Chakruok 2
2
1Kamano Ruoth Nyasaye notieko chueyo polo gi piny kod gik moko duto mantie. 2#Wuok 20.11.#Hib 4.4, 10.Chiengâ mar auchiel Nyasaye notieko gik moko duto mane otimo, eka noweyo tijene duto mi oyueyo chiengâ mar abiriyo. 3Noguedho chiengâ mar abiriyo, kendo nowale mondo obed maler, nikech chiengâno ema noyueyoe bangâ chueyo gik moko duto. 4Mano e kaka nochue polo gi piny.
E kinde mane Ruoth Nyasaye chueyo polo gi piny, 5ne onge buya kata yien motwi e lowo, nikech ne pok ooro koth e piny, to bende ne onge dhano mane nyalo pure. 6To kata obedo ni koth ne onge kamano, pi ne wuok e lowo, kendo ne miyo piny bedo mangich.
7 #
1 Kor 15.45. Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.
Puoth Eden
8Bangâe Ruoth Nyasaye noloso puodho e Eden, yo wuokchiengâ, mi oketoe dhano mane osechueyo. 9#Fweny 2.7; 22.2, 14.Nomiyo yien mopogore opogore odongo e puodhono, ma moko lombo wangâ, kendo moko nyago olemo michamo. To yath manyago olemb ngima, kod mago manyago olemo ma nyiso ber gi rach, noketo e dier puodho.
10Aora moro ne mol e puodhono, kawuok Eden, mondo omiye ngâich, kendo bangâ wuok e puodho nopogore, mobedo aore angâwen. 11Aora mokwongo iluongo ni, Pishon. En e aora molworo piny Havila, 12kuma dhahabu maber kod dwogo miluongo ni bedelium, gi kite ma nengogi tek miluongo ni oniks, yudoree. 13Aora mar ariyo iluongo ni Gihon, mamol kolworo piny Kush duto. 14Aora mar adek iluongo ni Tigris, mamol yo wuokchiengâ mar Asuria. Aora mar angâwen to iluongo ni Yufrate.
15Eka Ruoth Nyasaye nokawo dhano, moketo e puoth Eden mondo opure kendo orite. 16Nowachone niya, âOyieni chamo olemb yien duto manie puodho 17mak mana olemo manyiso ber gi rach ema kik icham, nikech chiengâ michame to initho.â
18Ruoth Nyasaye nowacho niya, âOk ber ka dhano obet kende. Omiyo abiro miye ngâama konye.â 19Kuom mano, nokawo lowo, mochueyogo le mae thim kod winy duto, mi nokelogi ni dhano mondo ochakgi nyingâ, kendo nyingâ mane dhano omiyo moro ka moro ema nobedo nyinge. 20Kamano Adam nomiyo jamni gi le mae thim kod winy duto nyinggi, to ne pod onge ngâama konye kata madak kode.
21Kuom mano, Ruoth Nyasaye nomiyo nindo matut otero Adam, kendo kane onindo, Nyasaye nogolo ngâetne achiel, mi nochako odino kama nogoloe ngâedno. 22Eka noloso dhako gi ngâedno, mokele ir Adam. 23Mi Adam nowacho niya,
âThoo! ma e kita,
chogo moa kuom choka,
ringruok moa kuom ringra.
Ibiro luonge ni âDhakoâ,
nikech noa kuom dhano.â
24 #
Math 19.5; Mar 10.7, 8; 1 Kor 6.16; Efes 5.31. Ma emomiyo ngâato weyo wuon gi min, to padore kuom chiege, kendo gidoko ringruok achiel.
25Giduto ne gin duge, to kata kamano ne ok gineno ka gin gi wichkuot.
Iliyochaguliwa sasa
Chakruok 2: DHO15
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dholuo DC Bible © Bible Society of Kenya and Bible Society of Tanzania, 1976.