Zabbu̱li̱ 58

Hali Mu̱handu̱ wa bahi̱i̱mi̱. Zabbu̱li̱ gya Dau̱di̱. Gi̱hi̱i̱mwe mwiraka lya, “Otahwerekereerya.”

1Nywe balemi̱ mali̱ biragiro bimutaho bi̱doori̱?

Bantu mubacwera misangu na b̯winganiza?

2Kwahi mu mitima myenyu̱ mubahab̯ura bi̱gu̱u̱,

mikono myenyu̱ mikora byab̯wemi̱ mu nsi.

3Babiibi bahaba nibakyaruga b̯u̱ru̱gi̱ mu nda,

nibatandika ku̱sobya kuruga mu b̯uto b̯wab̯u na mukubaza b̯u̱gobya.

4Bali na b̯umala nka b̯wa mpiri,

nka b̯wa mpiri ncwera, zi̱bbu̱mbi̱ri̱ mapokopo.

5Zi̱takwegwa bafu̱mu̱,

baku̱si̱i̱hya ndere.

6Ai̱ Ruhanga, batoole meino mu mi̱nwa myab̯u,

ai̱ Mukama binyabinya meino ga ntali zibii!

7Leka basyere nka meezi̱ gakuheta b̯u̱heti̱,

bahotoke nka b̯usubi b̯u̱kandagire.

8Boome nka ki̱tani̱i̱na ki̱kwereeri̱ mu lusonko lwakyo,

nka mwana nzomoki̱ ataliwonahoona kalyoba.

9Ruhanga ali̱zi̱ki̱i̱rya ki̱mwei̱ bato na bahandu̱,

b̯wangu hoi̱ kukira nka kyese ki̱bei̱ci̱i̱rye ha mworo gwa makala.

10Muntu munanu alisemererwa kuwona mubiibi naafubirwa,

magulu gaamwei aliganabira mwibbanga lya nkori̱ za bibii.

11Bantu balikoba yati, “Mananu kwo heicalaho mpeera gya beesigwa,

mananu kwo heicalaho Ruhanga mu̱cwi̱ wa musangu ku nsi.”

Iliyochaguliwa sasa

Zabbu̱li̱ 58: LUGUNGU

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zabbu̱li̱ 58