Ngeera 25
25
Ngeera zindi za Sulumaani
1Kandi zizi nazo zili ngeera za Sulumaani, badulu ba Mukama Heezeki̱ya wa Yu̱da zi̱bakoporoori̱.
2Ki̱ti̱i̱ni̱sa kya Ruhanga kulinda nsita
kya bakama kubba ku̱hu̱lu̱kya makuru.
3Iguru nka kulibba hakyendi̱ na nsi nka kugiicala gilei,
kwokwo de otasobora kwetegereza mitima mya bakama.
4Kakubba bantu batoola b̯u̱rofu̱ mu feeza kugifoora gyei̱cu̱mi̱,
baheesa byoma bakusobora kukoramwo bintu birungi.
5Toolaho bantu babiibi mu mei̱so ga mukama,
na b̯u̱lemi̱ b̯wamwe b̯ulyegeb̯wa kubba b̯wa b̯unanu.
6Lekanga kwetwala mu mei̱so hali mukama ali,
rundi kwemeera mu kiikaru cali bantu ba bi̱ti̱i̱ni̱sa bali,
7hakiri bakuweera yati, “Weesu̱ma oicaare haha,”
kukira kukuswazira mu babi̱ti̱i̱ni̱sa.
Nooli na byoweeni̱ na mei̱so gaamu
8otanguhanga kunyegeera nsonga gyensei̱ mu mbuga gya mateeka
olikola teetei̱ hakumaliira,
kakubba harugayo muntu aku̱ku̱honereerya weewe kubba mu̱nsobi̱?
9Wakabbanga na nsonga na mwi̱ra waamu,
mugimalenge nywenkei mu nsita gi̱takabbeeri̱ kwetegerezeb̯we mu bandi.
10Kakubba mutamala nsonga zi̱zo, bantu banene bakwi̱za kukwega nka muntu atagira nsita,
kandi tolyejuna ki̱kyo kihemu.
11Kigambu ki̱zi̱i̱ri̱ mu kasu̱mi̱ kaakyo,
kiisana zaabbu mu lukimba lwa feeza.
12Kuhab̯ura kwa muntu wa magezi̱ aweera yogwo yeetege kwegwa,
kibba kyamugasu kukira bikwatu bikore kuruga mu zaabbu.
13Mukwenda mwesigwa ahu̱u̱mu̱u̱lya mu̱mu̱tu̱mi̱,
nka meezi̱ geenyamu̱ gaakunywa b̯u̱gahu̱u̱mu̱u̱lya baganywi̱ mu b̯wi̱re wa lyoba.
14Aragani̱sya bisembu byataku̱doosereerya,
abba nka byalu na mpehu bitaguma ndagali̱.
15Kugumisiriza ku̱sonasooni̱a mu̱lemi̱,
kandi kalimi kaheheeru̱ kooko korobya muntu.
16B̯wolibba na b̯uhooki, dya b̯wokusobora,
otali̱i̱za kudya kyakalaseeni̱ okamaliira ob̯u̱tu̱naki̱ri̱.
17Otab̯ungiranga mwi̱ra waamu mirundi minene,
akamaliira akweganyi̱ri̱ kandi aku̱nobi̱ri̱.
18Kuhangiira mwi̱ra waamwe,
kiisana ku̱mu̱lwani̱sya okweti̱ mubbeere, mpirima, rundi mbasi.
19Kwesiga muntu atakuloho mu b̯wi̱re wa b̯uzib̯u,
kiisana nka ku̱di̱sya liino li̱seeri̱ rundi nka wa kihote ha kigulu.
20Ku̱hi̱i̱mi̱ra kyembu kirungi muntu ali na b̯ujune,
kiisana nka kumusomola ngoye mu b̯wi̱re b̯wi̱nyamu̱, rundi nka kumubbwomira mu̱kwa mu kihote.
21Munyanzigwa waamu nzala b̯ugyamudyanga omuhenge bidyo,
nyoota b̯ugyamukwatanga omuhenge meezi̱ ga kunywa.
22Mu kukora yatyo olibba nookumuleetera kuswara, omu̱hembeeri̱ mworo ku mu̱twe,
kandi we Mukama alikusasula.
23Nka mpehu ziruga mu mukono gumoso zileeta ndagali̱,
kwokwo de kalimi kahesa kaleeta ki̱ni̱ga.
24Hakiri oicala mu ki̱si̱i̱si̱ra,
kukira kwicala mu nnyu̱mba gi̱mwei̱ na mu̱kali̱ weizongobo.
25Kwegwa makuru garungi garu̱gi̱ri̱ hadei,
kili nka kunywa meezi̱ gei̱nyamu̱ kumala nnyoota.
26Muntu murungi watwalwa bikorwa bya mubiibi,
abba nka misu rundi nka i̱zu̱ba li̱ku̱hu̱lu̱kya meezi̱ gatomboku̱.
27Nka kukitecala kirungi kudya b̯uhooki b̯unene,
kwokwo de ki̱tasemeeri̱ kwetoleerya ki̱ti̱i̱ni̱sa kyamu wenkei.
28Muntu aterinda,
eisana nka rub̯uga lunyakwingirirwa lutali na bi̱si̱i̱ka byakwerinda.
Iliyochaguliwa sasa
Ngeera 25: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Ngeera 25
25
Ngeera zindi za Sulumaani
1Kandi zizi nazo zili ngeera za Sulumaani, badulu ba Mukama Heezeki̱ya wa Yu̱da zi̱bakoporoori̱.
2Ki̱ti̱i̱ni̱sa kya Ruhanga kulinda nsita
kya bakama kubba ku̱hu̱lu̱kya makuru.
3Iguru nka kulibba hakyendi̱ na nsi nka kugiicala gilei,
kwokwo de otasobora kwetegereza mitima mya bakama.
4Kakubba bantu batoola b̯u̱rofu̱ mu feeza kugifoora gyei̱cu̱mi̱,
baheesa byoma bakusobora kukoramwo bintu birungi.
5Toolaho bantu babiibi mu mei̱so ga mukama,
na b̯u̱lemi̱ b̯wamwe b̯ulyegeb̯wa kubba b̯wa b̯unanu.
6Lekanga kwetwala mu mei̱so hali mukama ali,
rundi kwemeera mu kiikaru cali bantu ba bi̱ti̱i̱ni̱sa bali,
7hakiri bakuweera yati, “Weesu̱ma oicaare haha,”
kukira kukuswazira mu babi̱ti̱i̱ni̱sa.
Nooli na byoweeni̱ na mei̱so gaamu
8otanguhanga kunyegeera nsonga gyensei̱ mu mbuga gya mateeka
olikola teetei̱ hakumaliira,
kakubba harugayo muntu aku̱ku̱honereerya weewe kubba mu̱nsobi̱?
9Wakabbanga na nsonga na mwi̱ra waamu,
mugimalenge nywenkei mu nsita gi̱takabbeeri̱ kwetegerezeb̯we mu bandi.
10Kakubba mutamala nsonga zi̱zo, bantu banene bakwi̱za kukwega nka muntu atagira nsita,
kandi tolyejuna ki̱kyo kihemu.
11Kigambu ki̱zi̱i̱ri̱ mu kasu̱mi̱ kaakyo,
kiisana zaabbu mu lukimba lwa feeza.
12Kuhab̯ura kwa muntu wa magezi̱ aweera yogwo yeetege kwegwa,
kibba kyamugasu kukira bikwatu bikore kuruga mu zaabbu.
13Mukwenda mwesigwa ahu̱u̱mu̱u̱lya mu̱mu̱tu̱mi̱,
nka meezi̱ geenyamu̱ gaakunywa b̯u̱gahu̱u̱mu̱u̱lya baganywi̱ mu b̯wi̱re wa lyoba.
14Aragani̱sya bisembu byataku̱doosereerya,
abba nka byalu na mpehu bitaguma ndagali̱.
15Kugumisiriza ku̱sonasooni̱a mu̱lemi̱,
kandi kalimi kaheheeru̱ kooko korobya muntu.
16B̯wolibba na b̯uhooki, dya b̯wokusobora,
otali̱i̱za kudya kyakalaseeni̱ okamaliira ob̯u̱tu̱naki̱ri̱.
17Otab̯ungiranga mwi̱ra waamu mirundi minene,
akamaliira akweganyi̱ri̱ kandi aku̱nobi̱ri̱.
18Kuhangiira mwi̱ra waamwe,
kiisana ku̱mu̱lwani̱sya okweti̱ mubbeere, mpirima, rundi mbasi.
19Kwesiga muntu atakuloho mu b̯wi̱re wa b̯uzib̯u,
kiisana nka ku̱di̱sya liino li̱seeri̱ rundi nka wa kihote ha kigulu.
20Ku̱hi̱i̱mi̱ra kyembu kirungi muntu ali na b̯ujune,
kiisana nka kumusomola ngoye mu b̯wi̱re b̯wi̱nyamu̱, rundi nka kumubbwomira mu̱kwa mu kihote.
21Munyanzigwa waamu nzala b̯ugyamudyanga omuhenge bidyo,
nyoota b̯ugyamukwatanga omuhenge meezi̱ ga kunywa.
22Mu kukora yatyo olibba nookumuleetera kuswara, omu̱hembeeri̱ mworo ku mu̱twe,
kandi we Mukama alikusasula.
23Nka mpehu ziruga mu mukono gumoso zileeta ndagali̱,
kwokwo de kalimi kahesa kaleeta ki̱ni̱ga.
24Hakiri oicala mu ki̱si̱i̱si̱ra,
kukira kwicala mu nnyu̱mba gi̱mwei̱ na mu̱kali̱ weizongobo.
25Kwegwa makuru garungi garu̱gi̱ri̱ hadei,
kili nka kunywa meezi̱ gei̱nyamu̱ kumala nnyoota.
26Muntu murungi watwalwa bikorwa bya mubiibi,
abba nka misu rundi nka i̱zu̱ba li̱ku̱hu̱lu̱kya meezi̱ gatomboku̱.
27Nka kukitecala kirungi kudya b̯uhooki b̯unene,
kwokwo de ki̱tasemeeri̱ kwetoleerya ki̱ti̱i̱ni̱sa kyamu wenkei.
28Muntu aterinda,
eisana nka rub̯uga lunyakwingirirwa lutali na bi̱si̱i̱ka byakwerinda.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.