2 Corintios 3
3
Ti kjuachaxin ni̱xin
1¿Á tsjankíxini tsochronkani ínaá kixin jínani ní? O̱, ¿á ticháxi̱n chrókjuíjikoni ijnko xroon tsíkjin chojni kixin tso̱noaxínra kixin ijnko nkexro jína ti jeheni ní? ¿Xá ticháxi̱n chrókjuanchahara ijnko xroon kixin tsochronka kixin jínani éxi tjanchia íso sin ní? 2Náhí. Ticháxie̱nhñani nijnko xroon kixin jahara mé éxi ijnko xroon tsíkjini, kixin kaín chojni tsochóxixín la ko sinchekuáxin kixin xi̱kaha tso̱noexín sin kixin jeheni mé chꞌeheni ixra̱ Cristo. 3#Ex. 24:12; Jer. 31:33; Ez. 11:19; 36:26.*Noxín tꞌikon sin kixin jahara mé éxi ijnko xroon tsíkjin Cristo kixin tꞌikon chojni ti ixra̱ kjuíchꞌeni. Kjánchó jehya nda̱hni#3:3 nda̱hni nda̱hni kji̱xi̱n chojni xroon tinta para escribir tsíkꞌónaxín. Náhí. Ti Ncha̱kuén Díos tjechón mé tsíkꞌónaxín. La ko kja̱xin jehya ixro̱ tabla tsíkjin chꞌan tíha. Tíha la a̱sén chojni tsíkjin chꞌan.
4Méxra̱ titekaoni Díos kixin ti xje̱en chꞌan, Jesucristo, la noexíni kixin chaxín tíha. 5Jehya kixin ó jehí chróchóntani kjuachaxin kixin chrókjuíchꞌeni ti ixra̱. Náhí. Kaín ti ixra̱ tjejóchꞌeni la Díos tjajon kjuachaxin. 6#Jer. 31:31.*Díos mé kjuajon kjuachaxin kixin chrókjuíchꞌeni ixra̱, tsochenkani chojni ti itan ni̱xin. Tíhi la jehya ijnko nkehe tsíkjin chojni ndá nchexiteyéheni. Náhí. Tíha mé kjuajon ti Ncha̱kuén Díos. Ti ley tsíkjin chojni mé tji̱ka̱o ti itsꞌen chojni, a̱ndá ti Ncha̱kuén Díos la tjajon kjuachón nkochríxín.
7 #
Ex. 34:29. *Ti ó xrájon ti ley tsíkꞌóna ixro̱ tabla, la kjui̱ka̱o ti itsꞌen chojni kixin ti nkexro tsitekakonhña ti ley la itsꞌen, la kjónté tíha kꞌuéchónta kjuachaxin kixin ti sin israelita la xrokuahya komá sin nkayakon Moisés kixin imá tjáki̱ni tsjehe. Kjánchó ti tjaki̱ni la tjoka kꞌuitjáña tíha. 8A̱ndá ti xi̱kaha kóhen ti ña̱o a la, ¿xá jehya ijnko xrohi a̱ntsí imá tꞌinkaséñaxín tji̱ka̱o ti Ncha̱kuén Díos ní? 9Mé xi̱kaha ti ley kꞌuéchónta kjuachaxin ijié kjónté kjui̱ka̱o ti itsꞌen chojni, a̱ndá ti itan jína chrónka Díos la a̱ntsí chónta kjuachaxin. 10Méxra̱ ti kjuachaxin kꞌuéchónta ti ley kuékꞌe̱to̱an ósé la ninkehó tóyóe̱hya ti kjuachaxin itjen ijie. 11Ti kꞌuéchónta kjuachaxin ti nkehe séhyó kjuákꞌe ndá kꞌuitjáña, a̱ndá a̱ntsí chónta kjuachaxin ti nkehe tsjakꞌe nkochríxín.
12Mé xi̱kaha tjejóchóheni ti nkehe tsjeje̱hya, la chrakonhani chronkaxíni kaín tíha. 13#Ex. 34:33.*Chꞌehyani éxi kjuíchꞌe chꞌin Moisés, kꞌuekjèxi̱n chꞌan ika ti nkayakon chꞌan kixin tso̱noehña ti sin israelita kixin ó tinkákꞌitjáña ti tjáki̱ni chónta ti nkayakon chꞌan. 14Kjánchó jehe sin na̱xa̱ kienxínhña sin la ko na̱xa̱ xi̱kaha tjejó sin ijie ti ó nchekuáxin sin ti ley kꞌuáyéhe̱ Moisés, kixin ti ika la na̱xa̱ tjenkákuèxi̱n ti ikon sin la na̱xa̱ tienxínhña sin. A̱ndá ti chrókuinkáchónki sin Cristo, la chrókjuìin ti ika tjenkakóhe̱n ti nkayakon sin. 15A̱ndá ijie ti ó nchekuáxin sin ti xroon tsíkjin Moisés la éxi na̱xa̱ tjenkákóhe̱n ijnko ika, kixin tienxínhña sin. 16#Ex. 34:34.*A̱ndá ti ó ijnko chojni tsjankíxin tsinkáchónki Jesucristo la ti ika tjenkákóhe̱n la tsjìin. 17Ìnchéni mé Ncha̱kuén Díos. La ti itjen ti Ncha̱kuén Díos la ntiha kohya nkehe tsꞌinkákonhe̱n. 18A̱ndá kaíni kohya nkehe tjenkákóhe̱n nkayakoni la jeheni éxi ijnko xro̱se̱nta̱ tjáki̱ni ti kjuachaxin kuènté Ìnchéni Jesucristo, la tinkákꞌixitóxi̱n ti kjuaxrexinkaon kuènténi kixin chrókóyóhe̱ni éxi jehe chꞌan kixin a̱ntsí tsochóntani ti kjuachaxin kuènté chꞌan. Tíhi mé ti ixra̱ tjechꞌe Ìnchéni, la ko ti Ncha̱kuén chꞌan.
Iliyochaguliwa sasa
2 Corintios 3: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
2 Corintios 3
3
Ti kjuachaxin ni̱xin
1¿Á tsjankíxini tsochronkani ínaá kixin jínani ní? O̱, ¿á ticháxi̱n chrókjuíjikoni ijnko xroon tsíkjin chojni kixin tso̱noaxínra kixin ijnko nkexro jína ti jeheni ní? ¿Xá ticháxi̱n chrókjuanchahara ijnko xroon kixin tsochronka kixin jínani éxi tjanchia íso sin ní? 2Náhí. Ticháxie̱nhñani nijnko xroon kixin jahara mé éxi ijnko xroon tsíkjini, kixin kaín chojni tsochóxixín la ko sinchekuáxin kixin xi̱kaha tso̱noexín sin kixin jeheni mé chꞌeheni ixra̱ Cristo. 3#Ex. 24:12; Jer. 31:33; Ez. 11:19; 36:26.*Noxín tꞌikon sin kixin jahara mé éxi ijnko xroon tsíkjin Cristo kixin tꞌikon chojni ti ixra̱ kjuíchꞌeni. Kjánchó jehya nda̱hni#3:3 nda̱hni nda̱hni kji̱xi̱n chojni xroon tinta para escribir tsíkꞌónaxín. Náhí. Ti Ncha̱kuén Díos tjechón mé tsíkꞌónaxín. La ko kja̱xin jehya ixro̱ tabla tsíkjin chꞌan tíha. Tíha la a̱sén chojni tsíkjin chꞌan.
4Méxra̱ titekaoni Díos kixin ti xje̱en chꞌan, Jesucristo, la noexíni kixin chaxín tíha. 5Jehya kixin ó jehí chróchóntani kjuachaxin kixin chrókjuíchꞌeni ti ixra̱. Náhí. Kaín ti ixra̱ tjejóchꞌeni la Díos tjajon kjuachaxin. 6#Jer. 31:31.*Díos mé kjuajon kjuachaxin kixin chrókjuíchꞌeni ixra̱, tsochenkani chojni ti itan ni̱xin. Tíhi la jehya ijnko nkehe tsíkjin chojni ndá nchexiteyéheni. Náhí. Tíha mé kjuajon ti Ncha̱kuén Díos. Ti ley tsíkjin chojni mé tji̱ka̱o ti itsꞌen chojni, a̱ndá ti Ncha̱kuén Díos la tjajon kjuachón nkochríxín.
7 #
Ex. 34:29. *Ti ó xrájon ti ley tsíkꞌóna ixro̱ tabla, la kjui̱ka̱o ti itsꞌen chojni kixin ti nkexro tsitekakonhña ti ley la itsꞌen, la kjónté tíha kꞌuéchónta kjuachaxin kixin ti sin israelita la xrokuahya komá sin nkayakon Moisés kixin imá tjáki̱ni tsjehe. Kjánchó ti tjaki̱ni la tjoka kꞌuitjáña tíha. 8A̱ndá ti xi̱kaha kóhen ti ña̱o a la, ¿xá jehya ijnko xrohi a̱ntsí imá tꞌinkaséñaxín tji̱ka̱o ti Ncha̱kuén Díos ní? 9Mé xi̱kaha ti ley kꞌuéchónta kjuachaxin ijié kjónté kjui̱ka̱o ti itsꞌen chojni, a̱ndá ti itan jína chrónka Díos la a̱ntsí chónta kjuachaxin. 10Méxra̱ ti kjuachaxin kꞌuéchónta ti ley kuékꞌe̱to̱an ósé la ninkehó tóyóe̱hya ti kjuachaxin itjen ijie. 11Ti kꞌuéchónta kjuachaxin ti nkehe séhyó kjuákꞌe ndá kꞌuitjáña, a̱ndá a̱ntsí chónta kjuachaxin ti nkehe tsjakꞌe nkochríxín.
12Mé xi̱kaha tjejóchóheni ti nkehe tsjeje̱hya, la chrakonhani chronkaxíni kaín tíha. 13#Ex. 34:33.*Chꞌehyani éxi kjuíchꞌe chꞌin Moisés, kꞌuekjèxi̱n chꞌan ika ti nkayakon chꞌan kixin tso̱noehña ti sin israelita kixin ó tinkákꞌitjáña ti tjáki̱ni chónta ti nkayakon chꞌan. 14Kjánchó jehe sin na̱xa̱ kienxínhña sin la ko na̱xa̱ xi̱kaha tjejó sin ijie ti ó nchekuáxin sin ti ley kꞌuáyéhe̱ Moisés, kixin ti ika la na̱xa̱ tjenkákuèxi̱n ti ikon sin la na̱xa̱ tienxínhña sin. A̱ndá ti chrókuinkáchónki sin Cristo, la chrókjuìin ti ika tjenkakóhe̱n ti nkayakon sin. 15A̱ndá ijie ti ó nchekuáxin sin ti xroon tsíkjin Moisés la éxi na̱xa̱ tjenkákóhe̱n ijnko ika, kixin tienxínhña sin. 16#Ex. 34:34.*A̱ndá ti ó ijnko chojni tsjankíxin tsinkáchónki Jesucristo la ti ika tjenkákóhe̱n la tsjìin. 17Ìnchéni mé Ncha̱kuén Díos. La ti itjen ti Ncha̱kuén Díos la ntiha kohya nkehe tsꞌinkákonhe̱n. 18A̱ndá kaíni kohya nkehe tjenkákóhe̱n nkayakoni la jeheni éxi ijnko xro̱se̱nta̱ tjáki̱ni ti kjuachaxin kuènté Ìnchéni Jesucristo, la tinkákꞌixitóxi̱n ti kjuaxrexinkaon kuènténi kixin chrókóyóhe̱ni éxi jehe chꞌan kixin a̱ntsí tsochóntani ti kjuachaxin kuènté chꞌan. Tíhi mé ti ixra̱ tjechꞌe Ìnchéni, la ko ti Ncha̱kuén chꞌan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.