GALATIAMI 4
4
Alhou Nuliqo
1Ino piakeuye hike: amheghi lunikeu huno izulo aphi loye, amheghi kumtsu paw shianamu aquaxemi lakhi toi peitha acheni. 2Pano izulo aphi loye pa puno kihitha puatsukeu tsala tomoke kutolo pa shikukami eno ghakusumi qholo acheni.
3Ningu ghi tihutoike; ninguno akupulu tekhoyilu mphi loye ayeghilo yezahqo qu-axemi shi acheke. 4Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe, 5Ayezah qholo xuchekemi xachilelunike, tishianguno ningu pelo Alhou no saputhulu vekemi nuli shilupeniyeke.
6Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.” 7Ikehu nonguye aqu-axemi lakhi kumovae, ikemu anu lakhiake. Eno anu lakhi keaye amheghi ighinikemi lakhike. #Rom 8.15-17
Galatiami ghengu Kumsukimgheyi
8Kughou nonguno Alhou mthano achekeno, kichile lhouqo qu-axemi shi acheke. 9Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya? 10Nonguno atsala, aqhi, atusho eno ampe hamilo tsaquyi pinyi cheni! 11Ino nongu gholo aghimeshi mlachekeu adou shivea keshelapi niye msa ani.
12Athikuzumiqo, ino nongu qhuiniju ani, ino kiutoi keno nongu ghi titoi shiluvelo, kughengu niye nongu toi shive kehu. Nonguye ishou kiumu akumou shipuamoe, 13nongu ghi kumsulu aghi nanike, iphilo kusukini sholukeu lono nongu vilo atsakiviu pikulha nikeu dokivi atughiu ithuluke. 14Ino kusukini shi aji puakeu ghenguno nongu gizulo pejukeu lakhi shive ikeghi nonguye iju kuchhubemo momu ipevemoke, ikemu nonguno Alhou wu kungumi lakhi momu Jisu Khristo sasulu akeshi ni ikhiluke. 15Nongu mlo kiqishi achekeu hu itehiye kiu shivea kya? Kughengu ino nongu zuqhushi hipau shepe shitsulu nanike: nonguye nongu nhethi lejo suwo itsuvenishi acheke. 16Ike itehiye ino nongu vilo kuchou tsa pike ghenguno nongu ghumi shiveape kesha? 17Timi hupaqoye nongu lau shishe amlo tsuani, ikemu panongu kukumsuye akivi xapu amoe. Panonguye ilauno nongu pelo kututa shivepe nishi anike tishianguno nongu pelo panoqo lau amlo tsuwuve peniye shianike. 18Ino nongu gholo akelo likhino kumo puzu kiukiumu akivipu kukumsu ghenguno amlo tsuqhiyi cheghi aye tiye pulhapuju aloke. 19Ino kimiyechekemi anuliqo, totimino apunu kusu suakeshi niye itaghi nongu lolo Khristo lhoaye gholumoke kutolo nongu ghenguno ino ime suani. 20Niye nongu gholo kumtsa anishi ani eno kutau ghola lono nongu junishi ani, kughengu niye nongu pesu kiu shivetsumono anie!
Hagar ngo Sara
21Ivilo pilo, nongu khunoqono Ayezah qholo anishi cheni keno hi Ayezah lo kiu yepuani keno chimla aphikesha? 22Ishi pipuakeuno Abraham no anu kini achekelo lakhino amishiu nu eno lakhiuye anipu kuchou nuke. #Bothu 16.15; 21.2 23Amishiu nuye timi lhoayeh ghola lono punuke, ikemu anipu kuchou nuye Alhou no tushoqhi puakeu lono punuke. 24Ike hiye kichekipiye lakhike: totimi hipamaye puloshoqhi kini huke. Lakhiye Sinai Naghuto kudauno, tipau nuliqoye aquaxemi shi punu cheni, tiye Hagar ke. 25Hagar ye Arabia lo Sinai Naghuto kumlhoke, eno itodolo Jerusalem phughiye li kumlhoke, kughengu Jerusalem ye tile akemiqo sasu aquaxemi shiani. 26Ikemu anipu kuchou huno kungughalo akeu Jerusalem kumlhoke, liye ningu zake. 27Kughengu kuchoyesulo ishi yepuani:
“Anuhau totimio, noye atianuli kuha namu alovi alo!
Noye apunu kusu sujumo namu,
alokivi launo ighamuku alo!
Kughengu akimi sasu kughuna akeu totimi nguno jumuve keu totimi huno atianuli alau kutomo anani.” #Isa 54.1 28Ikehu ningu athikuzumiye Isak toi Alhou no tushoqhi puakeu tianuliqoke. 29Ike wovekeu ghulokilo timi lhoaye lono punu keu nu huno Alhou Ghungu kudauno punulukeu nu shikighime cheke toi, itehi ghi titoi anike. #Bothu 21.9 30Ikemu kuchoyesulo kiu pipuani kya? “Aquaxeliu ngo linu pama haphevelo, kughengu aquaxeliu nuye anipu kuchou nu sasu amheghi ighikuqha pemo nani.” #Bothu 21.10 31Tishiaye, athikuzumiqo, ninguye aquaxeliu nuliqo kumoe ikemu anipu kuchou nuliqo ke.
Iliyochaguliwa sasa
GALATIAMI 4: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
GALATIAMI 4
4
Alhou Nuliqo
1Ino piakeuye hike: amheghi lunikeu huno izulo aphi loye, amheghi kumtsu paw shianamu aquaxemi lakhi toi peitha acheni. 2Pano izulo aphi loye pa puno kihitha puatsukeu tsala tomoke kutolo pa shikukami eno ghakusumi qholo acheni.
3Ningu ghi tihutoike; ninguno akupulu tekhoyilu mphi loye ayeghilo yezahqo qu-axemi shi acheke. 4Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe, 5Ayezah qholo xuchekemi xachilelunike, tishianguno ningu pelo Alhou no saputhulu vekemi nuli shilupeniyeke.
6Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.” 7Ikehu nonguye aqu-axemi lakhi kumovae, ikemu anu lakhiake. Eno anu lakhi keaye amheghi ighinikemi lakhike. #Rom 8.15-17
Galatiami ghengu Kumsukimgheyi
8Kughou nonguno Alhou mthano achekeno, kichile lhouqo qu-axemi shi acheke. 9Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya? 10Nonguno atsala, aqhi, atusho eno ampe hamilo tsaquyi pinyi cheni! 11Ino nongu gholo aghimeshi mlachekeu adou shivea keshelapi niye msa ani.
12Athikuzumiqo, ino nongu qhuiniju ani, ino kiutoi keno nongu ghi titoi shiluvelo, kughengu niye nongu toi shive kehu. Nonguye ishou kiumu akumou shipuamoe, 13nongu ghi kumsulu aghi nanike, iphilo kusukini sholukeu lono nongu vilo atsakiviu pikulha nikeu dokivi atughiu ithuluke. 14Ino kusukini shi aji puakeu ghenguno nongu gizulo pejukeu lakhi shive ikeghi nonguye iju kuchhubemo momu ipevemoke, ikemu nonguno Alhou wu kungumi lakhi momu Jisu Khristo sasulu akeshi ni ikhiluke. 15Nongu mlo kiqishi achekeu hu itehiye kiu shivea kya? Kughengu ino nongu zuqhushi hipau shepe shitsulu nanike: nonguye nongu nhethi lejo suwo itsuvenishi acheke. 16Ike itehiye ino nongu vilo kuchou tsa pike ghenguno nongu ghumi shiveape kesha? 17Timi hupaqoye nongu lau shishe amlo tsuani, ikemu panongu kukumsuye akivi xapu amoe. Panonguye ilauno nongu pelo kututa shivepe nishi anike tishianguno nongu pelo panoqo lau amlo tsuwuve peniye shianike. 18Ino nongu gholo akelo likhino kumo puzu kiukiumu akivipu kukumsu ghenguno amlo tsuqhiyi cheghi aye tiye pulhapuju aloke. 19Ino kimiyechekemi anuliqo, totimino apunu kusu suakeshi niye itaghi nongu lolo Khristo lhoaye gholumoke kutolo nongu ghenguno ino ime suani. 20Niye nongu gholo kumtsa anishi ani eno kutau ghola lono nongu junishi ani, kughengu niye nongu pesu kiu shivetsumono anie!
Hagar ngo Sara
21Ivilo pilo, nongu khunoqono Ayezah qholo anishi cheni keno hi Ayezah lo kiu yepuani keno chimla aphikesha? 22Ishi pipuakeuno Abraham no anu kini achekelo lakhino amishiu nu eno lakhiuye anipu kuchou nuke. #Bothu 16.15; 21.2 23Amishiu nuye timi lhoayeh ghola lono punuke, ikemu anipu kuchou nuye Alhou no tushoqhi puakeu lono punuke. 24Ike hiye kichekipiye lakhike: totimi hipamaye puloshoqhi kini huke. Lakhiye Sinai Naghuto kudauno, tipau nuliqoye aquaxemi shi punu cheni, tiye Hagar ke. 25Hagar ye Arabia lo Sinai Naghuto kumlhoke, eno itodolo Jerusalem phughiye li kumlhoke, kughengu Jerusalem ye tile akemiqo sasu aquaxemi shiani. 26Ikemu anipu kuchou huno kungughalo akeu Jerusalem kumlhoke, liye ningu zake. 27Kughengu kuchoyesulo ishi yepuani:
“Anuhau totimio, noye atianuli kuha namu alovi alo!
Noye apunu kusu sujumo namu,
alokivi launo ighamuku alo!
Kughengu akimi sasu kughuna akeu totimi nguno jumuve keu totimi huno atianuli alau kutomo anani.” #Isa 54.1 28Ikehu ningu athikuzumiye Isak toi Alhou no tushoqhi puakeu tianuliqoke. 29Ike wovekeu ghulokilo timi lhoaye lono punu keu nu huno Alhou Ghungu kudauno punulukeu nu shikighime cheke toi, itehi ghi titoi anike. #Bothu 21.9 30Ikemu kuchoyesulo kiu pipuani kya? “Aquaxeliu ngo linu pama haphevelo, kughengu aquaxeliu nuye anipu kuchou nu sasu amheghi ighikuqha pemo nani.” #Bothu 21.10 31Tishiaye, athikuzumiqo, ninguye aquaxeliu nuliqo kumoe ikemu anipu kuchou nuliqo ke.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.