Zabbu̱li̱ 146

146

1Haari̱i̱ze Mukama!

Ai̱ mutima gwange, haariiza Mukama!

2Biro byensei̱ bya b̯womi b̯wange nkwi̱za kukuhaariizanga Mukama,

nkwi̱za ku̱hi̱i̱mi̱ranga Ruhanga wange nincali mwomi.

3Otalyesiga balemi̱,

habbe kwesiga muntu b̯untu,

atali na kyalikujuna.

4Lwoya lwamwe b̯ulumurugamwo, ei̱rayo mwitehe,

ha kiro ki̱kyo kyonyi̱ni̱ byabba ategeki̱ri̱ bibba bi̱mali̱ki̱ri̱.

5Yeesi̱i̱me yogwo wa Ruhanga wa Yakobbo alijuna,

wa ku̱ni̱hi̱ra kwamwe kuli mu Mukama Ruhanga waamwe,

6 # Zabbu̱li̱ 115:15 munyakuhanga iguru na nsi,

itaka na bintu byensei̱ biicalamwo,

yooyo eicala mwesigwa biro byensei̱,

7 # Zabbu̱li̱ 103:6 yooyo alwaniira b̯ugabe b̯wa baceke

kandi agabira baseege bidyo.

Mukama ateesula banyankomo,

8 Mukama eijula mei̱so ga bei̱jalu̱.

Mukama abyokya bensei̱ bahi̱nyi̱rwe hansi,

Mukama yendya barungi.

9 Mukama alinda banyamahanga,

awooneera bamukaabakwere na nfu̱u̱zi̱,

bei̱tu̱ muhanda gwa babiibi agu̱zi̱ki̱i̱rya ki̱mwei̱.

10 Mukama Ruhanga waamu, ai̱ Sayu̱u̱ni̱,

alema biro na biro mi̱hi̱hi̱ myensei̱.

Haari̱i̱ze Mukama!

Iliyochaguliwa sasa

Zabbu̱li̱ 146: LUGUNGU

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mistari Maarufu ya Biblia kutoka
Zabbu̱li̱ 146