1 Corintios 1
1
Nixje̱he̱ Pablo ti sin Corintios
1Janhan Pablo kjueyána Díos kixin kjuachaxin kuènté Ìnchéni Jesucristo mé chrókjui̱tꞌaha̱ chꞌan ixra̱. Janhan la ko kíchóni Sóstenes mé 2#Hch. 18:1.*ikjini ti xroon i la chrꞌénheni ti jahara tónkotséra ti ni̱nko itjen Corinto, kixin tinkachónkira Ìnchéni Jesucristo la kꞌuéya̱hára Díos kixin tsꞌónara chojni kuènté chꞌan la tjóá tsꞌejora. Mé xi̱kaha kjueyá chꞌan kaín ti sin tinkáchónki Ìnchéni Jesucristo mé Ìnché sin la ko Ìnchéni kja̱xin. 3Kjuasáye Itꞌéni Díos la ko Ìnchéni Jesucristo mé chrókjuincheñao chꞌan ti jahara la ko chrótjáhara chꞌan kjuaxróxin.
Chꞌin Pablo chjéhe Díos kjuasáya
4Nkochríxín tja̱ha Díos kjuasáya kixin ti jahara. Díos kjua̱ko̱xi̱n chꞌan kixin imá jína chꞌan kixin ichrꞌán chꞌan ti Ìnchéni Jesucristo. 5A̱ndá ti tinkachónkira Cristo la Díos kjuajon kjuachaxin kixin xi̱kaha a̱ntsí jína tso̱nohara nkexrín tsonixjara la ko kja̱xin a̱ntsí jína tsiénxinra kaín nkehe. 6Kaín ti nkehe kuihínra kuènté Cristo la ijie jína tjáko̱xinra. 7Méxra̱ jahara ó chontara kaín nkehe tjáhara Díos, la í ninkehó ticháxia̱nhñara ti na̱xa̱ tjejocho̱hénra tsokjan Ìnchéni Jesucristo. 8Cristo mé tsꞌayakohen chꞌan ti jahara kixin tsi̱to̱éhyara tsinkachónkira chꞌan hasta tsjixrakájña ti ña̱o tsjixixín. Ndá ti ó tsokjan Ìnchéni Jesucristo la ninkexró tsꞌekahya ijie̱ ti jahara kixin nduáhya tjejora. 9Díos kjueyá ti jahara kixin chrókuinkachónkira ti xje̱en chꞌan Jesucristo mé Ìnchéni, la ó noheni kixin jehe chꞌan la chaxín nchexiteyá chꞌan ti nkehe ndáchro chꞌan.
Nkoko̱ahya kjuénka̱yáxin ti sin ni̱nko Corinto
10Kíchóni, xrja̱noáhára kjuachaxíen ihni̱é Ìnchéni Jesucristo kixin nkoko̱a chrókjuénka̱yáxinra la ko chróxikayahyara. Náhí, ícha jína nkoko̱a chrókjuénka̱yáxinra la kjuaxróxin chrókꞌuejora. 11Kíchóni, xi̱kaha ndáxrja̱n kixin ó kui̱ha̱n ti nkehe ti sin kjéhya chꞌin Cloé kixin siín kjuanínkaon ti tjejora. 12#Hch. 18:24.*Ndáxrja̱n tíhi kixin isora ndáchrora kixin chréhéra ti chꞌin Pablo, ísora la ndáchrora kixin chréhéra Apolos, ísora la ndáchrora kixin chréhéra Pedro, la ko ísora la ndáchrora kixin chréhéra Cristo. 13¿Xá nkekja̱ín Cristo siín? ¿Á jehya nkoko̱a Cristo tinkáchónkini ní? ¿Á janhan Pablo kjuasóteyáko̱han ti jahara ní? ¿Á ni̱ná kuikitexínra ní? 14#Hch. 18:8; Hch. 19:29; Ro. 16:23.*Tja̱ha̱ Díos kjuasáya kixin nijnko ti jahara kuíki̱tehya janhan. Jehó chꞌin Crispo la ko chꞌin Gayo mé kuíki̱te janhan. 15Mé xi̱kaha ninkexró xrokjuahya tsondáchro kixin ni̱ná kuikitexín. 16#1Co. 16:15.*Kja̱xin kuíki̱te ti chꞌin Estéfanas la ko ti sin kjéhya chꞌan. Ndá xráxinka̱konhña á kuíki̱te íso sin o̱ náhí. 17Kixin Cristo la kjueyáhya ti janhan kixin tsíki̱te chojni. Náhí. Ti ixra̱ kjuajon chꞌan la kixin tsoxrja̱nkaxián ti itan tsaáxin chojni. Tjínka̱konhña chrónixja itan imá noi o̱ imá náxrjón kixin ti xi̱kaha chrónixja la a̱ntsí chrókuitekaon chojni ti janhan, ndá chrókuitekakuenhña sin Cristo la ti xi̱kaha la ti kjuachaxin ijié kjua̱ko̱xi̱n Cristo ti ntacruz, ti kꞌuenyákohe̱n chꞌan ti jeheni, la ó chónkó.
Cristo mé chónta kaín kjuachaxin kuènté Díos
18Ti chronkaxíni kixin Cristo kjuákꞌenkáni ntacruz, kꞌuenyákohe̱n ti jeheni, la ti sin xráxín titekakonhña la tꞌikon sin tíha éxi ijnko kjualo̱nti̱. Kjánchó jeheni ó kꞌuáyéhe̱ni ti kjuachón, mé tíha la kjuachaxin ijié kuènté Díos. 19#Is. 29:14.*Éxi chrónka ti xroon itén Díos tsíkjin sin ósé ndáchro:
Janhan mé tsjatsían ti nkehe tjenka̱yáxin ti sin imá nohe,
la ko si̱ntakꞌitjáña ti nkehe tienxín ti sin tienxín jína.
20 #
Job 12:17; Is. 19:12; 33:18;
Is. 44:25. *Díos mé kjua̱ko̱xi̱n kixin ti chojni chjasintajni la lo̱nti̱ sin kixin tjenka̱yáxin sin kixin imá nohe sin. Kjánchó ti chaxín la kohya ti chojni chaxín nohe, kohya ti chojni tienxín ti nkehe kuènté Díos, a̱ndá ti sin ndáchro kixin nohe kaín nkehe la chaxínhña tíha. 21Díos imá nohe la xi̱kaha kuíto̱ehya kixin ti kjuachaxin kuènté chojni chjasintajni chrókjuacha chrókóchóxixín ti jehe chꞌan. Jehe chꞌan kóxríhi̱n chꞌan kjuínchekaá chꞌan ti sin kuitekaon ti itan tsaáxin sin, kjánchó ti itan la tꞌikon íso sin éxi ijnko kjualo̱nti̱.
22Ti sin judío mé tjinkaon sin tsꞌikon sin kjuaxroan ijié. A̱ndá ti sin griego mé xritjeyá sin kixin a̱ntsí chrókónohe sin. 23Kjánchó jeheni chrónkaxíni kixin Cristo kjuákꞌenkáni ntacruz. A̱ndá ti sin judío ndáchro kixin tíha la ijnko kjuatosuéhe̱; a̱ndá ti sin jehya judío la ndáchro sin kixin ijnko kjualo̱nti̱ tíha. 24A̱ndá ti sin kꞌuéye̱he̱ Díos, á sin judío o̱ sin griego, la kaín sin ndáchro sin kixin Cristo mé chónta ti kjuachaxin ijié kuènté Díos la ko ti kjuaxrexinkaon jína. 25Ti nkehe tꞌikon chojni éxi ijnko kjualo̱nti̱ kuènté Díos la a̱ntsí chónta kjuachaxin ke ti nkehe nohe ti chojni siín chjasintajni. Landá ti nkehe tꞌikon chojni éxi chóntahya kjuachaxin kuènté Díos, la tíha a̱ntsí chónta kjuachaxin ke ti chojni chónta kjuachaxin tꞌe̱to̱an siín chjasintajni. 26Kíchóni, xráxinkaonra nkexrín kuékꞌejora ti na̱xa̱ kꞌuéye̱hya Díos ti jahara. La kꞌuíkon chojni chjasintajni kixin kaínhñara kꞌuénohara jína la ko kanhñó itsjéra kꞌuéchontara ixra̱ kuéto̱anra o̱ kꞌuaxrjeníxinra ti sin imá tjetoan. 27A̱ndá Díos mé kjueyá ti sin tꞌikon chojni éxi lo̱nti̱ kixin xi̱kaha chrókósuéhe̱ ti sin imá nohe. La ko kja̱xin kjueyá Díos ti sin chóntahya kjuachaxin kixin xi̱kaha chrókósuéhe̱ ti sin imá chónta kjuachaxin. 28Díos mé kjueyá ti sin tꞌe̱tua̱nhña la ko iso ti sin ninkehó sínkíhya kixin sinchekꞌitjáña ti kjuachaxin chónta ti sin imá tjetoan, 29kixin xi̱kaha la ninkexró tsjachahya sinchejié a̱sén ti itjen Díos. 30Díos mé kjuajon kjuachaxin kixin nkoko̱a tsꞌejókoni Cristo Jesús, landá xi̱kaha tsochóntaxíni ti kjuaxrexinkaon jína kixin titekaoni Cristo, la ti kjuachaxin kuènté chꞌan mé kꞌóxika ti ijie̱ chóntani, la ko tíha nchetjuáxin chꞌan ti jeheni kixin ti ijni̱é chꞌan mé kꞌue̱naxín chꞌan ti jeheni. 31#Jer. 9:24.*Mé xi̱kaha éxi chronka xroon itén Díos: “Ti nkojín nkexro tjinkaon tso̱chéhe̱ la jehó chrókóchéhe̱ sin kixin ti kjuachaxin kuènté Ìnchéni Jesucristo.”
Iliyochaguliwa sasa
1 Corintios 1: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 1
1
Nixje̱he̱ Pablo ti sin Corintios
1Janhan Pablo kjueyána Díos kixin kjuachaxin kuènté Ìnchéni Jesucristo mé chrókjui̱tꞌaha̱ chꞌan ixra̱. Janhan la ko kíchóni Sóstenes mé 2#Hch. 18:1.*ikjini ti xroon i la chrꞌénheni ti jahara tónkotséra ti ni̱nko itjen Corinto, kixin tinkachónkira Ìnchéni Jesucristo la kꞌuéya̱hára Díos kixin tsꞌónara chojni kuènté chꞌan la tjóá tsꞌejora. Mé xi̱kaha kjueyá chꞌan kaín ti sin tinkáchónki Ìnchéni Jesucristo mé Ìnché sin la ko Ìnchéni kja̱xin. 3Kjuasáye Itꞌéni Díos la ko Ìnchéni Jesucristo mé chrókjuincheñao chꞌan ti jahara la ko chrótjáhara chꞌan kjuaxróxin.
Chꞌin Pablo chjéhe Díos kjuasáya
4Nkochríxín tja̱ha Díos kjuasáya kixin ti jahara. Díos kjua̱ko̱xi̱n chꞌan kixin imá jína chꞌan kixin ichrꞌán chꞌan ti Ìnchéni Jesucristo. 5A̱ndá ti tinkachónkira Cristo la Díos kjuajon kjuachaxin kixin xi̱kaha a̱ntsí jína tso̱nohara nkexrín tsonixjara la ko kja̱xin a̱ntsí jína tsiénxinra kaín nkehe. 6Kaín ti nkehe kuihínra kuènté Cristo la ijie jína tjáko̱xinra. 7Méxra̱ jahara ó chontara kaín nkehe tjáhara Díos, la í ninkehó ticháxia̱nhñara ti na̱xa̱ tjejocho̱hénra tsokjan Ìnchéni Jesucristo. 8Cristo mé tsꞌayakohen chꞌan ti jahara kixin tsi̱to̱éhyara tsinkachónkira chꞌan hasta tsjixrakájña ti ña̱o tsjixixín. Ndá ti ó tsokjan Ìnchéni Jesucristo la ninkexró tsꞌekahya ijie̱ ti jahara kixin nduáhya tjejora. 9Díos kjueyá ti jahara kixin chrókuinkachónkira ti xje̱en chꞌan Jesucristo mé Ìnchéni, la ó noheni kixin jehe chꞌan la chaxín nchexiteyá chꞌan ti nkehe ndáchro chꞌan.
Nkoko̱ahya kjuénka̱yáxin ti sin ni̱nko Corinto
10Kíchóni, xrja̱noáhára kjuachaxíen ihni̱é Ìnchéni Jesucristo kixin nkoko̱a chrókjuénka̱yáxinra la ko chróxikayahyara. Náhí, ícha jína nkoko̱a chrókjuénka̱yáxinra la kjuaxróxin chrókꞌuejora. 11Kíchóni, xi̱kaha ndáxrja̱n kixin ó kui̱ha̱n ti nkehe ti sin kjéhya chꞌin Cloé kixin siín kjuanínkaon ti tjejora. 12#Hch. 18:24.*Ndáxrja̱n tíhi kixin isora ndáchrora kixin chréhéra ti chꞌin Pablo, ísora la ndáchrora kixin chréhéra Apolos, ísora la ndáchrora kixin chréhéra Pedro, la ko ísora la ndáchrora kixin chréhéra Cristo. 13¿Xá nkekja̱ín Cristo siín? ¿Á jehya nkoko̱a Cristo tinkáchónkini ní? ¿Á janhan Pablo kjuasóteyáko̱han ti jahara ní? ¿Á ni̱ná kuikitexínra ní? 14#Hch. 18:8; Hch. 19:29; Ro. 16:23.*Tja̱ha̱ Díos kjuasáya kixin nijnko ti jahara kuíki̱tehya janhan. Jehó chꞌin Crispo la ko chꞌin Gayo mé kuíki̱te janhan. 15Mé xi̱kaha ninkexró xrokjuahya tsondáchro kixin ni̱ná kuikitexín. 16#1Co. 16:15.*Kja̱xin kuíki̱te ti chꞌin Estéfanas la ko ti sin kjéhya chꞌan. Ndá xráxinka̱konhña á kuíki̱te íso sin o̱ náhí. 17Kixin Cristo la kjueyáhya ti janhan kixin tsíki̱te chojni. Náhí. Ti ixra̱ kjuajon chꞌan la kixin tsoxrja̱nkaxián ti itan tsaáxin chojni. Tjínka̱konhña chrónixja itan imá noi o̱ imá náxrjón kixin ti xi̱kaha chrónixja la a̱ntsí chrókuitekaon chojni ti janhan, ndá chrókuitekakuenhña sin Cristo la ti xi̱kaha la ti kjuachaxin ijié kjua̱ko̱xi̱n Cristo ti ntacruz, ti kꞌuenyákohe̱n chꞌan ti jeheni, la ó chónkó.
Cristo mé chónta kaín kjuachaxin kuènté Díos
18Ti chronkaxíni kixin Cristo kjuákꞌenkáni ntacruz, kꞌuenyákohe̱n ti jeheni, la ti sin xráxín titekakonhña la tꞌikon sin tíha éxi ijnko kjualo̱nti̱. Kjánchó jeheni ó kꞌuáyéhe̱ni ti kjuachón, mé tíha la kjuachaxin ijié kuènté Díos. 19#Is. 29:14.*Éxi chrónka ti xroon itén Díos tsíkjin sin ósé ndáchro:
Janhan mé tsjatsían ti nkehe tjenka̱yáxin ti sin imá nohe,
la ko si̱ntakꞌitjáña ti nkehe tienxín ti sin tienxín jína.
20 #
Job 12:17; Is. 19:12; 33:18;
Is. 44:25. *Díos mé kjua̱ko̱xi̱n kixin ti chojni chjasintajni la lo̱nti̱ sin kixin tjenka̱yáxin sin kixin imá nohe sin. Kjánchó ti chaxín la kohya ti chojni chaxín nohe, kohya ti chojni tienxín ti nkehe kuènté Díos, a̱ndá ti sin ndáchro kixin nohe kaín nkehe la chaxínhña tíha. 21Díos imá nohe la xi̱kaha kuíto̱ehya kixin ti kjuachaxin kuènté chojni chjasintajni chrókjuacha chrókóchóxixín ti jehe chꞌan. Jehe chꞌan kóxríhi̱n chꞌan kjuínchekaá chꞌan ti sin kuitekaon ti itan tsaáxin sin, kjánchó ti itan la tꞌikon íso sin éxi ijnko kjualo̱nti̱.
22Ti sin judío mé tjinkaon sin tsꞌikon sin kjuaxroan ijié. A̱ndá ti sin griego mé xritjeyá sin kixin a̱ntsí chrókónohe sin. 23Kjánchó jeheni chrónkaxíni kixin Cristo kjuákꞌenkáni ntacruz. A̱ndá ti sin judío ndáchro kixin tíha la ijnko kjuatosuéhe̱; a̱ndá ti sin jehya judío la ndáchro sin kixin ijnko kjualo̱nti̱ tíha. 24A̱ndá ti sin kꞌuéye̱he̱ Díos, á sin judío o̱ sin griego, la kaín sin ndáchro sin kixin Cristo mé chónta ti kjuachaxin ijié kuènté Díos la ko ti kjuaxrexinkaon jína. 25Ti nkehe tꞌikon chojni éxi ijnko kjualo̱nti̱ kuènté Díos la a̱ntsí chónta kjuachaxin ke ti nkehe nohe ti chojni siín chjasintajni. Landá ti nkehe tꞌikon chojni éxi chóntahya kjuachaxin kuènté Díos, la tíha a̱ntsí chónta kjuachaxin ke ti chojni chónta kjuachaxin tꞌe̱to̱an siín chjasintajni. 26Kíchóni, xráxinkaonra nkexrín kuékꞌejora ti na̱xa̱ kꞌuéye̱hya Díos ti jahara. La kꞌuíkon chojni chjasintajni kixin kaínhñara kꞌuénohara jína la ko kanhñó itsjéra kꞌuéchontara ixra̱ kuéto̱anra o̱ kꞌuaxrjeníxinra ti sin imá tjetoan. 27A̱ndá Díos mé kjueyá ti sin tꞌikon chojni éxi lo̱nti̱ kixin xi̱kaha chrókósuéhe̱ ti sin imá nohe. La ko kja̱xin kjueyá Díos ti sin chóntahya kjuachaxin kixin xi̱kaha chrókósuéhe̱ ti sin imá chónta kjuachaxin. 28Díos mé kjueyá ti sin tꞌe̱tua̱nhña la ko iso ti sin ninkehó sínkíhya kixin sinchekꞌitjáña ti kjuachaxin chónta ti sin imá tjetoan, 29kixin xi̱kaha la ninkexró tsjachahya sinchejié a̱sén ti itjen Díos. 30Díos mé kjuajon kjuachaxin kixin nkoko̱a tsꞌejókoni Cristo Jesús, landá xi̱kaha tsochóntaxíni ti kjuaxrexinkaon jína kixin titekaoni Cristo, la ti kjuachaxin kuènté chꞌan mé kꞌóxika ti ijie̱ chóntani, la ko tíha nchetjuáxin chꞌan ti jeheni kixin ti ijni̱é chꞌan mé kꞌue̱naxín chꞌan ti jeheni. 31#Jer. 9:24.*Mé xi̱kaha éxi chronka xroon itén Díos: “Ti nkojín nkexro tjinkaon tso̱chéhe̱ la jehó chrókóchéhe̱ sin kixin ti kjuachaxin kuènté Ìnchéni Jesucristo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.