l Tesalonicenses 1
1
Pablo nixje̱he̱ ti sin Tesalónica
1 #
Hch. 17:1. *Janhan Pablo, Silvano la ko Timoteo, mé ikjian ti xroon i chrꞌahánra jahara kíchóni ni̱nko Tesalónica kixin nkoko̱a tinkáchónkini Itꞌéni Díos la ko Ìnchéni Jesucristo. Kjuasáye Itꞌéni Díos la ko Ìnchéni Jesucristo chrókjuintañaora kixin kjuaxróxin chrókꞌuejora.
Ti nkehe jína kjua̱ko̱xi̱n Tesalónica
2Nkochríxín chjéheni Díos kjuasáya kixin ti jahara la ko xraxinkaoni ti jahara. 3Ti ó nixje̱he̱ni Itꞌéni Díos la xraxinkaoni kixin kaín a̱sánra kuitekáonra Ìnchéni, la ko imá jína kjui̱chꞌehera chꞌan ixra̱ kixin chaxín tjue̱héra chꞌan, la ko nkoko̱a tjejocho̱hénra kixin tsokjan Ìnchéni Jesucristo. 4Kíchóni, Díos imá tjua̱hára la ó noheni kixin jehe chꞌan mé tsíkjéyára chꞌan. 5La xi̱kaha ti ó kjuíjini chjasánra, kjuákohára ti itan jína tsaáxini, la jehya iténi ó chrónkaxíni. Náhí. Kjuachaxíen Ncha̱kuén Díos kjua̱ko̱xi̱ni la ó noheni kixin ti itan kjuakoni la chaxín ndoá. Jahara la ó nohara nkexrín kjuákꞌeni ti tꞌejora, mé xi̱kaha kjua̱ko̱xi̱ni kixin jína chrókꞌuejora.
6 #
Hch. 17:5-9. *Méxra̱ jahara ó kuitekáonra éxi kjua̱ko̱xi̱ni la ko éxi kjua̱ko̱xi̱n Ìnchéni Jesucristo. Mé kócháhara kuitekáonra ti itén Díos kixin ti Ncha̱kuén Díos mé tjáhara kjuachéhe̱, kjónté nchónhña nkehe náxrjónhña kꞌuatsínkara. 7Mé xi̱kaha jahara jína kjuákohéra kaín ti sin tinkáchónki Ìnchéni kaín ti chjasin tjejó Macedonia la ko Acaya nkexrín chrókꞌuejó ti chojni tinkáchónki Díos. 8La jahara kjuàkora ti itén Díos, la jehya jehó ti chjasin tjejó Macedonia la ko Acaya. Kja̱xin kaín chjasin chjinaxón ntiha kuíhin sin kixin nkexrín tinkachónkira Díos. A̱ndá jeheni la í ticháxi̱nhña íjnko nkehe na̱xa̱ chróchronkani. 9Ijie la jehe sin mé tjejóchronka sin kixin nkexrín kjuíjini chjasánra, la kaínra kjuájonra kjuachaxin kꞌuéjoni la ko kuitekáonra ti itén Díos kjuákohára, la kui̱to̱héra kaín ti nkehe tsíkjano̱ña, kixin kuitekáonra ti Díos tjechón chaxín. 10La ko kja̱xin chrónka sin kixin nkexrín tjejocho̱hénra kixin tso̱kja̱nxi̱n nkaya nka̱jní ti Xje̱en Díos, Jesús. Díos mé kjuínchexechón ti jehe chꞌan la jehe chꞌan mé sinchekaá chꞌan ti jeheni kixin chrókjuasótexínhñani ti kjuanínkaon kuènté Díos itsi.
Iliyochaguliwa sasa
l Tesalonicenses 1: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.