Саалтыр 146
146
1Аллилуия.
Үчүгэй даҕаны Таҥарабытыгар айхал ыллыырбыт!
Үөрүүлээх даҕаны Кинини сиэрдээхтик айхаллыырбыт!
2 Айыы Тойон Иерусалимы чөлүгэр түһэрэр;
Израильтан үүрүллэн барбыты төнүннэрэр.
3Кини самныбыт санаалаахтары үтүөрдэр,
кинилэр баастарын эмтиир-оһордор.
4Кини сулустар ахсааннарын быһаарар,
кинилэргэ барыларыгар аат быһар.
5Биһиги Айыы Тойоммут улуу, Кини сүдү күүстээх,
муҥурун булларбат муударай өйдөөх.
6 Айыы Тойон баттаммыты өрө таһаарар,
оттон хара дьайдааҕы сиргэ-буорга быраҕар.
7Ыллааҥ, Айыы Тойону айхаллааҥ,
арфаҕа оонньооҥ Таҥарабытыгар.
8Кини халлааны былытынан бүрүйэр,
сиргэ-дойдуга ардаҕы бэлэмниир,
томтор сирдэри торҕо күөҕүнэн симиир.
9Кыылы-сүөлү аһылыгынан хааччыйар,
аччыктаан хаһыытаһар суор оҕолорун кытта аһатар.
10Кини ат күүһүттэн-уоҕуттан,
киһи атаҕа быһыйыттан үөрэр буолбатах –
11 Айыы Тойон үөрэр Киниттэн куттанааччыттан,
Кини бигэ тапталыгар эрэнээччиттэн.
Iliyochaguliwa sasa
Саалтыр 146: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022