Isaya 35

Furaha ya waliokombolewa

1 Jangwa na nchi kame vitafurahi;

nyika itashangilia na kuchanua maua.

Kama waridi, 2litachanua maua,

litashangilia sana na kupaza sauti kwa furaha.

Litapewa utukufu wa Lebanoni,

fahari ya Karmeli na Sharoni;

wataona utukufu wa Bwana,

fahari ya Mungu wetu.

3 Itieni nguvu mikono iliyo dhaifu,

yafanyeni imara magoti yaliyolegea,

4 waambieni wale wenye mioyo ya hofu,

“Kuweni hodari, msiogope;

tazama, Mungu wenu atakuja kulipa kisasi,

pamoja na ujira wake,

atakuja na kuwaokoa.”

5 Ndipo macho ya vipofu yatafumbuliwa

na masikio ya viziwi yatazibuliwa.

6 Ndipo kilema atarukaruka kama kulungu,

nao ulimi wa aliye bubu utapaza sauti kwa shangwe.

Maji yatatiririka kwa kasi katika nyika,

na vijito katika jangwa.

7 Mchanga wa moto utakuwa bwawa la maji,

ardhi yenye kiu itabubujika chemchemi.

Maskani ya mbweha walikolala hapo awali

patamea nyasi, matete na mafunjo.

8 Nako kutakuwa na njia kuu,

nayo itaitwa Njia ya Utakatifu.

Wasio safi hawatapita juu yake;

itakuwa ya wale wanaotembea katika Njia Ile;

yeye asafiriye juu yake,

ajapokuwa mjinga, hatapotea.

9 Huko hakutakuwa na simba,

wala mnyama mkali hatapita njia hiyo;

hawatapatikana humo.

Ila waliokombolewa tu ndio watakaopita huko,

10 waliokombolewa na Bwana watarudi.

Wataingia Sayuni wakiimba;

furaha ya milele itakuwa juu ya vichwa vyao.

Watapata furaha na shangwe;

huzuni na majonzi vitakimbia.

Iliyochaguliwa sasa

Isaya 35: NEN

Kuonyesha

Nakili

Linganisha

Shirikisha

Je, ungependa vivutio vyako vihifadhiwe kwenye vifaa vyako vyote? Jisajili au ingia

Isaya 35

Mistari Maarufu ya Biblia kutoka
Isaya 35

Sikiliza Isaya 35

Biblia:

Kiswahili

Tolea: Neno - NEN

Isaya 35

Isaya 35

Mistari Maarufu ya Biblia kutoka Isaya 35

Sikiliza Isaya 35

Biblia:

Kiswahili

Tolea: Neno - NEN

Isaya 35

Mistari Maarufu ya Biblia kutoka
Isaya 35