Ngeera 13
13
1Mwana mu̱gezi̱ yeegwa bbaawe byakumulamba,
bei̱tu̱ mu̱gayi̱ ti̱yeegwa.
2Murungi byabaza bi̱mu̱heesya birungi,
bei̱tu̱ kwegomba kwa mubiibi b̯wicala b̯ulemu.
3Akwerinda kalimi alinda b̯womi b̯wamwe,
bei̱tu̱ muhonyola mu̱nwa yeeleetera kabii.
4Bantu bagarei bendya bintu kandi tibabitunga,
bei̱tu̱ bakukora na maani batunga byensei̱ bi̱bakwendya.
5Muntu murungi anoba b̯u̱gobya,
bei̱tu̱ babiibi bakora bikuhemura kandi bikuswaza.
6B̯urungi b̯ulinda mwinganiza,
bei̱tu̱ kibii ki̱hwerekereerya babiibi.
7Haloho yeefoora mu̱gu̱u̱da naali munaku,
na yeefoora munaku naali mu̱gu̱u̱da.
8Mu̱gu̱u̱da acungurwa itungu lyamwe,
bei̱tu̱ tihabbaho aku̱ti̱i̱ni̱sya munaku.
9Barungi beisana taara gikwaka ni̱gi̱syani̱a
bei̱tu̱ babiibi beisana taara gi̱ku̱lu̱mi̱i̱ra.
10Myehembu mileeta b̯ujune,
bei̱tu̱ eikiriza kuhab̯urwa abba mu̱gezi̱.
11Itungu lya b̯wangu b̯wangu limalika b̯wangu,
bei̱tu̱ li̱i̱za mpula lyeteeryaho b̯weteerya.
12Ku̱ni̱hi̱ra mu kitaabbeho ki̱hi̱mbi̱sya mutima,
bei̱tu̱ kutunga kyokwendya gubba musaali gwa b̯womi.
13Atalambwa yeeleetera b̯ujune,
bei̱tu̱ ahondera biragiro, aheeb̯wa mpeera.
14Kwegesya kwa bagezi̱, gubba musu gwa b̯womi,
gukutanga ku̱gwa mu mitegu mya lu̱ku̱u̱.
15Kwetegereza kuleeta mbabazi̱,
bei̱tu̱ butetegereza b̯utwala mu kuhwerekeera.
16Mu̱gezi̱, akoresya kwetegereza
bei̱tu̱ mudoma eicala naahaariiza b̯udoma b̯wamwe.
17Mukwenda ateesigwa aleeta b̯ujune,
bei̱tu̱ akwesigwa, aleeta b̯u̱si̱nge.
18Agaya kuhab̯urwa, yeegimbira nnaku na muswaru,
bei̱tu̱ eikiriza kulambwa aheeb̯wa ki̱ti̱i̱ni̱sa.
19Kutunga kiwegombanga kikuha kusemererwa,
bei̱tu̱ kyamuziro badoma b̯utahenera.
20Alibata na bagezi̱, nayo abba mu̱gezi̱,
kyonkei b̯wolinywana badoma oli wakuwona nnaku.
21Kabii kagyenda na babiibi,
bei̱tu̱ akora birungi aheeb̯wa mu̱gi̱sa.
22Murungi ati̱ga itungu libagwetera na beezukulu,
bei̱tu̱ lya mubiibi lidiib̯wa bamananu.
23Kisambu kya munaku kyerya binene,
bei̱tu̱ nibinyagwa banyamaani.
24Atakwata mubbeere kuhab̯ura mwanawe abba amu̱nobi̱ri̱,
kyonkei aku̱mwendya ataho mutima kumuhab̯ura.
25Barungi babba nabibakudya nibeicuta,
bei̱tu̱ babiibi beicala nibalira nzala.
Iliyochaguliwa sasa
Ngeera 13: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.