Zabbu̱li̱ 143
143
Zabbu̱li̱ gya Dau̱di̱.
1Ai̱ Mukama, weegwa kusaba kwange,
nnyetegeerya, nku̱kwesengereerya!
Onzi̱rengemwo hab̯wakubba obba wamananu kandi mwesigwa.
2Otacweranga muheereza waamu musangu,#Baru̱u̱mi̱ 3:20; Bagalati̱ya 2:16
kubba tihaloho murungi mu mei̱so gaamu.
3Hab̯wa munyanzigwa kumpiigahiiga,
anzi̱gazi̱gi̱ni̱ri̱ hansi,
anteeri̱ kubba mu nti̱ti̱ nka bab̯wo banyaku̱kwa kadei.
4Kyokyo mwozo gwange gutali na ku̱ni̱hi̱ra,
na mutima gwange gu̱ku̱ti̱i̱ni̱ hoi̱.
5Nkei̱zu̱ka biro bya kadei,
nkateekereza ha bintu byensei̱ bi̱waakoori̱,
nkawona milimo myamu,
6mbyokya mikono myange hali we.
Hab̯wamu, nyeegwa mutima nigukudokera nkeitehe lya ndala kulidokera meezi̱.
7Ai̱ Mukama, wanguha ku̱nzi̱ramwo!
Mwozo gwange tigucalimwo isanyu!
Otanzi̱ti̱ra li̱i̱so lyamu,
nkeisana bab̯wo basi̱ri̱mu̱ka kuzimu.
8B̯uli mwakya, onzegesyenge ha ngonzi zaamu zinene,
hab̯wakubba weewe ginyeesiga.
Ompe kwetegereza muhanda gunyarabangamwo,
nahab̯waki̱kyo ninkuhongera mutima gwange.
9Njuna, ai̱ Mukama, hali banyanzigwa bange!
Nzi̱ru̱ki̱ri̱ hali we kwebi̱sa.
10Onzegesya kukora bi̱wendya,
hab̯wakubba weewe Ruhanga wange!
Leka Mwozo waamu murungi anyebemberenge
heetendeku̱.
11Ai̱ Mukama, hab̯wa ibara lyamu, olindenge b̯womi b̯wange!
Hab̯wa b̯urungi b̯wamu, onjune b̯ujune ha mutima!
12Kandi mu ngonzi zaamu zinene, olihwerekereerya banyanzigwa bange,
noozi̱kya bantu bensei̱ bantu̱ntwi̱ze mutima,
hab̯wakubba ndi muheereza waamu.
Iliyochaguliwa sasa
Zabbu̱li̱ 143: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.