ᐃᓯᑭᐁᓬ 31
31
1ᑭ ᐊᔨᐢᐸᔨᐤ ᒫᑲ ᒥᑖᑕᐦᐟ ᐯᔭᑯᓵᑊ ᐁ ᑕᐦᑐ ᐊᐢᑭᐊᐧᕽ, ᓂᐢᑐ ᐱᓯᒼ, ᓂᐢᑕᒼ ᐁ ᐃᑕᑭᒥᐦᐟ ᐁᐊᐧᑯ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐅᒥᓯ ᑭ ᑲ ᐃᑖᐤ ᐯᕒᐅ ᐃᒋᑊᐟ ᑭᐦᒋ ᐅᑭᒫᐤ, ᒥᓇ ᑳ ᒫᒪᐁᐧᔭᑎᔨᐟ ᐅᐟ ᐃᔨᓂᒪ; ᐊᐁᐧᓇ ᓀᐢᐱᑕᐊᐧᐟ ᑭ ᑭᐦᒑᔨᐃᐧᐃᐧᓂᕽ? 3ᒫᑎᑲ ᐊᓇ ᐊᓯᕒᐃᔭᐣ ᑭ ᒫᓯᑭᐢᑳᑎᑯᐃᐧᐤ ᓬᐁᐱᓇᓂᕽ ᐁ ᒥᔪ ᐸᐢᑫᑎᑲᐧᓇᑭᓯᐟ, ᒥᓇ ᐁ ᐋᑲᐋᐧᐢᑌᐢᑲᕽ, ᒥᓇ ᐁ ᐃᐢᐸᐢᑭᓱᐟ; ᑭ ᑭᓯᐸᓇᐢᑭᓱ ᒫᑲ ᒣᑳᐧᐨ ᐱᑫᐧᑎᑲᐧᓂᕽ. 4ᓂᐱᔭ ᑭ ᒪᐢᑲᐃᐧᓯᐢᑳᐠ, ᑎᒥᕽ ᐅᐦᒋ ᑭ ᔭᑭᑭᐤ; ᐅ ᓯᐱᒪ ᑭ ᐋᐧᐢᑳᒋᐊᐧᓂᔨᐊᐧ ᐃᑕ ᐁ ᓂᐦᑖᐃᐧᑭᐟ; ᐁᑯᓯ ᑭ ᐹᐸᐢᑫᐢᑎᑫᐧᔮᐤ ᒥᓯᐁᐧ ᐃᑕ ᒥᐢᑎᑲᐧᐠ ᐁ ᐊᔮᒋᐠ. 5ᐊᔨᐋᐧᐠ ᒫᑲ ᑭ ᑭᓄᓯᐤ ᐃᔨᑯᕽ ᑲᐦᑭᔭᐤ ᒥᐢᑎᑲᐧᐠ ᒥᓇ ᒥᐢᑕᐦᐃ ᑭ ᐸᐢᑫᑎᑲᐧᓇᑭᓯᐤ, ᒥᓇ ᐅ ᐊᐧᑎᑲᐧᓇ ᑭ ᑲᑲᓈᐧᔨᐊᐧ ᐁ ᐃᓯ ᒥᒉᐦᑭ ᓂᐱᔨ ᐃᐢᐱ ᐁ ᓯᓭᐧᐸᑭᐟ. 6ᑲᐦᑭᔭᐤ ᐱᔦᓯᓴᐠ ᑳ ᐸᐹᒥᔮᒋᐠ ᑭ ᐊᐧᒋᐢᑐᓂᑳᓱᐊᐧᐠ ᐅ ᐸᐢᑫᑎᑲᐧᓂᕽ, ᒥᓇ ᓯᐹ ᐁ ᓭᑫᐧᑎᑲᐧᓇᑭᓯᐟ ᑲᐦᑭᔭᐤ ᐱᓯᐢᑭᐊᐧᐠ ᐱᑲᐧᒑᔨᕽ ᑭ ᓄᑯᐋᐊᐧᓱᐊᐧᐠ, ᒥᓇ ᓯᐹ ᐅᐟ ᐋᑲᐋᐧᐢᑌᐢᑳᑫᐃᐧᓂᕽ ᑭ ᐊᔮᐊᐧᐠ ᑲᐦᑭᔭᐤ ᑳ ᑭᐦᒑᔨᐃᐧᒋᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ. 7ᐁᑯᓯ ᐅᒪ ᑳ ᐃᓯ ᒥᔪᓯᐟ ᐅ ᑭᐦᒑᔨᐃᐧᐃᐧᓂᕽ, ᐁ ᐃᐢᑳᐧᔨᑭ ᐁ ᐸᐢᑫᑎᑲᐧᓇᑭᓯᐟ; ᒋᑫᒫ ᐅᒉᐱᕽ ᑭ ᐊᔮᔨᐤ ᒋᑭ ᓂᐱᐢᑳᕽ. 8#ᒉᓂᓯᐢ 2:9ᒫᓯᑭᐢᑳᑎᑲᐧ ᐅ ᓂᐦᑖᐃᐧᑭᒋᑲᓂᔨᕽ ᑭᓭᒪᓂᑐᐊᐧ ᓇᒪᐃᐧᔭ ᑭ ᑳᑎᐠ; ᒥᓇᐦᐃᑲᐧ ᓇᒪᐃᐧᔭ ᑭ ᑎᐱᑖᔨᐊᐧ ᐅ ᓭᑫᐧᓯᐃᐧᐣ, ᒥᓇ ᐸᑫᓵᓂᒥᓈᑎᑲᐧ ᓇᒪᐃᐧᔭ ᑭ ᐃᓯ ᐊᔮᔨᐊᐧ ᑖᐱᐢᑯᐨ ᐃᐧᔭ ᐅ ᐸᐢᑫᑎᑲᐧᓇᑭᓯᐃᐧᐣ; ᒥᓇ ᓇᒪ ᐊᐃᐧᔭ ᒥᐢᑎᑲᐧ ᐅ ᓂᐦᑖᐃᐧᑭᒋᑲᓂᔨᕽ ᑭᓭᒪᓂᑐᐊᐧ ᑭ ᑎᐱᐃᐠ ᐁ ᐃᓯ ᑲᑕᐊᐧᓯᓯᐟ. 9ᓂ ᑭ ᒥᔪᓈᑯᐋᐤ ᐁ ᐃᓯ ᐅᓵᒣᔭᑎᓂᔨᑭ ᐅ ᐸᐢᑫᑎᑲᐧᓇ; ᐁᑯᓯ ᑲᐦᑭᔭᐤ ᐃᑎᐣ ᒥᐢᑎᑲᐧ ᑳ ᑭ ᐊᔮᔨᐟ ᐅ ᓂᐦᑖᐃᐧᑭᒋᑲᓂᔨᕽ ᑳ ᑎᐯᔨᐦᒋᑫᔨᐟ ᑭ ᐃᓴᐋᐧᓇᑫᔨᒧᐦᐁᐤ.
10ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒋᑫᒫ ᒥᐢᑕᐦᐃ ᐁ ᑭᓈᐧᐢᑯᓯᔭᐣ, ᒥᓇ ᐁ ᑭ ᑭᓯᐸᐢᑭᓱᐟ ᒣᑳᐧᐨ ᐱᑫᐧᑎᑲᐧᓂᕽ, ᐁᑯᓯ ᐁ ᐃᐢᐯᔨᒧᐟ ᐅ ᑭᓈᐧᐢᑯᓯᐃᐧᓂᕽ; 11ᓂ ᑲ ᐸᑭᑎᓈᐤ ᐅᒋᐦᒋᔨᕽ ᑳ ᓱᑳᔭᐃᐧᓯᔨᐟ ᓇᓈᑐᑯᐢᑳᐣ ᐊᔨᓯᔨᓂᐊᐧ; ᑫᒋᓈ ᐁᐊᐧᑯᓂ ᑭᑕ ᒫᒥᐢᑲᐋᐧᓯᐃᐠ; ᓂ ᑭ ᐊᐧᔭᐃᐧᑎᓴᐋᐧᐤ ᐅ ᒪᒑᔨᐃᐧᐣ ᐅᐦᒋ. 12ᒫᓂᑌᐊᐧ ᒫᑲ ᑳ ᑯᐢᑖᑌᔨᑖᑯᓯᔨᐟ ᐊᔨᓯᔨᓂᐊᐧ ᑭ ᑭᐢᑲᑕᐦᐅᐠ ᒥᓇ ᑭ ᓇᑲᑎᐠ; ᐊᐧᒋᕽ ᒥᓇ ᒥᓯᐁᐧ ᐋᐧᔭᑎᓈᕽ ᐅ ᐸᐢᑫᑎᑲᐧᓇ ᑭ ᐸᐦᑭᑎᓂᔨᐊᐧ, ᒥᓇ ᐅ ᓭᑫᐧᑎᑲᐧᓇ ᓈᑖᐧᑎᓂᔨᐊᐧ ᒥᓯᐁᐧ ᓯᐱᕽ ᐁᑯᑕ ᐊᐢᑭᕽ; ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧ ᐊᐢᑭᕽ ᑭ ᓇᑲᑕᒥᔨᐊᐧ ᐅᐟ ᐋᑲᐋᐧᐢᑌᐢᑳᑫᐃᐧᐣ, ᒥᓇ ᑭ ᓇᑲᑎᐠ. 13ᐅ ᓂᓯᐊᐧᓈᑎᓯᐃᐧᓂᕽ ᑲᐦᑭᔭᐤ ᐱᔦᓯᓴ ᑳ ᐸᐹᒥᔮᔨᐟ ᑭᑕ ᐊᔮᔨᐊᐧ, ᒥᓇ ᑲᐦᑭᔭᐤ ᐱᓯᐢᑭᐊᐧ ᐱᑲᐧᒑᔨᕽ ᑭᑕ ᐊᔮᔨᐊᐧ ᐅ ᐸᐢᑫᑎᑲᐧᓂᕽ; 14ᑳ ᐅᐦᒋ ᐃᑭᕽ ᐁᑳ ᐊᐃᐧᔭᐠ ᑳ ᑕᓯᒋᐠ ᒥᐢᑎᑲᐧᐠ ᒋᑭᐯᐠ ᑭᑕ ᒪᒥᐦᑌᔨᒥᓱᒋᐠ ᐅ ᑭᓄᓯᐃᐧᓂᐋᐧᐤ ᐅᐦᒋ, ᒥᓇ ᐁᑳ ᑭᑕ ᑭᓯᐸᐢᑭᓱᒋᐠ ᒣᑳᐧᐨ ᐱᑫᐧᑎᑲᐧᓂᕽ, ᒥᓇ ᐁᑳ ᑳ ᓱᑳᔭᐃᐧᓯᒋᐠ ᑭᑕ ᓂᐸᐃᐧᒋᐠ ᐁ ᐃᓯ ᑭᓄᑳᐸᐃᐧᒋᐠ, ᑲᐦᑭᔭᐤ ᐅᑎ ᑳ ᒥᓂᐦᑫᐧᒋᐠ ᓂᐱ; ᒋᑫᒫ ᑲᐦᑭᔭᐤ ᐸᑭᑎᓈᐊᐧᐠ ᓂᐳᐃᐧᓂᕽ, ᒫᐊᐧᐨ ᐊᑖᒪᐢᑲᒥᐠ, ᒣᑳᐧᐨ ᐊᔨᓯᔨᓂᐃᐧᑯᓯᓴᐠ, ᑭᑭ ᐊᓂᑭ ᑳ ᐃᑐᐦᑌᒋᐠ ᐋᐧᑎᑳᓂᕽ.
15ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐊᓂᒪ ᐁ ᑭᓯᑳᐠ ᑳ ᑭ ᐃᑐᐦᑌᐟ ᒋᐸᔭᐢᑭᕽ ᓂ ᑭ ᓇᓀᑳᒋᒧᐃᐧᓂᑳᐣ; ᓂ ᑭ ᐊᑲᐧᓇᐁᐣ ᑎᒥᐤ ᐃᐧᔭ ᐅᐦᒋ, ᒥᓇ ᓂ ᑭ ᑭᐱᑎᓀᐣ ᓯᐱᔭ, ᐁᑯᓯ ᑭᐦᒋᓂᐱᔭ ᑭ ᑭᐱᑎᓂᑳᑌᐊᐧ; ᓂ ᑭ ᓯᑭᐢᑲᐋᐧᐤ ᒫᑲ ᓬᐁᐱᓇᐣ ᑭᑕ ᒪᐃᐧᑳᑖᐟ, ᒥᓇ ᑲᐦᑭᔭᐤ ᒥᐢᑎᑲᐧᐠ ᐱᑲᐧᒑᔨᕽ ᑭ ᓀᓱᐃᐧᐸᔨᐊᐧᐠ ᐃᐧᔭ ᐅᐦᒋ. 16ᓂ ᑭ ᑐᑕᐋᐧᐊᐧᐠ ᑳ ᐹᐱᑐᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᓇᓇᒥᐸᔨᒋᐠ ᐁ ᐸᐦᑭᓯᕽ, ᐃᐢᐱ ᒋᐸᔭᐢᑭᕽ ᐁ ᐃᓯᐁᐧᐱᓇᐠ ᐊᓯᒋ ᐊᓂᑭ ᑳ ᐃᑐᐦᑌᒋᐠ ᐋᐧᑎᑳᓂᕽ; ᑲᐦᑭᔭᐤ ᒫᑲ ᐃᑎᐣ ᒥᐢᑎᑲᐧᐠ, ᓇᐊᐧᓱ ᒥᓇ ᑳ ᒫᐊᐧᒋᒥᔪᓯᒋᐠ ᓬᐁᐱᓇᓂᕽ, ᑲᐦᑭᔭᐤ ᑳ ᒥᓂᐦᑫᐧᒋᐠ ᓂᐱ, ᑭ ᒥᔪᑌᐦᐁᐋᐊᐧᐠ ᐊᑖᒥᕽ ᐊᐢᑭᕽ. 17ᐁᐊᐧᑯᓂ ᒥᓇ ᑭ ᐃᐧᒉᐃᐧᐠ ᒋᐸᔭᐢᑭᕽ ᐁ ᓇᑕᐃᐧ ᐃᐧᒋᐊᔮᒫᒋᐠ ᐊᓂᐦᐃ ᑳ ᑭ ᓂᐸᐃᒥᐦᐟ ᓯᒫᑲᓂᑯᒫᐣ ᐅᐦᒋ; ᐁᐦᐁ ᐊᓂᐦᐃ ᑳ ᑭ ᐅᐢᐱᑐᓂᐟ, ᑳ ᑭ ᐊᔮᔨᐟ ᐅᐟ ᐋᑲᐋᐧᐢᑌᐢᑳᑫᐃᐧᓂᕽ ᒣᑳᐧᐨ ᓇᓈᑐᑯᐢᑳᓀᓯᓈᕽ.
18ᐊᐁᐧᓇ ᐅᒥᓯ ᐁᓯ ᓇᐢᐱᑕᐊᐧᐟ ᑭᐢᑌᔨᑖᑯᓯᐃᐧᓂᕽ ᒥᓇ ᑭᐦᒑᔨᐃᐧᐃᐧᓂᕽ ᐃᑕ ᐁ ᐊᔮᒋᐠ ᐃᑎᐣ ᒥᐢᑎᑲᐧᐠ? ᐁᔨᐁᐧᕽ ᑭ ᑲ ᓂᐦᑎᓂᑲᐃᐧᐣ ᑭᑭ ᐃᑎᐣ ᒥᐢᑎᑲᐧᐠ ᐊᑖᒪᔨᕽ ᐊᐢᑭᕽ; ᑭ ᑲ ᐱᒥᓯᓂᐣ ᒣᑳᐧᐨ ᐁᑳ ᑳ ᓴᕒᑲᒼᓴᐃᓯᐃᐧᒋᐠ, ᐊᓯᒋ ᐊᓂᑭ ᑳ ᑭ ᓂᐸᐦᐃᑯᒋᐠ ᓯᒫᑲᓂᑯᒫᐣ. ᐁᐊᐧᑯ ᐊᐊᐧ ᐯᕒᐅ ᒥᓇ ᑲᐦᑭᔭᐤ ᑳ ᐅᓵᒣᔭᑎᔨᐟ ᐅᐟ ᐃᔨᓂᒪ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Iliyochaguliwa sasa
ᐃᓯᑭᐁᓬ 31: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.