Zabbu̱li̱ 91
91
1Yogwo yensei̱ eicalira mu nnyu̱mba gya Waahakyendi̱ Hoi̱,
alihumulira mu mu̱tu̱ntu̱lu̱ gwa Ruhanga wa b̯u̱sobozi̱.
2Ndiweera Mukama yati, “Oli b̯wi̱ru̱ki̱ro kandi lugo lwange,
Ruhanga wange ginyeesiga.”
3Hab̯wakubba alikujuna mutegu gwensei̱,
naakujuna na b̯u̱seeri̱ b̯wa kookoro.
4Alikubbumba na byoza byamwe,
kandi hansi wa bimpaha byamwe
hooho halibba b̯wi̱ru̱ki̱ro b̯wamu,
mananu gaamwe galikulinda.
5Otali̱ti̱i̱na kabii kei̱za i̱jolo,
habbe mbasi zi̱kwecu̱u̱ru̱ngya mwinsi,
6rundi nseeri̱ gibiibi gi̱kei̱zi̱ra mu nti̱ti̱,
rundi kuhwerekeera kwa mwihangwe.
7Bantu ru̱ku̱mi̱ basobora ku̱kwera heehi̱ nawe,
nku̱mi̱ na nku̱mi̱ ha mukono gwamu gwab̯udyo,
bei̱tu̱ kandi we, kabii ti̱kali̱kwesu̱mi̱i̱ra.
8Olyemeera noolingiira na mei̱so gaamu,
noowona babiibi nka kubalifubirwa.
9Nka ku̱wafoori̱ri̱ Mukama b̯wi̱ru̱ki̱ro b̯wamu,
yogwo Waahakyendi̱ Hoi̱, yooyo b̯wi̱ru̱ki̱ro b̯wamu,
10tihaloho kabii kensei̱ kalikudwereera,
b̯ujune tib̯ulikudwereera.
11 #
Matayo 4:6; Lu̱u̱ka 4:10 Kubba akwi̱za kuragira bamalayika baamwe bakulinde,
bakwehemberenge mu mihanda myamu myensei̱.
12 #
Matayo 4:6; Lu̱u̱ka 4:11 Balikutegera mikono myab̯u bakukwate,
aleke magulu gaamu gateekuuta kwi̱hi̱ga.
13 #
Lu̱u̱ka 10:19
Oli̱si̱ngu̱ra ntali na hu̱lu̱hu̱ndu̱,
olizigina mwana gwa ntali na mpiri.
14Ruhanga naakoba yati, “Ndimujuna hab̯wakubba anzendyambe,
ndimulinda kubba yeegi̱ri̱ ibara lyange.
15Waalinzeta, ndi̱mwi̱ramwo,
b̯walibba mu b̯ujune, ndibba nayo,
ndimucungura, mutemwo ki̱ti̱i̱ni̱sa.
16Ndimuha kwomeera naasemererwa,
mwolokye kujunwa kwange.”
Iliyochaguliwa sasa
Zabbu̱li̱ 91: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.