Zabbu̱li̱ 105
105
1Mu̱si̱i̱me Mukama mukunge ibara lyamwe,
mwolokye bantu bintu byakora!
2Mu̱hi̱i̱mi̱re nimumuhariiza,
mubaze ha byamahanu byamwe byensei̱!
3Mu̱semererwe hab̯wa ibara lyamwe li̱syanu̱,
nywe baramya Mukama mwegonze!
4Mu̱toolye Mukama hamwei̱ na maani gaamwe,
mu̱mwekwate b̯utalekeera.
5Mwi̱calenge ni̱mwi̱zu̱ka byamahanu byakora,
na ncwa gya misangu myamwe.
6Beizukulu bʼI̱bbu̱rahi̱mu̱ muheereza waamwe,
batabani̱ ba Yakobbo gi̱yekoomeeri̱, mwi̱zu̱kenge bya mahanu byakora!
7Yooyo Mukama Ruhanga weetu̱,
asalira nsi gyensei̱ misangu.
8Ei̱zu̱ka ndagaanu gyamwe gya biro na biro,
na miragu myamwe ku̱doosya mi̱hi̱hi̱ ru̱ku̱mi̱.
9 #
Ntandiko 12:7; 17:8;
Ntandiko 26:3
Ndagaanu gi̱yaakoori̱ nʼI̱bbu̱rahi̱mu̱,
yaarahi̱i̱ri̱ muragu gwamwe nʼI̱saka
10 #
Ntandiko 28:13
Ndagaanu gi̱gyo, Ruhanga yaagi̱kwati̱i̱rye Yakobbo,
yaagiha Bei̱saleeri̱ kumalaho biro byensei̱,
11yaakoba yati, “Ndikuha nsi gya Kanaani̱,
gubbe mugab̯u gwa b̯ugwetwa b̯wamu.”
12B̯atakabbeeri̱ kukanya,
baali bagenyi̱ mu nsi gya Kanaani̱.
13Nibazengeeranga b̯uli ihanga
nibaruga mu b̯ukama b̯u̱mwei̱ nibagyenda mu bantu bandi.
14 #
Ntandiko 20:3-7
Bei̱tu̱ Ruhanga atakeeki̱ri̱zenge muntu noomwei̱ ku̱bawonawonesya,
hab̯wab̯u, yaacoomeerengi bakama
15naakoba yati, “Mu̱takwatahoona batongoole bange,
baragu̱ri̱ bange mutabakora kubii!”
16 #
Ntandiko 41:53-57
B̯uyaagu̱mi̱ri̱ho nzala mu nsi,
yaakeeyahoona bidyo byab̯u byensei̱,
17 #
Ntandiko 37:28; 45:5 yaatu̱mi̱ri̱ muntu mu̱mei̱so gaab̯u,
mu̱nyaku̱tu̱ndwa nka mwiru, ibara lyamwe Yozefu̱.
18 #
Ntandiko 39:20—40:23
Baamu̱bbohi̱ri̱ njegere mu magulu,
baamuteera kyoma mwi̱coti̱.
19Yozefu̱ yei̱ceeri̱ mu nkomo,
Mukama yaamu̱pi̱ma ku̱doosereerya bigambu bi̱yaabazi̱ri̱.
20 #
Ntandiko 41:14
Nahaahwo, hooho Mukama wa Mi̱si̱ri̱, yaaragi̱i̱ri̱ bamu̱teesye,
kasi Faraaho mulema ihanga li̱lyo yaamwahuura.
21 #
Ntandiko 41:39-41
Mukama yaamu̱handi̱i̱rye,
yaamukwatya b̯ujunanizib̯wa b̯wensei̱ mu kikaali,
22kuragira bayolo bensei̱,
na kwegesya balemi̱ byamagezi̱.
23 #
Ntandiko 46:6;
Ntandiko 47:11
Hei̱nyu̱ma, I̱saleeri̱ gyagyendi̱ri̱ Mi̱si̱ri̱,
Yakobbo yeicala mu nsi gya Haamu nka munyamahanga.
24 #
Kidemu 1:7-14
Mukama yaaheeri̱ bantu baamwe kukanya,
yaabaha rutege kukiraho banyanzigwa baab̯u.
25Yaaheeri̱ Banyami̱si̱ri̱ kubanoba
na kudyamwo rukwe baheereza baamwe.
26 #
Kidemu 3:1—4:17
Ruhanga yaatu̱mi̱ri̱ Mu̱sa muheereza waamwe,
hamwei̱ nʼAlooni̱ gi̱yaakomirimwo.
27Baakoori̱ b̯uboneru b̯wa byamahanu b̯wamwe mu Banyami̱si̱ri̱,
na bikuhuniriza mu nsi gya Haamu.
28 #
Kidemu 10:21-23
Ruhanga yaabasi̱ndi̱ki̱i̱ri̱ nti̱ti̱ kandi nsi gyeragura,
kubba baajeemeeri̱ biragiro byamwe baalemwa ku̱teesya bantu baamwe kugyenda.
29 #
Kidemu 7:17-21
Meezi̱ gaab̯u yaagafoori̱ri̱ ibbanga,
nsu̱ zaab̯u zensei̱ zaakwa.
30 #
Kidemu 8:1-6
Masonsooni̱a gei̱zwi̱ri̱ b̯uli kicweka,
na mu ki̱si̱i̱ka kya ntabbu gya mukama de gaali̱yo.
31 #
Kidemu 8:20-24;
Kidemu 8:16, 17 Ruhanga yaaragi̱i̱ri̱ bi̱du̱ndu̱li̱ bya nsohera,
na nsinya byei̱zu̱lya nsi gyab̯u gyensei̱.
32 #
Kidemu 9:22-25
Mu kiikaru kya ndagali̱, baatu̱ngi̱ri̱ ndagali̱ gya mahi̱ga,
b̯u̱serya hamwei̱ na nkuba mu nsi gyensei̱.
33Yaahwerekereerye mi̱zabbi̱bbu̱ na mi̱ti̱i̱ni̱ myab̯u,
yaacwacwana misaali mya nsi gyab̯u myensei̱.
34 #
Kidemu 10:12-15
Yaaragi̱i̱ri̱ nzi̱ge zei̱za,
mu b̯unene zitakubalwa.
35Zaahwerekereerye bi̱merwa bya munsi gyab̯u gyensei̱,
b̯uli kilimwa kya mwitehe lyab̯u kyadiib̯wa.
36 #
Kidemu 12:29
Kasi yei̱ta b̯uli mu̱zi̱gai̱jo mu gi̱gyo nsi,
na b̯uli kilimwa kyensei̱ kikubanza kuruga mu̱ndi̱mi̱ro zaab̯u.
37 #
Kidemu 12:33-36
Ruhanga b̯u̱yaatoori̱ Bei̱saleeri̱ kuruga Mi̱si̱ri̱, baatwalageeni̱ feeza na zaabbu,
atakabbeho noomwei̱ mu bo munyakusiitaara.
38Banyami̱si̱ri̱ baasemereerwe hab̯wa bei̱saaleeri̱ kubarugaho,
kubba baati̱nwengi̱ hoi̱.
39 #
Kidemu 13:21, 22 Yaababbu̱mbi̱ri̱i̱ri̱ na bikaka,
yaabateraho mworo gubamulukirenge mu b̯wi̱re b̯wei̱jolo.
40 #
Kidemu 16:2-15
Baasabi̱ri̱ bidyo yaabaha maanu,
yaabeecuti̱i̱rye migaati kuruga mwiguru.
41 #
Kidemu 17:1-7; Kubala 20:2-13 Ruhanga yaati̱i̱rye lubbaali meezi̱ gaalwa,
gaaheta nka mugira mu nsi gyomu.
42Hab̯wakubba yei̱zu̱ki̱ri̱ muragu gwamwe gu̱syanu̱,
gu̱yaaragani̱si̱i̱rye muheereza waamwe I̱bbu̱rahi̱mu̱.
43Baasemereerwe hoi̱ Ruhanga b̯u̱yaabatoori̱ mu nsi gya Mi̱si̱ri̱,
baali̱batengi̱ nibatokera hakyendi̱.
44 #
Yosuha 11:16-23
Mukama yaabaheeri̱ nsi,
na b̯uli ki̱mwei̱ kya banyamahanga baali bakolereeri̱,
45aleke bakwate mateeka gaamwe
kandi bahondere biragiro byamwe.
Haari̱i̱ze Mukama!
Iliyochaguliwa sasa
Zabbu̱li̱ 105: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.