2 Corintios 4
4
Tsochrónkani ti itan kuènté Ìnchéni Jesucristo
1Díos la kui̱konoéhe̱ chꞌan ti jeheni la kjuajon chꞌan kjuachaxin sichꞌeni ti ixra̱ i, méxra̱ chrókꞌóxrjéhyani. 2Icha jína chrókotjinkakonhñani kaín ti nkehe tji̱ka̱o kjuatosuéhe̱ la ko ti nkehe imó; chꞌiyehyani chojni, tjinkíhyani ti nkehe chónta xroon itén Díos. Díos la tjetsjehe kixin ndoá chrónkani kaín nkehe. Mé xi̱kaha kaín chojni chrókónohe kixin jína tja̱ko̱xi̱ni. 3Jeheni tjakoni ti itan ni̱xin, kjánchó iso sin, kjónté xi̱kaha tihin sin la tienxínhña sin, kixin ó tsíki̱xién sin tsꞌitjáña sin. 4Ti Jínahña mé nchekꞌikonhña ti jehe sin, kixin xrokuahya chrókꞌuikon sin ti xrohi kuènté ti itan ni̱xin kuènté Cristo, kixin Cristo mé chónta kjuachaxin éxi Díos. 5Ti ó tjakoni la jehya tjakoni kixin chrókuitekáonra ti jeheni. Tjakoni kixin chrókuitekáonra Ìnchéni Jesucristo, la ko chrónkani kixin jeheni mé tjejóchꞌeni ixra̱ tjinki̱tsani ti jahara, kixin kja̱xini tinkáchónkini Ìnchéni Jesucristo. 6#Gn. 1:3.*Kixin Díos ti ó kjuíchꞌéna chjasintajni la kꞌue̱to̱an chꞌan kixin ijnko xrohi tsꞌinkaséñaxín ti sítie la ijie kja̱xin jehe chꞌan kjuajon chꞌan ti xrohi tsꞌinkaséñaxín nkaya a̱séni, kixin chrókjuachani chrókónoheni nkexrín itjen ti kjuachaxin ijié kuènté Díos, tꞌinkaséñaxín ti nkayakon Ìnchéni Jesucristo.
Nkexrín chrókꞌuejóni kixin tinkáchónkini Ìnchéni
7Ti cuerpo kuènténi la mé éxi ijnko ichi̱ tsíkꞌóna nche̱tje̱ tjinká nkehe tjete, mé xi̱kaha tsja̱ko̱xi̱ni kixin ti kjuachaxin ijié chóntani la Díos kjuajon, jehya kuènténi. 8Kjónté itsjé kjuaxikaon chóntani la chrókꞌóxrjéhyani. Kjónté imá siín kjuanínkaon la chrókóxakuenhñani. 9Siín itsjé chojni nínkaon la chónkíhi sin ti jeheni, kjánchó Díos la titoéhya ti jeheni. Kjónté nchónhña nkehe kꞌuatsínkani kjuasótexíni, la kjuínchekꞌitjáñahña sin ti jeheni. 10Kjónté nketí sáchrókjuini la chrókjuasótexíni éxi kjuasóte Ìnchéni Jesús, kixin kja̱xini tja̱ko̱xi̱ni ti kjuachaxin chónta chꞌan kixin tjechón chꞌan. 11Méxra̱ jeheni ti na̱xa̱ tjejóchóni, la siín kjuaxikaon, kjánchó chrakonhani kjónté chrókꞌuenxíni kixin tinkáchónkini Ìnchéni kixin xi̱kaha chrókjua̱ko̱xi̱ni ti kjuachaxin chónta chꞌan, kjónté ti cuerpo chóntani la chónta tsjeje̱. 12La kjónté xi̱kaha chrókꞌueni kixin kja̱xinra tsochontara kjuachón nkochríxín.
13 #
Sal. 116:10. *Éxi ndáchro ti xroon itén Díos tsíkjin sin ósé: “Kuiteka̱oan Díos ndá xi̱kaha xrja̱nká ti itan kuenté chꞌan.” A̱ndá kja̱xin jeheni kuitekaoni Díos ndá xi̱kaha chrónkani ti itan ni̱xin. 14Ó noheni kixin Díos, ti nkexro kjuínchexechón Ìnchéni Jesús, mé kja̱xin sinchexechón ti jeheni. La nkoko̱a sátsji̱koni chꞌan ti itjen chꞌan. 15Mé xi̱kaha kaín tíha kóhen kixin jahara la jína chrókꞌuejoxi̱nra. La ko kja̱xin xi̱kaha a̱ntsí itsjé chojni chrókꞌuáyéhe̱ sin kaín ti nkehe jína tsjajon Díos, la xi̱kaha a̱ntsí itsjé chojni chróchje̱hé sin Díos kjuasáya kixin ti kjuachaxin ijié chónta chꞌan.
16Méxra̱ chrókꞌóxrjéhyani kjónté tinkákjeje̱ ti cuerpo chóntani, kixin Díos la tinkáncheni̱xin ti a̱séni nkojnko ña̱o. 17A̱ndá ti nkehe tjasótexíni ti tjejóni ijie, mé tíha la tjoka tsꞌatsínka, la tsꞌáyéhe̱ni ijnko kjuachaxin imá ijié, la nkochríxín tsjakꞌe. 18Méxra̱ chrókóxakuenhñani ti nkehe siín chjasintajni. Chrokjueyáni ti nkehe na̱xa̱ tꞌikonhñani, kixin ti nkehe tꞌikoni la chóxin tsjeje̱. A̱ndá ti nkehe tꞌikonhñani la tsjeje̱hya, tsjakꞌe nkochríxín.
Iliyochaguliwa sasa
2 Corintios 4: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
2 Corintios 4
4
Tsochrónkani ti itan kuènté Ìnchéni Jesucristo
1Díos la kui̱konoéhe̱ chꞌan ti jeheni la kjuajon chꞌan kjuachaxin sichꞌeni ti ixra̱ i, méxra̱ chrókꞌóxrjéhyani. 2Icha jína chrókotjinkakonhñani kaín ti nkehe tji̱ka̱o kjuatosuéhe̱ la ko ti nkehe imó; chꞌiyehyani chojni, tjinkíhyani ti nkehe chónta xroon itén Díos. Díos la tjetsjehe kixin ndoá chrónkani kaín nkehe. Mé xi̱kaha kaín chojni chrókónohe kixin jína tja̱ko̱xi̱ni. 3Jeheni tjakoni ti itan ni̱xin, kjánchó iso sin, kjónté xi̱kaha tihin sin la tienxínhña sin, kixin ó tsíki̱xién sin tsꞌitjáña sin. 4Ti Jínahña mé nchekꞌikonhña ti jehe sin, kixin xrokuahya chrókꞌuikon sin ti xrohi kuènté ti itan ni̱xin kuènté Cristo, kixin Cristo mé chónta kjuachaxin éxi Díos. 5Ti ó tjakoni la jehya tjakoni kixin chrókuitekáonra ti jeheni. Tjakoni kixin chrókuitekáonra Ìnchéni Jesucristo, la ko chrónkani kixin jeheni mé tjejóchꞌeni ixra̱ tjinki̱tsani ti jahara, kixin kja̱xini tinkáchónkini Ìnchéni Jesucristo. 6#Gn. 1:3.*Kixin Díos ti ó kjuíchꞌéna chjasintajni la kꞌue̱to̱an chꞌan kixin ijnko xrohi tsꞌinkaséñaxín ti sítie la ijie kja̱xin jehe chꞌan kjuajon chꞌan ti xrohi tsꞌinkaséñaxín nkaya a̱séni, kixin chrókjuachani chrókónoheni nkexrín itjen ti kjuachaxin ijié kuènté Díos, tꞌinkaséñaxín ti nkayakon Ìnchéni Jesucristo.
Nkexrín chrókꞌuejóni kixin tinkáchónkini Ìnchéni
7Ti cuerpo kuènténi la mé éxi ijnko ichi̱ tsíkꞌóna nche̱tje̱ tjinká nkehe tjete, mé xi̱kaha tsja̱ko̱xi̱ni kixin ti kjuachaxin ijié chóntani la Díos kjuajon, jehya kuènténi. 8Kjónté itsjé kjuaxikaon chóntani la chrókꞌóxrjéhyani. Kjónté imá siín kjuanínkaon la chrókóxakuenhñani. 9Siín itsjé chojni nínkaon la chónkíhi sin ti jeheni, kjánchó Díos la titoéhya ti jeheni. Kjónté nchónhña nkehe kꞌuatsínkani kjuasótexíni, la kjuínchekꞌitjáñahña sin ti jeheni. 10Kjónté nketí sáchrókjuini la chrókjuasótexíni éxi kjuasóte Ìnchéni Jesús, kixin kja̱xini tja̱ko̱xi̱ni ti kjuachaxin chónta chꞌan kixin tjechón chꞌan. 11Méxra̱ jeheni ti na̱xa̱ tjejóchóni, la siín kjuaxikaon, kjánchó chrakonhani kjónté chrókꞌuenxíni kixin tinkáchónkini Ìnchéni kixin xi̱kaha chrókjua̱ko̱xi̱ni ti kjuachaxin chónta chꞌan, kjónté ti cuerpo chóntani la chónta tsjeje̱. 12La kjónté xi̱kaha chrókꞌueni kixin kja̱xinra tsochontara kjuachón nkochríxín.
13 #
Sal. 116:10. *Éxi ndáchro ti xroon itén Díos tsíkjin sin ósé: “Kuiteka̱oan Díos ndá xi̱kaha xrja̱nká ti itan kuenté chꞌan.” A̱ndá kja̱xin jeheni kuitekaoni Díos ndá xi̱kaha chrónkani ti itan ni̱xin. 14Ó noheni kixin Díos, ti nkexro kjuínchexechón Ìnchéni Jesús, mé kja̱xin sinchexechón ti jeheni. La nkoko̱a sátsji̱koni chꞌan ti itjen chꞌan. 15Mé xi̱kaha kaín tíha kóhen kixin jahara la jína chrókꞌuejoxi̱nra. La ko kja̱xin xi̱kaha a̱ntsí itsjé chojni chrókꞌuáyéhe̱ sin kaín ti nkehe jína tsjajon Díos, la xi̱kaha a̱ntsí itsjé chojni chróchje̱hé sin Díos kjuasáya kixin ti kjuachaxin ijié chónta chꞌan.
16Méxra̱ chrókꞌóxrjéhyani kjónté tinkákjeje̱ ti cuerpo chóntani, kixin Díos la tinkáncheni̱xin ti a̱séni nkojnko ña̱o. 17A̱ndá ti nkehe tjasótexíni ti tjejóni ijie, mé tíha la tjoka tsꞌatsínka, la tsꞌáyéhe̱ni ijnko kjuachaxin imá ijié, la nkochríxín tsjakꞌe. 18Méxra̱ chrókóxakuenhñani ti nkehe siín chjasintajni. Chrokjueyáni ti nkehe na̱xa̱ tꞌikonhñani, kixin ti nkehe tꞌikoni la chóxin tsjeje̱. A̱ndá ti nkehe tꞌikonhñani la tsjeje̱hya, tsjakꞌe nkochríxín.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.