1 Corintios 11
11
Nkexrín chrókꞌuítsa ti chojnichjin
1 #
1Co. 4:16; Fil. 3:17. *Chrokjuáko̱xinra éxi tjáko̱xia̱n kixin janhan la tjáko̱xia̱n éxi kjua̱ko̱xi̱n Cristo.
2Kíchóni, chàna kixin xráxín xráxinkaonra ti janhan la ko nchexiteyára ti nkehe kjuákohára. 3A̱ndá tjínka̱oan kixin tso̱nohara kixin Cristo mé chónta kjuachaxin tꞌe̱tue̱hen nkojnko chojnindoa, a̱ndá ti chojnindoa mé chónta kjuachaxin tꞌe̱tue̱hen ti ichjién, a̱ndá Díos mé chónta kjuachaxin tꞌe̱tue̱hen Cristo. 4Ti nkojín chojnindoa xrasixín kachjinké í nixje̱he̱ Díos, o̱ xrasixín kachjinké í chronka itén Díos, mé tja̱ko̱xi̱n kixin chóntehya kjuasáye Ìnchéni. 5A̱ndá ti ijnko chojnichjin tjóchínxin ikja sin nixje̱he̱ sin Díos la o̱ chrónka sin itén Díos, mé ijnko kjuatosuéhe̱ tíha la xi̱kaha tja̱ko̱xi̱n sin kixin tjikosayéhya sin ti xìi sin. La yóhe̱ éxi nonté chrókꞌuijihín sin xi̱kaha. 6Méxra̱ ti chojnichjin tjinkakonhña tsjakꞌekjajin ika ti ikja, la ícha jína chrókꞌuijihin nonté. A̱ndá ti tósuéhe̱ tjan tsꞌijihin tjan, la ícha jína chrókjuakꞌekjajin ijnko ika ti ikja tjan. 7#Gn. 1:26, 27.*A̱ndá ti chojnindoa la chrókꞌuakꞌekjajinhña ninkehó nkehe ti ikja ti ó nixje̱he̱ Díos kixin jehe chꞌan mé éxi retratoé Díos la ko tꞌinkaséñaxín chꞌan ti kjuachaxin kuènté Díos. A̱ndá ti chojnichjin mé tꞌinkaséñexín tjan ti kjuachaxin kuènté ti xìi tjan. 8#Gn. 2:18-23.*Kixin ti chojnindoa la kꞌuaxrjeníxinhña ijnko chojnichjin. Náhí. Ti chojnichjin mé kꞌuaxrjeníxin ti chojnindoa. 9Ti chojnichjin mé kꞌóna kixin tsjinki̱tsa sin ti chojnindoa; jehya ti chojnindoa kꞌóna kixin tsjinki̱tsa ti chojnichjin. Náhí. 10Méxra̱ tichánxi̱n kixin ti chojnichjin la tsakꞌekjajin ijnko ika ti ikja tjan kixin tsja̱ko̱xi̱n sin kixin tꞌítuehen sin la xi̱kaha tsꞌikon ti sin ángel. 11A̱ndá xi̱kaha kaíni tinkáchónkini Cristo la tichánxi̱n kixin ti chojnindoa la tsjinki̱tsa ti chojnichjin la kja̱xin ti chojnichjin la tsjinki̱tsa ti chojnindoa. 12Chaxín ti xránkíxixín la ti chojnichjin la kꞌuaxrjeníxin ti chojnindoa, a̱ndá ijie la ti chojnindoa la tꞌaxrjeníxin ti chojnichjin. Kjánchó kaíni la kꞌuaxrjeníxini Díos.
13Jahara nkechrora, ¿á ncho̱xon kixin ti chojnichjin la tjóchínxin ikja sin í nixje̱he̱ sin Díos ní? 14Méxra̱ ti chojnindoa la ijnko kjuatosuéhe̱ ti tsíto̱he sin tso̱kjíjin ti ka̱xi̱hi sin. 15A̱ndá ti chojnichjin chónta ka̱xi̱hi kjíjin la jehya kjuatosuéhe̱ tíha kixin ó kuítoenxín sin kixin tíha mé éxi ijnko ika tsꞌejókjajin ti ikja sin. 16A̱ndá ti nkojín nkexro titekakonhña tíha, ndá chrókónohe sin kixin jeheni la ko kaín ti sin ni̱nkué Díos la kohya íjnko titekaoni.
Ti ó inie sin xraxinkakonxín sin Ìnchéni
17Ijie tékjian kuènté ijnko nkehe tóxrìnahña tjejochꞌera, ti ó tónkotséra la ijnko nkehe nduáhya tjejochꞌera, jehya ijnko nkehe jína. 18Ti sa̱oxín la kui̱ha̱n kixin ti ó tónkotséra la nkoko̱ahya tjénka̱yáxinra. A̱ndá janhan ndáxrja̱n kixin kjá nkojín ti nkehe chrónka sin la chaxín tíha. 19Kjá tichánxi̱n kixin nkoko̱ahya tsjenka̱yáxinra ndá tso̱noexíni nkexro ti chaxín tinkáchónki Díos. 20A̱ndá ti xi̱kaha nkoko̱ahya tjénka̱yáxinra ti ó tónkotséra kixin sintera ti nio̱tja̱ la chaxínhña xráxinkákonxínra Ìnchéni. 21Kixin ti ó sintera nio̱tja̱ la senó iso sin inie ti nkehe tsíkjijiko, a̱ndá iso sin kjinté tjejó sin, la íso sin la ó tsékoan sin. 22¿Á chontahyara ndo̱ara chrókjontexínra la chrókꞌuira ní? Ti xi̱kaha ichꞌera nkaxehen ni̱nko la tjikosayéhyara ti ni̱nkué Díos la ko tjanoára ti nkexro nóa chóntahya nkehe sinie. ¿Nkehe chróndáxrja̱n? ¿Á chróndáxrja̱n kixin jína tjejochꞌera ní? Kjá náhí.
Ti nio̱tja̱ inieni xraxinkakonxíni Ìnchéni
(Mt. 26:26-29; Mr. 14:22-25; Lc. 22:14-20)
23Ìnchéni kjuajon kaín ti nkehe kjuákohára: Ìnchéni Jesús la kuákja chꞌan ti nio̱tja̱ ti tie itsé sin chꞌan 24ndá chjéhe chꞌan Díos kjuasáya la kóchrítꞌo̱ chꞌan ti nio̱tja̱ la ndáchro chꞌan: “Intera, ti nio̱tja̱ i, tíhi mé ti nto̱na#11:24 nto̱na mi cuerpo tjánjua kixin jína tsꞌejoxi̱nra. La xi̱kaha ti sintera ti nio̱tja̱ la xráxinkaonra ti janhan.” 25#Ex. 24:8; Jer. 31:31-34; Ex. 24:6-8.*La ti ó kjuixin kjónie sin ndá kuákja chꞌan ti vaso tjiá ìnté to uva la ndáchro chꞌan: “Tíhi mé tꞌaxrjexín kixin chaxín tsoxiteyá ti nkehe ni̱xin kuènté Díos kixin xi̱kaha tsꞌitji ti ijni̱ kuénta̱na. Ti ó itsꞌira tíhi la xráxinkaonra ti janhan.” 26Mé xi̱kaha ti ó sintera ti nio̱tja̱ la ko itsꞌira ti ìnté to uva mé xi̱kaha xráxinkákonxínra nkexrín ikꞌuén Ìnchéni la xi̱kaha tsjáko̱xi̱nra hasta ti ña̱o tsokjan chꞌan.
Ti kaínhña a̱séni chrókjonieni ti nio̱tja̱ kuènté Ìnchéni
27A̱ndá ti nkojín nkexro inie ti nio̱tja̱ la ko itꞌi ti ìnté to uva xraxinkakonxíni Ìnchéni, ndá chóntehya sin kjuasàya Díos la tjasin sin ijie̱ kixin chaxínhña titekaon sin kixin ikꞌuén Ìnchéni la ko ti ijni̱é chꞌan kꞌuitjí. 28Méxra̱ nkojnkoni la sa̱o chrókjuénka̱yáxini jína á ncho̱xon itjeni ndá jína sinieni ti nio̱tja̱ la ko itsꞌini ìnté ti to uva. 29A̱ndá ti nkexro kaínhña a̱sén inie ti nio̱tja̱ la ko itꞌi ìnté ti to uva la chaxínhña xráxinkaon sin ti cuerpo kuènté Ìnchéni, ndá jehí sin tjeyá sin ti nkehe tsjasótexín sin. 30Mé xi̱kaha itsjé sin la níhi sin la ko itsjé sin la tsa̱nka̱hya sin, a̱ndá iso sin la ó tsíkꞌen sin. 31A̱ndá ti jeheni chrókjuénka̱yáxini jína nkexrín tjejóni ndá chrókjuasótehyani. 32Méxra̱ kjónté sinchekjasóte Díos ti jeheni la xi̱kaha tsꞌitjani sinchexiteyéheni chꞌan, a̱ndá xi̱kaha Ìnchéni la í sinchekjasótehya ti jeheni éxi tsjasóte ti chojni chjasintajni.
33Méxra̱ kíchóni, ti ó tónkotséra sintera la chohénra tsjijia ti íso sin, ndá nkoko̱a ntekoara sin. 34A̱ndá ti nkexro ikꞌuén kjinta la ícha jína senó chrókjonie sin nkehe ndo̱e sin kixin chrókjuinchekjasótehya Díos ti jehe sin kixin nduáhya ichꞌe sin ti tónkotsé sin. A̱ndá ti íso nkehe la ó tsotsjaha̱ ti ó tsjasántsjahára.
Iliyochaguliwa sasa
1 Corintios 11: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 11
11
Nkexrín chrókꞌuítsa ti chojnichjin
1 #
1Co. 4:16; Fil. 3:17. *Chrokjuáko̱xinra éxi tjáko̱xia̱n kixin janhan la tjáko̱xia̱n éxi kjua̱ko̱xi̱n Cristo.
2Kíchóni, chàna kixin xráxín xráxinkaonra ti janhan la ko nchexiteyára ti nkehe kjuákohára. 3A̱ndá tjínka̱oan kixin tso̱nohara kixin Cristo mé chónta kjuachaxin tꞌe̱tue̱hen nkojnko chojnindoa, a̱ndá ti chojnindoa mé chónta kjuachaxin tꞌe̱tue̱hen ti ichjién, a̱ndá Díos mé chónta kjuachaxin tꞌe̱tue̱hen Cristo. 4Ti nkojín chojnindoa xrasixín kachjinké í nixje̱he̱ Díos, o̱ xrasixín kachjinké í chronka itén Díos, mé tja̱ko̱xi̱n kixin chóntehya kjuasáye Ìnchéni. 5A̱ndá ti ijnko chojnichjin tjóchínxin ikja sin nixje̱he̱ sin Díos la o̱ chrónka sin itén Díos, mé ijnko kjuatosuéhe̱ tíha la xi̱kaha tja̱ko̱xi̱n sin kixin tjikosayéhya sin ti xìi sin. La yóhe̱ éxi nonté chrókꞌuijihín sin xi̱kaha. 6Méxra̱ ti chojnichjin tjinkakonhña tsjakꞌekjajin ika ti ikja, la ícha jína chrókꞌuijihin nonté. A̱ndá ti tósuéhe̱ tjan tsꞌijihin tjan, la ícha jína chrókjuakꞌekjajin ijnko ika ti ikja tjan. 7#Gn. 1:26, 27.*A̱ndá ti chojnindoa la chrókꞌuakꞌekjajinhña ninkehó nkehe ti ikja ti ó nixje̱he̱ Díos kixin jehe chꞌan mé éxi retratoé Díos la ko tꞌinkaséñaxín chꞌan ti kjuachaxin kuènté Díos. A̱ndá ti chojnichjin mé tꞌinkaséñexín tjan ti kjuachaxin kuènté ti xìi tjan. 8#Gn. 2:18-23.*Kixin ti chojnindoa la kꞌuaxrjeníxinhña ijnko chojnichjin. Náhí. Ti chojnichjin mé kꞌuaxrjeníxin ti chojnindoa. 9Ti chojnichjin mé kꞌóna kixin tsjinki̱tsa sin ti chojnindoa; jehya ti chojnindoa kꞌóna kixin tsjinki̱tsa ti chojnichjin. Náhí. 10Méxra̱ tichánxi̱n kixin ti chojnichjin la tsakꞌekjajin ijnko ika ti ikja tjan kixin tsja̱ko̱xi̱n sin kixin tꞌítuehen sin la xi̱kaha tsꞌikon ti sin ángel. 11A̱ndá xi̱kaha kaíni tinkáchónkini Cristo la tichánxi̱n kixin ti chojnindoa la tsjinki̱tsa ti chojnichjin la kja̱xin ti chojnichjin la tsjinki̱tsa ti chojnindoa. 12Chaxín ti xránkíxixín la ti chojnichjin la kꞌuaxrjeníxin ti chojnindoa, a̱ndá ijie la ti chojnindoa la tꞌaxrjeníxin ti chojnichjin. Kjánchó kaíni la kꞌuaxrjeníxini Díos.
13Jahara nkechrora, ¿á ncho̱xon kixin ti chojnichjin la tjóchínxin ikja sin í nixje̱he̱ sin Díos ní? 14Méxra̱ ti chojnindoa la ijnko kjuatosuéhe̱ ti tsíto̱he sin tso̱kjíjin ti ka̱xi̱hi sin. 15A̱ndá ti chojnichjin chónta ka̱xi̱hi kjíjin la jehya kjuatosuéhe̱ tíha kixin ó kuítoenxín sin kixin tíha mé éxi ijnko ika tsꞌejókjajin ti ikja sin. 16A̱ndá ti nkojín nkexro titekakonhña tíha, ndá chrókónohe sin kixin jeheni la ko kaín ti sin ni̱nkué Díos la kohya íjnko titekaoni.
Ti ó inie sin xraxinkakonxín sin Ìnchéni
17Ijie tékjian kuènté ijnko nkehe tóxrìnahña tjejochꞌera, ti ó tónkotséra la ijnko nkehe nduáhya tjejochꞌera, jehya ijnko nkehe jína. 18Ti sa̱oxín la kui̱ha̱n kixin ti ó tónkotséra la nkoko̱ahya tjénka̱yáxinra. A̱ndá janhan ndáxrja̱n kixin kjá nkojín ti nkehe chrónka sin la chaxín tíha. 19Kjá tichánxi̱n kixin nkoko̱ahya tsjenka̱yáxinra ndá tso̱noexíni nkexro ti chaxín tinkáchónki Díos. 20A̱ndá ti xi̱kaha nkoko̱ahya tjénka̱yáxinra ti ó tónkotséra kixin sintera ti nio̱tja̱ la chaxínhña xráxinkákonxínra Ìnchéni. 21Kixin ti ó sintera nio̱tja̱ la senó iso sin inie ti nkehe tsíkjijiko, a̱ndá iso sin kjinté tjejó sin, la íso sin la ó tsékoan sin. 22¿Á chontahyara ndo̱ara chrókjontexínra la chrókꞌuira ní? Ti xi̱kaha ichꞌera nkaxehen ni̱nko la tjikosayéhyara ti ni̱nkué Díos la ko tjanoára ti nkexro nóa chóntahya nkehe sinie. ¿Nkehe chróndáxrja̱n? ¿Á chróndáxrja̱n kixin jína tjejochꞌera ní? Kjá náhí.
Ti nio̱tja̱ inieni xraxinkakonxíni Ìnchéni
(Mt. 26:26-29; Mr. 14:22-25; Lc. 22:14-20)
23Ìnchéni kjuajon kaín ti nkehe kjuákohára: Ìnchéni Jesús la kuákja chꞌan ti nio̱tja̱ ti tie itsé sin chꞌan 24ndá chjéhe chꞌan Díos kjuasáya la kóchrítꞌo̱ chꞌan ti nio̱tja̱ la ndáchro chꞌan: “Intera, ti nio̱tja̱ i, tíhi mé ti nto̱na#11:24 nto̱na mi cuerpo tjánjua kixin jína tsꞌejoxi̱nra. La xi̱kaha ti sintera ti nio̱tja̱ la xráxinkaonra ti janhan.” 25#Ex. 24:8; Jer. 31:31-34; Ex. 24:6-8.*La ti ó kjuixin kjónie sin ndá kuákja chꞌan ti vaso tjiá ìnté to uva la ndáchro chꞌan: “Tíhi mé tꞌaxrjexín kixin chaxín tsoxiteyá ti nkehe ni̱xin kuènté Díos kixin xi̱kaha tsꞌitji ti ijni̱ kuénta̱na. Ti ó itsꞌira tíhi la xráxinkaonra ti janhan.” 26Mé xi̱kaha ti ó sintera ti nio̱tja̱ la ko itsꞌira ti ìnté to uva mé xi̱kaha xráxinkákonxínra nkexrín ikꞌuén Ìnchéni la xi̱kaha tsjáko̱xi̱nra hasta ti ña̱o tsokjan chꞌan.
Ti kaínhña a̱séni chrókjonieni ti nio̱tja̱ kuènté Ìnchéni
27A̱ndá ti nkojín nkexro inie ti nio̱tja̱ la ko itꞌi ti ìnté to uva xraxinkakonxíni Ìnchéni, ndá chóntehya sin kjuasàya Díos la tjasin sin ijie̱ kixin chaxínhña titekaon sin kixin ikꞌuén Ìnchéni la ko ti ijni̱é chꞌan kꞌuitjí. 28Méxra̱ nkojnkoni la sa̱o chrókjuénka̱yáxini jína á ncho̱xon itjeni ndá jína sinieni ti nio̱tja̱ la ko itsꞌini ìnté ti to uva. 29A̱ndá ti nkexro kaínhña a̱sén inie ti nio̱tja̱ la ko itꞌi ìnté ti to uva la chaxínhña xráxinkaon sin ti cuerpo kuènté Ìnchéni, ndá jehí sin tjeyá sin ti nkehe tsjasótexín sin. 30Mé xi̱kaha itsjé sin la níhi sin la ko itsjé sin la tsa̱nka̱hya sin, a̱ndá iso sin la ó tsíkꞌen sin. 31A̱ndá ti jeheni chrókjuénka̱yáxini jína nkexrín tjejóni ndá chrókjuasótehyani. 32Méxra̱ kjónté sinchekjasóte Díos ti jeheni la xi̱kaha tsꞌitjani sinchexiteyéheni chꞌan, a̱ndá xi̱kaha Ìnchéni la í sinchekjasótehya ti jeheni éxi tsjasóte ti chojni chjasintajni.
33Méxra̱ kíchóni, ti ó tónkotséra sintera la chohénra tsjijia ti íso sin, ndá nkoko̱a ntekoara sin. 34A̱ndá ti nkexro ikꞌuén kjinta la ícha jína senó chrókjonie sin nkehe ndo̱e sin kixin chrókjuinchekjasótehya Díos ti jehe sin kixin nduáhya ichꞌe sin ti tónkotsé sin. A̱ndá ti íso nkehe la ó tsotsjaha̱ ti ó tsjasántsjahára.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.