Ngeera 7
7
Kuhab̯ura kundi ha Mu̱kali̱ Mwenzi̱
1Mwana wange, kwatanga bigambu byange
otalyebeera biragiro byange.
2Obikwatenge mwa kwomeera,
nka mboni̱ gya li̱i̱so olindenge bi̱nkwegesya,
3obyebbohenge ha ngalu zaamu,
obihandiike ha mutima gwamu.
4Oweerenge magezi̱, “Weewe nyakeetu̱,”
weetanga kwetegereza mwijuwo,
5bilikujuna mukaa wondi,
na yogwo mwohya.
6Haloho kiro ki̱nyeemereeri̱ ku di̱ri̱sa
nyaalingiira hanzei,
7nyaaweeni̱ho basigazi, ntwarwa,
nyeetegerezamwo omwei̱,
atakabbe na magezi̱,
8naakulibalibata heigemero lya ngu̱u̱do,
heehi̱ na nnyu̱mba gya mu̱kali̱,
naakugyenda wu yogwo mu̱kali̱
9joojolo, kaswekusweku,
b̯wi̱re nib̯ukubbumba, mu kati̱ti̱.
10Wona mu̱kali̱ ku̱yaamu̱tangi̱ri̱i̱ri̱,
alweri̱ nka malaaya, ku̱mwohya.
11(Mu̱kali̱ yogwo wampaka, mu̱jeemu̱,
teicara kwamu̱gi̱,
12nka hati̱, omwegwera ku ru̱gu̱u̱do, ha katali,
naakutegatega.)
13B̯u̱yaakaweeni̱ musigazi, amub̯umbatira amunwegera,
amu̱ku̱ndu̱li̱ra mei̱so amuweera:
14“Mmpongi̱ri̱yo deeru kyonzira kya b̯u̱si̱nge,
nyaadoosereerya bi̱byo bi̱nyeeragi̱ri̱,
15kyokyo nnzi̱ri̱ kukutangiira,
nceeri̱ ni̱nku̱toolya, nkwagi̱i̱rye!
16Ntabbu gyange ngyali̱ri̱ho suuka zirungi,
ziwa rangi̱, zi̱nyi̱ri̱ru̱ za Mi̱si̱ri̱.
17Ngi̱fu̱hi̱ri̱i̱ri̱ maku̱ta gaku̱wu̱nya kurungi,
b̯ubbaani, migaaju na bi̱b̯u̱nya bindi.
18I̱za twegonze i̱jolo lyensei̱,
twolokyengane ngonzi.
19Hab̯wakubba ibange waahi̱yo,
yaagyendi̱ri̱ hadei,
20yaatwalageeni̱ sente zinene,
akwi̱ra i̱nyu̱ma lya sabbi̱i̱ti̱ ibiri.”
21Kwokwo yaamu̱sooni̱ri̱ naaku̱mu̱du̱u̱pa,
yaamu̱gobya naakumusikiriza.
22Nahaahwo musigazi yaamuhondere,
nka nnumi gikutwalwa mwibagiro,
nka mu̱nsi̱hi̱ gu̱sambi̱ri̱ mutegu,
23ku̱doosya gu̱tu̱ti̱i̱rwe nigukakwa,
nka ki̱nyoni̱ ki̱ku̱zeenyera mu mutegu,
ti̱yeegi̱ri̱ kwakugyenda ku̱kwa.
24Kale nu baana bange, mu̱nyeetegeerye,
mu̱kwate bigambu binkubaweera.
25Mu̱kali̱ yogwo atalibahugura mitima,
mutalihondera mihanda myamwe,
26hab̯wakubba eti̱si̱i̱rye badulu banene,
tibasobora kubabalwa.
27Nnyu̱mba gyamwe gi̱si̱ru̱mu̱ra kuzumu,
cali hali bi̱si̱i̱ka bya Lu̱ku̱u̱.
Iliyochaguliwa sasa
Ngeera 7: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.