Ngeera 18
18
1Yeehala bei̱ra abba nakwetooleerya byamwe yankei,
abba naakusuula bintu bi̱doori̱.
2Mudoma ti̱yendya kwetegereza
bei̱tu̱ anyu̱mi̱rwa kuhanuulira bandi.
3Akora bibiibi yeeleetera mugayo,
muswaru guleeta kihemu.
4Bigambu birungi mu muntu meezi̱ ga mu ndi̱ha,
musu gwa magezi̱ gukulukuta nka mugira.
5Ti̱ki̱doori̱ kuganyira mubiibi,
rundi kufubira atali na musangu.
6Bigambu bya mudoma bileeta mpaka,
naakuhonyola mu̱nwa kumuleetera kukuutwa.
7Mu̱nwa gwa mudoma gwogwo gu̱mu̱zi̱kya
bigambu byabaza bimubboha nka mutegu.
8Makuru gacwe ganolira akugegwa
nka bidyo bi̱nolu̱ kubiicala mu nda.
9Mukora mulimo na b̯ugarei,
na mu̱gu̱heneri̱ tibahukana.
10 Mukama eicala lugo lunyamaani,
hali barungi baamwe bei̱ru̱ki̱ra kutunga b̯u̱si̱nge.
11Itungu lya mu̱gu̱u̱da lili nka rub̯uga lwamwe lunyamaani,
lili nka ki̱si̱i̱ka kilei kyelogoleerye rub̯uga.
12Kwehaariiza kuleeta ku̱zi̱ka,
ab̯undaara atunga ki̱ti̱i̱ni̱sa.
13Kwi̱ramu bigambu byotakabbeeri̱ kwetegeerya,
kibba kya b̯udoma kandi kyamuswaru.
14Mutima gutatiro gwi̱ryamwo baseeri̱ maani,
bei̱tu̱ hali gutali na ku̱ni̱hi̱ra kubba kwahi.
15Bagezi̱ beicala beetegeki̱ri̱ kwega,
Mapokopo gaab̯u geicala gab̯uule mwa kutangiira magezi̱.
16Kisembu kya muntu kimuteerahoona muhanda hali bakama,
kandi nikimwicaarya na bafura.
17Abanza kubaza mu mei̱so ga mu̱ramu̱ri̱ azooka nka wa mananu,
ku̱doosya munyegeerwa waaketongonaho.
18Karu̱ru̱ kamala mpaka,
kandi kuramura ntaru za maani.
19Weenyu̱ gyozi̱ngali̱i̱rye talikwikiriza kwingira mwamwe,
mpaka zi̱tab̯wi̱ri̱ banywani zaahu̱kani̱a bantu nka irembu li̱ki̱ngi̱i̱rwe byoma.
20Bigambu bya muntu biicuutya nda gyamwe,
mu mu̱nwa gwamwe harugamu bikumugasira
21Maani ga lu̱ku̱u̱ na b̯womi gali mu lulimi,
nahab̯waki̱kyo b̯uli muntu yegyendereze bigambu byakubaza.
22Yaagya mu̱kali̱ wa kuswera abba yaagi̱i̱rye kintu kirungi,
kubba abba na mu̱gi̱sa gwa Mukama.
23Bigambu bya munaku byolokya mbabazi̱,
bei̱tu̱ mu̱gu̱u̱da abaza na nkabbu.
24Haloho mukagu gwa kasu̱mi̱ b̯u̱su̱mi̱,
bei̱tu̱ aku̱nyweni̱ biribiri akukiira na mwijuwo.
Iliyochaguliwa sasa
Ngeera 18: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Ngeera 18
18
1Yeehala bei̱ra abba nakwetooleerya byamwe yankei,
abba naakusuula bintu bi̱doori̱.
2Mudoma ti̱yendya kwetegereza
bei̱tu̱ anyu̱mi̱rwa kuhanuulira bandi.
3Akora bibiibi yeeleetera mugayo,
muswaru guleeta kihemu.
4Bigambu birungi mu muntu meezi̱ ga mu ndi̱ha,
musu gwa magezi̱ gukulukuta nka mugira.
5Ti̱ki̱doori̱ kuganyira mubiibi,
rundi kufubira atali na musangu.
6Bigambu bya mudoma bileeta mpaka,
naakuhonyola mu̱nwa kumuleetera kukuutwa.
7Mu̱nwa gwa mudoma gwogwo gu̱mu̱zi̱kya
bigambu byabaza bimubboha nka mutegu.
8Makuru gacwe ganolira akugegwa
nka bidyo bi̱nolu̱ kubiicala mu nda.
9Mukora mulimo na b̯ugarei,
na mu̱gu̱heneri̱ tibahukana.
10 Mukama eicala lugo lunyamaani,
hali barungi baamwe bei̱ru̱ki̱ra kutunga b̯u̱si̱nge.
11Itungu lya mu̱gu̱u̱da lili nka rub̯uga lwamwe lunyamaani,
lili nka ki̱si̱i̱ka kilei kyelogoleerye rub̯uga.
12Kwehaariiza kuleeta ku̱zi̱ka,
ab̯undaara atunga ki̱ti̱i̱ni̱sa.
13Kwi̱ramu bigambu byotakabbeeri̱ kwetegeerya,
kibba kya b̯udoma kandi kyamuswaru.
14Mutima gutatiro gwi̱ryamwo baseeri̱ maani,
bei̱tu̱ hali gutali na ku̱ni̱hi̱ra kubba kwahi.
15Bagezi̱ beicala beetegeki̱ri̱ kwega,
Mapokopo gaab̯u geicala gab̯uule mwa kutangiira magezi̱.
16Kisembu kya muntu kimuteerahoona muhanda hali bakama,
kandi nikimwicaarya na bafura.
17Abanza kubaza mu mei̱so ga mu̱ramu̱ri̱ azooka nka wa mananu,
ku̱doosya munyegeerwa waaketongonaho.
18Karu̱ru̱ kamala mpaka,
kandi kuramura ntaru za maani.
19Weenyu̱ gyozi̱ngali̱i̱rye talikwikiriza kwingira mwamwe,
mpaka zi̱tab̯wi̱ri̱ banywani zaahu̱kani̱a bantu nka irembu li̱ki̱ngi̱i̱rwe byoma.
20Bigambu bya muntu biicuutya nda gyamwe,
mu mu̱nwa gwamwe harugamu bikumugasira
21Maani ga lu̱ku̱u̱ na b̯womi gali mu lulimi,
nahab̯waki̱kyo b̯uli muntu yegyendereze bigambu byakubaza.
22Yaagya mu̱kali̱ wa kuswera abba yaagi̱i̱rye kintu kirungi,
kubba abba na mu̱gi̱sa gwa Mukama.
23Bigambu bya munaku byolokya mbabazi̱,
bei̱tu̱ mu̱gu̱u̱da abaza na nkabbu.
24Haloho mukagu gwa kasu̱mi̱ b̯u̱su̱mi̱,
bei̱tu̱ aku̱nyweni̱ biribiri akukiira na mwijuwo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.