Zab 84
84
Shangwe ya Kuabudu katika Hekalu
Kwa mwimbishaji: kwa mtindo wa Gitithi. Ya Wakorahi. Zaburi.
1 #
Zab 26:8; 27:4; Ebr 9:23,24; Ufu 21:2 Maskani zako zapendeza kama nini,
Ee BWANA wa majeshi!
2Nafsi yangu imezionea shauku nyua za BWANA,
Naam, na kuzikondea.
Moyo wangu na mwili wangu
Vinamlilia Mungu aliye hai.
3Shomoro naye ameona nyumba,
Na mbayuwayu amejipatia kioto,
Alipoweka makinda yake,
Kwenye madhabahu zako, Ee BWANA wa majeshi,
Mfalme wangu na Mungu wangu.
4Heri wakaao nyumbani mwako,
Wanakuhimidi daima.
5Heri ambaye nguvu zake zatoka kwako,
Na njia ziendazo Sayuni zimo moyoni mwake.
6Wakipita kati ya bonde la Vilio,
Hulifanya kuwa chemchemi,
Naam, mvua ya vuli hulivika baraka
7 #
Kum 16:16
Huendelea toka nguvu hata nguvu,
Huonekana Sayuni kila mmoja mbele za Mungu.
8BWANA, Mungu wa majeshi, uyasikie maombi yangu,
Ee Mungu wa Yakobo, usikilize,
9 #
Mwa 15:1
Ee Mungu, ngao yetu, uangalie,
Umtazame uso masihi#84:9 Au, mtiwa mafuta. wako.
10Hakika siku moja katika nyua zako
Ni bora kuliko siku elfu.
Ningependa kuwa bawabu nyumbani mwa Mungu wangu,
Kuliko kukaa katika hema za uovu.
11Kwa kuwa BWANA, Mungu, ni jua na ngao,
BWANA atatoa neema na utukufu.
Hatawanyima kitu chema
Hao waendao kwa ukamilifu.
12Ee BWANA wa majeshi,
Heri mwanadamu anayekutumaini Wewe.
Iliyochaguliwa sasa
Zab 84: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.