Саалтыр 139
139
1Хуор салайааччытыгар. Давид псалома.
2Өрүһүй миигин, Айыы Тойон, өһөгөйдөөх киһиттэн,
көмүскээ күүһүнэн өттөйөөччүттэн;
3кинилэр хара санааны сүрэхтэригэр биһиктииллэр,
күн аайы иирээни иилииллэр.
4Тыллара-өстөрө – эриэн үөн сүлүһүннээх иннэтэ,
уостара бүтүннүү – моҕой дьаата. Села
5Харыстаа миигин, Айыы Тойон, хара дьайдаах илиититтэн,
көмүскээ күүстэринэн өттөйөөччүлэртэн,
охторо сатыыр оҕуруктаах өйдөөхтөртөн.
6Улуутумсуктар миэхэ угаайы оҥорбуттар,
туһах, доҕуур ииппиттэр,
суол ортотугар сохсо туруорбуттар. Села
7Мин Айыы Тойоҥҥо эттим: «Эн буолаҕын мин Таҥарам;
Айыы Тойон, иһит ааттаһар саҥабын».
8Оо, Айыы Тойон, Айыы Тойон, күүстээх Өрүһүйээччим,
кыргыһыы күнүгэр Эн харыстаатыҥ мин төбөбүн.
9 Айыы Тойон, хара дьайдаахтар баҕаларын толорума;
куһаҕан соруктарын ситиһиннэримэ,
кинилэр өҥ антах түһүөхтэрэ. Села
10Миигин тулалааччылар төбөлөрүн өндөтөн эрэллэр;
кырыктаахтык тылласпыттара бэйэлэригэр кэлиэхтин.
11Умайа сылдьар чох кинилэргэ тоҕуннун,
уокка быраҕыллан, аны турбаттыы, ииҥҥэ түстүннэр.
12Куһаҕан тыллаах киһи бу сир үрдүгэр тирэҕириэ суоҕа;
күүһүнэн өттөйөөччүнү өһөгөйө бэйэтин өлөрүөҕэ.
13Мин билэбин Айыы Тойон күөмчүлэммити көмүскүүрүн,
Кини суох-дьадаҥы кырдьыгын өйүүрүн.
14Дьиҥ чахчы, кырдьыксыттар Эн ааккын айхаллыахтара,
кырдьыктаах дьон Эн аттыгар олоруохтара.
Iliyochaguliwa sasa
Саалтыр 139: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022