Ngeera 15
15
1Kalimi kaheheeru̱ kamalaho ki̱ni̱ga,
bei̱tu̱ bigambu bi̱kakaaru̱ bi̱ki̱teeryaho b̯u̱teerya.
2Kalimi ka mu̱gezi̱ kaleeta kwetegereza,
bei̱tu̱ kanwa ka mudoma kahu̱lu̱kya byab̯udoma.
3 Mukama awona hensei̱,
eicala naawona barungi na babiibi.
4Kalimi karungi kaleeta b̯womi,
bei̱tu̱ b̯u̱gobya b̯ucwa ntima.
5Mudoma agaya kulamba kwa bbaawe,
bei̱tu̱ mu̱gezi̱ eikiriza bi̱bamu̱lambi̱ri̱.
6Maka ga barungi gabbamu itungu linene,
bei̱tu̱ mpeera gya babiibi gileeta b̯ujune.
7Kalimi ka mu̱gezi̱ kasasaani̱a kwetegereza,
bei̱tu̱ biteekerezu bya mudoma tibibbamwo karungi kensei̱.
8 Mukama anoba bihongwa bya babiibi,
bei̱tu̱ asi̱i̱ma kusaba kwa barungi.
9 Mukama anoba bikorwa bya babiibi,
bei̱tu̱ yendya bya barungi.
10Wolikora bibiibi olifubirwa hoi̱,
woolisuula kuhab̯urwa, oli̱kwa.
11 Mukama haawonera bali kuzumu,
na bili mu mutima gwa muntu abyegi̱ri̱
12Mu̱gayi̱ anoba kulambwa,
nahab̯waki̱kyo yeehala bagezi̱.
13Kusemererwa bakuwonera ha b̯u̱syo wa muntu,
bei̱tu̱ mutima gu̱zi̱ngalu̱ gubba na nganye.
14Mu̱gezi̱ yendya kwega,
bei̱tu̱ mudoma anyu̱mi̱rwa bya b̯udoma.
15Munaku eicala naagadagada,
bei̱tu̱ bantu bali na kusemererwa beicala nibeegonza.
16Hakiri obba munaku aku̱ti̱i̱na Mukama,
kukira kubba mu̱gu̱u̱da otali na b̯u̱si̱nge.
17Hakiri ondya i̱ji̱ri̱ hali ngonzi zili,
kukira kudya nnyama hei̱zwi̱ri̱ nnobi̱.
18Wa ki̱ni̱ga kya b̯wangu, atab̯ura b̯ulemu,
Bei̱tu̱ mukwata mpula alu̱mi̱ri̱i̱rya izongobo.
19Muhanda gwa mugarei gubbumbwa mahwa,
bei̱tu̱ gwa munanu gubba gu̱terekereru̱.
20Mwana mu̱gezi̱ aleetera bbaawe kusemererwa,
bei̱tu̱ mudoma agaya bya maawe.
21Ntwarwa gi̱nyu̱mi̱rwa b̯udoma,
bei̱tu̱ mu̱gezi̱ akora bi̱doori̱.
22Hatali muhe wa magezi̱ ntegeka zisobambe,
bei̱tu̱ b̯u̱hei̱zaho bahab̯u̱ri̱ banene niziterekeera.
23Kigambu ki̱i̱zi̱ra mu b̯wi̱re b̯wonyi̱ni̱,
kileetera muntu kusemererwa.
24Bagezi̱ bakwata muhanda gukutwala mu b̯womi,
hatali gukutwala kuzumu.
25 Mukama azi̱kya makaa gehembahemba,
bei̱tu̱ alinda bya bamukaabakwere.
26 Mukama annoba biteekerezu bibiibi,
bei̱tu̱ asemereerwa mu bigambu birungi.
27Wa mururu gwa bintu bya b̯u̱nyagi̱ aleetera makaa gaamwe b̯ujune,
bei̱tu̱ anoba kwegu̱li̱ri̱i̱rya alyomeera.
28Barungi babanza nibateekereza batakei̱ri̱ri̱mwo,
bei̱tu̱ babiibi babaza ki̱kei̱zi̱ri̱.
29Bantu barungi b̯ubasaba Mukama ni̱yeegwa,
bei̱tu̱ babiibi ababba hadei.
30B̯u̱syo b̯wa kamwenyumwenyu b̯uleeta kusemererwa,
na makuru garungi galeeta b̯womi.
31Muntu eikiriza kulambwa,
abalwa mu ba magezi̱.
32Yogwo atalambwa yeefereza binene,
bei̱tu̱ alambwa yeyongera kukenga.
33Ku̱ti̱i̱na Mukama kyegesya magezi̱,
na kub̯undaara kuleeta ki̱ti̱i̱ni̱sa.
Iliyochaguliwa sasa
Ngeera 15: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.