Ngeera 29
29
1Muntu walihanwa mirundi minene, akalemwa kwetegereza,
alihwerekeera cekeceke.
2Bantu barungi b̯ubabba ha b̯u̱lemi̱, habbaho kusemererwa,
bei̱tu̱ balemi̱ babiibi baleeta kwenghu̱ru̱nghu̱u̱tya.
3Yendya magezi̱ aleetera bbaawe kusemererwa,
bei̱tu̱ yeekwata benzi̱ amalaho itungu lyamwe.
4Mukama waalema na b̯winganiza nsi nigiterekeera,
bei̱tu̱ yendya byakwegula abba amaari̱ kugitemula.
5Muntu ahaariiza mwi̱ra,
abba nakwetega magulu.
6Muntu mubiibi akwatwa kibii kyamwe,
bei̱tu̱ murungi eicala naahi̱i̱ma na kusemererwa.
7Murungi yegi̱ri̱ banaku bi̱basemereeri̱ kutunga
bei̱tu̱ mubiibi tabyega.
8Bagayi̱ batab̯ura rub̯uga,
bei̱tu̱ bagezi̱ baleeta b̯u̱si̱nge.
9Mu̱gezi̱ watongona na mudoma,
mudoma akwatwa ki̱ni̱ga kandi naaseka,
bei̱tu̱ nab̯wo tihabbaho b̯u̱si̱nge.
10Bei̱ti̱ banoba muntu murungi,
kandi ni̱bendya ku̱mwi̱ta.
11Mudoma yolookeerya ki̱mwei̱ ki̱ni̱ga kyamwe,
bei̱tu̱ mu̱gezi̱ yeerinda naaki̱holereerya b̯u̱holya.
12Mu̱lemi̱ b̯u̱yetegeerya b̯u̱gobya,
bayolo baamwe bensei̱ babba babiibi.
13Munaku na yogwo amuwonawonesya, bali na habarombi̱ra,
bensei̱ Mukama yooyo abaha kwetegereza mananu.
14Kakubba mukama asala musangu gwa b̯ulyo hali banaku,
b̯u̱lemi̱ b̯wamwe b̯ukusobora kwomeera.
15Kibboko na kuhab̯urwa bileeta magezi̱,
bei̱tu̱ mwana gi̱balekereeri̱ aswaza mmaawe
16Bantu babiibi b̯ubalema, bibii nibyeyongera,
bei̱tu̱ barungi baliwona ku̱zi̱ka kwab̯u.
17Wegesyanga mwana waamu ali̱ku̱hu̱mu̱u̱lya,
kandi alikuha kusemererwa.
18Ihanga b̯ulitebemberwa Ruhanga tiliterekeera,
wa mu̱gi̱sa yeerinda biragiro.
19Bigambu bisa tibisobora kulamba mwiru,
kubba nab̯uyetegereza tasobora kutaho mutima.
20Mudoma bamu̱ni̱hi̱ramwo birungi
kukira yangu̱hi̱ri̱i̱rya kubaza.
21Kakubba odedya mu̱kori̱ kuruga mu b̯uto,
alikufookera kizib̯u.
22Wa ki̱ni̱ga abyokya izongobo,
azingala b̯wangu akora bibiibi binene.
23Myehembu mileeta kuswara,
bei̱tu̱ mweb̯u̱ndaazi̱ aheeb̯wa ki̱ti̱i̱ni̱sa.
24Akwatagana na mwi̱bi̱, annoba b̯womi,
b̯ubamurahirisya mwicwero lya musangu,
talinakyeramwo.
25Ku̱ti̱i̱na muntu kubba kwetega mutegu,
bei̱tu̱ yeesiga Mukama alitunga b̯u̱si̱nge.
26Bantu banene bendya kwenolya hali balemi̱,
bei̱tu̱ Mukama yooyo aleetaho b̯winganiza.
27Muntu murungi anoba mubiibi,
na mubiibi naanoba murungi.
Iliyochaguliwa sasa
Ngeera 29: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.