Kut 35
35
Kanuni za Sabato
1 #
Kut 34:32
Musa akakutanisha mkutano wote wa wana wa Israeli, na kuwaambia, Maneno aliyoyausia BWANA ni haya, kwamba myafanye. 2#Kut 20:8-11; 23:12; 31:15; 34:21; Law 23:3; Kum 15:12-14; Hes 15:32; Kum 5:12; Lk 13:14Fanyeni kazi siku sita, lakini siku ya saba itakuwa siku takatifu kwenu; ni Sabato ya kustarehe kabisa kwa BWANA; mtu awaye yote atakayefanya kazi yo yote katika siku hiyo atauawa. 3#Kut 16:23Hamtawasha moto katika nyumba zenu kwa siku ya Sabato.
Maandalizi ya Hema ya Kukutania
4 #
Kut 25:1,2 Kisha Musa akanena na mkutano wote wa wana wa Israeli, akawaambia, Neno hili ndilo aliloliamuru BWANA, akisema, 5#Kut 25:2; 2 Kor 9:7Katwaeni kati yenu matoleo kwa BWANA; mtu awaye yote aliye na moyo wa kupenda, ayalete matoleo; dhahabu na fedha na shaba; 6na nyuzi za rangi ya samawi, na za rangi ya zambarau, na za rangi nyekundu, na kitani nzuri, na singa za mbuzi; 7na ngozi za kondoo waume zilizotiwa rangi nyekundu, na ngozi za pomboo, na mbao za mshita; 8na mafuta kwa hiyo taa, na viungo vya manukato kwa hayo mafuta ya kutiwa, na kwa huo uvumba mzuri; 9na vito vya shohamu, na vito vya kutiwa kwa hiyo naivera, na kwa hicho kifuko cha kifuani. 10#Kut 31:6; 1 Fal 7:14; Isa 28:26Na kila mtu kati yenu aliye na moyo wa hekima na aje, na kuyafanya hayo yote ambayo BWANA ameyaagiza; 11#Kut 25:9; 26:1,2; 39:32-43; 40:2; Mdo 7:44,45; Ebr 8:2,5; 9:2-11; Ufu 21:3yaani, hiyo maskani na hema yake, na kifuniko chake, na vifungo vyake, na mbao zake, na mataruma yake, na viguzo vyake, na matako yake; 12#Kut 25:10hilo sanduku, na miti yake, na hicho kiti cha rehema, na lile pazia la sitara; 13#Kut 25:23,30; Law 24:5,6na hiyo meza, na miti yake, na vyombo vyake vyote, na hiyo mikate ya wonyesho; 14#Kut 25:31na hicho kinara cha taa kwa mwanga, na vyombo vyake, na taa zake, na hayo mafuta kwa nuru; 15#Kut 30:1; 37:25; 40:5; 30:23,34; 1 Sam 2:28; 1 Nya 23:13; 2 Nya 29:11; Lk 1:9na hiyo madhabahu ya kufukizia uvumba, na miti yake, na hayo mafuta ya kupaka, na huo uvumba mzuri, na hicho kisitiri cha mlango, mlangoni mwa hiyo maskani; 16#Kut 27:1na hiyo madhabahu ya sadaka ya kuteketezwa, pamoja na wavu wake wa shaba, na miti yake, na vyombo vyake vyote, na hilo birika na tako lake; 17#Kut 27:9na hizo kuta za nguo za ua, na viguzo vyake, na matako yake, na pazia la lango la ua; 18na vile vigingi vya maskani, na vigingi vya ua, na kamba zake 19#Kut 31:10; 39:1,41; Hes 4:5,6na mavazi yenye kufumwa kwa uzuri, kwa ajili ya kutumika ndani ya mahali patakatifu, hayo mavazi matakatifu ya Haruni kuhani, na mavazi ya wanawe, ili kutumika katika kazi ya ukuhani.
Sadaka kwenye Hema ya Kukutania
20Basi mkutano wote wa wana wa Israeli wakaondoka hapo mbele ya Musa. 21#Kut 25:2; 36:2; 1 Nya 28:2,9; 29:9; Ezr 7:27; 2 Kor 8:12; 9:7Wakaja kila mtu ambaye moyo wake ulimhimiza, na kila mtu ambaye roho yake ilimfanya kuwa apenda, nao wakaleta sadaka za kumpa BWANA, kwa kazi ya hema ya kukutania, na kwa utumishi wake, na kwa hayo mavazi matakatifu. 22Nao wakaja, waume kwa wake, wote waliokuwa na moyo wa kupenda, wakaleta vipini, na hazama, na pete za muhuri, na vikuku, na vyombo vyote vya dhahabu; kila mtu aliyetoa toleo la dhahabu la kumpa BWANA. 23#1 Nya 29:8Tena kila mtu aliyeona kwake nyuzi za rangi ya samawi, na nyuzi za rangi ya zambarau, na nyekundu, na kitani nzuri, na singa za mbuzi, na ngozi za kondoo waume zilizotiwa rangi nyekundu, na ngozi za pomboo, akavileta. 24Kila mtu aliyetoa toleo la fedha, na la shaba, akaileta sadaka ya BWANA; na kila mtu, aliyeona kwake mti wa mshita kwa kazi yo yote ya huo utumishi, akauleta. 25#Kut 28:3; 31:6; 36:1; 2 Fal 23:7; Mit 31:19-24Na wanawake wote waliokuwa na mioyo ya hekima, walisokota kwa mikono yao, nao wakaleta hizo walizokuwa wamezisokota, nguo za rangi ya samawi, na za rangi ya zambarau, na hizo nyuzi nyekundu, na hiyo nguo ya kitani nzuri. 26Na wanawake wote ambao mioyo yao iliwahimiza katika hekima wakasokota hizo singa za mbuzi. 27#1 Nya 29:6; Ezr 2:68Na hao wakuu wakavileta vile vito vya shohamu, na vito vya kutiwa, kwa hiyo naivera, na kwa hicho kifuko cha kifuani, 28#Kut 30:23na viungo vya manukato, na mafuta; kwa hiyo taa, na kwa hayo mafuta ya kutiwa, na kwa huo uvumba mzuri. 29#1 Nya 29:9Wana wa Israeli wakaleta sadaka za kumpa BWANA kwa moyo wa kupenda; wote, waume kwa wake, ambao mioyo yao iliwafanya kuwa wapenda kuleta kwa hiyo kazi, ambayo BWANA aliamuru ifanywe kwa mkono wa Musa.
Bezaleli na Oholiabu: Mafundi Wajenzi
30 #
Kut 31:2
Kisha Musa akawaambia wana wa Israeli, Angalieni, BWANA amemwita kwa jina lake Bezaleli mwana wa Uri, mwana wa Huri, wa kabila ya Yuda; 31#Mwa 41:38; Ayu 32:8; Mit 2:6naye amemjaza roho ya Mungu, katika hekima, na akili, na ujuzi, na kazi ya ustadi kila aina; 32na kuvumbua kazi za werevu, na kufanya kazi ya dhahabu, na fedha, na shaba, 33na kukata vito vya kutilia, na kuchora miti, atumike katika kazi za werevu kila aina. 34#Kut 31:6Naye amemtilia moyoni mwake ili apate kufundisha, yeye, na Oholiabu mwana wa Ahisamaki, wa kabila ya Dani. 35#Kut 31:3,6; 36:1,2; 1 Fal 7:14; 2 Nya 2:14; Isa 28:26; Yak 1:5Amewajaza watu hao akili za moyoni, ili watumike katika kazi kila aina, ya mwenye kuchora mawe, na kazi ya werevu, na ya mwenye kutia taraza, katika nyuzi za rangi ya samawi, na za rangi ya zambarau, na nyekundu, na kitani nzuri, na ya mwenye kufuma nguo; ya hao wafanyao kazi yo yote, na ya wenye kuvumbua kazi za werevu.
Iliyochaguliwa sasa
Kut 35: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.