Саалтыр 148
148
1Аллилуия.
Айхаллааҥ Айыы Тойону халлааннартан,
айхаллааҥ Кинини халлааннар уҥуордарыттан.
2Айхаллааҥ Кинини, бары Аанньаллара;
айхаллааҥ Кинини, бары сэриилэрэ.
3Айхаллааҥ Кинини, күн уонна ый,
айхаллааҥ Кинини, бары суһумнуур сулустар.
4Айхаллааҥ Кинини, добун халлааннар,
айхаллааҥ, халлааннар үрдүлэринэн устар уулар.
5 Айыы Тойон аатын айхаллыахтыннар
Кини тылынан айыллыбыттар.
6Кини үйэттэн үйэлэргэ кинилэри тэрийбитэ,
кэһиллибэт чэрчилэрин быһаттаан биэрбитэ.
7Айхаллааҥ Айыы Тойону сиртэн
улуу балыктар, түгэҕэ биллибэт далайдар бары,
8уот уонна муус толон, хаар уонна туман,
Кини тылын толорор ала буркун.
9Айхаллааҥ хайалар-томтордор бука бары,
отонноох мастар, сыалаах мастар бары,
10дьиикэй кыыллар, сүөһү арааһа,
сиринэн сыыллааччы, халлаанынан көтөөччү барыта.
11Сир-дойду ыраахтааҕылара, бары норуоттар,
кинээстэр, аан дойду судьуйалара бука бары,
12уолаттар-кыргыттар,
оҕонньоттор-оҕолор – бары бүттүүн
13 Айыы Тойон аатын айхаллыахтыннар:
Кини эрэ аата баар үрдүктэн үрдүк,
Кини килбиэнэ сир-халлаан үрдүнэн сыдьаайар.
14Кини норуотун күүһүн-күдэҕин бөҕөргөттө,
бары сибэтиэй дьонун, Израиль уолаттарын,
Бэйэтигэр чугас норуоту, албан аатырта.
Аллилуия.
Iliyochaguliwa sasa
Саалтыр 148: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022