GALATIAMI 3
3
Ayezah moaye Akupulu
1O Galatiami mbomzumiqo, khuno nongu shikughuzuve kya? Nongu nhethino ithulu akeshi Jisu Khristo kros lono yedave keu vejoi lhepiyeve ake kumo kesha? 2Ipelo hilikhi nongu vilo inijulu pelo. Ayezah lo pikeu shiluke ghenguno keo, akupulu lono atsakiviu chilukeu ghenguno nonguye Aghungu Kimthe ithulu kya? 3Nonguye hikithipushi mbomuzu kesha? Alhou Ghungu pesu nongu kupulu kuxu huthuve puzu itehiye nongu shi-aji kumto lono kishekhani kesha? 4Nonguno puju shiju keu ye adou kesha? Kuchouno tiye pakiqi hami ani! 5Alhou Ghungu Kimthe nongu lau pekishe sughi eno nongu gholo akumzapu kumla mlatsukeu huye nonguno Ayezah lo mlalo pikeu shiluke ghenguno keo, nonguno atsakiviu chilu puzu pulukeu ghenguno kya?
6Abraham ghili pikeu toike: “Abraham no Alhou shou pulubeke, ikehu paye achipikava kepi Alhou no pa kihiluve.” #Bothu 15.6; Rom 4.3 7Nongu ghi tihutoike. Nonguno ithikepushi akeuno akupulu akemiqono Abraham polo kughukomi kuchouke. #Rom 4.16 8Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.” #Bothu 12.3 9Abraham kupuluno kumgha keu qeluke toi kupulumi kumtsu kumghatsue.
10Tighenguno khunono Ayezah lo mlalo pipuakeu shilukeu pukhu acheni keno tipanoqoye Alhou no musu inivekeulo anie. Kughengu kuchoyesulo ishi pipuani. “Khunoqono Ayezah kakulo yepuku puakeu kumtsu pelumo eno tipaqo shimo nikeno tipanoye musuinikeulo ani!” #Zaki 2.26 11Mutsuqheyino Ayezah ye khilemu timi pelo Alhou zulo achipikalu pemlake, kughengu kuchoyesulo ishi pipuani, “Timi khuuno akupulu vechewo Alhou lau achipikalu cheni keno paye xulu nani.”#Haba 2.4 12Ikemu Ayezah ye akupulu shou pukhube amoe, kughengu Ayezah lo ishi pipuakeuno, “Timi khuuno yezahlo shilo pipuakeqo shinikeno tipaqo xulu nani.” #Achine 18.5 13Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.” #Zaki 21.23 14Khristo no hitoi aghime shikeuye Alhou no Abraham lau kumghatsukeu hu Judakumomi ghi Jisu Khristo gholo kimepe akeu ithulu eno akupulu vechewo ningu pelo Aghungu Kimthe ikhilupeniyeke.
Ayezah eno Ashoqhi
15Athikuzumiqo, timi kuxulo kichekipiye tsuni: timi kini dolo thotsu pulo shoqhi shive keu hexa luchemo momu sukupha lu chemoe. 16Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke. #Bothu 12.7 17Ino piakeu kiqiye hike. Alhou no pulo shoqhi lakhi shipuzu tipau shikupuniyeke. Ampe 430 thiuno ighikeu huye tipau puloshoqhi hexavemla eno Alhou no piqhipuakeu ikhi vemlae. #Ipe 12.40 18Kughengu Alhou no tsukeu mheghi Ayezah shou bepe aghi kenapiaye tiye ashoqhi shou bepe amovae, ikemu tipauye Alhou no ashoqhi shipesu Abraham tsukeuke. #Rom 4.14
19Tishiaye kiushipeniye Ayezah tsupuani kya? Tipau sukuphatsukeuye kiuno achipikumo keno piyeni kehuke, ikemu tiye Abraham “polo kughuko” hu ighimoke kuto dolo likhike, kughengu pa lau ashoqhi shikeke. Ti Ayezah huye kungumi vechewo lachemi launo pikiye sughike. 20Ikemu khileno ampino shini keno lachemi avehupu kuhae, kughengu Alhou ye lakhie.
Ayezah tsukeu Kimiji
21Tishiaye Ayezah ye Alhou no ashoqhi shipuakeu hebide kesha? Tikumoe! Kughengu ayezah lakhi tsukeu lono timi puxu kulupu ke aye, ayezah vechewo timi pelo Alhou lau achipikalu peni cheke. 22Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.
23Akupulu ighimphi loye ningu kumtsu Ayezah no khathasupe akughumi shipuacheke, 24Ikehu Khristo ighimoke kutolo Ayezah no ningu kukutsuu shiacheke, tishianguno ningu pelo akupulu vechewo Alhou lau achipikalu peniyeke. 25Ikemu itehi akupulu huye ighivae, ninguye ayezah qholo ngomovae.
26Kughengu akupulu vechewo Jisu Khristo gholo kimepe akeu lono nongu kumtsu Alhou nuliqoke. 27Kughengu nongu khijehino Khristo sasu kuqha pekeulo baptiz shiveakeno Khristo kuxu pepuvae. 28Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie. 29Tsala nonguno Khristo laumi aye nonguye Abraham polo kughukomiqo ke, eno Alhou no piqhi puakeu mheghi ithulu nani. #Rom 4.13
Iliyochaguliwa sasa
GALATIAMI 3: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
GALATIAMI 3
3
Ayezah moaye Akupulu
1O Galatiami mbomzumiqo, khuno nongu shikughuzuve kya? Nongu nhethino ithulu akeshi Jisu Khristo kros lono yedave keu vejoi lhepiyeve ake kumo kesha? 2Ipelo hilikhi nongu vilo inijulu pelo. Ayezah lo pikeu shiluke ghenguno keo, akupulu lono atsakiviu chilukeu ghenguno nonguye Aghungu Kimthe ithulu kya? 3Nonguye hikithipushi mbomuzu kesha? Alhou Ghungu pesu nongu kupulu kuxu huthuve puzu itehiye nongu shi-aji kumto lono kishekhani kesha? 4Nonguno puju shiju keu ye adou kesha? Kuchouno tiye pakiqi hami ani! 5Alhou Ghungu Kimthe nongu lau pekishe sughi eno nongu gholo akumzapu kumla mlatsukeu huye nonguno Ayezah lo mlalo pikeu shiluke ghenguno keo, nonguno atsakiviu chilu puzu pulukeu ghenguno kya?
6Abraham ghili pikeu toike: “Abraham no Alhou shou pulubeke, ikehu paye achipikava kepi Alhou no pa kihiluve.” #Bothu 15.6; Rom 4.3 7Nongu ghi tihutoike. Nonguno ithikepushi akeuno akupulu akemiqono Abraham polo kughukomi kuchouke. #Rom 4.16 8Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.” #Bothu 12.3 9Abraham kupuluno kumgha keu qeluke toi kupulumi kumtsu kumghatsue.
10Tighenguno khunono Ayezah lo mlalo pipuakeu shilukeu pukhu acheni keno tipanoqoye Alhou no musu inivekeulo anie. Kughengu kuchoyesulo ishi pipuani. “Khunoqono Ayezah kakulo yepuku puakeu kumtsu pelumo eno tipaqo shimo nikeno tipanoye musuinikeulo ani!” #Zaki 2.26 11Mutsuqheyino Ayezah ye khilemu timi pelo Alhou zulo achipikalu pemlake, kughengu kuchoyesulo ishi pipuani, “Timi khuuno akupulu vechewo Alhou lau achipikalu cheni keno paye xulu nani.”#Haba 2.4 12Ikemu Ayezah ye akupulu shou pukhube amoe, kughengu Ayezah lo ishi pipuakeuno, “Timi khuuno yezahlo shilo pipuakeqo shinikeno tipaqo xulu nani.” #Achine 18.5 13Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.” #Zaki 21.23 14Khristo no hitoi aghime shikeuye Alhou no Abraham lau kumghatsukeu hu Judakumomi ghi Jisu Khristo gholo kimepe akeu ithulu eno akupulu vechewo ningu pelo Aghungu Kimthe ikhilupeniyeke.
Ayezah eno Ashoqhi
15Athikuzumiqo, timi kuxulo kichekipiye tsuni: timi kini dolo thotsu pulo shoqhi shive keu hexa luchemo momu sukupha lu chemoe. 16Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke. #Bothu 12.7 17Ino piakeu kiqiye hike. Alhou no pulo shoqhi lakhi shipuzu tipau shikupuniyeke. Ampe 430 thiuno ighikeu huye tipau puloshoqhi hexavemla eno Alhou no piqhipuakeu ikhi vemlae. #Ipe 12.40 18Kughengu Alhou no tsukeu mheghi Ayezah shou bepe aghi kenapiaye tiye ashoqhi shou bepe amovae, ikemu tipauye Alhou no ashoqhi shipesu Abraham tsukeuke. #Rom 4.14
19Tishiaye kiushipeniye Ayezah tsupuani kya? Tipau sukuphatsukeuye kiuno achipikumo keno piyeni kehuke, ikemu tiye Abraham “polo kughuko” hu ighimoke kuto dolo likhike, kughengu pa lau ashoqhi shikeke. Ti Ayezah huye kungumi vechewo lachemi launo pikiye sughike. 20Ikemu khileno ampino shini keno lachemi avehupu kuhae, kughengu Alhou ye lakhie.
Ayezah tsukeu Kimiji
21Tishiaye Ayezah ye Alhou no ashoqhi shipuakeu hebide kesha? Tikumoe! Kughengu ayezah lakhi tsukeu lono timi puxu kulupu ke aye, ayezah vechewo timi pelo Alhou lau achipikalu peni cheke. 22Ikemu kuchoyesulo pikeuno ayeghiqha kumtsu kuka axine no qhasupe ani, ikehu khunoqono pulu nikeno, Jisu Khristo pulubekeu lono tsunikeu shi piqhipuakeu gho hu ithulupe niyeke.
23Akupulu ighimphi loye ningu kumtsu Ayezah no khathasupe akughumi shipuacheke, 24Ikehu Khristo ighimoke kutolo Ayezah no ningu kukutsuu shiacheke, tishianguno ningu pelo akupulu vechewo Alhou lau achipikalu peniyeke. 25Ikemu itehi akupulu huye ighivae, ninguye ayezah qholo ngomovae.
26Kughengu akupulu vechewo Jisu Khristo gholo kimepe akeu lono nongu kumtsu Alhou nuliqoke. 27Kughengu nongu khijehino Khristo sasu kuqha pekeulo baptiz shiveakeno Khristo kuxu pepuvae. 28Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie. 29Tsala nonguno Khristo laumi aye nonguye Abraham polo kughukomiqo ke, eno Alhou no piqhi puakeu mheghi ithulu nani. #Rom 4.13
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.