1 Corintios 16
16
Ti chichaon tsochrꞌéhen sin íjnko ni̱nko
1 #
Ro. 15:25, 26. *A̱ndá ti chichaon tjénájínra kixin tsjínki̱tsara ti sin kíchóni tinkáchónki Ìnchéni, la chrókjui̱nchexiteyára éxi kuétua̱ha̱n ti sin ni̱nko tjejó chjasin Galacia. 2Nkojnko domingo la chrónkakjatsìinra ntsíntsí ti chichaon tjachara ti semana, kixin jehya ti ó tsjasán ndá chrókóxakohanra chrókjuénájinra. 3A̱ndá ti ó tsjasán la tsétua̱nha̱n ti sin tsíkjéyára kixin sátsji̱ sin ti chjasin Jerusalén, la ko tsotjaha̱ sin ijnko xroon kixin tsíkéhen sin ti chichaon ti sin kíchóni tjejó ntiha. 4A̱ndá ti ticháxi̱n kixin kja̱xin janhan sáchrókjuia, la sátjiki̱a̱n sin.
Kjuenka̱yáxin Pablo sátsji ti chjasén sin
5 #
Hch. 19:21. *Ti tsjasán méhe̱ la ticháxi̱n tsꞌatsínka Macedonia, ndá chrꞌéxi̱n tsjasán ti tjejora. 6La kjá tsito̱na ti tjejora hasta tsꞌatsínkajia ti ncha̱kuén ikin,#16:6 ncha̱kuén ikin ti nitjó imá ikin invierno ndá jahara tsjínki̱tsara ti ó sátsjia chrꞌéxi̱n. 7Tjínka̱konhña chrókꞌuatsínkatóxién ti tjejora. Náhí. Tjínka̱oan tsito̱na iso ña̱o ntiha ti chrókjuajon Ìnchéni kjuachaxin, 8#Lv. 23:15-21; Dt. 16:9-11.#Hch. 19:8-10.*kjánchó tsito̱na ti chjasin Éfeso tsjixrakájña ti ña̱o Pentecostés, 9kixin ntiha la a̱ntsí siín kjuachaxin chrókjui̱tꞌa ixra̱ kuènté Díos, kjónté siín itsjé chojni nínkakona.
10 #
1Co. 4:17. *Ti tsjiji chꞌin Timoteo ntiha la nkojína chrónixjehéra kixin kjuaxróxin chrókjuákꞌe chꞌan la chrókóxakuenhña chꞌan kixin jehe chꞌan la chꞌehe chꞌan ixra̱ Ìnchéni éxi janhan. 11Nijnkora chrókjuanoára chꞌan, chrókjuínki̱tsara kixin jína itsji chꞌan ti itjén kixin tjécho̱ha̱n chrókui chꞌan la ko íso ti sin kíchóni tjejó ntihi chóhen sin kja̱xin.
12Xrja̱noáha̱ ti kíchóni Apolos kixin kja̱xin chꞌan chrókjuíjiko chꞌan ti íso sin kíchóni ti tjejora, kjánchó chrohya chꞌan ijie. Chrꞌéxi̱n la kjá tsjiji chꞌan ti ó tsꞌexrankehe chꞌan.
Kjuixixín nixja Pablo
13Jína chrókꞌuejotsjehera la ko chaxín ndoá chrókuinkachónkira Ìnchéni Jesús la ko chróchrakonhñara ninkehó. 14La kaín ti ixra̱ ichꞌera la kaín a̱sánra chrókjui̱chꞌera la ko chrókócháhara chrótjue̱héra kichuara.
15 #
1Co. 1:16. *Jahara kíchóni, ó nohara kixin ti sin ndo̱e chꞌin Estéfanas la sa̱oxín sin kuitekaon sin ti itan tsaáxin chojni ti chjasin Acaya, la ko jehe sin kuákja sin ti ixra̱ tjinki̱tsa sin ti kíchóni tinkáchónki Díos. 16Tjínka̱oan kixin chrókjui̱nchexiteyéhéra ti chꞌin Estéfanas la ko kaín ti sin tjejóchꞌe ti ixra̱ kuènté Ìnchéni éxi ti ixra̱ tjechꞌe chꞌan xi̱kaha. 17Chàna kixin ó ikui ti chꞌin Estéfanas, ti chꞌin Fortunato la ko ti chꞌin Acaico, kixin jehe sin kjuínki̱tsa sin ti janhan kixin jahara la xitjahya tsꞌejora ntihi. 18Jehe sin mé kjuínchechéhe̱ sin a̱sená ko kjuínchechéhe̱ sin ti jahara kja̱xin. Méxra̱ chrókjuíkosáyehéra ti chojni xi̱kaha ichꞌe.
19 #
Hch. 18:2. *Ti sin ni̱nko itjen chjasin Asia nixjahára sin. Kja̱xin ti chꞌin Aquila la ko ti tjan Priscila la ko ti sin tónkotsé ndo̱e sin nixjahára sin kixin tinkachónkira Ìnchéni Jesús. 20Kaín ti sin kíchóni ntihi nixjahára sin. Nixjehéra kichuara kaínra, tse̱héra itjá sin nkojína.
21Janhan, Pablo, xráxinka̱oan ti jahara, la tjaná kji̱nxian ti xroon i chrꞌahánra.
22Ti nkexro tjue̱hya Ìnchéni Jesucristo la chrókjuasóte sin. A̱ndá janhan la ti ó nixja̱ha̱ Ìnchéni la ndáxrja̱n: “¡Ìnchéni, xrákiá!” 23Ti kjuachaxin kuènté Ìnchéni Jesucristo mé sintañaora nkochríxín. 24Ichrꞌan tíhi kixin tjua̱hára kaínra kixin nkoko̱a tinkáchónkini Cristo Jesús. Mé xi̱kaha tso̱hen.
Iliyochaguliwa sasa
1 Corintios 16: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.