Саалтыр 120
120
1Дабайыы ырыата.
Хайалар диэки үөһэ көрөбүн –
хантан эрэ миэхэ көмө кэлэр?
2Сири-халлааны айбыт Айыы Тойонтон
миэхэ көмө кэлиэҕэ.
3Халбаҥнаттарыа суоҕа Кини эн атаххын,
эйигин араҥаччылааччы утуйан хаалыа суоҕа.
4Нуктаабат да, утуйбат да
Израиль Араҥаччыта.
5 Айыы Тойон эйигин харыстыыр,
Айыы Тойон уҥа өттүгүттэн хаххалыыр.
6Күнүһүн күн уота эйигин охсуо суоҕа,
түүнүн ый сырдыга эйиэхэ дьайыа суоҕа.
7 Айыы Тойон эйигин бары дьайтан харыстыаҕа,
Кини эн олоххун харыстыаҕа.
8Аны мантан инньэ үйэлэр тухары
кэлэр-барар суолгар барытыгар
Айыы Тойон эйигин араҥаччылыаҕа.
Iliyochaguliwa sasa
Саалтыр 120: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022