Zabbu̱li̱ 78
78
Masikili#78:0 Masikili kisobora ku̱manyi̱sya kyembu rundi kigambu kikora mu kwebembera kusaba. gyʼAsafi̱.
1Nywe bantu bange, mu̱tege mapokopo mwetegeerye kwegesya kwange,
mu̱ku̱nku̱mu̱le mapokopo geenyu̱ mwetegeerye bigambu byange!
2 #
Matayo 13:35
Ndibazira mu ngeera,
nsoboore bigambu bikuhuneeza bya kadei,
3bintu bitwegwi̱ri̱ kandi byegebeerwe,
bya bahaaha beetu̱ baatu̱weereeri̱.
4Ti̱tu̱li̱bi̱bi̱sa baana baab̯u,
bei̱tu̱ tulibiweera mu̱hi̱hi̱ gu̱kwi̱za
bikorwa bya ki̱ti̱i̱ni̱sa Mukama bi̱yaakoori̱,
na b̯u̱sobozi̱ b̯wamwe, kandi na byamahanu bi̱yaakoori̱.
5Yaateeri̱i̱ho b̯u̱kei̱so mu Yakobbo,
yaaha I̱saleeri̱ biragiro,
yaaragira bahaaha beetu̱,
ku̱byegesya baana baab̯u,
6kwokwo mu̱hi̱hi̱ gu̱kwi̱za gubyege,
na baana bacaali kubyalwa.
Kandi nabo baweera baana baab̯u.
7Aleke beege kwesiga Ruhanga,
kandi baleke kwebeera milimo mya Ruhanga,
bei̱tu̱ bakwate biragiro byamwe,
8aleke batalibba nka bahaaha baab̯u,
banyakubba bajeemu̱ kandi banyab̯wemi̱,
banyamitima miceke,
banyamyozo mitali myesigwa hali Ruhanga.
9Baalula lwʼEfu̱rayi̱mu̱ nab̯ubaali na b̯uta,
bei̱ru̱ki̱ri̱ ha kiro kya b̯ulemu.
10Batakahondere ndagaanu gya Ruhanga,
baasuula kugyendera mu biragiro byamwe.
11Beebereeri̱ bi̱yaakoori̱,
na byamahanu bi̱yaabolokeerye.
12Yaakoori̱ byamahanu mu mei̱so ga bahaaha baab̯u,
mu nsi gya Mi̱si̱ri̱, mu rub̯uga lwa Zohani̱.#Kidemu 7:8—12:32
13Yaahu̱kani̱rye itaka baalirabamwo,
yaafoora meezi̱ mutuumo. #Kidemu 14:21-22
14B̯wi̱re b̯wa mwinsi yaabehemberengi̱ na kyalu,
i̱jolo na kyererezi̱ kya mworo.#Kidemu 13:21-22
15Yaati̱i̱rye lubbaali na mwirungu,
lwalu̱wa meezi̱ ganene, yaabaha baanywa basambalana.
16 #
Kubala 20:2-13
Meezi̱ yaagahangi̱ri̱ kuruga mu lubbaali,
gaaheta nka migira.
17Bei̱tu̱ nab̯wo baab̯u̱ni̱i̱rye baakora kibii mu mei̱so gaamwe,
baajeemeeri̱ Waahakyendi̱ Hoi̱ b̯ubaali mwirungu.
18Baalengi̱ri̱ Ruhanga mu mitima myab̯u,
na kumusaba bidyo bi̱beegombi̱ri̱
19Baalu̱mi̱ri̱ Ruhanga nibakoba yati,
“Ruhanga yaakusobora kutuha bidyo nituli mwirungu?
20Yaati̱i̱rye lubbaali meezi̱ gaalu̱wa
gaaheta na mu migira,
yaakusobora kutuha bidyo,
naatugabira na nyama?”#Kidemu 16:2-15; Kubala 11:4-23, 31-35
21Nahab̯waki̱kyo, Mukama b̯u̱yaakyegwi̱ri̱, yaakwati̱i̱rwe ki̱ni̱ga,
yaahembaho Bei̱saleeri̱ mworo.
22Hab̯wakubba baalingi batakwikiririza mu Ruhanga,
kandi baalingi batakwesiga maani ga kujuna kwamwe.
23Bei̱tu̱ nab̯wo yaaragi̱i̱ri̱ iguru,
lyeijula nzi̱je.
24Kandi yaabagumira maanu baadya,
yaabaha na bidyo kuruga mwiguru.#Yohaana 6:31
25Bantu baadi̱i̱ri̱ bidyo bya bamalayika,
yaabasi̱ndi̱ki̱i̱ri̱ bidyo mu b̯unene.
26Yaaragi̱i̱ri̱ mpehu gya mu b̯uhulukalyoba gihuuhe mwiguru,
kandi hab̯wa b̯u̱sobozi̱ b̯wamwe yaaragira mpehu gya mu masi̱ri̱mu̱ka gyarugayo.
27Yaasi̱ndi̱ki̱i̱ri̱ bantu baamwe bi̱nyoni̱ badye,
bi̱nyoni̱ byei̱sanengi̱ musinyi gwa heitaka,
28yaabi̱ragi̱i̱ri̱ byei̱ci̱ya mu ngoonyi̱ zaab̯u,
na hensei̱ cali bei̱calengi̱.
29Kandi baadi̱i̱ri̱ beicuta,
hab̯wakubba yaabaheeri̱ ki̱bendyengi̱.
30Bei̱tu̱ b̯ubaali batakei̱cu̱ti̱ri̱,
bidyo nibibali mu mi̱nwa,
31Ruhanga yaakwati̱i̱rwe ki̱ni̱ga,
yei̱ta ba maani na basigazi ba mwʼI̱saleeri̱.
32Bi̱byo nab̯ubyabba byabbeeri̱ho baab̯u̱ni̱i̱rye bakora bibii,
nab̯uhaabba habberi̱ho bikuhuneeza byamwe, nab̯wo batakeikirize.
33Yaakeeheerye b̯womi b̯wab̯u nka lwoya,
beicala ni̱baku̱ti̱i̱na mu mitima myab̯u.
34B̯u̱yaakei̱tanga bamwei̱ muli bo,
bakeni̱ri̱ho ni̱beezi̱ri̱mwo ni̱baatoolya Ruhanga na mitima myab̯u myensei̱.
35Bei̱zu̱ki̱ri̱ Ruhanga kuyaali lubbaali lwab̯u,
yogwo Ruhanga, Waahakyendi̱ Hoi̱, yaali mu̱cu̱ngu̱ri̱ waab̯u.
36Bei̱tu̱ baamu̱jogi̱ri̱ na bigambu bya mi̱nwa myab̯u,
baamu̱gobyagobya na b̯ulimi waab̯u.
37 #
Bikorwa 8:21
Mitima myab̯u mitakamub̯undalire,
batakesige kiragaanu kyamwe.
38Hab̯wakubba abba wa mbabazi̱,
yaabaganyi̱i̱ri̱ b̯ubiibi b̯wab̯u,
atakabahwerekeerye,
yaafu̱gengi̱ ki̱ni̱ga kyamwe,
ki̱ni̱ga kyamwe atakakyolekye.
39Yei̱zu̱ki̱ri̱ nka b̯ubaali nibali bantu b̯untu,
nka mpehu b̯u̱gi̱i̱za nigihunga nigyakala b̯u̱tei̱ra.
40Mirundi mingahi ni̱bamu̱jemeera mwirungu,
kandi kangahi nibamusaliiza na mwirungu!
41Baamu̱lengi̱ri̱ mirundi na mirundi,
baasaliiza yogwo Ruhanga Mu̱syanu̱ wʼI̱saleeri̱.
42Beebereeri̱ ki̱mwei̱ maani gaamwe,
na kiro ki̱yaabacu̱ngwi̱ri̱ kuruga mu banyanzigwa baab̯u.
43Batakei̱zu̱ke byamahanu bi̱yaakoori̱ mu nsi gya Mi̱si̱ri̱,
na bi̱yaakoori̱ mu rub̯uga lwa Zohani̱.
44 #
Kidemu 7:17-21
Migira myab̯u yaami̱foori̱ri̱ ibbanga,
aleke balemwe kunywa meezi̱.
45 #
Kidemu 8:20-24; Kidemu 8:1-6 Yaabasi̱ndi̱ki̱i̱ri̱ ki̱du̱ndu̱li̱ kya nsohera zi̱nyaku̱baru̱mba
na masonsooni̱a gaanyakubaheneera nsi.
46 #
Kidemu 10:12-15
Yaaheeri̱yo bilimwa byab̯u byadib̯wa bi̱si̱i̱sa
na nzi̱ge zaadya misiri myab̯u.
47Yaaheneeri̱ mi̱zabbi̱bbu̱ myab̯u na ndagali̱ gya mahi̱ga na kiho,
mi̱ti̱i̱ni̱ myab̯u yaami̱cwekeerye na kiho.#Kidemu 9:23-25
48Yei̱ti̱ri̱ nte zaab̯u na ndagali̱ giwa mahi̱ga,
neigana lya bisolo byab̯u na nkuba.
49Yaabakwati̱i̱rwe ki̱ni̱ga kinene,
b̯usungu na b̯ukaya b̯wamwe
kibba kitebe kya bamalayika bakazi̱kya.
50Atakatange ki̱ni̱ga kyamwe,
habbe kubaganyira,
bei̱tu̱ yaabei̱ti̱ri̱ na ki̱i̱zo.
51Yei̱ta mi̱zegei̱zo myensei̱ mya Mi̱si̱ri̱,
kukira maani ba mu heema za Haamu.#Kidemu 12:29
52Mwomwo yeehembeeri̱ bantu baamwe nka mu̱li̱i̱sya kuyehembera ntaama,
yaabarabya mwirungu nkeigana.#Kidemu 13:17-22
53Yaabehembeeri̱ kurungi nahab̯waki̱kyo batakabbe na b̯u̱ti̱i̱ni̱,
bei̱tu̱ itaka lyameeri̱ banyanzigwa baab̯u.#Kidemu 14:26-28
54Yaabaleeti̱ri̱ mu nsi gyamwe gi̱syanu̱,
ha nsahu ziyaali asi̱ngwi̱ri̱ na mukono gwamwe gwab̯udyo.#Kidemu 15:17; I̱saaya 11:9; 57:13; Zabbu̱li̱ 68:16
55 #
Zabbu̱li̱ 44:2
Yaabi̱ngi̱ri̱mwo mahanga,
nsi gyab̯u yaagiha bʼI̱saleeri̱ nka mugab̯u gwab̯u,
mu heema zaab̯u hooho yaateeri̱ maka ga nganda zʼI̱saleeri̱.
56Bei̱tu̱ nab̯wo baalengi̱ri̱ Ruhanga,
kandi baajeemera yogwo Waahakyendi̱ Hoi̱,
baatakalinde biragiro byamwe.#Kyabacwa Misangu 2:11-12
57Baalingi bajeemu̱ nka bahaaha baab̯u
kandi baatakwesigwa nka b̯uta b̯u̱bi̱nyeku̱,
58Baamu̱sali̱i̱ze hab̯wa bi̱bbi̱la byab̯u,
i̱hali̱ lyamu̱kweti̱ hab̯wa bi̱si̱sani̱ byab̯u bi̱baramyengi̱
59Ruhanga b̯u̱yaaki̱weeni̱, yaakwati̱i̱rwe b̯usungu,
yaasu̱li̱i̱ri̱ ki̱mwei̱ I̱saleeri̱.
60Yeehoogi̱ri̱ kiikaru kyamwe kya Si̱i̱ro,
na heema gyamwe hali yei̱calengi̱ mu bantu.#1 Samwi̱ri̱ 18:1; Yeremi̱ya 7:12-14; 26:6
61Yei̱ki̱ri̱i̱ze banyanzigwa kunyaga sandu̱u̱ko gya kiragaanu,
kinyakubba kaboneru ka b̯u̱sobozi̱ na ki̱ti̱i̱ni̱sa kyamwe.#1 Samwi̱ri̱ 4:21
62Yaaheeri̱yo bantu baamwe kwi̱twa mpirima,
yoolokya b̯usungu hali bantu baamwe bayaakomi̱ri̱mwo.
63Batabani̱ baab̯u baabei̱ti̱i̱ri̱ mu b̯ulemu,
bahara baab̯u baalemwa badulu bakubaswera.
64Balaami̱ baab̯u baabei̱ti̱ri̱ na mpirima
na bamukaabakwere baalemwa kulira bei̱ba baab̯u.
65Mwomwo Mukama yaabyoki̱ri̱ nka muruga mu b̯ulo,
nka mudulu wamaani aku̱tokeseb̯wa itamiiro.
66Yaabi̱ngi̱ri̱ baanyazigwa baamwe yaabeerya i̱nyu̱ma,
kinyaakubaletere muswaru gwa biro na biro.
67Nahab̯waki̱kyo yaaswi̱ri̱ beizukulu ba Yozefu̱,
yeehala luganda lwa Efu̱rayi̱mu̱
68bei̱tu̱ yaakoma luganda lwa Yu̱da,
na lusahu Sayu̱u̱ni̱ luyendya.
69Yaabi̱mbi̱ri̱ nnyu̱mba gyamwe yaagikora nka kiikaru kya mwiguru,
yaagi̱tati̱i̱rya nka nsi gi̱yaakoori̱ gya biro byensei̱.
70Yaakomi̱ri̱mwo Dau̱di̱ muheereza waamwe,
namutoola mu mali̱i̱si̱i̱ryo ga ntaama.#1 Samwi̱ri̱ 16:11-12; 2 Samwi̱ri̱ 7:8
71Kuruga mu ku̱li̱i̱sya ntaama zinyakubba na b̯wana,
yaamuleeti̱ri̱ kubba mu̱li̱i̱sya wa Yakobbo na bantu baamwe,
na nsi gyamwe gyʼI̱saleeri̱ b̯ugwetwa b̯wamwe.
72Dau̱di̱ yaabali̱si̱i̱rye na mutima gu̱syanu̱,
kandi yaabehembera na mukono gwa magezi̱.
Iliyochaguliwa sasa
Zabbu̱li̱ 78: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Zabbu̱li̱ 78
78
Masikili#78:0 Masikili kisobora ku̱manyi̱sya kyembu rundi kigambu kikora mu kwebembera kusaba. gyʼAsafi̱.
1Nywe bantu bange, mu̱tege mapokopo mwetegeerye kwegesya kwange,
mu̱ku̱nku̱mu̱le mapokopo geenyu̱ mwetegeerye bigambu byange!
2 #
Matayo 13:35
Ndibazira mu ngeera,
nsoboore bigambu bikuhuneeza bya kadei,
3bintu bitwegwi̱ri̱ kandi byegebeerwe,
bya bahaaha beetu̱ baatu̱weereeri̱.
4Ti̱tu̱li̱bi̱bi̱sa baana baab̯u,
bei̱tu̱ tulibiweera mu̱hi̱hi̱ gu̱kwi̱za
bikorwa bya ki̱ti̱i̱ni̱sa Mukama bi̱yaakoori̱,
na b̯u̱sobozi̱ b̯wamwe, kandi na byamahanu bi̱yaakoori̱.
5Yaateeri̱i̱ho b̯u̱kei̱so mu Yakobbo,
yaaha I̱saleeri̱ biragiro,
yaaragira bahaaha beetu̱,
ku̱byegesya baana baab̯u,
6kwokwo mu̱hi̱hi̱ gu̱kwi̱za gubyege,
na baana bacaali kubyalwa.
Kandi nabo baweera baana baab̯u.
7Aleke beege kwesiga Ruhanga,
kandi baleke kwebeera milimo mya Ruhanga,
bei̱tu̱ bakwate biragiro byamwe,
8aleke batalibba nka bahaaha baab̯u,
banyakubba bajeemu̱ kandi banyab̯wemi̱,
banyamitima miceke,
banyamyozo mitali myesigwa hali Ruhanga.
9Baalula lwʼEfu̱rayi̱mu̱ nab̯ubaali na b̯uta,
bei̱ru̱ki̱ri̱ ha kiro kya b̯ulemu.
10Batakahondere ndagaanu gya Ruhanga,
baasuula kugyendera mu biragiro byamwe.
11Beebereeri̱ bi̱yaakoori̱,
na byamahanu bi̱yaabolokeerye.
12Yaakoori̱ byamahanu mu mei̱so ga bahaaha baab̯u,
mu nsi gya Mi̱si̱ri̱, mu rub̯uga lwa Zohani̱.#Kidemu 7:8—12:32
13Yaahu̱kani̱rye itaka baalirabamwo,
yaafoora meezi̱ mutuumo. #Kidemu 14:21-22
14B̯wi̱re b̯wa mwinsi yaabehemberengi̱ na kyalu,
i̱jolo na kyererezi̱ kya mworo.#Kidemu 13:21-22
15Yaati̱i̱rye lubbaali na mwirungu,
lwalu̱wa meezi̱ ganene, yaabaha baanywa basambalana.
16 #
Kubala 20:2-13
Meezi̱ yaagahangi̱ri̱ kuruga mu lubbaali,
gaaheta nka migira.
17Bei̱tu̱ nab̯wo baab̯u̱ni̱i̱rye baakora kibii mu mei̱so gaamwe,
baajeemeeri̱ Waahakyendi̱ Hoi̱ b̯ubaali mwirungu.
18Baalengi̱ri̱ Ruhanga mu mitima myab̯u,
na kumusaba bidyo bi̱beegombi̱ri̱
19Baalu̱mi̱ri̱ Ruhanga nibakoba yati,
“Ruhanga yaakusobora kutuha bidyo nituli mwirungu?
20Yaati̱i̱rye lubbaali meezi̱ gaalu̱wa
gaaheta na mu migira,
yaakusobora kutuha bidyo,
naatugabira na nyama?”#Kidemu 16:2-15; Kubala 11:4-23, 31-35
21Nahab̯waki̱kyo, Mukama b̯u̱yaakyegwi̱ri̱, yaakwati̱i̱rwe ki̱ni̱ga,
yaahembaho Bei̱saleeri̱ mworo.
22Hab̯wakubba baalingi batakwikiririza mu Ruhanga,
kandi baalingi batakwesiga maani ga kujuna kwamwe.
23Bei̱tu̱ nab̯wo yaaragi̱i̱ri̱ iguru,
lyeijula nzi̱je.
24Kandi yaabagumira maanu baadya,
yaabaha na bidyo kuruga mwiguru.#Yohaana 6:31
25Bantu baadi̱i̱ri̱ bidyo bya bamalayika,
yaabasi̱ndi̱ki̱i̱ri̱ bidyo mu b̯unene.
26Yaaragi̱i̱ri̱ mpehu gya mu b̯uhulukalyoba gihuuhe mwiguru,
kandi hab̯wa b̯u̱sobozi̱ b̯wamwe yaaragira mpehu gya mu masi̱ri̱mu̱ka gyarugayo.
27Yaasi̱ndi̱ki̱i̱ri̱ bantu baamwe bi̱nyoni̱ badye,
bi̱nyoni̱ byei̱sanengi̱ musinyi gwa heitaka,
28yaabi̱ragi̱i̱ri̱ byei̱ci̱ya mu ngoonyi̱ zaab̯u,
na hensei̱ cali bei̱calengi̱.
29Kandi baadi̱i̱ri̱ beicuta,
hab̯wakubba yaabaheeri̱ ki̱bendyengi̱.
30Bei̱tu̱ b̯ubaali batakei̱cu̱ti̱ri̱,
bidyo nibibali mu mi̱nwa,
31Ruhanga yaakwati̱i̱rwe ki̱ni̱ga,
yei̱ta ba maani na basigazi ba mwʼI̱saleeri̱.
32Bi̱byo nab̯ubyabba byabbeeri̱ho baab̯u̱ni̱i̱rye bakora bibii,
nab̯uhaabba habberi̱ho bikuhuneeza byamwe, nab̯wo batakeikirize.
33Yaakeeheerye b̯womi b̯wab̯u nka lwoya,
beicala ni̱baku̱ti̱i̱na mu mitima myab̯u.
34B̯u̱yaakei̱tanga bamwei̱ muli bo,
bakeni̱ri̱ho ni̱beezi̱ri̱mwo ni̱baatoolya Ruhanga na mitima myab̯u myensei̱.
35Bei̱zu̱ki̱ri̱ Ruhanga kuyaali lubbaali lwab̯u,
yogwo Ruhanga, Waahakyendi̱ Hoi̱, yaali mu̱cu̱ngu̱ri̱ waab̯u.
36Bei̱tu̱ baamu̱jogi̱ri̱ na bigambu bya mi̱nwa myab̯u,
baamu̱gobyagobya na b̯ulimi waab̯u.
37 #
Bikorwa 8:21
Mitima myab̯u mitakamub̯undalire,
batakesige kiragaanu kyamwe.
38Hab̯wakubba abba wa mbabazi̱,
yaabaganyi̱i̱ri̱ b̯ubiibi b̯wab̯u,
atakabahwerekeerye,
yaafu̱gengi̱ ki̱ni̱ga kyamwe,
ki̱ni̱ga kyamwe atakakyolekye.
39Yei̱zu̱ki̱ri̱ nka b̯ubaali nibali bantu b̯untu,
nka mpehu b̯u̱gi̱i̱za nigihunga nigyakala b̯u̱tei̱ra.
40Mirundi mingahi ni̱bamu̱jemeera mwirungu,
kandi kangahi nibamusaliiza na mwirungu!
41Baamu̱lengi̱ri̱ mirundi na mirundi,
baasaliiza yogwo Ruhanga Mu̱syanu̱ wʼI̱saleeri̱.
42Beebereeri̱ ki̱mwei̱ maani gaamwe,
na kiro ki̱yaabacu̱ngwi̱ri̱ kuruga mu banyanzigwa baab̯u.
43Batakei̱zu̱ke byamahanu bi̱yaakoori̱ mu nsi gya Mi̱si̱ri̱,
na bi̱yaakoori̱ mu rub̯uga lwa Zohani̱.
44 #
Kidemu 7:17-21
Migira myab̯u yaami̱foori̱ri̱ ibbanga,
aleke balemwe kunywa meezi̱.
45 #
Kidemu 8:20-24; Kidemu 8:1-6 Yaabasi̱ndi̱ki̱i̱ri̱ ki̱du̱ndu̱li̱ kya nsohera zi̱nyaku̱baru̱mba
na masonsooni̱a gaanyakubaheneera nsi.
46 #
Kidemu 10:12-15
Yaaheeri̱yo bilimwa byab̯u byadib̯wa bi̱si̱i̱sa
na nzi̱ge zaadya misiri myab̯u.
47Yaaheneeri̱ mi̱zabbi̱bbu̱ myab̯u na ndagali̱ gya mahi̱ga na kiho,
mi̱ti̱i̱ni̱ myab̯u yaami̱cwekeerye na kiho.#Kidemu 9:23-25
48Yei̱ti̱ri̱ nte zaab̯u na ndagali̱ giwa mahi̱ga,
neigana lya bisolo byab̯u na nkuba.
49Yaabakwati̱i̱rwe ki̱ni̱ga kinene,
b̯usungu na b̯ukaya b̯wamwe
kibba kitebe kya bamalayika bakazi̱kya.
50Atakatange ki̱ni̱ga kyamwe,
habbe kubaganyira,
bei̱tu̱ yaabei̱ti̱ri̱ na ki̱i̱zo.
51Yei̱ta mi̱zegei̱zo myensei̱ mya Mi̱si̱ri̱,
kukira maani ba mu heema za Haamu.#Kidemu 12:29
52Mwomwo yeehembeeri̱ bantu baamwe nka mu̱li̱i̱sya kuyehembera ntaama,
yaabarabya mwirungu nkeigana.#Kidemu 13:17-22
53Yaabehembeeri̱ kurungi nahab̯waki̱kyo batakabbe na b̯u̱ti̱i̱ni̱,
bei̱tu̱ itaka lyameeri̱ banyanzigwa baab̯u.#Kidemu 14:26-28
54Yaabaleeti̱ri̱ mu nsi gyamwe gi̱syanu̱,
ha nsahu ziyaali asi̱ngwi̱ri̱ na mukono gwamwe gwab̯udyo.#Kidemu 15:17; I̱saaya 11:9; 57:13; Zabbu̱li̱ 68:16
55 #
Zabbu̱li̱ 44:2
Yaabi̱ngi̱ri̱mwo mahanga,
nsi gyab̯u yaagiha bʼI̱saleeri̱ nka mugab̯u gwab̯u,
mu heema zaab̯u hooho yaateeri̱ maka ga nganda zʼI̱saleeri̱.
56Bei̱tu̱ nab̯wo baalengi̱ri̱ Ruhanga,
kandi baajeemera yogwo Waahakyendi̱ Hoi̱,
baatakalinde biragiro byamwe.#Kyabacwa Misangu 2:11-12
57Baalingi bajeemu̱ nka bahaaha baab̯u
kandi baatakwesigwa nka b̯uta b̯u̱bi̱nyeku̱,
58Baamu̱sali̱i̱ze hab̯wa bi̱bbi̱la byab̯u,
i̱hali̱ lyamu̱kweti̱ hab̯wa bi̱si̱sani̱ byab̯u bi̱baramyengi̱
59Ruhanga b̯u̱yaaki̱weeni̱, yaakwati̱i̱rwe b̯usungu,
yaasu̱li̱i̱ri̱ ki̱mwei̱ I̱saleeri̱.
60Yeehoogi̱ri̱ kiikaru kyamwe kya Si̱i̱ro,
na heema gyamwe hali yei̱calengi̱ mu bantu.#1 Samwi̱ri̱ 18:1; Yeremi̱ya 7:12-14; 26:6
61Yei̱ki̱ri̱i̱ze banyanzigwa kunyaga sandu̱u̱ko gya kiragaanu,
kinyakubba kaboneru ka b̯u̱sobozi̱ na ki̱ti̱i̱ni̱sa kyamwe.#1 Samwi̱ri̱ 4:21
62Yaaheeri̱yo bantu baamwe kwi̱twa mpirima,
yoolokya b̯usungu hali bantu baamwe bayaakomi̱ri̱mwo.
63Batabani̱ baab̯u baabei̱ti̱i̱ri̱ mu b̯ulemu,
bahara baab̯u baalemwa badulu bakubaswera.
64Balaami̱ baab̯u baabei̱ti̱ri̱ na mpirima
na bamukaabakwere baalemwa kulira bei̱ba baab̯u.
65Mwomwo Mukama yaabyoki̱ri̱ nka muruga mu b̯ulo,
nka mudulu wamaani aku̱tokeseb̯wa itamiiro.
66Yaabi̱ngi̱ri̱ baanyazigwa baamwe yaabeerya i̱nyu̱ma,
kinyaakubaletere muswaru gwa biro na biro.
67Nahab̯waki̱kyo yaaswi̱ri̱ beizukulu ba Yozefu̱,
yeehala luganda lwa Efu̱rayi̱mu̱
68bei̱tu̱ yaakoma luganda lwa Yu̱da,
na lusahu Sayu̱u̱ni̱ luyendya.
69Yaabi̱mbi̱ri̱ nnyu̱mba gyamwe yaagikora nka kiikaru kya mwiguru,
yaagi̱tati̱i̱rya nka nsi gi̱yaakoori̱ gya biro byensei̱.
70Yaakomi̱ri̱mwo Dau̱di̱ muheereza waamwe,
namutoola mu mali̱i̱si̱i̱ryo ga ntaama.#1 Samwi̱ri̱ 16:11-12; 2 Samwi̱ri̱ 7:8
71Kuruga mu ku̱li̱i̱sya ntaama zinyakubba na b̯wana,
yaamuleeti̱ri̱ kubba mu̱li̱i̱sya wa Yakobbo na bantu baamwe,
na nsi gyamwe gyʼI̱saleeri̱ b̯ugwetwa b̯wamwe.
72Dau̱di̱ yaabali̱si̱i̱rye na mutima gu̱syanu̱,
kandi yaabehembera na mukono gwa magezi̱.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.