Pilemon 1
1
Pauloŋo Pilemon Wane Kibi Qe Mange
1Na Paulo, na Kristo Yesu wane ra more mulap urumgo gemaile, so kimaze Timoti, ŋeto kibi iwa qe kimase so kisi maep ra qelaŋan ŋei kimase Pilemon qe ginmaite. So geŋaneka mida. 2Doku tau tau magu geŋane matko lewaŋ, okanmami, so kiaroze Apia, so peyam so wet maep wane ŋei togogole so waom wane kisi maep rara ŋei zonom gorop, kimaze Arkipus eŋane weneŋ motmaite. 3Magaze Kaisale, Waomze Yesu Kristo erano ŋine wet pesek so peyam ŋinano maine pauluke payake. 4Naso baŋem kimane Pilemon, geŋane eŋetŋone gorawe paki Kaisalene bakomine kito meŋeka okanmaile. 5Ge Waom Yesu wane wetŋone so mali malipŋone motnom paki, Kaisale wane ŋei ŋerep magu wet maep okanon okanmaine, eya wane naso baŋem kisiŋone rau det okanmaile. 6Ge ŋenerop mali malipze weku okanmaike, eya wane na Kaisale meŋenkawe oŋo qesiŋgangi, mali malip yewaŋo dereretŋone malotkeki, ge baŋ Kristo wano ŋine mosop wane weleine ma okanmaine, eya wane kine detlukkene. 7Kima maepne, ge Kaisale wane ŋei ŋerep magu wetene ma ewekenom paki, wet maep okanon okanmaine, pakimo wet maepŋoneŋo naŋano wet pesek so togole togole zok suwaine wakonmaike.
Pilemon Wane Qelit Mama, Onesimus Eŋane Don
8Eya wane naŋane wetko iwa yale, welekatne, masi mane yemo ge maine okangene Kristo wane eŋetko na maine don togole golatpe, ge masi eya maikene. 9Ŋo siluŋ wet maepŋo ge so na weneŋ qeturaŋ ŋotkimo, don pelekine golatmaile. Eya wane na iwa yale ramaile, na Paulo, na ŋei sele so na Kristo Yesu wane mulap ŋei. 10Na Onesimus wane don iwa ra golatmaile, ge eŋe numa maine eŋe Kristo wane eŋetko okankaikene, nae giponne okanmaike, yemo na iwa mulap urumgo metpe paki, magak okankawe paki, Kristo mali malip wane kine kito mangole. 11Eŋe alakanka eu urata geŋone weneŋ geki paki, maine mi mapitgane more make, ŋo ukude yemo ge so na kisi maep urata eya maine weneŋ mapit-ŋore mayake.
12Na mo mainge birakawe geŋano koso umaike, so eŋerop na wet dereretne so asune weneŋ birakawe umaike. 13Na don kisi maine ra qelaŋanbe eya wane rau paki, mulap urumgo birananbi metkole, paki Onesimus ma walukkawe geŋane tungo iwa mere urata qesiŋ naniyakane detkole. 14Noŋo aŋa togon ra ganbe qesiŋ nanikenane mida! Naŋane simileŋo, yemo ge geŋone simileŋoneŋo raki okanikene. Eya wane na mi ma walukkaikale, Goŋo okenom, yemo maine okanikale.
15Onesimus eŋe sot okane, naso bamgoka biragane sari geke, eya mo yaup mida, geŋano koso zinge sari more, gerop naso baŋem geulukeyakane, yale okange. 16Ukude eŋe urata medep yauwine mi okanmaike, midakaka, eŋe tanik yewa mo yuwanike. Eŋe mo kima wele, eya wane ŋene wet maep okankaikene. Welekatne, na noŋom eŋane kima wele, yale detkawe paki wet maep okanka okanmaile. Eya wane ge eŋane urata medep so Waom wane qelit ŋei wele yale dere more, wet pesek manerop desikene.
17Eya wane ge naŋane detnom geŋane urata ŋei kimaŋone okanmaileo, yemo ge Onesimus koso na wetŋoneŋo neukene, yale eŋe wetŋo maikene. 18Ŋo eŋe geŋane kine kine mane matalike, me sota mane okangeo, yemo eŋane eŋetine sauke more, naŋane eŋet qekene. 19Na Paulo, don iwa nae meteneŋo koboine qemaile, sot me turuŋ yewa yemo baŋ noŋo makoke gingale. Pilemon ge nae mali malip medepne, yewaŋo naŋane mali malip wane sot me turuŋ eya geŋano pamaike, na daleo zok raikale? 20O kimane, na don golatmaile, iwa bakomse Waom wane ranom paki detnanikene. Ge so na ŋere Kristo wano kima wele gemaitane, ge wet pesek okannom wetne menageyake.
21Na detlukmaile, ge aŋa tewe tewekŋone pamaike, wane na kine kine mane wane rawe, ge aŋane tewekkene. Na yale detpe paki, kibi iwa qe ginmaile, so na detmaile, ge noŋo rakale, yewaka mi okanikene, ge koso manerop takotke okanikene. 22Eso koso don mane yemo iwa yale, ge naŋane urum mane maulukenom okorayake, onoka wane na iwa yale wetkemaile, Kaisale eŋe korop ŋinane meŋe meŋen wane turuŋine maingeyake, paki na koso mulap urumgo ŋine qekoknane more, ŋinano biranangi ukale.
Don Qoiqoine
23Epapras eŋe ge “kaiwe maine”, ginmaike. Eŋe weneŋ narop mulap urumgo metmaite, ŋere Kristo Yesu wane mulap ŋei. 24So kima qesi qesiŋkopne Mareko, Aristarkus Demas so Luka, eŋe weneŋ “kaiwe maine”, ginmami.
25Waom Yesu Kristo wane mosopŋo ŋinerop maine gewareyake.
Iliyochaguliwa sasa
Pilemon 1: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
Pilemon 1
1
Pauloŋo Pilemon Wane Kibi Qe Mange
1Na Paulo, na Kristo Yesu wane ra more mulap urumgo gemaile, so kimaze Timoti, ŋeto kibi iwa qe kimase so kisi maep ra qelaŋan ŋei kimase Pilemon qe ginmaite. So geŋaneka mida. 2Doku tau tau magu geŋane matko lewaŋ, okanmami, so kiaroze Apia, so peyam so wet maep wane ŋei togogole so waom wane kisi maep rara ŋei zonom gorop, kimaze Arkipus eŋane weneŋ motmaite. 3Magaze Kaisale, Waomze Yesu Kristo erano ŋine wet pesek so peyam ŋinano maine pauluke payake. 4Naso baŋem kimane Pilemon, geŋane eŋetŋone gorawe paki Kaisalene bakomine kito meŋeka okanmaile. 5Ge Waom Yesu wane wetŋone so mali malipŋone motnom paki, Kaisale wane ŋei ŋerep magu wet maep okanon okanmaine, eya wane naso baŋem kisiŋone rau det okanmaile. 6Ge ŋenerop mali malipze weku okanmaike, eya wane na Kaisale meŋenkawe oŋo qesiŋgangi, mali malip yewaŋo dereretŋone malotkeki, ge baŋ Kristo wano ŋine mosop wane weleine ma okanmaine, eya wane kine detlukkene. 7Kima maepne, ge Kaisale wane ŋei ŋerep magu wetene ma ewekenom paki, wet maep okanon okanmaine, pakimo wet maepŋoneŋo naŋano wet pesek so togole togole zok suwaine wakonmaike.
Pilemon Wane Qelit Mama, Onesimus Eŋane Don
8Eya wane naŋane wetko iwa yale, welekatne, masi mane yemo ge maine okangene Kristo wane eŋetko na maine don togole golatpe, ge masi eya maikene. 9Ŋo siluŋ wet maepŋo ge so na weneŋ qeturaŋ ŋotkimo, don pelekine golatmaile. Eya wane na iwa yale ramaile, na Paulo, na ŋei sele so na Kristo Yesu wane mulap ŋei. 10Na Onesimus wane don iwa ra golatmaile, ge eŋe numa maine eŋe Kristo wane eŋetko okankaikene, nae giponne okanmaike, yemo na iwa mulap urumgo metpe paki, magak okankawe paki, Kristo mali malip wane kine kito mangole. 11Eŋe alakanka eu urata geŋone weneŋ geki paki, maine mi mapitgane more make, ŋo ukude yemo ge so na kisi maep urata eya maine weneŋ mapit-ŋore mayake.
12Na mo mainge birakawe geŋano koso umaike, so eŋerop na wet dereretne so asune weneŋ birakawe umaike. 13Na don kisi maine ra qelaŋanbe eya wane rau paki, mulap urumgo birananbi metkole, paki Onesimus ma walukkawe geŋane tungo iwa mere urata qesiŋ naniyakane detkole. 14Noŋo aŋa togon ra ganbe qesiŋ nanikenane mida! Naŋane simileŋo, yemo ge geŋone simileŋoneŋo raki okanikene. Eya wane na mi ma walukkaikale, Goŋo okenom, yemo maine okanikale.
15Onesimus eŋe sot okane, naso bamgoka biragane sari geke, eya mo yaup mida, geŋano koso zinge sari more, gerop naso baŋem geulukeyakane, yale okange. 16Ukude eŋe urata medep yauwine mi okanmaike, midakaka, eŋe tanik yewa mo yuwanike. Eŋe mo kima wele, eya wane ŋene wet maep okankaikene. Welekatne, na noŋom eŋane kima wele, yale detkawe paki wet maep okanka okanmaile. Eya wane ge eŋane urata medep so Waom wane qelit ŋei wele yale dere more, wet pesek manerop desikene.
17Eya wane ge naŋane detnom geŋane urata ŋei kimaŋone okanmaileo, yemo ge Onesimus koso na wetŋoneŋo neukene, yale eŋe wetŋo maikene. 18Ŋo eŋe geŋane kine kine mane matalike, me sota mane okangeo, yemo eŋane eŋetine sauke more, naŋane eŋet qekene. 19Na Paulo, don iwa nae meteneŋo koboine qemaile, sot me turuŋ yewa yemo baŋ noŋo makoke gingale. Pilemon ge nae mali malip medepne, yewaŋo naŋane mali malip wane sot me turuŋ eya geŋano pamaike, na daleo zok raikale? 20O kimane, na don golatmaile, iwa bakomse Waom wane ranom paki detnanikene. Ge so na ŋere Kristo wano kima wele gemaitane, ge wet pesek okannom wetne menageyake.
21Na detlukmaile, ge aŋa tewe tewekŋone pamaike, wane na kine kine mane wane rawe, ge aŋane tewekkene. Na yale detpe paki, kibi iwa qe ginmaile, so na detmaile, ge noŋo rakale, yewaka mi okanikene, ge koso manerop takotke okanikene. 22Eso koso don mane yemo iwa yale, ge naŋane urum mane maulukenom okorayake, onoka wane na iwa yale wetkemaile, Kaisale eŋe korop ŋinane meŋe meŋen wane turuŋine maingeyake, paki na koso mulap urumgo ŋine qekoknane more, ŋinano biranangi ukale.
Don Qoiqoine
23Epapras eŋe ge “kaiwe maine”, ginmaike. Eŋe weneŋ narop mulap urumgo metmaite, ŋere Kristo Yesu wane mulap ŋei. 24So kima qesi qesiŋkopne Mareko, Aristarkus Demas so Luka, eŋe weneŋ “kaiwe maine”, ginmami.
25Waom Yesu Kristo wane mosopŋo ŋinerop maine gewareyake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.