Efesios 6
6
1 #
Col. 3:20. *A̱ndá jahara chájan chrókuitekákohénra itꞌára la ko ìnára, kixin xi̱kaha tjinkaon Ìnchéni kixin tíha mé ijnko nkehe jína. 2#Ex. 20:12; Dt. 5:16.*Tíhi mé ti nkehe sa̱oxín tsíkꞌe̱to̱an Díos kixin tsoxiteyá ndá tsjinki̱tsa chꞌan ti jeheni, mé ndáchro: “Chrokjuíkosáyehéra itꞌára la ko ìnára, 3ndá xi̱kaha tso̱cháhara la ko itsjé ña̱o na̱xa̱ chrókꞌuejora ntihi chjasintajni.”
4 #
Col. 3:21. *A̱ndá jahara itꞌé xjan, chji̱ñéhña chrókjui̱nchekónínkáonra ti xja̱anra. Ícha jína chrókjui̱nchekꞌánkíxienra xjan ti kjuaxrexinkaon jína kixin chrókꞌuitja xjan chrókuinkáchónki xjan Ìnchéni.
5 #
Col. 3:22-25. *A̱ndá jahara chꞌexónra ixra̱, la chrókuitekákohénra ti lamo chꞌehéra ixra̱ ntihi chjasintajni, la ko chróchontehéra kjuasàya la ko chróchrako̱hénra sin la ko chrókjui̱nchexiteyéhéra sin éxi tjejonchexiteyéxinra Ìnchéni Cristo. 6Ti ixra̱ si̱chꞌera la jína chrókjui̱chꞌera, jehya jehó ti ó tjejótsjehe sin ó kixin tsondáchro sin kixin jahara la chojni jínara. Náhí. Kjónté kohya sin la kaín a̱sánra chrókjui̱chꞌera ixra̱ éxi chrókjui̱chꞌehéra ixra̱ Cristo kixin xi̱kaha tóxríhi̱n Díos. 7Kaín a̱sánra chrókjui̱chꞌera ixra̱ éxi chꞌehéra ixra̱ Ìnchéni, la jehya éxi chojni ó chꞌehéra ixra̱. 8Jahara la ó nohara kixin Ìnchéni la tsje̱nke̱he nkojnkoni kixin ti ixra̱ ichꞌeni, á jeheni chojni chꞌexón ixra̱ o̱ náhí.
9 #
Col. 4:1;
Dt. 10:17; Col. 3:25. *A̱ndá jahara lamo, nkojína chrókuétue̱hénra ti sin tꞌahara ixra̱ la ko chji̱ñéhña chrókꞌoyakotera sin. Xráxinkaonra kixin jahara la ko jehe sin mé nkokón chrókjui̱nchexiteyéhéra Ìnchéni itjen nka̱jní, kixin kaín chojni la nkokón tꞌikon Díos.
Ti nkehe tꞌayakohen ti sin tinkáchónki Ìnchéni
10A̱ndá ijie kíchóni, chrókjui̱nchefuerte a̱sánra, kixin chóntani ti kjuachaxin ijié kuènté Cristo. 11Mé xi̱kaha a̱ntsí chrókjuéyára ti kjuachaxin kuènté Díos éxi ijnko ika chrókꞌuinka̱yára, kixin chaxín ndoá chrókꞌuejora kixin chrókuitekákonhñara ti kjuachꞌia kuènté ti Jínahña. 12Kixin jeheni la tjajo̱nkohñani chojni chónta into la ko hueso. Náhí. Jeheni la tjajo̱nkoni ti ncha̱kuén jínahña chónta kjuachaxin chrínkí nka̱jní la ko ti chjasintajni sítie. 13Méxra̱ chrókuákjára kaín ti kjuachaxin kuènté Díos kixin chrókjuachara ti itsi ti kjuaxróxinhña, la ti ó tsjixin tsjajo̱nkoára ti Jínahña ndá chaxín chrókóxakohanra chrókꞌuejotsjehera jína. 14#Is. 11:5; Is. 59:17.*Chaxín ndoá chrókꞌuejora chrókuitekáonra ti itan chaxín kixin tíha tsꞌayakohanra éxi ti tjo̱a̱ tꞌinkatꞌóxin ijnko soldado, la ko jína chrókꞌuejora la tíha chrókuaáxinra éxi ijnko soldado tsíkꞌinkáya ijnko ika tsíkꞌónaxín chika. 15#Is. 52:7.*Chrokóyaxíhanra chróchro̱nkara ti itan náxrjón tjajon kjuaxróxin éxi ijnko soldado tóxakohen tsjanka to̱tjo̱é mé xi̱kaha chrókóxakohanra. 16Tíha la a̱ntsí tjetoan kixin kaínra chrókóxakohanra chrókuinkachónkira Ìnchéni chaxín. Tíha la éxi ti chika chónta ti soldado ti itjakjon kixin tsꞌinkákonhe̱n ti flecha síchrꞌákjen xrohi kuènté ti Jínahña. 17#Is. 59:17.*Chrokuákjára ti kjuachón éxi ijnko kásko̱ tjasin chojni kixin kohya nkehe tso̱hen ti ikja, la ko tjetoan chrókuitekáonra ti itén Díos, kixin tíhi la éxi ijnko chika espada tsíkjajon Ncha̱kuén Díos, kꞌuayéhéra. 18Chrokui̱to̱éhyara chrónixjehéra Díos; nkochríxín chróchronoéhéra chꞌan la ko chrókjuanchatóxixínra ti Ncha̱kuén chꞌan kixin tsjínki̱tsara chꞌan. Chrokꞌóxrjéhyara chrókꞌuejotsjehera chrónixjehéra Díos kixin tsjinki̱tsa kaín ti sin tinkáchónki ti jehe chꞌan. 19Chronixjehéra Díos kixin kja̱xin janhan tsjinki̱tsa chꞌan la tsakítjehe chꞌan ti irꞌua̱ kixin jína tso̱xrja̱nka ti itén chꞌan, kixin tsihin chojni ti nkehe kꞌuénoehña sin kixin nkexrín itjen ti itan tsaáxin chojni. 20Díos mé ichrꞌán ti janhan kixin tso̱xrja̱nka ti itén chꞌan, mé xi̱kaha tjéchji̱naxián ijie. Nixjehéra Díos kixin jína tsoxrja̱nkaxián ti itén chꞌan.
Ti kjuixixín nixja Pablo
21 #
Hch. 20:4; 2Ti. 4:12. #
Col. 4:7, 8. *Tíquico, ti kíchóni chóxini jína, mé kjuínki̱tsa kjuíchꞌe ixra̱ kuènté Ìnchéni, jehe chꞌan tsochronka chꞌan nkexrín itjén la ko nkexrín ti ixra̱ tjétꞌa̱. 22Méxra̱ janhan ichrꞌán chꞌan tsjijitsjahára chꞌan kixin tsochronka chꞌan nkexrín tjejóni ntihi la xi̱kaha imá chrókócháhara.
23Méxra̱ Itꞌéni Díos la ko Ìnchéni Jesucristo mé tsjajon ti kjuaxróxin tsꞌayéhéra kaínra kíchóni kixin a̱ntsí tso̱tjue̱héra kichuara la ko a̱ntsí chrókuitekáonra Díos. 24Díos sincheñao kaín ti sin chaxín tjue̱he Ìnchéni Jesucristo. Mé xi̱kaha tso̱hen. Ó tjen.
Iliyochaguliwa sasa
Efesios 6: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Efesios 6
6
1 #
Col. 3:20. *A̱ndá jahara chájan chrókuitekákohénra itꞌára la ko ìnára, kixin xi̱kaha tjinkaon Ìnchéni kixin tíha mé ijnko nkehe jína. 2#Ex. 20:12; Dt. 5:16.*Tíhi mé ti nkehe sa̱oxín tsíkꞌe̱to̱an Díos kixin tsoxiteyá ndá tsjinki̱tsa chꞌan ti jeheni, mé ndáchro: “Chrokjuíkosáyehéra itꞌára la ko ìnára, 3ndá xi̱kaha tso̱cháhara la ko itsjé ña̱o na̱xa̱ chrókꞌuejora ntihi chjasintajni.”
4 #
Col. 3:21. *A̱ndá jahara itꞌé xjan, chji̱ñéhña chrókjui̱nchekónínkáonra ti xja̱anra. Ícha jína chrókjui̱nchekꞌánkíxienra xjan ti kjuaxrexinkaon jína kixin chrókꞌuitja xjan chrókuinkáchónki xjan Ìnchéni.
5 #
Col. 3:22-25. *A̱ndá jahara chꞌexónra ixra̱, la chrókuitekákohénra ti lamo chꞌehéra ixra̱ ntihi chjasintajni, la ko chróchontehéra kjuasàya la ko chróchrako̱hénra sin la ko chrókjui̱nchexiteyéhéra sin éxi tjejonchexiteyéxinra Ìnchéni Cristo. 6Ti ixra̱ si̱chꞌera la jína chrókjui̱chꞌera, jehya jehó ti ó tjejótsjehe sin ó kixin tsondáchro sin kixin jahara la chojni jínara. Náhí. Kjónté kohya sin la kaín a̱sánra chrókjui̱chꞌera ixra̱ éxi chrókjui̱chꞌehéra ixra̱ Cristo kixin xi̱kaha tóxríhi̱n Díos. 7Kaín a̱sánra chrókjui̱chꞌera ixra̱ éxi chꞌehéra ixra̱ Ìnchéni, la jehya éxi chojni ó chꞌehéra ixra̱. 8Jahara la ó nohara kixin Ìnchéni la tsje̱nke̱he nkojnkoni kixin ti ixra̱ ichꞌeni, á jeheni chojni chꞌexón ixra̱ o̱ náhí.
9 #
Col. 4:1;
Dt. 10:17; Col. 3:25. *A̱ndá jahara lamo, nkojína chrókuétue̱hénra ti sin tꞌahara ixra̱ la ko chji̱ñéhña chrókꞌoyakotera sin. Xráxinkaonra kixin jahara la ko jehe sin mé nkokón chrókjui̱nchexiteyéhéra Ìnchéni itjen nka̱jní, kixin kaín chojni la nkokón tꞌikon Díos.
Ti nkehe tꞌayakohen ti sin tinkáchónki Ìnchéni
10A̱ndá ijie kíchóni, chrókjui̱nchefuerte a̱sánra, kixin chóntani ti kjuachaxin ijié kuènté Cristo. 11Mé xi̱kaha a̱ntsí chrókjuéyára ti kjuachaxin kuènté Díos éxi ijnko ika chrókꞌuinka̱yára, kixin chaxín ndoá chrókꞌuejora kixin chrókuitekákonhñara ti kjuachꞌia kuènté ti Jínahña. 12Kixin jeheni la tjajo̱nkohñani chojni chónta into la ko hueso. Náhí. Jeheni la tjajo̱nkoni ti ncha̱kuén jínahña chónta kjuachaxin chrínkí nka̱jní la ko ti chjasintajni sítie. 13Méxra̱ chrókuákjára kaín ti kjuachaxin kuènté Díos kixin chrókjuachara ti itsi ti kjuaxróxinhña, la ti ó tsjixin tsjajo̱nkoára ti Jínahña ndá chaxín chrókóxakohanra chrókꞌuejotsjehera jína. 14#Is. 11:5; Is. 59:17.*Chaxín ndoá chrókꞌuejora chrókuitekáonra ti itan chaxín kixin tíha tsꞌayakohanra éxi ti tjo̱a̱ tꞌinkatꞌóxin ijnko soldado, la ko jína chrókꞌuejora la tíha chrókuaáxinra éxi ijnko soldado tsíkꞌinkáya ijnko ika tsíkꞌónaxín chika. 15#Is. 52:7.*Chrokóyaxíhanra chróchro̱nkara ti itan náxrjón tjajon kjuaxróxin éxi ijnko soldado tóxakohen tsjanka to̱tjo̱é mé xi̱kaha chrókóxakohanra. 16Tíha la a̱ntsí tjetoan kixin kaínra chrókóxakohanra chrókuinkachónkira Ìnchéni chaxín. Tíha la éxi ti chika chónta ti soldado ti itjakjon kixin tsꞌinkákonhe̱n ti flecha síchrꞌákjen xrohi kuènté ti Jínahña. 17#Is. 59:17.*Chrokuákjára ti kjuachón éxi ijnko kásko̱ tjasin chojni kixin kohya nkehe tso̱hen ti ikja, la ko tjetoan chrókuitekáonra ti itén Díos, kixin tíhi la éxi ijnko chika espada tsíkjajon Ncha̱kuén Díos, kꞌuayéhéra. 18Chrokui̱to̱éhyara chrónixjehéra Díos; nkochríxín chróchronoéhéra chꞌan la ko chrókjuanchatóxixínra ti Ncha̱kuén chꞌan kixin tsjínki̱tsara chꞌan. Chrokꞌóxrjéhyara chrókꞌuejotsjehera chrónixjehéra Díos kixin tsjinki̱tsa kaín ti sin tinkáchónki ti jehe chꞌan. 19Chronixjehéra Díos kixin kja̱xin janhan tsjinki̱tsa chꞌan la tsakítjehe chꞌan ti irꞌua̱ kixin jína tso̱xrja̱nka ti itén chꞌan, kixin tsihin chojni ti nkehe kꞌuénoehña sin kixin nkexrín itjen ti itan tsaáxin chojni. 20Díos mé ichrꞌán ti janhan kixin tso̱xrja̱nka ti itén chꞌan, mé xi̱kaha tjéchji̱naxián ijie. Nixjehéra Díos kixin jína tsoxrja̱nkaxián ti itén chꞌan.
Ti kjuixixín nixja Pablo
21 #
Hch. 20:4; 2Ti. 4:12. #
Col. 4:7, 8. *Tíquico, ti kíchóni chóxini jína, mé kjuínki̱tsa kjuíchꞌe ixra̱ kuènté Ìnchéni, jehe chꞌan tsochronka chꞌan nkexrín itjén la ko nkexrín ti ixra̱ tjétꞌa̱. 22Méxra̱ janhan ichrꞌán chꞌan tsjijitsjahára chꞌan kixin tsochronka chꞌan nkexrín tjejóni ntihi la xi̱kaha imá chrókócháhara.
23Méxra̱ Itꞌéni Díos la ko Ìnchéni Jesucristo mé tsjajon ti kjuaxróxin tsꞌayéhéra kaínra kíchóni kixin a̱ntsí tso̱tjue̱héra kichuara la ko a̱ntsí chrókuitekáonra Díos. 24Díos sincheñao kaín ti sin chaxín tjue̱he Ìnchéni Jesucristo. Mé xi̱kaha tso̱hen. Ó tjen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.