1 Corintios 2
2
Pablo chrónka kixin kjuákꞌenkáni Jesús ntacruz
1Kíchóni, ti kjuasán ti tjejora kjuàkua ti nkehe tjinkaon Díos la jehya ijnko nkehe imá noi tienxínhña chojni nixja, la ko jehya éxi ijnko chojni imá nohe kjuàkua. Náhí. 2Ti kjuasán ntiha kjuénka̱yáxinhña kixin íso nkehe chróxrja̱nka; jehó tjínka̱oan chrókjuàkua kuènté Jesucristo la ko nkexrín kjuákꞌenkáni chꞌan ntacruz. 3#Hch. 18:9.*Ti kjuasán kjuàkua ti tjejora la éxi í chrókjuachahya xi̱kaha kixin síxrànka̱na, chrakuan. 4A̱ndá ti ó nixjahára la kjuàkua ti itan kuènté Díos, la kjuachruexinhñara ti nkehe imá náxrjón nixja éxi ijnko chojni imá nohe. Náhí. Ti ó kjuákohára la kónohara kixin tjéki̱a̱n ti Ncha̱kuén Díos la ko ti kjuachaxin ijié kuènté chꞌan. 5Ndá xi̱kaha kuitekáonra kixin ti kjuachaxin kuènté Díos la jehya ti kjuaxrexinkaon kuènté chojni ó.
Ti Ncha̱kuén Díos mé tsochóxixíni Díos
6Kjánchó ti ó tjákohá ti sin chaxín ó tinkáchónki Ìnchéni la xrja̱nká ti kjuaxrexinkaon a̱ntsí noi. La tíha la jehya ti nkehe nohe ti chojni chjasintajni, o̱ ti nkehe nohe ti sin tꞌe̱to̱an chjasintajni kixin tíha la tjoka tꞌitjáña. 7Jeheni la a̱ntsí chronkani ti nkehe jehó Díos nohe, la mé tíha ti nkehe tsíkjenka̱yáxin chꞌan ti na̱xa̱ kꞌónahña chjasintajni kixin xi̱kaha kjua̱ko̱xi̱n chꞌan kixin jína tsaáxini la ko tsochóntani ti kjuachaxin ijié kuènté chꞌan. 8Ninkehó ti chojni tꞌe̱to̱an ntihi chjasintajni kienxínhña ti nkehe tsíkjenka̱yáxin Díos, kixin ti chrókienxín sin la chrókjua̱kꞌe̱nka̱nihña sin ntacruz ti Ìnchéni chónta kaín kjuachaxin. 9#Is. 64:4.*Mé éxi ndáchro xroon itén Díos tsíkjin sin ósé:
Ti nkehe na̱xa̱ kꞌuíkonhña chojni la ko na̱xa̱ kienhña chojni,
la ko na̱xa̱ kjuénka̱yáxinhña chojni
mé ti nkehe kjuíchꞌéna Díos tsꞌáyéhe̱ kaín ti sin tjue̱he ti jehe chꞌan.
10Kjánchó tíha la Díos mé nchenohe ti jeheni kixin chóntani ti Ncha̱kuén chꞌan. Mé ti Ncha̱kuén Díos la nohe kaín nkehe la ko kja̱xin nohe nkexrín tjenka̱yáxin Díos.
11Méxra̱, ¿xá nkexro nohe ti nkehe tjenka̱yáxin a̱sén ijnko chojni? Jehó nkojnko chojni mé nohe nkehe tjenka̱yáxin ti a̱sén. Mé xi̱kaha jehó Ncha̱kuén Díos mé nohe ti nkehe tjenka̱yáxin Díos. 12A̱ndá jeheni la jehya tjenka̱yáxini éxi chojni chjasintajni. Náhí. Jeheni la kꞌuáyéhe̱ni ti Ncha̱kuén Díos kui̱xi̱n nkaya nka̱jní, ndá xi̱kaha tso̱noheni kaín ti nkehe kjuíncheki̱to̱nhe̱n Díos ti jeheni kixin tjue̱he chꞌan ti jeheni. 13Méxra̱ jeheni la chronkaxíni ti nkehe tjako Ncha̱kuén Díos, jehya ti nkehe tjenka̱yáxin chojni ó. Ti Ncha̱kuén Díos mé nchenohe ti jeheni ti nkehe tsochenkaxíni ti sin chónta Ncha̱kuén chꞌan.
14Ti nkexro chóntahya Ncha̱kuén Díos la tjinkakonhña sin tsitekaon sin ti nkehe tjako ti Ncha̱kuén Díos kixin tíha la ijnko nkehe kjualo̱nti̱, ichro sin. Méxra̱ tienxínhña sin kixin chóntahya sin Ncha̱kuén Díos. 15A̱ndá ti nkexro chónta Ncha̱kuén Díos mé tsjehe jína kaín nkehe la ko tienxín. Kjánchó ti nkexro chóntahya ti Ncha̱kuén Díos la tjachahya tsondáchro sin á jína ti nkehe ndáchro ti sin chónta Ncha̱kuén Díos o̱ náhí. 16#Is. 40:13.*Méxra̱ éxi ndáchro ti xroon itén Díos: “¿Xá nkexro nohe ti nkehe tjenka̱yáxin Ìnchéni? ¿Xá nkexro chrókjuacha chrókjua̱ko̱he̱ ti jehe chꞌan?” Kjánchó jeheni chóntani ti Ncha̱kuén Díos, méxra̱ tjenka̱yáxini éxi tjenka̱yáxin Cristo.
Iliyochaguliwa sasa
1 Corintios 2: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 2
2
Pablo chrónka kixin kjuákꞌenkáni Jesús ntacruz
1Kíchóni, ti kjuasán ti tjejora kjuàkua ti nkehe tjinkaon Díos la jehya ijnko nkehe imá noi tienxínhña chojni nixja, la ko jehya éxi ijnko chojni imá nohe kjuàkua. Náhí. 2Ti kjuasán ntiha kjuénka̱yáxinhña kixin íso nkehe chróxrja̱nka; jehó tjínka̱oan chrókjuàkua kuènté Jesucristo la ko nkexrín kjuákꞌenkáni chꞌan ntacruz. 3#Hch. 18:9.*Ti kjuasán kjuàkua ti tjejora la éxi í chrókjuachahya xi̱kaha kixin síxrànka̱na, chrakuan. 4A̱ndá ti ó nixjahára la kjuàkua ti itan kuènté Díos, la kjuachruexinhñara ti nkehe imá náxrjón nixja éxi ijnko chojni imá nohe. Náhí. Ti ó kjuákohára la kónohara kixin tjéki̱a̱n ti Ncha̱kuén Díos la ko ti kjuachaxin ijié kuènté chꞌan. 5Ndá xi̱kaha kuitekáonra kixin ti kjuachaxin kuènté Díos la jehya ti kjuaxrexinkaon kuènté chojni ó.
Ti Ncha̱kuén Díos mé tsochóxixíni Díos
6Kjánchó ti ó tjákohá ti sin chaxín ó tinkáchónki Ìnchéni la xrja̱nká ti kjuaxrexinkaon a̱ntsí noi. La tíha la jehya ti nkehe nohe ti chojni chjasintajni, o̱ ti nkehe nohe ti sin tꞌe̱to̱an chjasintajni kixin tíha la tjoka tꞌitjáña. 7Jeheni la a̱ntsí chronkani ti nkehe jehó Díos nohe, la mé tíha ti nkehe tsíkjenka̱yáxin chꞌan ti na̱xa̱ kꞌónahña chjasintajni kixin xi̱kaha kjua̱ko̱xi̱n chꞌan kixin jína tsaáxini la ko tsochóntani ti kjuachaxin ijié kuènté chꞌan. 8Ninkehó ti chojni tꞌe̱to̱an ntihi chjasintajni kienxínhña ti nkehe tsíkjenka̱yáxin Díos, kixin ti chrókienxín sin la chrókjua̱kꞌe̱nka̱nihña sin ntacruz ti Ìnchéni chónta kaín kjuachaxin. 9#Is. 64:4.*Mé éxi ndáchro xroon itén Díos tsíkjin sin ósé:
Ti nkehe na̱xa̱ kꞌuíkonhña chojni la ko na̱xa̱ kienhña chojni,
la ko na̱xa̱ kjuénka̱yáxinhña chojni
mé ti nkehe kjuíchꞌéna Díos tsꞌáyéhe̱ kaín ti sin tjue̱he ti jehe chꞌan.
10Kjánchó tíha la Díos mé nchenohe ti jeheni kixin chóntani ti Ncha̱kuén chꞌan. Mé ti Ncha̱kuén Díos la nohe kaín nkehe la ko kja̱xin nohe nkexrín tjenka̱yáxin Díos.
11Méxra̱, ¿xá nkexro nohe ti nkehe tjenka̱yáxin a̱sén ijnko chojni? Jehó nkojnko chojni mé nohe nkehe tjenka̱yáxin ti a̱sén. Mé xi̱kaha jehó Ncha̱kuén Díos mé nohe ti nkehe tjenka̱yáxin Díos. 12A̱ndá jeheni la jehya tjenka̱yáxini éxi chojni chjasintajni. Náhí. Jeheni la kꞌuáyéhe̱ni ti Ncha̱kuén Díos kui̱xi̱n nkaya nka̱jní, ndá xi̱kaha tso̱noheni kaín ti nkehe kjuíncheki̱to̱nhe̱n Díos ti jeheni kixin tjue̱he chꞌan ti jeheni. 13Méxra̱ jeheni la chronkaxíni ti nkehe tjako Ncha̱kuén Díos, jehya ti nkehe tjenka̱yáxin chojni ó. Ti Ncha̱kuén Díos mé nchenohe ti jeheni ti nkehe tsochenkaxíni ti sin chónta Ncha̱kuén chꞌan.
14Ti nkexro chóntahya Ncha̱kuén Díos la tjinkakonhña sin tsitekaon sin ti nkehe tjako ti Ncha̱kuén Díos kixin tíha la ijnko nkehe kjualo̱nti̱, ichro sin. Méxra̱ tienxínhña sin kixin chóntahya sin Ncha̱kuén Díos. 15A̱ndá ti nkexro chónta Ncha̱kuén Díos mé tsjehe jína kaín nkehe la ko tienxín. Kjánchó ti nkexro chóntahya ti Ncha̱kuén Díos la tjachahya tsondáchro sin á jína ti nkehe ndáchro ti sin chónta Ncha̱kuén Díos o̱ náhí. 16#Is. 40:13.*Méxra̱ éxi ndáchro ti xroon itén Díos: “¿Xá nkexro nohe ti nkehe tjenka̱yáxin Ìnchéni? ¿Xá nkexro chrókjuacha chrókjua̱ko̱he̱ ti jehe chꞌan?” Kjánchó jeheni chóntani ti Ncha̱kuén Díos, méxra̱ tjenka̱yáxini éxi tjenka̱yáxin Cristo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.