Zabbu̱li̱ 140
140
Hali mu̱handu̱ wa bahi̱i̱mi̱. Zabbu̱li̱ gya Dau̱di̱.
1Ai̱ Mukama, njuna hali bantu babiibi,
ondindenge hali bantu beetagu̱,
2banyamitima miteekerereza mu kukora bibiibi,
na kutab̯ura bantu.
3 #
Baru̱u̱mi̱ 3:13
Bigambu byab̯u biisana b̯umala wa mpiri,
mi̱nwa myab̯u mi̱zwi̱ri̱ b̯utwa nka b̯wa wu̱lu̱b̯u̱ndu̱.
4Ai̱ Mukama, ndinda hali maani ga babiibi,
na hali bantu beetagu̱,
bategeki̱ri̱ kuntega magulu.
5Bab̯wo banyamyehembu bantegi̱ri̱ mutegu,
banzwi̱ri̱ kitimba kyab̯u,
bantegi̱ri̱ b̯u̱hya ha muhanda gwa ha rubaju.
6Ai̱ Mukama, nkukoba yati, “Weewe Ruhanga wange.”
Weegwanga, ai̱ Mukama, kulira kwange!
7Ai̱ Mukama, Mukama wange, weewe maani ga kujunwa kwange,
ombumba mu̱twe ha kiro kya b̯ulemu.
8Bantu babiibi, ai̱ Mukama, otalibaha bi̱bakwendya,
bibiibi bibakutegeka bitalibba byamugasu,
ni̱baketembatebya.
9Leka banyanzigwa bange batali̱nsi̱ngu̱ra,
bibakubaza ni̱banti̱i̱ni̱si̱ri̱i̱rya byabbanga hali bo.
10Makala gakwokya gaabbanga ha mi̱twe myab̯u,
baagumwanga mu mworo,
baagoromokanga mu ki̱i̱na kibatalirugamwo.
11Bacwa makuru baalemwanga b̯wicalu,
kabii kaahi̱i̱ganga bab̯wo beetagu̱.
12 Mukama, nkyegi̱ri̱ nti ojuna banaku,
kandi alwaniira baseege.
13Mu mananu beesigwa baahaariizanga ibara lyamu,
na barungi beicalanga hali oli.
Iliyochaguliwa sasa
Zabbu̱li̱ 140: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.