Zabbu̱li̱ 148
148
1Haari̱i̱ze Mukama.
Haari̱i̱ze Mukama, nywe ba mwiguru
mu̱mu̱haari̱i̱ze mu biikaru bya hakyendi̱!
2Bamalayika baamwe nywensei̱, mu̱mu̱haari̱i̱ze,
mahe gaamwe genseenya ga mwiguru, mu̱mu̱haari̱i̱ze!
3Lyoba na mweri̱, mu̱mu̱haari̱i̱ze,
nywe nzota zikwangasana, mu̱mu̱haari̱i̱ze!
4Mu̱mu̱haari̱i̱ze, we iguru wa heiguru,
nawe, meezi̱ oli hakyendi̱ weiguru!
5Byensei̱ kabihaariize ibara lya Mukama!
Hab̯wakubba yooyo yaaragi̱i̱ri̱ byahangwa na kuhangwa.
6Hab̯wa kiragiro kyamwe yaabi̱teeri̱ho mu biikaru byabyo biro na biro
yaabiteeraho mitaanu mitasobora kuhinduka.
7Haari̱i̱ze Mukama, nywe ba mu nsi,
mu̱mu̱haari̱i̱ze nywe bisolo bya mu meezi̱ na ndi̱ha zeitaka,
8mworo na ndagali̱ gya mahi̱ga, mukamu gwa meezi̱ na kiho,
na bbuukuulu ahondera bigambu bya Mukama.
9Nywe nsahu na mbamba,
misaali mya bijuma na mitumba myensei̱,
10bisolo na nte zensei̱,
byesikiira na bi̱nyoni̱ bi̱du̱du̱u̱ka, mu̱mu̱haari̱i̱ze!
11Bakama ba nsi na bantu bensei̱,
bahandu̱ na balemi̱ bensei̱ ba hansi,
12basigazi na bahala,
badulu bahandu̱ na baana, mu̱mu̱haari̱i̱ze!
13Bintu byensei̱ kabihaariize ibara lya Mukama,
kubba ibara lyamwe lisa lyolyo litumbukenge,
ki̱ti̱i̱ni̱sa kyamwe kibbe hakyendi̱ wa nsi neiguru.
14 Mukama alinda ihanga lyamwe na maani,
ihanga lyamwe lyesigwa, I̱saleeri̱, limuhaariize,
ihanga liicala heehi̱ nayo.
Haari̱i̱ze Mukama!
Iliyochaguliwa sasa
Zabbu̱li̱ 148: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.