Filipenses 1
1
Nixje̱he̱ Pablo ti sin ni̱nko Filipenses
1 #
Hch. 16:12. *Janhan Pablo la ko Timoteo, chꞌeheni ixra̱ Ìnchéni Jesucristo, mé ikjini ti xroon i chrꞌahánra kaínra kíchóni tinkachónkira Cristo Jesús; jahara tjejora chjasin Filipos, la ko ti sin tꞌe̱to̱an ni̱nko la ko ti sin tjinki̱tsa kuènté ni̱nko méhe̱. 2Kjuasáye Itꞌéni Díos la ko Ìnchéni Jesucristo imá sintañaora la ko chrókꞌuayéhéra ti kjuaxróxin kuènté Díos.
Pablo chrónoéhe̱ Díos kixin ti sin tinkáchónki Jesús
3Ti ó xráxinka̱oan ti jahara la tja̱ha̱ Díos kjuasáya 4la ko ti ó nixja̱ha̱ Díos la imá chéhe̱ a̱sená tjáncháha̱ chꞌan kixin tsjinki̱tsa chꞌan ti jahara, 5kixin nkoko̱a kuékꞌejóni kꞌuékjichꞌeni ti ixra̱ kuènté Ìnchéni ndesi ti ña̱o sa̱oxín kuihínra ti itén Díos, la ko na̱xa̱ tjejochꞌera ti ixra̱ ijie. 6Janhan la ó nona kixin Díos ó kjuankíxin sichꞌe ijnko ixra̱ jína nkaya a̱sánra kixin kuitekáonra Ìnchéni, la xi̱kaha na̱xa̱ tsjintaxín sichꞌe chꞌan ti ixra̱ hasta tsjixraká ti ña̱o tsokjan Ìnchéni Jesucristo. 7Mé xi̱kaha jína itꞌa̱, tjénka̱yáxian ti jahara, kixin imá tjua̱hára. Jahara la ko janhan la nkokón kꞌuáyéhe̱ni ti kjuachaxin kuènté Ìnchéni, la kjónté tjéchji̱na o̱ chrókjuakꞌé ti tjejó ti sin tꞌe̱to̱an, la xrja̱nká kixin jína ti itan chaxín tsaáxini. 8Díos la ó nohe kixin imá tjua̱hára éxi tjue̱xin Cristo ti jahara. 9Tjáncháha̱ Díos kixin tsjinki̱tsa ti jahara kixin a̱ntsí chrótjue̱héra chꞌan, la ko a̱ntsí chrókꞌuánkí ti kjuaxrexinkaon kuèntára kixin jína chrókjuénka̱yáxinra 10kixin chrókónohara nkexrín tsjéyára ti nkehe a̱ntsí jína. Mé xi̱kaha tso̱kohya nkexro tsjanchia ijie̱ ti ó tsokjan Ìnchéni Jesucristo. 11Méxra̱ jahara chrókjui̱chꞌera ti ixra̱ jína kixin kjuasáye Jesucristo tjinki̱tsa chꞌan ti jahara, la xi̱kaha kaín chojni tsjikosáyehe sin Díos.
Janhan tjéki̱a̱n Cristo
12Kíchóni, tjínka̱oan kixin tso̱nohara kaín ti nkehe kꞌuátsínkaxián janhan la chaxín kjuínki̱tsa kixin kuíhin chojni ti itan ni̱xin tjajon kjuachón. 13#Hch. 28:30.*Mé xi̱kaha kaín ti soldado siín palacio la ko kaín ti íso sin mé nohe sin kixin tjéchji̱na kixin tinkachónkia Jesucristo. 14La ti tjéchji̱na, la itsjé ti sin kíchóni a̱ntsí tóxríhi̱n sin tsochronka sin ti itén Díos, la í chrakonhña sin tinkáchónki sin Ìnchéni.
15Chaxín iso sin la tjako sin itén Cristo kixin tjinkaon sin chrókjua̱cha̱xi̱n sin kixin tóchji̱no̱xíhin sin kixin ti ixra̱ kjuajon Díos. Kjánchó íso sin la chaxín kaín a̱sén sin tjako sin itén Díos. 16Nkojín sin la nixja sin itén Cristo kixin nchenkexín sin ó, la jehya chaxín kaín a̱sén sin. Mé xi̱kaha nixja sin kixin tjinkaon sin kixin a̱ntsí chrókjuasóteni ti tjechjinani. 17A̱ndá íso sin la chrónka sin itén Díos kixin tjua̱na sin, la ó nohe sin kixin Díos mé kjuajon kjuachaxin tsjakꞌé ntihi kixin tsjáko̱xian kixin chaxín ti itén Díos mé tsaáxini. 18Kjánchó janhan la tónínka̱konhña, kjónté á chaxín kaín a̱sén sin tjako sin o̱ náhí, janhan la tóchéhe̱ a̱sená kixin chrónka sin ti itan jína kuènté Cristo.
19Méxra̱ janhan la ó nona kixin kaín tíhi la jína tsꞌaxrje kixin kjuasáyara tjejonixjehéra Díos, la ko ti Ncha̱kuén Jesucristo mé tjinki̱tsa. 20Kixin ti nkehe tjínka̱oan la chrókósuànahña chrónixja, kixin ijie la ko nkochríxín chrókjuákoxian ti kjuachaxin ijié kuènté Cristo, ti na̱xa̱ tjétsjaha̱ o̱ ti ó tsíkꞌen janhan. 21Kixin ti na̱xa̱ tjétsjaha̱, la janhan Cristo tꞌaha ixra̱, a̱ndá ti ó itsꞌén la ó kjuixin kjuácha ti nkehe a̱ntsí jína. 22Méxra̱ ti na̱xa̱ tsjakꞌétsjaha̱ ntihi chjasintajni la na̱xa̱ a̱ntsí si̱tꞌaha̱ ixra̱ Ìnchéni la nonahña nkexéhe ti a̱ntsí jína. 23Imá ixra̱ tso̱nona nkehe ti a̱ntsí jína kixin ti chrókꞌuen janhan la chrókjuakꞌeki̱a̱n Cristo. Mé tjénka̱yáxian kixin ícha jína tíha. 24Kjánchó kja̱xin nona kixin a̱ntsí tjetoan na̱xa̱ chrókjuakꞌetsjaha̱ kixin na̱xa̱ chrókjuinki̱tsa ti jahara. 25Méxra̱ ó nona kixin kjá na̱xa̱ tsjakꞌé iso ña̱o ntihi chjasintajni kixin tsjínki̱tsa ti jahara, kixin a̱ntsí chrókónohara la ko chrókócháhara kixin chaxín jína chrókuitekáonra Ìnchéni. 26La ijnko ti ña̱o i ó tsjasán janhan tsonixjahára ínaá, ndá a̱ntsí tso̱cháhara la ko tsochje̱héra kjuasáya Jesucristo.
27A̱ntsí tjetoan kixin jahara chrókjuáko̱xinra jína la ko chrókꞌuejora éxi ndáchro ti itan kjua̱ko̱xi̱n Ìnchéni Cristo. Mé xi̱kaha ti ó chrókjuasántsjahára o̱ náhí, la kjónté ikjín itjén, tjínka̱oan chrókui̱ha̱n kixin jahara na̱xa̱ jína tinkachónkira Cristo la ko nkoko̱a tjénka̱yáxinra la ko nkoko̱a tjejochꞌera ti ixra̱, tjáko̱xinra ti itan jína tsaáxin chojni. 28Ti̱to̱éhyara kixin chrókjuíntachrakonra ti sin nínkakohanra. Ti xi̱kaha chrakonhñara, ndá tsjáko̱xian kixin jehe sin la tsꞌitjáña sin, a̱ndá jahara mé tsochontara kjuachón nkochríxín kixin Díos mé tsjajon tíha. 29Ti ó tinkachónkira Cristo la jehya jehí titekáonra. Náhí. Kja̱xin ticháxi̱n tsjasótiaxínra kixin tinkachónkira chꞌan. 30#Hch. 16:19-40.*Jahara la ko janhan la nkokón tinkáchónkini kjónté kjuaxróxinhña tjejóni. Jahara ó kꞌuíkonra senó nkexrín kjuasótena la ijie la ó kuihínra kixin na̱xa̱ nínkakona sin.
Iliyochaguliwa sasa
Filipenses 1: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Filipenses 1
1
Nixje̱he̱ Pablo ti sin ni̱nko Filipenses
1 #
Hch. 16:12. *Janhan Pablo la ko Timoteo, chꞌeheni ixra̱ Ìnchéni Jesucristo, mé ikjini ti xroon i chrꞌahánra kaínra kíchóni tinkachónkira Cristo Jesús; jahara tjejora chjasin Filipos, la ko ti sin tꞌe̱to̱an ni̱nko la ko ti sin tjinki̱tsa kuènté ni̱nko méhe̱. 2Kjuasáye Itꞌéni Díos la ko Ìnchéni Jesucristo imá sintañaora la ko chrókꞌuayéhéra ti kjuaxróxin kuènté Díos.
Pablo chrónoéhe̱ Díos kixin ti sin tinkáchónki Jesús
3Ti ó xráxinka̱oan ti jahara la tja̱ha̱ Díos kjuasáya 4la ko ti ó nixja̱ha̱ Díos la imá chéhe̱ a̱sená tjáncháha̱ chꞌan kixin tsjinki̱tsa chꞌan ti jahara, 5kixin nkoko̱a kuékꞌejóni kꞌuékjichꞌeni ti ixra̱ kuènté Ìnchéni ndesi ti ña̱o sa̱oxín kuihínra ti itén Díos, la ko na̱xa̱ tjejochꞌera ti ixra̱ ijie. 6Janhan la ó nona kixin Díos ó kjuankíxin sichꞌe ijnko ixra̱ jína nkaya a̱sánra kixin kuitekáonra Ìnchéni, la xi̱kaha na̱xa̱ tsjintaxín sichꞌe chꞌan ti ixra̱ hasta tsjixraká ti ña̱o tsokjan Ìnchéni Jesucristo. 7Mé xi̱kaha jína itꞌa̱, tjénka̱yáxian ti jahara, kixin imá tjua̱hára. Jahara la ko janhan la nkokón kꞌuáyéhe̱ni ti kjuachaxin kuènté Ìnchéni, la kjónté tjéchji̱na o̱ chrókjuakꞌé ti tjejó ti sin tꞌe̱to̱an, la xrja̱nká kixin jína ti itan chaxín tsaáxini. 8Díos la ó nohe kixin imá tjua̱hára éxi tjue̱xin Cristo ti jahara. 9Tjáncháha̱ Díos kixin tsjinki̱tsa ti jahara kixin a̱ntsí chrótjue̱héra chꞌan, la ko a̱ntsí chrókꞌuánkí ti kjuaxrexinkaon kuèntára kixin jína chrókjuénka̱yáxinra 10kixin chrókónohara nkexrín tsjéyára ti nkehe a̱ntsí jína. Mé xi̱kaha tso̱kohya nkexro tsjanchia ijie̱ ti ó tsokjan Ìnchéni Jesucristo. 11Méxra̱ jahara chrókjui̱chꞌera ti ixra̱ jína kixin kjuasáye Jesucristo tjinki̱tsa chꞌan ti jahara, la xi̱kaha kaín chojni tsjikosáyehe sin Díos.
Janhan tjéki̱a̱n Cristo
12Kíchóni, tjínka̱oan kixin tso̱nohara kaín ti nkehe kꞌuátsínkaxián janhan la chaxín kjuínki̱tsa kixin kuíhin chojni ti itan ni̱xin tjajon kjuachón. 13#Hch. 28:30.*Mé xi̱kaha kaín ti soldado siín palacio la ko kaín ti íso sin mé nohe sin kixin tjéchji̱na kixin tinkachónkia Jesucristo. 14La ti tjéchji̱na, la itsjé ti sin kíchóni a̱ntsí tóxríhi̱n sin tsochronka sin ti itén Díos, la í chrakonhña sin tinkáchónki sin Ìnchéni.
15Chaxín iso sin la tjako sin itén Cristo kixin tjinkaon sin chrókjua̱cha̱xi̱n sin kixin tóchji̱no̱xíhin sin kixin ti ixra̱ kjuajon Díos. Kjánchó íso sin la chaxín kaín a̱sén sin tjako sin itén Díos. 16Nkojín sin la nixja sin itén Cristo kixin nchenkexín sin ó, la jehya chaxín kaín a̱sén sin. Mé xi̱kaha nixja sin kixin tjinkaon sin kixin a̱ntsí chrókjuasóteni ti tjechjinani. 17A̱ndá íso sin la chrónka sin itén Díos kixin tjua̱na sin, la ó nohe sin kixin Díos mé kjuajon kjuachaxin tsjakꞌé ntihi kixin tsjáko̱xian kixin chaxín ti itén Díos mé tsaáxini. 18Kjánchó janhan la tónínka̱konhña, kjónté á chaxín kaín a̱sén sin tjako sin o̱ náhí, janhan la tóchéhe̱ a̱sená kixin chrónka sin ti itan jína kuènté Cristo.
19Méxra̱ janhan la ó nona kixin kaín tíhi la jína tsꞌaxrje kixin kjuasáyara tjejonixjehéra Díos, la ko ti Ncha̱kuén Jesucristo mé tjinki̱tsa. 20Kixin ti nkehe tjínka̱oan la chrókósuànahña chrónixja, kixin ijie la ko nkochríxín chrókjuákoxian ti kjuachaxin ijié kuènté Cristo, ti na̱xa̱ tjétsjaha̱ o̱ ti ó tsíkꞌen janhan. 21Kixin ti na̱xa̱ tjétsjaha̱, la janhan Cristo tꞌaha ixra̱, a̱ndá ti ó itsꞌén la ó kjuixin kjuácha ti nkehe a̱ntsí jína. 22Méxra̱ ti na̱xa̱ tsjakꞌétsjaha̱ ntihi chjasintajni la na̱xa̱ a̱ntsí si̱tꞌaha̱ ixra̱ Ìnchéni la nonahña nkexéhe ti a̱ntsí jína. 23Imá ixra̱ tso̱nona nkehe ti a̱ntsí jína kixin ti chrókꞌuen janhan la chrókjuakꞌeki̱a̱n Cristo. Mé tjénka̱yáxian kixin ícha jína tíha. 24Kjánchó kja̱xin nona kixin a̱ntsí tjetoan na̱xa̱ chrókjuakꞌetsjaha̱ kixin na̱xa̱ chrókjuinki̱tsa ti jahara. 25Méxra̱ ó nona kixin kjá na̱xa̱ tsjakꞌé iso ña̱o ntihi chjasintajni kixin tsjínki̱tsa ti jahara, kixin a̱ntsí chrókónohara la ko chrókócháhara kixin chaxín jína chrókuitekáonra Ìnchéni. 26La ijnko ti ña̱o i ó tsjasán janhan tsonixjahára ínaá, ndá a̱ntsí tso̱cháhara la ko tsochje̱héra kjuasáya Jesucristo.
27A̱ntsí tjetoan kixin jahara chrókjuáko̱xinra jína la ko chrókꞌuejora éxi ndáchro ti itan kjua̱ko̱xi̱n Ìnchéni Cristo. Mé xi̱kaha ti ó chrókjuasántsjahára o̱ náhí, la kjónté ikjín itjén, tjínka̱oan chrókui̱ha̱n kixin jahara na̱xa̱ jína tinkachónkira Cristo la ko nkoko̱a tjénka̱yáxinra la ko nkoko̱a tjejochꞌera ti ixra̱, tjáko̱xinra ti itan jína tsaáxin chojni. 28Ti̱to̱éhyara kixin chrókjuíntachrakonra ti sin nínkakohanra. Ti xi̱kaha chrakonhñara, ndá tsjáko̱xian kixin jehe sin la tsꞌitjáña sin, a̱ndá jahara mé tsochontara kjuachón nkochríxín kixin Díos mé tsjajon tíha. 29Ti ó tinkachónkira Cristo la jehya jehí titekáonra. Náhí. Kja̱xin ticháxi̱n tsjasótiaxínra kixin tinkachónkira chꞌan. 30#Hch. 16:19-40.*Jahara la ko janhan la nkokón tinkáchónkini kjónté kjuaxróxinhña tjejóni. Jahara ó kꞌuíkonra senó nkexrín kjuasótena la ijie la ó kuihínra kixin na̱xa̱ nínkakona sin.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.