ᐁᒫᐢ 6
6
1ᑯᑕᑭᑖᐃᐧᐣ ᑭᑕ ᐊᔮᐊᐧᐠ ᐊᓂᑭ ᑳ ᑭᐦᑎᒪᐱᒋᐠ ᓵᔭᓂᕽ, ᒥᓇ ᐊᓂᑭ ᐁᑳ ᑳ ᐊᔭᐢᑖᓯᒋᐠ ᓴᒣᕒᐃᔭ ᐊᐧᒋᕽ, ᑳ ᐋᒋᒥᑯᐃᐧᓯᒋᐠ ᓈᐯᐊᐧᐠ ᑭᐦᒋᐊᔨᓯᔨᓂᓈᕽ, ᐊᓂᑭ ᑳ ᐯ ᓈᑎᑯᒋᐠ ᐃᐢᕒᐁᐃᓬ ᐅ ᐋᐧᐢᑳᐦᐃᑲᐣ! 2ᐊᑎ ᐋᓱᐃᐧ ᐃᑐᐦᑌᐠ ᐊᓂᑕ ᑳᓬᓀ, ᒥᓇ ᐋᐧᐸᐦᑕᒧᐠ; ᐁᑯᑕ ᒫᑲ ᐅᐦᒋ ᐊᑎ ᓈᑕᒧᐠ ᐦᐁᒫᐦᐟ ᑳ ᑭᐢᑌᔨᑖᑲᐧᕽ; ᐁᑲᐧ ᐊᑎ ᐃᑐᐦᑌᐠ ᐊᓂᑕ ᑳᐦᐟ ᐱᓬᐃᐢᑎᓇᐠ ᑳ ᐊᔮᒋᐠ; ᐊᐊᐧᓯᒣ ᒋ ᒥᔮᐧᓯᓇᐧ ᐃᔨᑯᕽ ᐅᐦᐃ ᑭᐦᒋ ᐅᑭᒫᐃᐧᐃᐧᓇ? ᐊᐦᐳ ᐅᐟ ᐊᐢᑭᐋᐧᐤ ᐊᐊᐧᓯᒣ ᒋ ᒥᓵᔨᐤ ᐃᔨᑯᕽ ᑭᔭᐋᐧᐤ ᑭᐟ ᐊᐢᑭᐋᐧᐤ? 3ᑭᔭᐋᐧᐤ ᐋᐧᔭᐤ ᒫᔨᑭᓯᑳᐤ ᑳ ᐃᑌᔨᑕᒣᐠ, ᐁᑯᓯ ᒪᐢᑲᒥᐁᐧᐃᐧ ᐊᐱᐃᐧᐣ ᑳ ᐯᓱᒋᑖᔦᐠ; 4ᐋᐧᐱᑳᓂ ᓂᐯᐃᐧᓂᕽ ᑳ ᐱᒥᓯᐦᑭᐠ, ᒥᓇ ᑳ ᓴᓯᐱᑫᓯᑭ ᐅ ᔪᐢᑲᐱᐃᐧᓂᐋᐧᕽ, ᒥᓇ ᑳ ᒧᐋᐧᒋᐠ ᒫᔭᑎᐦᑯᓯᓴ ᐁ ᐊᓭᔭᑎᔨᐟ ᐅᐦᒋ, ᒥᓇ ᒧᐢᑐᓱᓯᓴ ᒧᐢᑐᓱᑲᒥᑯᕽ ᐅᐦᒋ; 5ᑳ ᓂᑲᒧᒋᐠ ᐱᑯᓇᑕ ᓂᑲᒧᓇ ᑭᑭ ᐁ ᐯᑖᑲᐧᕽ ᑭᑐᒋᑲᐣ: ᑳ ᐅᓯᐦᑖᐧᓱᒋᐠ ᑭᑐᐦᒋᑫᐃᐧ ᐋᐸᒋᐦᒋᑲᓇ, ᑖᐱᐢᑯᐨ ᑌᐱᐟ; 6ᐳᓯᐢᑭᔮᑲᓂᕽ ᑳ ᒥᓂᐦᑫᐧᒋᐠ ᓱᒥᓈᐳ, ᒥᓇ ᑳ ᑕᒪᐢᑯᓂᓱᒋᐠ ᑭᐦᒋ ᑕᒪᐢᑯᐃᐧᓇ; ᒫᑲ ᓇᒪᐃᐧᔭ ᒥᑯᐢᑳᑌᔨᑕᒥᐃᑲᐧᐠ ᐅ ᑯᑕᑭᑖᐃᐧᓂᔨᐤ ᒍᓯᐸ.
7ᐁᐊᐧᑯ ᐅᐦᒋ ᐁᑲᐧ ᑭᑕ ᐃᑐᐦᑌᐊᐧᐠ ᐊᐊᐧᑳᑎᑯᐃᐧᓂᕽ ᐊᓯᒋ ᐊᓂᑭ ᓂᐢᑕᒼ ᑫ ᐃᑐᐦᑌᒋᐠ ᐊᐊᐧᑳᑎᑯᐃᐧᓂᕽ, ᐁᑯᓯ ᐅ ᒥᔭᐋᐧᑎᑯᑖᐃᐧᓂᐋᐧᐤ ᐊᓂᑭ ᑳ ᑭ ᓴᓯᐱᑫᓯᑭᐠ ᑭᑕ ᐳᓂᐸᔨᔨᐤ. 8ᑳ ᑎᐯᔨᐦᒋᑫᐟ ᑭᓭᒪᓂᑐ ᑭ ᑭᐦᒋᐃᑌᐧᐤ ᐃᐧᔭ ᐁ ᐊᐢᐱᒧᐟ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ ᒥᓯᐁᐧ ᓯᔪᑳᑎᓯᐟ; ᓂ ᓭᓭᐢᑫᔨᑕᒫᐧᐣ ᐅ ᑭᐢᑌᔨᑖᑯᓯᐃᐧᐣ ᒉᑲᑊ, ᒥᓇ ᓂ ᐸᑳᐧᑕᒫᐧᐣ ᐅ ᑭᐦᒋ ᐅᑭᒫᐃᐧᑲᒥᑲᐧ; ᐁᐊᐧᑯ ᐅᐦᒋ ᓂ ᑲ ᐸᑭᑎᓀᐣ ᐅᑌᓇᐤ ᐊᓯᒋ ᑲᐦᑭᔭᐤ ᑫᑲᐧᐩ ᐁᑯᑕ ᑳ ᐊᔮᐠ. 9ᑭᑕ ᐊᔨᑭᐣ ᒫᑲ, ᑭᐢᐱᐣ ᒥᑖᑕᐦᐟ ᓈᐯᐊᐧᐠ ᐃᐢᑯᓂᑖᐧᐃᐧ ᐯᔭᐠ ᐋᐧᐢᑳᐦᐃᑲᓂᕽ, ᑭᑕ ᓂᐱᐊᐧᐠ. 10ᐃᐢᐱ ᒫᑲ ᐊᔨᓯᔨᓂᐤ ᐅᐦᑯᒥᓴ ᐅᑎᓂᑯᒋ, ᐊᓂᐦᐃ ᐅᑎ ᑫ ᒣᐢᑎᑲᓴᒫᑯᐟ, ᑭᑕ ᐊᐧᔭᐃᐧᑕᑖᔨᐟ ᐅᐢᑲᓇ ᐋᐧᐢᑳᐦᐃᑲᓂᕽ ᐅᐦᒋ, ᐁᑯᓯ ᑭᑕ ᐃᑌᐤ ᐊᓂᐦᐃ ᒥᑐᓂ ᐱᐦᒋ ᐋᐧᐢᑳᐦᐃᑲᓂᕽ ᑳ ᐊᔮᔨᐟ, ᑫᔮᐱᐨ ᒋ ᐊᐃᐧᔭᐠ ᑭ ᐃᐧᒋᐊᔮᒥᐠ? ᐁᑯᓯ ᑭᑕ ᐃᑎᐠ, ᓇᒪᐃᐧᔭ; ᐁᑲᐧ ᑭᑕ ᐃᑌᐧᐤ, ᐁᑳᐃᐧᔭ ᓈᐣᑕᐤ ᐃᑌᐧ; ᒋᑫᒫ ᓇᒪᐃᐧᔭ ᑭ ᑲ ᑭ ᒥᐢᑯᑕᒫᐧᓇᐤ ᐅ ᐃᐧᔪᐃᐧᐣ ᑳ ᑎᐯᔨᐦᒋᑫᐟ. 11ᒋᑫᒫ, ᒫᑎᑲ, ᑳ ᑎᐯᔨᐦᒋᑫᐟ ᐃᑕᓱᐁᐧᐤ, ᐁᑯᓯ ᑭᐦᒋᐋᐧᐢᑳᐦᐃᑲᐣ ᑭᑕ ᑖᑕᐃᐧᐁᐧᐸᐦᐊᒼ, ᒥᓇ ᐋᐧᐢᑳᐦᐃᑲᓂᕽ ᑭᑕ ᐱᑯᐦᐊᒼ.
12ᑭᑕ ᐱᒥᐸᑖᐊᐧᐠ ᒋ ᒥᐢᑕᑎᒪᐧᐠ ᐸᐢᑳᐧᐱᐢᑳᕽ? ᐊᐃᐧᔭᐠ ᒋ ᐁᑯᑕ ᑭᑕ ᐱᑯᐱᒋᑫᐁᐤ ᒧᐢᑐᓴᐧ? ᐅᔭᓱᐋᐧᓯᐁᐧᐃᐧᐣ ᐃᐧᓱᐱᕽ ᑳ ᐃᓯ ᑫᐧᐢᑭᓇᒣᐠ, ᒥᓇ ᐁ ᐃᓯ ᒥᓂᓯᐊᐧᕽ ᑲᐧᔭᐢᑭᑖᑎᓯᐃᐧᐣ ᐃᐧᓴᑳᑎᐠ; 13ᑭᔭᐋᐧᐤ ᐱᑯᓇᑕ ᑫᑲᐧᐩ ᑳ ᒥᔭᐋᐧᑕᒧᐃᑯᔦᐠ, ᑳ ᐃᑌᐧᔦᐠ, ᓇᒪ ᒋ ᓂ ᑭ ᐅᑎᓇᒫᓱᓈᐣ ᐁᐢᑲᓇᐠ ᓂᔭᓈᐣ ᓂ ᒪᐢᑲᐃᐧᓯᐃᐧᓂᓈᕽ ᐅᐦᒋ? 14ᒋᑫᒫ, ᑭ ᑲ ᐸᓯᑯᓇᒫᑎᓈᐋᐧᐤ ᐯᔭᑯᐢᑳᐣ ᐊᔨᓯᔨᓂᐊᐧᐠ, ᑭᔭᐋᐧᐤ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᐃᑌᐧᐤ ᑳ ᑎᐯᔨᐦᒋᑫᐟ, ᑭᓭᒪᓂᑐ ᒥᓯᐁᐧ ᓯᔪᑳᑎᓯᐟ; ᑭ ᑲ ᑯᑕᑭᐦᐃᑯᐋᐧᐊᐧᐠ ᒫᑲ ᐁ ᐱᐦᑐᑫᕽ ᐦᐁᒫᐦᐟ ᐅᐦᒋ ᐱᔨᐢ ᐋᕒᐊᐸ ᓯᐱᓯᓯᕽ.
Iliyochaguliwa sasa
ᐁᒫᐢ 6: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.