Zabbu̱li̱ 76
76
Hali mu̱handu̱ wa bahi̱i̱mi̱: ni̱bakoresya bikwatu bya mahu̱u̱zi̱. Zabbu̱li̱ gyʼAsafi̱. Kyembu.
1Ruhanga akwegebwa mu Yu̱da,
ibara lyamwe lya maani mwʼI̱saleeri̱.
2B̯ulaalu b̯wamwe b̯ubba mu Yeru̱salemu̱,
na b̯wicalu b̯wamwe gyogyo Sayu̱u̱ni̱.
3Ku̱kwo hooho yaacwacweni̱ mbasi za maani,
ngab̯u, mpirima na byaku̱lwani̱sya bya b̯ulemu.
4Oli wa ki̱ti̱i̱ni̱sa,
wa b̯u̱sobozi̱ kukirahoona nsahu za kadei na kadei.
5Balwani̱ baab̯u bamaani baabatoori̱ho minyagu myab̯u,
baalaali̱iri̱ ki̱mwei̱ beebbaka.
Badulu balwani̱ bensei̱,
baalingi batakusobora ku̱byokya mikono.
6Ai̱ Ruhanga wa Yakobbo, b̯wocoomera,
mu̱ni̱i̱ni̱ wa mbaraasi na mbaraasi, byensei̱ bi̱kwa b̯u̱kwi̱.
7Bei̱tu̱ we, Mukama, bensei̱ baku̱ti̱i̱nambe,
B̯wokwatwa ki̱ni̱ga,
naani akusobora kukwemeera mu mei̱so?
8Waabazi̱i̱ri̱ mwiguru waacwa musangu,
nsi gyati̱i̱ni̱ri̱ gyetekeera cei̱.
9Ruhanga waabyoki̱ri̱ kucwa musangu,
kujuna bakumigirizib̯wa haha ku nsi.
10Mu mananu, bantu b̯ubakukwatirwa ki̱ni̱ga, ki̱teeryaho ki̱ti̱i̱ni̱sa kyamu,
banyakukena lu̱ku̱u̱ balikuhaariiza.
11Mwerage hali Mukama Ruhanga weenyu̱,
kandi mu̱doosereeryenge bi̱mweragi̱ri̱,
nywensei̱ bamuli heehi̱ muleterenge bisembu, yogwo akusemeera ku̱ti̱i̱nwa.
12Yogwo ab̯u̱ndaarya balemi̱ bamyehembu
kandi naati̱i̱ni̱sya bakama ba maani.
Iliyochaguliwa sasa
Zabbu̱li̱ 76: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.