐠ ᑳ ᓱᑳᔭᐃᐧᓯᔨᐟ ᑳ ᑭ ᐸᐦᑭᓯᓂᔨᐟ ᐊᓂᐦᐃ ᐁᑳ ᑳ ᓴᕒᑲᒼᓴᐃᓯᐃᐧᔨᐟ, ᑳ ᑭ ᑭᑭ ᐃᑐᐦᑌᒋᐠ ᐅᐟ ᐊᓱᐃᐧᓂᐋᐧᐊᐧ ᒋᐸᔭᐢᑭᕽ, ᒥᓇ ᑳ ᑭ ᐊᐢᐱᐢᑫᐧᓯᒧᒋᐠ ᐅ ᓯᒫᑲᓂᑭᑯᒫᓂᐋᐧᐊᐧ, ᐁᑯᓯ ᐅ ᒪᒋᐃᑎᐃᐧᓂᐋᐧᐊᐧ ᐅᐢᑲᓂᐋᐧᕽ ᐊᔮᔨᐊᐧ; ᒋᑫᒫ ᑭ ᓭᑭᐁᐊᐧᐠ ᑳ ᓱᑳᔭᐃᐧᓯᔨᐟ ᐅᐟ ᐊᐢᑭᔨᕽ ᑳ ᐱᒫᑎᓯᔨᐟ. 28ᒫᑲ ᑭ ᑲ ᐱᑯᓂᑲᐃᐧᐣ ᒣᑳᐧᐨ ᐊᓂᑭ ᐁᑳ ᑳ ᓴᕒᑲᒼᓴᐃᓯᐃᐧᒋᐠ, ᒥᓇ ᑭ ᑲ ᐃᐧᒋᓯᓄᒫᐊᐧᐠ ᐊᓂᑭ ᑳ ᓂᐸᐦᐃᑯᒋᐠ ᓯᒫᑲᓂᑯᒫᐣ. 29ᐁᐊᐧᑳᐧᓇ ᐃᑕᒼ, ᐅ ᑭᐦᒋ ᐅᑭᒫᒪ ᒥᓇ ᑲᐦᑭᔭᐤ ᐅᐟ ᐅᑭᒫᒪ, ᐅ ᓱᑳᔭᐃᐧᓯᐃᐧᓂᐋᐧᕽ ᑳ ᐃᐧᒋᓯᓄᒫᒋᐠ ᐊᓂᐦᐃ ᑳ ᑭ ᓂᐸᐦᐃᑯᔨᐟ ᓯᒫᑲᓂᑯᒫᐣ; ᑭᑕ ᐃᐧᒋᓯᓄᒣᐊᐧᐠ ᐁᑳ ᑳ ᓴᕒᑲᒼᓴᐃᓯᐃᐧᔨᐟ, ᒥᓇ ᐊᓂᐦᐃ ᑳ ᐃᑐᐦᑌᔨᐟ ᐋᐧᑎᑳᓂᕽ. 30ᐁᑯᑕ ᐊᔮᐊᐧᐠ ᑳ ᐅᑭᒫᑲᑕᑭᐠ ᑭᐁᐧᑎᓄᑖᕽ, ᑲᐦᑭᔭᐤ ᐁ ᐃᐦᑕᓯᒋᐠ, ᒥᓇ ᑲᐦᑭᔭᐤ ᓴᐃᑕᓂᐊᓇᐠ, ᑳ ᑲᐧᔭᓯᑌᒋᐠ ᐁ ᐃᐧᒉᐋᐧᒋᐠ ᑳ ᓂᐸᐃᒥᐦᐟ; ᓇᓀᐯᐃᐧᐦᐃᑲᐧᐠ ᑳ ᑭ ᐃᓯ ᓭᑭᐃᐁᐧᒋᐠ ᐅ ᓱᑳᔭᐃᐧᓯᐃᐧᓂᐋᐧᐤ ᐅᐦᒋ; ᐁᑯᓯ ᐃᐧᒋᓯᓄᒣᐊᐧᐠ ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐊᓂᐦᐃ ᑳ ᑭ ᓂᐸᐦᐃᑯᔨᐟ ᓯᒫᑲᓂᑯᒫᐣ, ᒥᓇ ᓇᔭᑕᒪᐧᐠ ᐅ ᓇᓀᐯᐃᐧᓯᐃᐧᓂᐋᐧᐤ ᑭᑭ ᐊᓂᐦᐃ ᑳ ᐃᑐᐦᑌᔨᐟ ᐋᐧᑎᑳᓂᕽ.
31ᐯᕒᐅ ᑭᑕ ᐋᐧᐸᒣᐤ, ᐁᑯᓯ ᑭᑕ ᒥᔪᑌᐦᐁᐢᑳᐠ ᑲᐦᑭᔭᐤ ᑳ ᐅᓵᒣᔭᑎᔨᐟ ᐅᐟ ᐃᔨᓂᒪ ᐅᐦᒋ; ᐯᕒᐅ ᐅᑎ ᒥᓇ ᑲᐦᑭᔭᐤ ᐅᓄᑎᓂᑫᒪ, ᑳ ᑭ ᓂᐸᐦᐃᑯᒋᐠ ᓯᒫᑲᓂᑯᒫᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 32ᒋᑫᒫ ᐅ ᑯᐢᑖᑌᔨᑖᑯᓯᐃᐧᐣ ᓂ ᑭ ᐊᐢᑖᐋᐧᐣ ᐅᐟ ᐊᐢᑭᐋᐧᕽ ᑳ ᐱᒫᑎᓯᒋᐠ; ᐁᑯᓯ ᑭᑕ ᐱᒥᓯᒫᐤ ᒣᑳᐧᐨ ᐁᑳ ᑳ ᓴᕒᑲᒼᓴᐃᓯᐃᐧᒋᐠ, ᑭᑭ ᐊᓂᑭ ᑳ ᓂᐸᐦᐃᑯᒋᐠ ᓯᒫᑲᓂᑯᒫᐣ ᐯᕒᐅ ᐅᑎ ᒥᓇ ᑲᐦᑭᔭᐤ ᑳ ᐅᓵᒣᔭᑎᔨᐟ ᐅᐟ ᐃᔨᓂᒪ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Iliyochaguliwa sasa
ᐃᓯᑭᐁᓬ 32: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.