1 Corintios 12
12
Ti ixra̱ tjajon Ncha̱kuén Díos
1Jahara kíchóni, tjínka̱oan kixin tso̱nohara jína nkexrín siín ti ixra̱ tjajon Ncha̱kuén Díos tꞌáyéhe̱ nkojnko chojni.
2Jahara ó nohara jína kixin ti na̱xa̱ kuinkachónkihyara Ìnchéni la kꞌuéchrehéra ti nkehe tsíkjano̱ña nixjahya. 3Méxra̱ chrókónohara kixin nijnko nkexro nixja̱xi̱n kjuachaxin Ncha̱kuén Díos tsjacha tsꞌándaxínhi̱n Jesús, la ko ninkexró xrokuahya tsondáchro kixin Jesús mé Ìnchéni ti jehya ti Ncha̱kuén Díos tjejóko sin.
4 #
Ro. 12:6-8. *Siín nchónhña ixra̱, kjánchó jehó Ncha̱kuén Díos mé tjajon kaín tíha. 5La ko siín itsjé nkexrín sichꞌeni ixra̱, kjánchó nkoko̱a Díos chꞌeheni ixra̱. 6La ko siín nchónhña ixra̱ sichꞌeni, kjánchó jehó Díos mé tjajon ti kjuachaxin chꞌexíni kaín tíha. 7Díos tjajon kjuachaxin kixin nkojnko chojni tsja̱ko̱xi̱n ti kjuachaxin kuènté Ncha̱kuén Díos kixin xi̱kaha chrókjuinki̱tsa íso chojni. 8A̱ndá iso chojni tsíkꞌáyéhe̱ kjuachaxin tsonixja kjuaxrexinkaon jína la ti Ncha̱kuén Díos mé tjinki̱tsa, la ko íso chojni tsíkꞌáyéhe̱ kjuachaxin tsochronka nkehe tjinkaon Díos kixin Ncha̱kuén Díos mé tjinki̱tsa tso̱nohe sin. 9La íso chojni mé tsíkꞌáyéhe̱ kjuachaxin a̱ntsí tsinkáchónki Díos kixin Ncha̱kuén Díos mé tjinki̱tsa. La ko íso sin la tsíkꞌáyéhe̱ kjuachaxin sinchekito̱he chojni jína. 10Íso sin la tsíkꞌáyéhe̱ kjuachaxin tsjasin kjuaxroan kuènté Díos, íso sin la tsíkꞌáyéhe̱ kjuachaxin tsonixja sin ijnko nkehe kuènté Díos, íso sin la tsíkꞌáyéhe̱ kjuachaxin tsjatso̱an sin á Ncha̱kuén Díos o̱ ncha̱kuén jínahña nixjaxin chojni, íso sin la tsíkꞌáyéhe̱ kjuachaxin ókjé ngiva tsonixja̱xi̱n ti itén Díos, la ko íso sin la tsíkꞌáyéhe̱ kjuachaxin tsochronkaxín nkehe tꞌaxrjexín ti íjnko ngiva. 11Kjánchó kaín tíha la jehó Ncha̱kuén Díos tjajon, la chjéhe nkojnko chojni nkojnko kjuachaxin éxi ti ixra̱ tjinkaon chꞌan sichꞌe sin.
Kaíni kꞌónani nkoko̱a cuerpo kuènté Cristo
12 #
Ro. 12:4, 5. *Mé xi̱kaha ijnko cuerpo la kjónté nkoko̱a la itsjé parte chónta. Mé xi̱kaha ti Ìnchéni la ó nkoko̱a. 13Mé xi̱kaha kja̱xin kjónté á chojni judío o̱ jehya judío, á chojni chꞌexón ixra̱ o̱ chóntahya ijnko nkexro tsꞌe̱to̱an, la kaíni nkoko̱axón Ncha̱kuén Díos kuikitexini, la kaíni kꞌónani nkoko̱a cuerpo kuènté Cristo, mé xi̱kaha kꞌuáyéhe̱ni ti Ncha̱kuén Díos.
14Kixin ijnko cuerpo la jehya nkoko̱a parte chónta. Náhí. Itsjé parte chónta. 15Ti chróndáchro ti to̱téni: “Janhan la jehya itjá, méxra̱ janhan la jehya kuènté ti cuerpo”, la jehya xi̱kahó ndá chrókójehya kuènté ti cuerpo a. 16A̱ndá ti chróndáchro ijnko ndatsjoni: “Janhan la jehya ikuan, méxra̱ janhan la jehya kuènté ti cuerpo”, la jehya xi̱kahó ndá chrókójehya kuènté ti cuerpo. Náhí. 17Kixin ti kuenté ti cuerpo chrókꞌóna ikoni, ¿la nketí chrókienxíni? A̱ndá ti kuenté ti cuerpo chrókꞌóna ndatsjoni, la xrokjuahya chrókókaxraxéhe̱ni. 18Kjánchó Díos kjuakꞌe nkojnko parte ti cuerpo éxi nkexrín kóxríhi̱n chꞌan xi̱kaha. 19Ti chrókꞌóna nkoko̱a parte ti cuerpo, la chrókójehya cuerpo tíha. 20Kjánchó kjónté itsjé parte chónta, ti cuerpo la ó nkoko̱a cuerpo tíha.
21Ti ikoni la xrokjuahya tsondáche ti itjani: “Ticháxi̱nahña ti jaha”, ni ti ikjani xrokjuahya tsondáche ti to̱téni: “Ticháxi̱nahña ti jaha.” 22Náhí. Kixin ti parte tjenka̱yáxini kixin tjetuanhña la mé a̱ntsí ticháxi̱n. 23A̱ndá ti parte kuènté cuerpo kanhñó chónteheni kjuasàya la mé a̱ntsí nchekꞌitsáni la ko ti parte kanhñó náxrjón la a̱ntsí tóxakoheni kixin tso̱noxínhña. 24A̱ndá ti parte a̱ntsí ticháxi̱n la ticháxi̱nhña ika tsꞌitsá. Mé xi̱kaha Díos la kjuíncheyóe̱xin kaín ti parte kuènté ti cuerpo kixin a̱ntsí chrókꞌuayakoheni ti parte kanhñó tjetoan. 25Mé xi̱kaha xrokjuahya tsoxika̱ye̱he ti cuerpo kixin kaín ti parte la nkokón tjinki̱tsa kícho. 26Ti ó tóníhi ijnko parte kuènté ti cuerpo la kuenté tjotéhe kja̱xin; a̱ndá ti tjikosayéheni ijnko parte la kuenté tóchéhe̱.
27A̱ndá jahara mé kꞌónara ti cuerpo kuènté Cristo la ko nkojnkora mé nkojnko ti parte kuènté ti cuerpo kuènté chꞌan. 28#Ef. 4:11.*Méxra̱ ti ni̱nko la Díos kjueyá sa̱o ti sin apóstol; yaáxin la ti sin tsochronkaxín ti itén chꞌan, yꞌáxin, la ti sin tsjako ti itén Díos, iso sin la tsja̱ko̱xi̱n ti kjuachaxin kuenté Díos, íso sin la sinchekito̱he chojni níhi jína, kja̱xin íso sin la a̱ntsí tjinki̱tsa sin ti sin ticháxi̱hin, la íso sin la tsꞌe̱to̱an ti ixra̱ kuènté chꞌan, la ko kja̱xin íso sin tsonixja̱xi̱n íjnko ngiva. 29Kaínhña chojni kꞌóna apóstol, kaínhña chojni chónta kjuachaxin tsochronkaxín ti nkehe tsíkjajon Díos, kaínhña chojni chónta kjuachaxin tsjako itén Díos, kaínhña chojni chónta kjuachaxin tsja̱ko̱xi̱n ti kjuachaxin kuènté Díos, 30kaínhña chojni chónta kjuachaxin sinchekito̱he chojni jína, kaínhña chojni chónta kjuachaxin tsonixja̱xi̱n íjnko ngiva, la ko kaínhña chojni chónta kjuachaxin tsochronkaxín nkexrín tꞌaxrjexín ti nkehe chrónka ti sin nixja̱xi̱n ijnko ngiva. 31Méxra̱ tjéyára nkehe ti ixra̱ kjuajon Díos. Ndá janhan la tsjákohára ijnko nti̱a a̱ntsí tjetoan.
Iliyochaguliwa sasa
1 Corintios 12: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 12
12
Ti ixra̱ tjajon Ncha̱kuén Díos
1Jahara kíchóni, tjínka̱oan kixin tso̱nohara jína nkexrín siín ti ixra̱ tjajon Ncha̱kuén Díos tꞌáyéhe̱ nkojnko chojni.
2Jahara ó nohara jína kixin ti na̱xa̱ kuinkachónkihyara Ìnchéni la kꞌuéchrehéra ti nkehe tsíkjano̱ña nixjahya. 3Méxra̱ chrókónohara kixin nijnko nkexro nixja̱xi̱n kjuachaxin Ncha̱kuén Díos tsjacha tsꞌándaxínhi̱n Jesús, la ko ninkexró xrokuahya tsondáchro kixin Jesús mé Ìnchéni ti jehya ti Ncha̱kuén Díos tjejóko sin.
4 #
Ro. 12:6-8. *Siín nchónhña ixra̱, kjánchó jehó Ncha̱kuén Díos mé tjajon kaín tíha. 5La ko siín itsjé nkexrín sichꞌeni ixra̱, kjánchó nkoko̱a Díos chꞌeheni ixra̱. 6La ko siín nchónhña ixra̱ sichꞌeni, kjánchó jehó Díos mé tjajon ti kjuachaxin chꞌexíni kaín tíha. 7Díos tjajon kjuachaxin kixin nkojnko chojni tsja̱ko̱xi̱n ti kjuachaxin kuènté Ncha̱kuén Díos kixin xi̱kaha chrókjuinki̱tsa íso chojni. 8A̱ndá iso chojni tsíkꞌáyéhe̱ kjuachaxin tsonixja kjuaxrexinkaon jína la ti Ncha̱kuén Díos mé tjinki̱tsa, la ko íso chojni tsíkꞌáyéhe̱ kjuachaxin tsochronka nkehe tjinkaon Díos kixin Ncha̱kuén Díos mé tjinki̱tsa tso̱nohe sin. 9La íso chojni mé tsíkꞌáyéhe̱ kjuachaxin a̱ntsí tsinkáchónki Díos kixin Ncha̱kuén Díos mé tjinki̱tsa. La ko íso sin la tsíkꞌáyéhe̱ kjuachaxin sinchekito̱he chojni jína. 10Íso sin la tsíkꞌáyéhe̱ kjuachaxin tsjasin kjuaxroan kuènté Díos, íso sin la tsíkꞌáyéhe̱ kjuachaxin tsonixja sin ijnko nkehe kuènté Díos, íso sin la tsíkꞌáyéhe̱ kjuachaxin tsjatso̱an sin á Ncha̱kuén Díos o̱ ncha̱kuén jínahña nixjaxin chojni, íso sin la tsíkꞌáyéhe̱ kjuachaxin ókjé ngiva tsonixja̱xi̱n ti itén Díos, la ko íso sin la tsíkꞌáyéhe̱ kjuachaxin tsochronkaxín nkehe tꞌaxrjexín ti íjnko ngiva. 11Kjánchó kaín tíha la jehó Ncha̱kuén Díos tjajon, la chjéhe nkojnko chojni nkojnko kjuachaxin éxi ti ixra̱ tjinkaon chꞌan sichꞌe sin.
Kaíni kꞌónani nkoko̱a cuerpo kuènté Cristo
12 #
Ro. 12:4, 5. *Mé xi̱kaha ijnko cuerpo la kjónté nkoko̱a la itsjé parte chónta. Mé xi̱kaha ti Ìnchéni la ó nkoko̱a. 13Mé xi̱kaha kja̱xin kjónté á chojni judío o̱ jehya judío, á chojni chꞌexón ixra̱ o̱ chóntahya ijnko nkexro tsꞌe̱to̱an, la kaíni nkoko̱axón Ncha̱kuén Díos kuikitexini, la kaíni kꞌónani nkoko̱a cuerpo kuènté Cristo, mé xi̱kaha kꞌuáyéhe̱ni ti Ncha̱kuén Díos.
14Kixin ijnko cuerpo la jehya nkoko̱a parte chónta. Náhí. Itsjé parte chónta. 15Ti chróndáchro ti to̱téni: “Janhan la jehya itjá, méxra̱ janhan la jehya kuènté ti cuerpo”, la jehya xi̱kahó ndá chrókójehya kuènté ti cuerpo a. 16A̱ndá ti chróndáchro ijnko ndatsjoni: “Janhan la jehya ikuan, méxra̱ janhan la jehya kuènté ti cuerpo”, la jehya xi̱kahó ndá chrókójehya kuènté ti cuerpo. Náhí. 17Kixin ti kuenté ti cuerpo chrókꞌóna ikoni, ¿la nketí chrókienxíni? A̱ndá ti kuenté ti cuerpo chrókꞌóna ndatsjoni, la xrokjuahya chrókókaxraxéhe̱ni. 18Kjánchó Díos kjuakꞌe nkojnko parte ti cuerpo éxi nkexrín kóxríhi̱n chꞌan xi̱kaha. 19Ti chrókꞌóna nkoko̱a parte ti cuerpo, la chrókójehya cuerpo tíha. 20Kjánchó kjónté itsjé parte chónta, ti cuerpo la ó nkoko̱a cuerpo tíha.
21Ti ikoni la xrokjuahya tsondáche ti itjani: “Ticháxi̱nahña ti jaha”, ni ti ikjani xrokjuahya tsondáche ti to̱téni: “Ticháxi̱nahña ti jaha.” 22Náhí. Kixin ti parte tjenka̱yáxini kixin tjetuanhña la mé a̱ntsí ticháxi̱n. 23A̱ndá ti parte kuènté cuerpo kanhñó chónteheni kjuasàya la mé a̱ntsí nchekꞌitsáni la ko ti parte kanhñó náxrjón la a̱ntsí tóxakoheni kixin tso̱noxínhña. 24A̱ndá ti parte a̱ntsí ticháxi̱n la ticháxi̱nhña ika tsꞌitsá. Mé xi̱kaha Díos la kjuíncheyóe̱xin kaín ti parte kuènté ti cuerpo kixin a̱ntsí chrókꞌuayakoheni ti parte kanhñó tjetoan. 25Mé xi̱kaha xrokjuahya tsoxika̱ye̱he ti cuerpo kixin kaín ti parte la nkokón tjinki̱tsa kícho. 26Ti ó tóníhi ijnko parte kuènté ti cuerpo la kuenté tjotéhe kja̱xin; a̱ndá ti tjikosayéheni ijnko parte la kuenté tóchéhe̱.
27A̱ndá jahara mé kꞌónara ti cuerpo kuènté Cristo la ko nkojnkora mé nkojnko ti parte kuènté ti cuerpo kuènté chꞌan. 28#Ef. 4:11.*Méxra̱ ti ni̱nko la Díos kjueyá sa̱o ti sin apóstol; yaáxin la ti sin tsochronkaxín ti itén chꞌan, yꞌáxin, la ti sin tsjako ti itén Díos, iso sin la tsja̱ko̱xi̱n ti kjuachaxin kuenté Díos, íso sin la sinchekito̱he chojni níhi jína, kja̱xin íso sin la a̱ntsí tjinki̱tsa sin ti sin ticháxi̱hin, la íso sin la tsꞌe̱to̱an ti ixra̱ kuènté chꞌan, la ko kja̱xin íso sin tsonixja̱xi̱n íjnko ngiva. 29Kaínhña chojni kꞌóna apóstol, kaínhña chojni chónta kjuachaxin tsochronkaxín ti nkehe tsíkjajon Díos, kaínhña chojni chónta kjuachaxin tsjako itén Díos, kaínhña chojni chónta kjuachaxin tsja̱ko̱xi̱n ti kjuachaxin kuènté Díos, 30kaínhña chojni chónta kjuachaxin sinchekito̱he chojni jína, kaínhña chojni chónta kjuachaxin tsonixja̱xi̱n íjnko ngiva, la ko kaínhña chojni chónta kjuachaxin tsochronkaxín nkexrín tꞌaxrjexín ti nkehe chrónka ti sin nixja̱xi̱n ijnko ngiva. 31Méxra̱ tjéyára nkehe ti ixra̱ kjuajon Díos. Ndá janhan la tsjákohára ijnko nti̱a a̱ntsí tjetoan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.