Hibru 2
2
Kaisaleŋo Ŋebuki Menaŋgone Yemo Zok Manerop Kakapa Suwaine
1Kaisaleŋo propet so Gipole so aŋelokoune biraongi ketkoi, eya wane ŋene don wele detkone, eyaka korop togole malilip kaŋem kotozo payake, paki ŋene peleke more misuk ŋadekka arikene. 2Kaisale wane pi don aŋelo edo ŋabokopze don kisi edangoi, eya yemo don wele mo ra togolekoi, paki ŋei mane eŋe togoleka, eya mi dere mogare geyake, so mi dere teweke magekeyake, eŋe tanik manikine qotkoine eya wane turuŋine wikile qotkoine marat kayake. 3Waomze Yesuŋo ŋebuki menaŋgone, eya yemo masi zok kakapa suwaine, eya wane ŋene mena menaŋ don kakapa suwaine, eya ŋadek kaikeneo, daleo borikinane turuŋine wikile qotkoine eya kakakka arikene me? Midakaka! Eyamo Waom Yesu oŋom mo alakan rawakonge, pakimo ketene weleŋo detkakoi, eŋe rapoke tingo ŋedane sari mageu, mo togole wareke. 4Pakimo naso yewaoka, Kaisale eŋe oŋom yalewaka takotke more, don eya ma togoleki paki, zonom so de kuneŋine medepineŋo ma wakone more, qesiŋka more, masi kinekine togogole natne make. Paki, Asu Koboboinane bakom, qaŋaine more, mapoke eŋine wetine so simileinane ŋei ŋerep ebonge, pakimo masi yewaŋo iwa yale qe wakonmaike, Gipolane don eya mo don welekakatneka.
Kristo Eŋe Ŋebuki Mena Menaŋ Eya Wane Ŋetne
5Kaisale eŋe kepe mat mane musele baŋ ŋado ma wakoniyake, ŋene eya wane dereret urata ma don ramaine, yewao aŋelo edo ware ware okane warekei wane mi biraonge, midakaka. 6Eya wane don, ŋei maneŋo Kaisale wane ekap maneo iwa yale qeke,
“Kaisale, ŋei eŋe onokaka wane ge eŋane wetke okanmaine? Ŋei wane gipole, eŋe onokakainane ge wareka okangene? 7Goŋo aŋelo magu eŋane ketkele qei maket baneno nasomde bamgoka geyakane rakokka more birakakone, goŋo qeli ewe zonom so bakom mawa mawa, eya wane eŋet biŋekŋo marokine okangi bira kakone, 8paki qeli so kepe erane kotino so kutno kinekine korop kiye tabeinane bano biraonom mere ware oniyakane, ware ware suwaine bira kakone.”
So Kaisaleŋo eŋe ŋei ware ware birakake so yeye kinekine korop wareyakane, so eŋane bano biraon wareke, ŋo iwa ramaike yemo yeye kinekine korop motke, yewa mane mi mawaluke matoke motki paki, eŋe koropka eŋane meto sunka manwareke, ŋo siluŋ ukude iwa ŋeiŋo yeye kinekine korop Yesuŋo ware kamaike, me eŋane meto pamaike, eya yemo mi kamaine. 9Ŋo siluŋ ŋene Yesu kamaine! Eŋe nasomde bamgoka aŋelo eŋane bango ketkele birakake, wane ketkele ge more seuseu so wikile detkane qelaŋan so eŋet biŋek mangi teweke gemaike, eŋe Kaisale qomine rarainane, ŋei korop eŋane seuke more mapit oniyakane rakaki, seuseu wikilerop tabaine, eyamo ŋei korop ŋenane ra detke. Eya wane Kaisaleŋo eŋe ma wiye more, eŋet biŋek suwaine manerop, eŋe manwareke. 10Kaisale eŋe yeye kinekine korop, eya wane kine so welaine, oŋom kinekine korop ma wakon onwareke, eya wane Yesu eŋe dokoine eya korop ebuki paki qeli ewe zonom kotino biraongi waketkei wane, raki paki wikile desiyakane, Kaisale oŋom rakokkake, so urata don mange, pakimo Yesu eŋe eya wane rokop okange, so wikile dere borikino ŋine mainongi, qeli wane biŋek okangoi, pakimo Waom Kaisale eŋe urata eya Yesu wano motki oŋo maki mo koboye wareke, eya wane Yesu eŋe wekuŋo ŋei iwenongi ariu, Kaisale eŋe koso ebuyake.
11So Yesu eŋe ŋei ŋerep ebuki, Kaisale wane magu wakonmami, so oŋom natne borikino ŋine maulukonge, me qelaŋ panamango gege eya maki masikangi, libe qekoi. Ŋei ŋerep yewa eŋe enŋenarek korop Magaene weku okanmaike, eya wane Yesu eŋe ŋolekoune edorayakane detki mi qeka okanmaike. 12Eya wane eŋe Magainano ramaike,
“Kaisale, na baŋ geŋane don kisiŋone eya ŋon qane edanikale, na baŋ ŋei kisi maep wane lewageu, eŋane kaiteno eŋetŋone gora bakom kito mawa ganikale, paki magu eŋano oi bakom wakoniyake.”
13So mane iwa yale, “Na baŋ wet mali malipne Kaisale wano more eŋano kito togole gekale.”
So mane iwa yale, “Na iwa Kaisaleŋo ŋerep medep ninge na eŋerop weneŋ gemaine.”
Yesu Eŋe Mapit Ŋoniyakane Ŋei Yale Wakonge
14Ŋei Borikine eŋe ŋei ŋerep ma ket biraongi seuke, siukkei wane zonom kakapa suwaine pa mange, eya wane ŋerep medep eŋe sola so weŋem bikum gorop gemami, wane Yesu oŋom eŋe yale okangi paki, eŋane tanik manik eya make. Eŋe yewa okange yemo seukki, eŋane seuseuineŋo Ŋei Borikine Welaine qe more ma ket birakaki, zonomine mida leleyakane. 15Paki ŋei ŋerep eŋane gege ene korop seuseu wane kaet gege yewaŋo qelit qeqe ebuke, eyamo Yesuŋo seukki paki, qotkoino ŋine siwotonge. 16Iwa yemo welekatne didiwo wakon maike, eŋe aŋelo mi kito qesiŋ ebu okan onmaike, eŋe kito qesiŋ okan oniyakane turuŋine yemo Kaisale wane ekapŋo don mane iwa yale ramaike, “Eŋe Abraham wane ŋosa ŋabokoune kito qesiŋ okan onmaike.” 17Eya yemo eŋe ŋon qaine eŋinerop rokop weku okane, numa kinekine okan wareyake, yale okangi paki, eŋane Pris Wawaine, Wetne Pesesekatne so qom borik korop Kaisale wane urata mauluke mayake, paki ŋei ŋerep eŋane borikineenane turuŋine qekoke more mataliki siukeyake. 18Eso naso iwao yemo eŋe ŋei natne liwe liwek wakonongi, eŋe maine mapit oniyake, onoka wane eŋine eŋe liwe liwek wakonkake paki, eŋe wikile zok maratkake.
Iliyochaguliwa sasa
Hibru 2: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
Hibru 2
2
Kaisaleŋo Ŋebuki Menaŋgone Yemo Zok Manerop Kakapa Suwaine
1Kaisaleŋo propet so Gipole so aŋelokoune biraongi ketkoi, eya wane ŋene don wele detkone, eyaka korop togole malilip kaŋem kotozo payake, paki ŋene peleke more misuk ŋadekka arikene. 2Kaisale wane pi don aŋelo edo ŋabokopze don kisi edangoi, eya yemo don wele mo ra togolekoi, paki ŋei mane eŋe togoleka, eya mi dere mogare geyake, so mi dere teweke magekeyake, eŋe tanik manikine qotkoine eya wane turuŋine wikile qotkoine marat kayake. 3Waomze Yesuŋo ŋebuki menaŋgone, eya yemo masi zok kakapa suwaine, eya wane ŋene mena menaŋ don kakapa suwaine, eya ŋadek kaikeneo, daleo borikinane turuŋine wikile qotkoine eya kakakka arikene me? Midakaka! Eyamo Waom Yesu oŋom mo alakan rawakonge, pakimo ketene weleŋo detkakoi, eŋe rapoke tingo ŋedane sari mageu, mo togole wareke. 4Pakimo naso yewaoka, Kaisale eŋe oŋom yalewaka takotke more, don eya ma togoleki paki, zonom so de kuneŋine medepineŋo ma wakone more, qesiŋka more, masi kinekine togogole natne make. Paki, Asu Koboboinane bakom, qaŋaine more, mapoke eŋine wetine so simileinane ŋei ŋerep ebonge, pakimo masi yewaŋo iwa yale qe wakonmaike, Gipolane don eya mo don welekakatneka.
Kristo Eŋe Ŋebuki Mena Menaŋ Eya Wane Ŋetne
5Kaisale eŋe kepe mat mane musele baŋ ŋado ma wakoniyake, ŋene eya wane dereret urata ma don ramaine, yewao aŋelo edo ware ware okane warekei wane mi biraonge, midakaka. 6Eya wane don, ŋei maneŋo Kaisale wane ekap maneo iwa yale qeke,
“Kaisale, ŋei eŋe onokaka wane ge eŋane wetke okanmaine? Ŋei wane gipole, eŋe onokakainane ge wareka okangene? 7Goŋo aŋelo magu eŋane ketkele qei maket baneno nasomde bamgoka geyakane rakokka more birakakone, goŋo qeli ewe zonom so bakom mawa mawa, eya wane eŋet biŋekŋo marokine okangi bira kakone, 8paki qeli so kepe erane kotino so kutno kinekine korop kiye tabeinane bano biraonom mere ware oniyakane, ware ware suwaine bira kakone.”
So Kaisaleŋo eŋe ŋei ware ware birakake so yeye kinekine korop wareyakane, so eŋane bano biraon wareke, ŋo iwa ramaike yemo yeye kinekine korop motke, yewa mane mi mawaluke matoke motki paki, eŋe koropka eŋane meto sunka manwareke, ŋo siluŋ ukude iwa ŋeiŋo yeye kinekine korop Yesuŋo ware kamaike, me eŋane meto pamaike, eya yemo mi kamaine. 9Ŋo siluŋ ŋene Yesu kamaine! Eŋe nasomde bamgoka aŋelo eŋane bango ketkele birakake, wane ketkele ge more seuseu so wikile detkane qelaŋan so eŋet biŋek mangi teweke gemaike, eŋe Kaisale qomine rarainane, ŋei korop eŋane seuke more mapit oniyakane rakaki, seuseu wikilerop tabaine, eyamo ŋei korop ŋenane ra detke. Eya wane Kaisaleŋo eŋe ma wiye more, eŋet biŋek suwaine manerop, eŋe manwareke. 10Kaisale eŋe yeye kinekine korop, eya wane kine so welaine, oŋom kinekine korop ma wakon onwareke, eya wane Yesu eŋe dokoine eya korop ebuki paki qeli ewe zonom kotino biraongi waketkei wane, raki paki wikile desiyakane, Kaisale oŋom rakokkake, so urata don mange, pakimo Yesu eŋe eya wane rokop okange, so wikile dere borikino ŋine mainongi, qeli wane biŋek okangoi, pakimo Waom Kaisale eŋe urata eya Yesu wano motki oŋo maki mo koboye wareke, eya wane Yesu eŋe wekuŋo ŋei iwenongi ariu, Kaisale eŋe koso ebuyake.
11So Yesu eŋe ŋei ŋerep ebuki, Kaisale wane magu wakonmami, so oŋom natne borikino ŋine maulukonge, me qelaŋ panamango gege eya maki masikangi, libe qekoi. Ŋei ŋerep yewa eŋe enŋenarek korop Magaene weku okanmaike, eya wane Yesu eŋe ŋolekoune edorayakane detki mi qeka okanmaike. 12Eya wane eŋe Magainano ramaike,
“Kaisale, na baŋ geŋane don kisiŋone eya ŋon qane edanikale, na baŋ ŋei kisi maep wane lewageu, eŋane kaiteno eŋetŋone gora bakom kito mawa ganikale, paki magu eŋano oi bakom wakoniyake.”
13So mane iwa yale, “Na baŋ wet mali malipne Kaisale wano more eŋano kito togole gekale.”
So mane iwa yale, “Na iwa Kaisaleŋo ŋerep medep ninge na eŋerop weneŋ gemaine.”
Yesu Eŋe Mapit Ŋoniyakane Ŋei Yale Wakonge
14Ŋei Borikine eŋe ŋei ŋerep ma ket biraongi seuke, siukkei wane zonom kakapa suwaine pa mange, eya wane ŋerep medep eŋe sola so weŋem bikum gorop gemami, wane Yesu oŋom eŋe yale okangi paki, eŋane tanik manik eya make. Eŋe yewa okange yemo seukki, eŋane seuseuineŋo Ŋei Borikine Welaine qe more ma ket birakaki, zonomine mida leleyakane. 15Paki ŋei ŋerep eŋane gege ene korop seuseu wane kaet gege yewaŋo qelit qeqe ebuke, eyamo Yesuŋo seukki paki, qotkoino ŋine siwotonge. 16Iwa yemo welekatne didiwo wakon maike, eŋe aŋelo mi kito qesiŋ ebu okan onmaike, eŋe kito qesiŋ okan oniyakane turuŋine yemo Kaisale wane ekapŋo don mane iwa yale ramaike, “Eŋe Abraham wane ŋosa ŋabokoune kito qesiŋ okan onmaike.” 17Eya yemo eŋe ŋon qaine eŋinerop rokop weku okane, numa kinekine okan wareyake, yale okangi paki, eŋane Pris Wawaine, Wetne Pesesekatne so qom borik korop Kaisale wane urata mauluke mayake, paki ŋei ŋerep eŋane borikineenane turuŋine qekoke more mataliki siukeyake. 18Eso naso iwao yemo eŋe ŋei natne liwe liwek wakonongi, eŋe maine mapit oniyake, onoka wane eŋine eŋe liwe liwek wakonkake paki, eŋe wikile zok maratkake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.