Zabbu̱li̱ 87

Zabbu̱li̱ gya baana ba Koora.

1Yaabi̱mbi̱ri̱ rub̯uga lwamwe ha lusahu lu̱syanu̱,

2 Mukama yendya irembu lya Sayu̱u̱ni̱,

kukira mbuga zindi zensei̱ za mwʼI̱saleeri̱.

3Ai̱ rub̯uga lwa Ruhanga,

bintu bya ki̱ti̱i̱ni̱sa bikukubazwaho.

4“Mu mahanga ganzegi̱ri̱ hooho hali,

Mi̱si̱ri̱, Bbabbu̱looni̱, Fi̱ri̱si̱ti̱, Ti̱i̱ro nʼI̱syopi̱ya,

bantu bensei̱ ba mu mahanga gagwo nkwi̱za kubabala nka banyansi ba mu Yeru̱salemu̱.”

5Hali Sayu̱u̱ni̱ bantu balikoba nti,

“Yogo na yodi̱ hooho baabyali̱i̱rwe,”

hab̯wakubba yogwo yankei eicala Waahakyendi̱ Hoi̱ yooyo ali̱lu̱tati̱i̱rya.

6 Mukama alihandiika mabara ga bantu baamwe bensei̱,

ni̱yolokya nka kubali banyansi ba mu Yeru̱salemu̱.

7Bahi̱i̱mi̱ na babi̱nyi̱ bensei̱ babaza ki̱mwei̱ nibakoba yati,

“Mu Sayu̱u̱ni̱ hooho hali ndugiiro gya mi̱gi̱sa myetu̱ myensei̱.”

Iliyochaguliwa sasa

Zabbu̱li̱ 87: LUGUNGU

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zabbu̱li̱ 87