APOSTOLMI 15
15
Jerusalem Hoho
1Ikemu Judia lono timi khami Antiok lo iqighi puzu ishi athikuzumiqo kutsu aghi: “Muse yezah kiqilo toi nonguno aphighu yiko ghave moaye nongu xamla nani.” #Achine 12.3 2Hipau ghenguno Paul ngo Barnaba pamaye panoqo sasu ghi kutsala kumbu. Ike Paul ngo Barnaba eno kutamiqo khami kishepuzu Antiok lono Jerusalem lo iqhono apostolmi ngo kupulumi kichimiqo sasu hipau vehu kuptsaju penikeu shi. 3Ike alalo panongu ghenguno akukuhouno thwokha kutotsu, panonguno Fanikia ngo Samaria qha kathasu wuche kelo Judakumomino kishi Alhou lau xaide ighilu anikeno lhepiye, eno hipaqo sutsa chilu puzu kupulumi athikuzumi kumtsu lau shishe alokivi sughitsu. 4Panonguno Jerusalem lo ighikelo akukuhomi, apostolmi eno kupulumi kichimiqono aghakiqishi panongu sasu, eno Alhou no panongu pesu kiu shilupekeno kumtsu panoqo vilo lhepiye. 5Ikemu Farisimi mqo gholo pululuvekemi khamino puthughono pi, “Panonguye aphighu yiko ghavetsu masae eno Muse yezah pape nikeu pimayesae.”
6Apostolmi ngo kupulumi kichimiqono hipau vehu kuptsaniye kuhokumqo. 7Shishe kutsalaju akethiu, Pitor no puthughono panoqo vilo pi, “Ithikuzumiqo, nonguno ithi anike, puzuu nomu Alhou no nongu gholono ikishe puzu Judakumomi pelo Asutsa Kiviu chilu eno pulupenikeu shike. 8Timi mulo ithi achekeu Lhou no ningu tsuketho lono Judakumomi lau amlo kiqi piye ghi Aghungu Kimthe panongu tsue. #Aposto 2.4,40-44 9Ningu ngo panoqo dolo Alhou no kumu kothakilekeu shitsumo; eno panoqono pulukeu vechewo pano panongu xine pevetsuae. 10Imaye, nonguye kushiye Alhou pejughi kupulumiqo shou khikhi nipuasu momu ninguno puqhemlakeu makho pesu panoqo xapipe ani kya? 11Tishikepu kumoe, kughengu nino puluakeuno ningu ghi panongu toi Ampeu Jisu wu kupukini vechewo xalue.”
12Ike tile kuho akemi kumtsu iquneive eno Barnaba ngo Paul pamano Alhou no pama vechewo Judakumomi gholo amchipu ngo akumzapu shikeu kumtsu lhepe pikeulo tsaqui ini. 13Pamano pitave kethiu Jems no khochile pi, “Athikuzumiqo, itsa initsulo! 14Simon no kishekulu piveano inahuno Alhou no Judakumomi tuchoheju achekeuno panongu gholono timi mqo lakhi paje ghenguno ikhiphelu niyeke. 15Tungkupumi tsa ghi hipaulo aphiphi shi hitoi yepuani:
16‘Hipa tikhau ino xaideghi nani;
eno David ki ilaqivekeu ino shikithetsu nani.
Hi ixapinyi akeu ino shikithetsu nani eno hipau pelo itaghi puthugholupe nani.
17Tishianguno timi kutami eno Judakumomi kumtsu khijeno ije ku acheni keno tipaqo pelo Ampeu phulupenike,
18ipi Ampeu no pie, pano hipaqo vehu kha-ghi no pithivae.’ #Amus 9.11-12
19“Tighenguno iwu xakuthaye Judakumomi khunoqo Alhou lau tsughu ighilu ani keno panoqo punaqhi akepu kumoe. 20Ikemu panoqo lau yesu yepe puwu kepu eno panoqo vilo asu-atu chineno kitiqevekeu chuqupu chupemonike, salha shupu pemonike; eno tsukiqhikeu lhoxu ngo ahji ishi chumokepu shi pivekepue. #Ipe 34.15-17; Achine 17.10-16; 18.6-23 21Kughengu Muse yezah ye khaghino Sabat atsu-tsu Sinagog lo phisu che, eno pa tsa taun kumtsulo asheshu cheke.”
Judakumomi Kupulumi lau Yesu
22Tile Apostolmi ngo kupulumi kichimiqo eno akukuhomi kumtsu sasu kuqha puzu panongu muqo lono timi khami kishe puzu Paul ngo Barnaba gholono Antiok lo tipaqo puwu nikeu pulokuqhalu. Panonguno Barsaba ipichekeu Juda ngo Sila pama kishe, pamaye athikuzumi gholo sakiphemi shi acheke. 23Panonguno tipaqo ulo yesu ishi yetsu puwu:
“Ni athikuzumi apostolmi ngo kupulumi kichimiqono nongu Judakumomi athikuzumi khilehi Antiok, Siria eno Kilikia ghakhulo ani keno petha tsu ani. 24Hilau ningu gholo timi khamino wuno panonguno kiu pikeno tipauno nongu punaqhi eno nongu kutakihi aniepikeu ninguno chiluvae, ikemu panonguye tishikepu kiumu nivilo iniju puamoe. 25Ike ninguno kuhokumqono timi khami kishepe nikusau Barnaba ngo Paul pama gholono nonguqo lau puwunikeu kumtsuno pulokuqhaluvae. 26Nikusau Barnaba ngo Paul pamaye Ampeu Jisu Khristo ghenguno akuxu pephetsuvekemi timike. 27Ike ninguno kiu vehu yepuwu anikeno tipau ampino ghi pipenike ghenguno Juda ngo Sila pama puwu ani. 28Aghungu Kimthe ghi eno ningu ghi pulokuqhalu ani ike akhoto vehu hipaqo nguno alauye kiu makhomu nongu shou betsumo nikeu shivae: 29asu-atu chine mllavekeu chuqupu chukevilo; ahji chukevilo; tsukiqhikeu lhoxu shi chukevilo; salha-shupukevilo. nonguno hipaqo lono kutokupuyi napiaye, nonguye achipi shilu nani. Akivishi alo.”
30Ike kishevekeqo puwuve eno panonguno Antiok lo iqighi eno kupulumiqo kuho kumqono tipaqo lau yesu hu tsue. 31Kughou ahoholo hi phisukeno tipaulo hakitekeu sutsa chiluno panonguye alokivi shive. 32Juda ngo Sila pama ghi tungkupumi kehu atsa kutomo pesu pi puzu athikuzumi hakitekile eno panongu shikumtotsu. 33Panonguno ado lu-ghi tilau ngove. Tishi puzu athikuzumino alokiqishi panongu puwukeqo lau panoqo kighide puwove. 34[Ikemu Sila ye tilehi ngonikeu pulove.] 35Paul ngo Barnaba pamaye Antiok lo ngo kutamino kutomo sasu Ampeu tsa pe kutsupiye eno asheshu ae.
Paul ngo Barnaba pama Kututashive
36Atsala hami thiu Paul no Barnaba vilo pi, “Nikujono Ampeu tsa pesu asheshu chekeu phughiqolo itaghi nikujo wujuni eno athikuzumiqoye kiutoi ani keno juwuni nolo.” 37Ikelo Barnaba no pama gholo Johan Mark ghi sasu wunikeu pulo ae. 38Ikemu Paul no kumsukeuno Johan Mark ye puzuu Pamfilia lo panongu sasu chepuzu idewoveno panongu gholo akumla shiwo tomovekeke pa sasu wumokeu paviepi kumsulu. #Aposto 13.13 39Pama dolo shishe kutsalakeu ipeghive, ikehu panongu kututashive, Barnaba no pa gholo Mark saluve eno ashukaki lono Kupra lo wuve. 40Paul ghi pa shelo Sila kisheluno athikuzumiqono Ampeu wu kupukinilo inibetsu puzu cheve. 41Pano Siria ngo Kilikia qhalo wuno akukuhomiqo shi kumtotsue.
Iliyochaguliwa sasa
APOSTOLMI 15: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
APOSTOLMI 15
15
Jerusalem Hoho
1Ikemu Judia lono timi khami Antiok lo iqighi puzu ishi athikuzumiqo kutsu aghi: “Muse yezah kiqilo toi nonguno aphighu yiko ghave moaye nongu xamla nani.” #Achine 12.3 2Hipau ghenguno Paul ngo Barnaba pamaye panoqo sasu ghi kutsala kumbu. Ike Paul ngo Barnaba eno kutamiqo khami kishepuzu Antiok lono Jerusalem lo iqhono apostolmi ngo kupulumi kichimiqo sasu hipau vehu kuptsaju penikeu shi. 3Ike alalo panongu ghenguno akukuhouno thwokha kutotsu, panonguno Fanikia ngo Samaria qha kathasu wuche kelo Judakumomino kishi Alhou lau xaide ighilu anikeno lhepiye, eno hipaqo sutsa chilu puzu kupulumi athikuzumi kumtsu lau shishe alokivi sughitsu. 4Panonguno Jerusalem lo ighikelo akukuhomi, apostolmi eno kupulumi kichimiqono aghakiqishi panongu sasu, eno Alhou no panongu pesu kiu shilupekeno kumtsu panoqo vilo lhepiye. 5Ikemu Farisimi mqo gholo pululuvekemi khamino puthughono pi, “Panonguye aphighu yiko ghavetsu masae eno Muse yezah pape nikeu pimayesae.”
6Apostolmi ngo kupulumi kichimiqono hipau vehu kuptsaniye kuhokumqo. 7Shishe kutsalaju akethiu, Pitor no puthughono panoqo vilo pi, “Ithikuzumiqo, nonguno ithi anike, puzuu nomu Alhou no nongu gholono ikishe puzu Judakumomi pelo Asutsa Kiviu chilu eno pulupenikeu shike. 8Timi mulo ithi achekeu Lhou no ningu tsuketho lono Judakumomi lau amlo kiqi piye ghi Aghungu Kimthe panongu tsue. #Aposto 2.4,40-44 9Ningu ngo panoqo dolo Alhou no kumu kothakilekeu shitsumo; eno panoqono pulukeu vechewo pano panongu xine pevetsuae. 10Imaye, nonguye kushiye Alhou pejughi kupulumiqo shou khikhi nipuasu momu ninguno puqhemlakeu makho pesu panoqo xapipe ani kya? 11Tishikepu kumoe, kughengu nino puluakeuno ningu ghi panongu toi Ampeu Jisu wu kupukini vechewo xalue.”
12Ike tile kuho akemi kumtsu iquneive eno Barnaba ngo Paul pamano Alhou no pama vechewo Judakumomi gholo amchipu ngo akumzapu shikeu kumtsu lhepe pikeulo tsaqui ini. 13Pamano pitave kethiu Jems no khochile pi, “Athikuzumiqo, itsa initsulo! 14Simon no kishekulu piveano inahuno Alhou no Judakumomi tuchoheju achekeuno panongu gholono timi mqo lakhi paje ghenguno ikhiphelu niyeke. 15Tungkupumi tsa ghi hipaulo aphiphi shi hitoi yepuani:
16‘Hipa tikhau ino xaideghi nani;
eno David ki ilaqivekeu ino shikithetsu nani.
Hi ixapinyi akeu ino shikithetsu nani eno hipau pelo itaghi puthugholupe nani.
17Tishianguno timi kutami eno Judakumomi kumtsu khijeno ije ku acheni keno tipaqo pelo Ampeu phulupenike,
18ipi Ampeu no pie, pano hipaqo vehu kha-ghi no pithivae.’ #Amus 9.11-12
19“Tighenguno iwu xakuthaye Judakumomi khunoqo Alhou lau tsughu ighilu ani keno panoqo punaqhi akepu kumoe. 20Ikemu panoqo lau yesu yepe puwu kepu eno panoqo vilo asu-atu chineno kitiqevekeu chuqupu chupemonike, salha shupu pemonike; eno tsukiqhikeu lhoxu ngo ahji ishi chumokepu shi pivekepue. #Ipe 34.15-17; Achine 17.10-16; 18.6-23 21Kughengu Muse yezah ye khaghino Sabat atsu-tsu Sinagog lo phisu che, eno pa tsa taun kumtsulo asheshu cheke.”
Judakumomi Kupulumi lau Yesu
22Tile Apostolmi ngo kupulumi kichimiqo eno akukuhomi kumtsu sasu kuqha puzu panongu muqo lono timi khami kishe puzu Paul ngo Barnaba gholono Antiok lo tipaqo puwu nikeu pulokuqhalu. Panonguno Barsaba ipichekeu Juda ngo Sila pama kishe, pamaye athikuzumi gholo sakiphemi shi acheke. 23Panonguno tipaqo ulo yesu ishi yetsu puwu:
“Ni athikuzumi apostolmi ngo kupulumi kichimiqono nongu Judakumomi athikuzumi khilehi Antiok, Siria eno Kilikia ghakhulo ani keno petha tsu ani. 24Hilau ningu gholo timi khamino wuno panonguno kiu pikeno tipauno nongu punaqhi eno nongu kutakihi aniepikeu ninguno chiluvae, ikemu panonguye tishikepu kiumu nivilo iniju puamoe. 25Ike ninguno kuhokumqono timi khami kishepe nikusau Barnaba ngo Paul pama gholono nonguqo lau puwunikeu kumtsuno pulokuqhaluvae. 26Nikusau Barnaba ngo Paul pamaye Ampeu Jisu Khristo ghenguno akuxu pephetsuvekemi timike. 27Ike ninguno kiu vehu yepuwu anikeno tipau ampino ghi pipenike ghenguno Juda ngo Sila pama puwu ani. 28Aghungu Kimthe ghi eno ningu ghi pulokuqhalu ani ike akhoto vehu hipaqo nguno alauye kiu makhomu nongu shou betsumo nikeu shivae: 29asu-atu chine mllavekeu chuqupu chukevilo; ahji chukevilo; tsukiqhikeu lhoxu shi chukevilo; salha-shupukevilo. nonguno hipaqo lono kutokupuyi napiaye, nonguye achipi shilu nani. Akivishi alo.”
30Ike kishevekeqo puwuve eno panonguno Antiok lo iqighi eno kupulumiqo kuho kumqono tipaqo lau yesu hu tsue. 31Kughou ahoholo hi phisukeno tipaulo hakitekeu sutsa chiluno panonguye alokivi shive. 32Juda ngo Sila pama ghi tungkupumi kehu atsa kutomo pesu pi puzu athikuzumi hakitekile eno panongu shikumtotsu. 33Panonguno ado lu-ghi tilau ngove. Tishi puzu athikuzumino alokiqishi panongu puwukeqo lau panoqo kighide puwove. 34[Ikemu Sila ye tilehi ngonikeu pulove.] 35Paul ngo Barnaba pamaye Antiok lo ngo kutamino kutomo sasu Ampeu tsa pe kutsupiye eno asheshu ae.
Paul ngo Barnaba pama Kututashive
36Atsala hami thiu Paul no Barnaba vilo pi, “Nikujono Ampeu tsa pesu asheshu chekeu phughiqolo itaghi nikujo wujuni eno athikuzumiqoye kiutoi ani keno juwuni nolo.” 37Ikelo Barnaba no pama gholo Johan Mark ghi sasu wunikeu pulo ae. 38Ikemu Paul no kumsukeuno Johan Mark ye puzuu Pamfilia lo panongu sasu chepuzu idewoveno panongu gholo akumla shiwo tomovekeke pa sasu wumokeu paviepi kumsulu. #Aposto 13.13 39Pama dolo shishe kutsalakeu ipeghive, ikehu panongu kututashive, Barnaba no pa gholo Mark saluve eno ashukaki lono Kupra lo wuve. 40Paul ghi pa shelo Sila kisheluno athikuzumiqono Ampeu wu kupukinilo inibetsu puzu cheve. 41Pano Siria ngo Kilikia qhalo wuno akukuhomiqo shi kumtotsue.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.